Новости за 16.01.2020

Тыныгуу учурунда россиялык балбан өзүн жаман сезгендиктен дарыгерлер аны карап чыгып, мелдешти улантууга болбой турганын билдиришти.

Украиналык эксперттер Иранда кыйраган учакты иликтеп бүтүп, бир бөлүгү мекенине кайтты. Эксперттердин дагы бир бөлүгү сөөктөрдүн өздүгүн ДНК анализдин жардамы менен аныктап, аны жакындарына өткөрүп беришмекчи.

Баткенде чек ара маселеси боюнча өткөрүлгөн координациялык кеңешмеде вице-премьер-министр Жеңиш Разаков митингге катышкан айыл өкмөт башчыларына жана туугандарына тили өтпөгөн жергиликтүү бийлик өкүлдөрүнө карата кызматтык иликтөө жүргүзүүнү сунуш кылды. Кеңешмеде Мамлекеттик чек ара кызматынын төрагасы Уларбек Шаршеев Тажикстан менен чектеш жайгашкан Максат айыл өкмөтүнүн башчысы Сапарали Адинаевдин Бишкектеги митингде жүргөнүн маалымдады. Лейлек районунун акими айыл өкмөт башчысы учурда мыйзамдуу эмгек өргүүсүндө жүргөнүн айтып... Читать дальше...

Ата мекендик спортчу 62 килограмм салмак категориясында күч сынашып жатат. Ал финалга чыгыш үчүн америкалык спортчу менен беттешти.

16-январда Баткен шаарында кыргыз өкмөтүнүн координациялык кеңешмесинде чек ара маселелери талкууланды.

Украинанын Ички иштер министрлиги Киевде АКШнын мурдагы элчиси Мари Йованичтин артынан сая түшүп аңдуу фактысы боюнча эки кылмыш ишин козгоду. Бул тууралуу аталган мекеме кабарлады.  Мари Йованич былтыр май айында мөөнөтүнөн мурда кызматтан кеткен жана буга байланыштуу Кошмо Штаттардын президенти Дональд Трамптын жеке адвокаты Рудольф Жулианинин аты аталган. Федералдык прокурорлор Жулианиге байланыштуу иликтөө баштаган жана анда адвокаттын Йовановичтин иштен кетишине тиешеси бар-жогу такталарын айтышкан. Читать дальше...

Бүгүн Дача-СУ авиакырсыгына үч жыл болду. Буга байланыштуу айылда кырсыкта курман болгондорго куран окутулуп, аларга арналып орнотулган эстеликтерге гүл коюлду. Дача СУнун тургундары уюштурган быйылкы эскерүү иш-чараларына бийликтен өкүлдөр катышкан жок. "Манас" аба майданынын жанында жайгашкан Дача СУнун тургундарынын бүгүнкү турмушунан кезектеги репортаж.

Орусияда Мамлекеттик Дума президент Владимир Путин премьер-министрлик кызматка сунуштаган Михаил Мишустиндин талапкерлигин колдоду. Анда Коммунисттер партиясынын фракциясы гана добуш берүүдөн карманды, калгандарынын баары макул болду. Михаил Мишустин депутаттардын алдында сүйлөп жатып, улуттук долбоорлорду ишке ашырууга, Путиндин май айындагы буйруктарын ишке ашырууга убада берди. Ал жаңы өкмөттүн куралышы тууралуу маалымат берген жок. Владимир Путин 15-январда өкмөттү жетектөөгө Федералдык... Читать дальше...

АКШда демократтар президент Дональд Трампка импичмент жарыялоо боюнча Конгресстин документтерин Сенатка тапшырды. Трамп импичмент маселесин «суу кечпеген иш» деп келет. Вашингтон менен Бээжин соода-экономикалык келишиминин биринчи баскычына кол коюшту. Эки ири державанын соода талашы дээрлик эки жылга созулду. Пакистанда аскерлер көчкү алдынан дагы 20дан ашуун сөөктү алып чыгышты.

Башкы прокурор Өткүрбек Жамшитов кыргыз-тажик чек арасы боюнча 16-январда Баткен шаарында өткөн координациялык кеңешмеде жергиликтүү бийликтин ишин сындады. Ал мыйзам боюнча шаарлар менен райондордо жергиликтүү бийлик күч органдары менен кошо координациялык кеңешмелерди өткөрүп турушу керек экенин айтып, 2019-жылы Баткенде мындай кеңеш аз өткөрүлгөнүн билдирди. Жамшитовдун маалыматына караганда, былтыр Баткен облусунда 31 кеңешме болгон. Анын ичинен Баткен облустук администрациясында 14, Лейлек районунда төрт... Читать дальше...

Бул күндөрү Италияда Бириккен күрөш дүйнөсүнүн олимпиада сезонундагы биринчи турнири өтүп жатат. Тыныбекова алгачкы кармашын жеңип алды.

Ак-Суу райондук ооруканасында 10-январь күнү чарчап калган наристенин чоң энеси милицияга арыз менен кайрылды. Жабырлануучу бул кадамга секелектин көкүрөгүндөгү жана далысындагы көгала тактарды көргөндөн кийин барган.

Президент Сооронбай Жээнбеков жол кыймылынын эрежелерин бузуу үчүн айып пулдун наркын төмөндөтүү жөнүндө Мыйзамына кол койду.

Тартип бузуу жөнүндө кодекске жана Жоруктар боюнча кодекске өзгөртүү киргизилип, бир катар жол эрежесин бузгандарга айыппул арзандады жана жасалма номер таккандардын жазасы күчөтүлдү. Тишелелүү мыйзамга президент Сооронбай Жээнбеков 16-январда кол койгонун президенттин басма сөз кызматы билдирди. Ага ылайык: - жол белгилеринин талаптарын аткарбагандар; - жолдун жүрүүчү бөлүгүндөгү чийиндердин талаптарын бузгандар (каршы кыймылдын тилкесине чыгуу менен кууп өтүү же болбосо манёвр жасоо эрежелерин... Читать дальше...

Театр ишмери, журналист Аманбек Дилденбай уулу Жапаровдун 60 жылдык мааракесине байланыштуу замандашынын жана үзөңгүлөшүнүн блогу.

Айлана-чөйрөнү коргоо жана токой чарба агенттиги «Таласта кармалып Бишкекке жеткирилген ак илбирстин бир көзү агып калды» деген маалымат тастыкталбаганын кабарлады. Мекеменин басма сөз кызматы 16-январда тараткан маалыматта илбирстин эки көзү тең соо экени, бирок начар көрүп жатканы айтылат. Ветеринарлар дарылоодон кийин анын көрүшү жакшырат деп үмүт артышууда. 10-январда Кыргыз мамлекеттик агрардык университетинин ветеринардык клиникасында ак илбирске операция жасалып, анын башына тийген 70тен ашык бытыранын 18 калдыгы алынган. Читать дальше...

Бул тууралуу вице-премьер-министр Жеңиш Разаков 16-январда Баткен шаарында Кыргызстан менен Тажикстандын чек ара маселеси боюнча координациялык кеңешмеде айтты. Өкмөттүн басма сөз кызматы тараткан маалымат боюнча, кеңешмеде Разаков чек ара маселеси боюнча жумушчу топтор иштеп жатканын, эки өлкө ортосунда белгилүү бир деңгээлде өз ара түшүнүү бар экенин билдирди. - Кыргыз тарап буга чейин жетишилген келишимдерди карманууда жана чек ара маселесин тез чечүү максаты бар. Ошол эле учурда адам өлүмүнө алып келген... Читать дальше...

Жапониядагы автоунаа чыгаруучу ири «Toyota» компаниясы «тез жүргөн, катуу үн чыгарбаган жана баасы асман чапчыбаган» учуучу автоунаа жасап чыгарууга киришип жаткан «Joby Aviation» компаниясына 400 миллион доллар инвестиция жумшайт.  Компаниянын президенти Акио Тойода асманды келечекте автоунаалар үчүн да колдонуу алардын узак мөөнөттөгү планы экенин белгиледи. «Мындай жаңы саамалыкты баштоо менен биз кардарларыбыздын эркин жүрүшүнө, жерде да, асманда да ырахат алышына шарт түзөбүз деп үмүттөнөбүз. Читать дальше...

Бүгүн, бейшемби күнү Делиде Ирандын ТИМ жетекчиси менен ЕБтин тышкы саясат боюнча жогорку өкүлү жолугушту.

Ирандын президенти Хасан Роухани Тегеран ушул тушта 2015-жылдагы өзөктүк келишимге чейинки убактан да көп өлчөмдө уран байытып жатканын айтты. Ал 16-январда мамлекеттик телеканалда сүйлөгөн сөзүндө өзөктүк келишимден биротоло чыгып кетпеген чечимди коргоду. Анда «эгер Иран ал келишимден биротоло чыгып кетсе, Бириккен Улуттар Уюму бизге каршы санкция салмак, бул АКШнын президенти Дональд Трамптын чырагына май тамызмак» деп айтты. Ушул айдын башында Ирандын бийлиги дүйнөдөгү алты держава менен... Читать дальше...

Франциянын тышкы иштер министри Жан-Ив Ле Дриан Ирандын өзөктүк программасы боюнча келишим үзгүлтүккө учуроо коркунучу алдында турат деп билдирди.

chyndyk.kg сайтынын редактору, журналист Турсунбек Бейшенбеков 16-январда Аскер прокуратурасында 1,5 саат сурак берип чыкты. Бул тууралуу «Азаттыкка» Бейшенбеков өзү билдирди. Ал сотко чейинки өндүрүш ишинин маалыматтарын ачыкка чыгарбоо боюнча тилкатка кол коюп бергенин айтып, кайсы иш боюнча суралганын ачык айткан жок. Бирок сурак анын журналисттик ишине байланыштуу болгонун кошумчалады. Анын жактоочусу Таалайгүл Токтакунова да Бейшенбеков кайсы иш боюнча суракка алынганын жана кимдир-бирөөлөрдүн аты-жөнүн айта албай турганын билдирди. Читать дальше...

Ош шаардык ички иштер башкармалыгынын басма сөз катчысы Замир Сыдыков «Азаттык» радиосуна Улан Раимбековду ур-токмокко алуу боюнча шектүү катары эки киши кармалганын билдирди. - Алар Өзгөн жана Алай райондорунун тургундары экен. Шектүүлөр 48 саатка убактылуу кармоочу жайга киргизилди. Алардын бөгөт чарасын эми сот карайт, - деди Сыдыков. Мурдагы мэр Айтмамат Кадырбаевдин аталаш иниси Улан Раимбеков 11-январга караган түнү Ош шаарынын Түштүк-Чыгыш кичирайонунда сабалган. Ал жаагы сынып, эриндери... Читать дальше...

Вашингтондо 15-январда Кошмо Штаттардын президенти Дональд Трамп менен Кытайдын Мамлекеттик кеңешинин вице-премьери Лю Хэн эки өлкөнүн ортосундагы соода-экономикалык келишимдин биринчи бөлүгүнө кол коюшту.  Документте жакынкы эки жылда АКШнын импортун 200 миллиард долларга көбөйтүү жана кытай товарларына салыкты азайтуу каралган. Андан сырткары интеллектуалдык менчикти коргоо, америкалык өнөр жай, айыл чарба өндүрүмүн сатып алууну көбөйтүү, валюталык көз боёмочулукту токтотуу, тараптардын соода... Читать дальше...

Таласта кармалган жаралуу ак илбирсти дарылоого акча топтош үчүн банк эсеби ачылып, «РСК банкы» илбирсти дарылоого 50 миң сомдук сертификат берди. Айлана-чөйрөнү коргоо жана токой чарба агенттигинин басма сөз кызматы кабарлагандай, ак илбирске операция жасалгандан кийин абалы жакшырган. Азыр ал тамак ичип калды. 10-январда Кыргыз мамлекеттик агрардык университетинин ветеринардык клиникасында илбирске операция жасалып, анын башына тийген бытыранын 18 калдыгы алынган. Бирок операция болгондон көп өтпөй анын экинчи көзү да көрбөй калды. Читать дальше...