Новости за 15.06.2019

Эгерде 2015-жылы түзүлгөн өзөктүк келишимге кол койгон башка мамлекеттер "позитивдүү белги" көрсөтпөсө, Иран өзүнүн милдеттерин аткаруудан баш тартууну улантат.   Бул тууралуу Роухани 15-июнда Тажикстандын борбору Дүйшөмбү шаарында өткөн Азиядагы өз ара кызматташуу жана ишеним кеңешинин саммитинде билдирди.  Роухани Иран кайсы милдеттерин аткаруудан баш тарта турганын, кандай "позитивдүү белгилерди" күтүп жатканын тактаган жок. Ал өз өлкөсү "2015-жылдагы өзөктүк келишим боюнча милдеттеринин айрымдарын аткарууну токтотууну чечти" деп айтты. Читать дальше...

Индия Кыргызстанга 200 миллион доллар жеңилдетилген насыя берет. Бул тууралуу 14-июнда Бишкекте өткөн кыргыз-индус бизнес-форумунда айтылды.  Жыйында кыргыз бийлиги Индия менен соода-сатыкты жакшыртуу ниетин билдирип, индиялык инвесторлорду Кыргызстанга чакырды.   Бизнес-форум Индиянын премьер-министри Нарендра Модинин Шанхай кызматташтык уюмуна мүчө мамлекет башчыларынын саммитинин алкагында (ШКУ) Кыргызстанга жасаган расмий сапары учурунда болду.  Кыргыз тараптын маалыматына караганда, 2018-жылы... Читать дальше...

2018-жылы Кыргызстан менен Индиянын ортосундагы соода жүгүртүүнүн көлөмү болгону 37 миллион долларды түзгөн. Бул тууралуу президент Сооронбай Жээнбеков Бишкекте өткөн Кыргызстан-Индия бизнес-форумунда айтты.

Гонконгдун бийлиги шаардын жашоочуларын Кытайга экстрадициялоо жолдорун жеңилдетүү тууралуу мыйзам долбоорун кабыл алуу жараянын расмий токтотту.  Мунун алдында Гонконгдо бир жумага созулган жапырт каршылык акциялары болуп, ага миллионго чукул киши чыккан.  Бээжинге баш ийген Гонконгдун администрация башчысы Кэрри Лам 15-июнда "коомдогу тынчтыкты мүмкүн болушунча тез арада калыбына келтирүүгө мезгил келип жетти" деп билдирди. Анын айтымында, шаар бийлиги мыйзам боюнча коомдун бардык катмарынын оюн угуп, кеңешмелерди өткөрөт. Читать дальше...

Дүйнөлүк саламаттык сактоо уюму жыныстык жол менен жуга турган хламидия, гонорея, трихомониаз, сифилиске жыл сайын 15 жаштан 49 жашка чейинки 376 миллион киши кабылып жатканын маалымдады.

"Бийликти кулатуу боюнча саясий кутумга катышкан" деген айып менен Тегерандагы катаал шарттагы "Эвина" түрмөсүндө отурган 40 жаштагы Назанин Загари-Рэтклифф кайрадан ачкачылык кармай баштады. Ал 11-июнда кызынын беш жашка толушун белгилеген учурдан тартып тамак-аштан баш тартканын күйөөсү Ричард Рэтклифф  билдирди. Анын айтымында, Назанин сот органдарына өзүн мыйзамсыз кармоого каршылык иретинде тамак-аштан баш тартып, суу гана ичээрин маалымдаган.  Ал акыркы жолу быйыл январда ачкачылык кармаган. Читать дальше...

Бишкектеги №1 тергөө абагында отурган Жогорку Кеңештин мурдагы депутаты, экс-башкы прокурор Аида Салянова 15-июнда Мирсаид Миррахимов атындагы улуттук кардиология борборуна жаткырылды. Мындай маалыматты Салянованын жакындары "Азаттыкка" билдиришти. Аны Жазаларды аткаруу кызматынын басма сөз катчысы Элеонора Сабатарова да ырастап, Салянова дарыгерлердин жана Сааламаттык сактоо министрлигинин "дарыланууга муктаж" деген бүтүмүнөн кийин бейтапканада калганын айтты.  Ишембиде Аида Салянова Мирсаид Миррахимов... Читать дальше...

Кыргызстандан чыккан UFC мушкерлер уюмунун чемпиону Валентина Шевченко чыгармачыл адамдардын катарында десек болчудай. Ал октагондо беттешкенден тышкары сүрөт тартып, гитарада ойноп, ар элдин бийин бийлейт.

Британиянын Вестминстер соту 14-июндагы угууларда "Wikileaks" сайтынын негиздөөчүсү Жулиан Ассанжды токтоосуз АКШга өткөрүп берүү тууралуу чечим кабыл алган жок. Аны экстрадициялоо тууралуу жараянды 2020-жылдын февралына чейин жылдырды.   «Wikileaks» сайтынын негиздөөчүсүнө АКШда 17 айып коюлуп жатат. Анын ичинде тыңчылык боюнча айып бар. Ассанж 2010-жылы Пентагондун жана Мамлекеттик департаменттин жашыруун аскердик жана дипломатиялык документтерин ачыкка чыгарып салган. «WikiLeaks» сайтында... Читать дальше...

Берлиндин борборунда табылган Экинчи дүйнөлүк согуш мезгилине таандык болгон 100 килограммдык америкалык бомба бүгүн, 15-июнда зыянсыздандырылды.

Кыргызстанда Ош шаарынан четинде лөлүлөр жашаган Жаңы-Маале деген кыштак бар. Ал жерде 4000ге чамалуу киши жашайт. Басымдуу бөлүгүндө эч кандай документ жок. "Настоящее время" теледолбоору Кыргызстандагы жана Өзбекстандагы лөлүлөр тууралуу даректүү тасма тартты.

Кыргызстанда 16-июнда түнкүсүн көпчүлүк аймактарда, күндүз Ысык-Көл, Нарын облустарынын бир топ жерлеринде, Чүй, Талас, Ош, Жалал-Абад, Баткен облустарынын тоолуу аймактарында жаан жаап, күн күркүрөйт. Бийик тоолорго кар жаайт. Өрөөндөрдө жаан-чачын жок. Чүй, Жалал-Абад облустарынын тоо этектеринде жана тоолуу райондорунда жана Ысык-Көл облусунун чыгышында жаан-чачын катуу жаашы мүмкүн. Кээ бир райондордо мөндүр жаайт. Батыштан соккон шамалдын ылдамдыгы секундуна 4-9 метрден 17-22 метрге чейин жетет. Читать дальше...

Мурдагы акыйкатчы Турсунбек Акун экс-президент Алмазбек Атамбаев менен "Апрель" телеканалын сотко берип, "ар намысыма шек келтирди" деген негизде жалпы 120 миң сом өндүрүүнү өтүнүп жатат. Мунун 100 миңин экс-президенттен, 20 миң сомун телеканалдан өндүрүүнү сураган. Бул тууралуу Акун "Азаттыкка" билдирип, аталган телеканалга каршы Бишкектин Октябрь райондук сотуна доо арыз менен кайрылганын, ал эми Атамбаевге карата арыз жакынкы күндөрдө толукталып бериле турганын айтты.   Турсунбек Акун мурдагы... Читать дальше...

Молдовада Павел Филиптин өкмөтү отставкага кеткенден кийин Демократиялык партиянын өкүлдөрү өлкөдон чыгып кете башташты.  Партия лидери Владимир Плахотнюк Молдовадан чыгып кетти. Аны менен байланышы бар саясатчылар да кетип жатканы айтылууда.  Демократиялык партиядан көрсөтүлгөн премьер-министр Павел Филиптин өкмөтү отставкага кеткени 14-июнда белгилүү болгон.   Молдова парламенти февраль айындагы шайлоодон бери коалиция түзө албай койгондон кийин 7-июнда өлкөнүн Конституциялык соту парламентти таратууну жана жаңы шайлоо өткөрүүнү буюрган. Читать дальше...

Жаза аткаруу кызматына караштуу Бишкектеги №1 тергөө абагында отурган Жогорку Кеңештин мурдагы депутаты, экс-башкы прокурор Аида Салянова бүгүн, 15-июнда Мирсаид Миррахимов атындагы улуттук кардиология борборуна алып келинди.

Түштүк Америкада негизиги континенталдык кубок деп саналган Копа Америка турнири башталды. Түндө турнирдин ачылышында Бразилия менен Боливия өлкөлөрү ойноду. Бул матчта үй ээлери Боливияны 3:0 эсебинде утуп, алгачкы үч упайга ээ болушту. Бразилиядан башка «А» тайпасында Венесуэла жана Перу командалары бар. Ал эми «В» тайпасында; Аргентина, Колумбия, Парагвай, Катар; Ошондой эле «С» тайпасында; Уругвай, Чили, Эквадор, Жапония өлкөлөрү камтылды. Быйылкы Копа Америка турнири Бразилиянын Рио-де-Жанейро... Читать дальше...

Тишин жакшы тазалагандар Альцгеймер дартына аз чалдыгат. Кардан ток өндүрчү жабдык жасалды. Чогуу китеп окуган баланы шапалак менен тарбиялаган пайдалуу. Түштүк Корея жыл сүрүүдөгү чаташтыктан чыгуу үчүн жол издеп жатат.

“Тэкайым” коомдук фонду АКШдагы Хьюберт Хамфри программасынын бүтүрүүчүсү Тынымгуль Эшиева менен 15-июнь күнү Ош шаарында кыздар үчүн атайын жолугушуу өткөрүүдө. Иш-чарада АКШнын бул жана медиа тармактарынынокуу жайларынан окуп келген кесипкөй адистер IT тармактын артыкчылыгы тууралуу маалымат берип жатышат.  Жыйынга 9-11-класстын бүтүрүүчүлөрүнөн тартып, студенттер, башка кесиптерде иштеп, бирок кесибин өзгөртүүнү каалаган кыз-келиндер катышууда. Аларга IT тармагын тандоонун артыкчылыгы, айлык акынын деңгээли... Читать дальше...

Жазаларды аткаруу кызматынын маалымат катчысы Элеонора Сабатарова Бишкектеги №1 тергөө абагында отурган Жогорку Кеңештин мурдагы депутаты, экс-башкы прокурор Аида Салянованын абалы тууралуу "Азаттыкка" комментарий берди. Ал мурдагы башкы прокурордун саламаттыгы начарлап, абалы өтө оорлоп кетти деп айтылгандарды төгүндөдү.  - Дарыгерлердин сунушу болсо биз аны ооруканага чыгарабыз. Азырынча андай нерсе жок. Бүгүн жүрөгүн тарттырса керек. Бирок ооруканага жаткыруу керектиги боюнча эч ким сунуш берген жок. Читать дальше...

"ECA International" уюмунун иликтөөсү боюнча, Түркмөнстандын башкалаасы Ашхабад дүйнөдөгү "эң кымбат шаар" деп табылды. Уюмдун иликтөөсү 13-июнда жарыяланды. Былтыр эң кымбат шаарлардын рейтингинде Ашхабад 111-сапты ээлеген.   Түркмөнстандын ордо калаасынын бир жыл ичинде мындай жогорку баскычка чыгышын уюмдун өкүлдөрү өлкө акыркы жылдары туш болгон экономикалык жана валюталык көйгөйлөргө байланыштырып жатышат.   Ашхабад сап башына чыккан дүйнөдөгү эң кымбат он шаардын катарын  Цюрих, Женева... Читать дальше...

Быйыл жыл башынан бери Ош облустук төрөт үйүндө жашы жете элек он алты кыз көз жарды.

Жаза аткаруу кызматына караштуу Бишкектеги №1 тергөө абагында отурган Жогорку Кеңештин мурдагы депутаты, экс-башкы прокурор Аида Салянова бүгүн, 15-июнда Мирсаид Миррахимов атындагы улуттук кардиология борборуна алып келинди. Бул тууралуу анын тууганы Чынара Турдалиева "Азаттыкка" билдирип, дарыгерлер мурдагы башкы прокурорду тез арада ооруканага которуу керектигин айтканы менен Жаза аткаруу кызматы ага тоскоол болуп жатканын билдирди. Мындан тышкары Саламаттык сактоо министрлиги Салянованы текшерген дарыгерлерге басым жасап жатканын... Читать дальше...

Орусиянын президенти кезектеги Шанхай саммити 2020-жылы Россияда өтөрүн билдирди.

Тажикстандын башкалаасы Дүйшөмбү шаарында Азиядагы өз ара кызматташуу жана ишеним кеңешинин саммити бүгүн, 15-июнда башталат. Азиядагы өз ара кызматташуу жана ишеним кеңеши - континенттеги мамлекеттерди бириктирген эл аралык форум. Кеңештин саммити бул ирет бешинчи жолу уюштурулууда. Анын максаты чөлкөмдөгү туруктуулук менен коопсуздукту камсыздоо үчүн өлкөлөрдүн өз ара кызматташтыгын чыңдоого багытталган.  Кеңешке Кыргызстан, Орусия, Тажикстан, Өзбекстан, Казакстан, Кытай, Түркия жана Египет баштаган 27 мамлекет кирет. Читать дальше...

Өкмөттүн Чүй облусундагы ыйгарым укуктуу өкүлү болуп дайындалган Алтынбек Намазалиевдин буга чейин чуулуу окуяларга аты аралашканы социалдык тармактарда талкууланып жатат.