Новости за 08.06.2019

Экс-президент Алмазбек Атамбаев бийликте турган кезинде Бажы кызматынын төрагасынын мурдагы орунбасары Райымбек Матраимовдун жасаган иштеринен кабарсыз болгонун билдирди. Бул тууралуу 8-июнда Кыргызстан социал-демократиялык партиясы (КСДП) Бишкекте уюштурган митингде сүйлөп жатып айтты жана ошол кездеги аткаруу бийлигин "Матраимовдун мыйзамсыз иштерин мага жеткирбегенге аракет кылган" деп күнөөлөдү.  Атамбаев президент Сооронбай Жээнбековдун бийлиги коррупцияга каршы тандалма күрөш жүргүзүп, Матраимовдорду калкалап жатканын айтты. Читать дальше...

Экс-президент Алмазбек Атамбаев мамлекет башчы Сооронбай Жээнбековдун бийлиги өзүнө ыңгайсыз адамдарды камап жатканын айтты. 8-июнда Кыргызстан социал-демократиялык партиясы (КСДП) Бишкекте уюштурган митингде сүйлөп жатып, баш калаанын мурдагы мэри Кубанычбек Кулматов жана мурдагы өкмөт башчы Сапар Исаковдун камалышы Бажы кызматынын төрагасынын мурдагы орунбасары Райымбек Матраимовдун кызматтан алынышына байланыштуу экенин айтты.  Атамбаев Жээнбековдун бийлиги тууганчылдыкка бет алганын айтып... Читать дальше...

Москвада Ички иштер министрлигинин имаратынын алдында, Пермь, Ярославль шаарларында 8-июнда "Медуза" басылмасынын журналисти Иван Голуновду колдогон пикеттер уюштурулду.  Латвияда жайгашкан басылманын иликтөөчү журналисти Голунов 6-июнда Москвада кармалган, ал маңзат соодасына шек саналууда.  Аны колдогон пикетке жарандык коомдун өкүлдөрү катышты. Алардын айрымдарын полиция кармап кеткени кабарланды.  Голуновдун адвокаты журналисттин чөнтөгүнө жана батирине маңзат атайын ташталганын билдирген. Читать дальше...

9-июнда 7 талапкердин катышуусу менен Казакстандын президенттик шайлоосу өтөт.

“Тазалык” муниципалдык ишканасы 5-июнь күнү Түркиянын Бишкектеги элчилигинин имаратынын алдынан бир нече жолбун итти аткан. Элчиликтин кызматкерлери коопсуздук камерасындагы ит атуу учуру жазылып калган видеону "Фейсбуктагы" расмий баракчасына жайгаштырып: “Бүгүн эртең менен тапанчанын үнүнөн ойгондук. Элчиликтин негизги имаратынын алдында ургаачы ит күчүктөрү менен өлтүрүлдү”, - деген маалымат таратылган.  Түркиядагы айрым социалдык желе колдонуучулары муну Анкарага карата зомбулук катары да баалап жиберишти. Читать дальше...

Кыргызстан социал-демократиялык партиясынын (КСДП) расмий өкүлү Кундуз Жолдубаева коррупцияга каршы митингге чагымчылдар да катышып жатканын айтты. Митинг учурунда жыйынга келгендердин бири сөз сүйлөөгө аракет кылган болчу. Катышуучулар аны кетирип жиберишкенин "Азаттыктын" кабарчысы билдирди.  Бишкек шаарында бүгүн, 8-июнда коррупцияга каршы митинг өткөрүп жатат. Ыр-күү менен башталган тынч жыйында жемкорлукка жана тууганчылдыкка каршы көрнөктөр илинди. "Унчукпай турба! Үн кат!" деген ураан... Читать дальше...

Казакстанда 8-июнда президенттик шайлоо алдындагы "жымжырттык күнү" жарыяланды. Өлкө мыйзамдарына ылайык, бул күнү талапкерлерге үгүт иштерин жүргүзгөнгө тыюу салынат. Шайлоого байланыштуу социологиялык изилдөөлөрдүн тыянактарын, сурамжылоолордун натыйжаларын да жарыялаганга болбойт.  Президенттик шайлоо 9-июнда эртең менен саат 7:00дө башталат. Добуш берүү кечки саат сегизге чейин уланат. Борбордук шайлоо комиссиясы өлкө аймагында он миңден ашуун, чет мамлекеттерде 65 шайлоо тилкелери даярдалганын билдирди. Читать дальше...

Кыргызстан социал-демократиялык партиясы (КСДП) Бишкек шаарында бүгүн, 8-июнда коррупцияга каршы митинг өткөрүп жатат. Ыр-күү менен башталган тынч жыйында жемкорлукка жана тууганчылдыкка каршы көрнөктөр илинди.  "Унчукпай турба! Үн кат!" деген ураан менен уюштурулган митингге экс-президент Алмазбек Атамбаев, партиянын саясий кеңешинин төрайымы Асел Кодуранова, парламенттин депутаты Анвар Артыков өңдүү саясатчылар да катышууда. Уюштуруучулар миңден ашуун, байкоочулар миңге чамалуу адам келгенин билдиришти. Читать дальше...

Америкалыктар укуктук кысымдын астында палестиналык окумуштуу Абдель Халим аль-Ашгарды  Израилге өткөрүп берүүдөн артка чегинип, аны Кошмо Штатттардын түрмөсүндө калтырды.

Мурдагы баш прокурор Аида Салянова №1 тергөө абагындагы камерада бир шерик менен отурат. Ал - башка бир кылмыш ишине шек саналган адам.  Мамлекеттик жаза аткаруу кызматынын басма сөз катчысы Элеонора Сабатарова билдиргендей, абактын эрежесине ылайык, шектүү жалгыз отурбайт: "Эркектердин камералары өзүнчө. Аялдардыкы жок болчу. Салянованы башка соттолгондорго кошкон жокпуз. Бирок жалгыз да калтыра албайбыз, ошондуктан жанында бир киши бар". Сабатарова мындай учурда камактагы адамдын камерасына мурда соттолгон... Читать дальше...

Анкара Бишкекке элчинин иши боюнча нота менен жооп кайтарганын "Анадолу" агенттиги билдирди. Маалыматта 7-июнда Кыргызстандын Түркиядагы элчисы Кубанычбек Өмүралиев Түркиянын Тышкы иштер министрлигине чакыртылганы айтылат. Нотаны элчиге министрдин жардамчысы Седат Өнал тапшырган.  Анда элчи өз милдетин аткарганы, Кыргызстандын ички иштерине кийлигишпегени жазылган. Бул маалыматты расмий ырастоого мүмкүн боло элек. Кыргызстандын Тышкы иштер министрлигинин басма сөз кызматы кабар такталгандан кийин комментарий болорун айтты. Читать дальше...

АКШ президенти Дональд Трамп Мексикадан импорттолгон товарларга беш пайыздык кошумча тариф киргизүү аракети токтотулганын жарыялады.  Бул чечими жөнүндө Трамп 7-июнда "Твиттерге" жазып, Кошмо штаттар Мексика менен бирдиктүү пикирге келгенин билдирди. Анын айтымында, Мексика мигранттардын санын азайтуу үчүн олуттуу чара көрүүгө макул болгондуктан, кошумча тариф киргизүү белгисиз мөөнөткө токтотулган.   Трамп 30-майда Мексика тарап Кошмо Штаттарга кирип жаткан мыйзамсыз мигранттардын агымын токтотмоюнча катаал чаралар улана берерин... Читать дальше...

Мелдешке 30 жаштан жогорку спортчулар катышат.

Өзбекстандын Лондондогу элчилиги британиялык журналист, “iCrossing” онлайн-маркетинг агенттигинин туризм боюнча редактору Жереми Хедге "Алтын калем" сыйлыгын тапшырды. Бул тууралуу Тышкы иштер министрлиги 7-июнда кабарлады.  2018-жылдын ноябрында анын "Өзбекстандагы ылдам "жибек жолу" деген макаласы бир канча маалымат каражаттарында басылган. Андан соң Өзбекстанга келген туристтердин саны жана "Афросиёб" ылдам поездинен пайдаланууга кызыккандар көбөйгөнү айтылууда.  Өзбекстандык аткминерлер соңку... Читать дальше...

"Саратовские авиалинии" компаниясына таандык Ан-148 учагы кабылган кырсыкты иликтөөнүн натыйжасында Орусиянын жарандык авиациясынын 550 учкучу иштен бошотулду. Учкуч даярдаган эки окуу борбору жабылып, алар берген 160 күбөлүк жараксыз деп табылды. Бул тууралуу башкы прокурор Юрий Чайка Мамлекеттик думага 7-июнда берген баяндамасында айтты.  Ан-148 учагы 2018-жылдын февралында Москвадагы Домодедово аэропортунан асманга көтөрүлгөн кезде кулап, борттогу 65 жүргүнчү жана экипаждын алты мүчөсү каза тапкан. Читать дальше...