Новости за 17.08.2019

17 აგვისტოს ათიათასობით ადამიანი გავიდა ჰონგ-კონგის ქუჩებში, მიუხედავად ჩინეთის ცენტრალური ხელისუფლების გაფრთხილებისა. ქალაქში გრძელდება დემოკრატიული მოძრაობის ყოველდღიური დემონსტრაციები, რომლებიც მე-11 კვირა მიმდინარეობს. შაბათს დაახლოებით 50 ათასმა ადამიანმა მიიღო მონაწილეობა მარშში, რომელმაც, ჟურნალისტების თანახმად, ძირითადად მშვიდობიანად ჩაიარა. თუმცა ალაგ-ალაგ იყო შეტაკებები პოლიციელებსა და საპროტესტო აქციის მონაწილეებს შორის. საღამოს დემონსტრანტები მონგ-კოკის პოლიციის განყოფილებასთან შეიკრიბნენ. Читать дальше...

რუსეთში აქტივისტებმა ერთკაციანი საპროტესტო პიკეტები გამართეს თავისუფალი არჩევნების მოწოდებით, რათა გვერდი აეარათ არასანქცირებული თავშეყრის შესახებ კანონისთვის. ინდივიდუალური დემონსტრანტები ერთმანეთისგან სულ მცირე 50 მეტრზე განლაგდნენ სამ სხვადასხვა ადგილას მოსკოვის ცენტში. მათ ხელში ეჭირათ საპროტესტო ბანერები მოსკოვის მუნიციპალურ არჩევნებში ოპოზიციონერ კანდიდატთა დაშვების მოთხოვნით. ზოგიერთი დემონსტრანტი ასევე გამოვიდა მოწოდებით, ბრალდება მოეხსნათ იმ პირებს, რომლებიც წინა არასანქცირებული დემონსტრაციების დროს დააკავეს. Читать дальше...

17 აგვისტოს საოკუპაციო ხაზთან, სოფლების - აძვისა და ახალუბნის სიახლოვეს, რუსეთის მესაზღვრეებმა დააკავეს საქართველოს შვიდი მოქალაქე. მათი ადგილსამყოფელი ჯერჯერობით უცნობია. საქართველოს საგარეო საქმეთა სამინისტრომ მომხდართან დაკავშირებით განცხადება გააკეთა: „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან 7 ადგილობრივი მაცხოვრებლის გატაცების გამო.   იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო... Читать дальше...

სოფელ ახალუბნის მცხოვრები ჩვენი თანამოქალაქეების საკითხზე ყველა საჭირო ღონისძიებას ვატარებთ, – ამის შესახებ პარლამენტის თავმჯდომარეარჩილ თალაკვაძე აცხადებს. „ჩართულნი არიან შესაბამისი სამსახურები, გააქტიურებულია ცხელი ხაზი. ყველაფერს ვაკეთებთ, რომ რაც შეიძლება მოკლე დროში დავადგინოთ მათი ადგილსამყოფელი და დავუბრუნოთ ისინი ოჯახებს“, -წერს არჩილ თალაკვაძე სოციალურ ქსელ „ფეისბუქში“. არსებული ინფორმაციით, საოკუპაციო ხაზთან მდებარე სოფელ ახალუბანთან, საოკუპაციო ძალების წარმომადგენლმა საქართველოს რამდენიმე... Читать дальше...

საოკუპაციო ხაზთან მდებარე სოფელ ახალუბნის განაპირას, სავარაუდოდ, 7 ადგილობრივი მამაკაცი გაუჩინარდა. გაუჩინარებულებს შორის ყველაზე უმცროსი 18 წლისაა. გორის მუნიციპალიტეტის მერის მოადგილის ერასტი ელიჯარაშვილის განცხადებით, აღნიშნულთან დაკავშირებით ინფორმაციას უკვე ფლობენ და მიმდინარეობს დეტალების დაზუსტება. “ამ დროისთვის არსებული ინფორმაციით, გაუჩინარებულია სავარაუდოდ, 7 ადგილობრივი. ყველა უწყებას მივაწოდეთ ინფორმაცია, მიმდინარეობს დეტალების დაზუსტება. ვიდრე დამატებითი ინფორმაცია არ გვექნება, დეტალებზე საუბარი რთულია”... Читать дальше...

საოკუპაციო ხაზთან, სოფლების - აძვისა და ახალუბნის სიახლოვეს, რუსეთის მესაზღვრეებმა დააკავეს საქართველოს შვიდი მოქალაქე: გერკეული, ნასყიდაშვილი, ელიაური, ბაინდურაშვილი, ვარდანაშვილი, გერკეული და მიღრიჯანაშვილი. დაკავებულები სოფელ ახალუბნის მცხოვრებლები არიან. ინფორმაციას ადასტურებს გორის მუნიციპალიტეტის მერია. როგორც გორის ვიცე-მერმა, ერასტი ელიჯარაშვილმა უთხრა რადიო თავისუფლებას, დაკავებულთა ოჯახის წევრების თქმით, ახალგაზრდები ნასვამ მდგომარეობაში გაემართნენ წმინდა გიორგის სახელობის ეკლესიაში, რომელიც საოკუპაციო ხაზთან მდებარეობს. Читать дальше...

1939 წლის 15 მარტს ვერმახტის მიერ პრაღის აღება პაქტებზე ნადირობის სეზონს გახსნის ევროპაში.

საოკუპაციო ხაზთან, სოფლების - აძვისა და ახალუბნის სიახლოვეს, რუსეთის მესაზღვრეებმა დააკავეს საქართველოს შვიდი მოქალაქე. დაკავებულები სოფელ ახალუბნის მცხოვრებლები არიან. ინფორმაციას ადასტურებს გორის მუნიციპალიტეტის მერიის წარმომადგენელი სოფელ ახალუბანში ტარიელ ვათიაშვილი. ჩვენს ხელთ არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან მდებარეობს.

ანტისაოკუპაციო  პროტესტის 59-ე დღეს საქართველოს პარლამენტის წინ საპროტესტო აქცია იმართება. პარლამენტის წინ შეკრებილ ადამიანებს სიტყვით „სირცხვილიას“ ორგანიზატორები მიმართავენ. აქციის მოთხოვნები უცვლელია. პარლამენტის წინ შეკრებილები აპროტესტებენ ისეთ მოცემულობას, როგორიცაა: გიორგი გახარია ისევ შს მინისტრია 18 ადამიანი უკანონოდაა დაკავებული გავრილოვის ღამის შემდეგ რუსეთმა საოკუპაციო ხაზი ისევ გადმოწია და გუგუტიანთკარსაც ვკარგავთ აქცია პარლამენტის წინ 22 საათამდე გასტანს.

„აი, ნახავთ, ხვალიდანა უკან წავლენ, მე რომ აქ ამოვედი“,- ასე უპასუხა გორის მაჟორიტარმა დეპუტატმა იოსებ მაკრახიძემ ჟურნალისტების შეკითხვას გუგუტიანთკარში განვითარებულ მოვლენებთან დაკავშირებით. „ვუთხარი უკვე და წავლენ უკანა“, - თქვა იოსებ მაკრახიძემ და ასევე ხუმრობით უპასუხა შეკითხვას, მიზანშეწონილია თუ არა გორის მერის შვებულებაში ყოფნა მაშინ, როდესაც გუგუტიანთკარში ბორდერიზაციის პროცესი მიმდინარეობს: „თუ მერის ამოსვლა რუსებსა ცხინვალამდის გადაიყვანდა, უფრო ადრე უნდა ამოსულიყო“,- თქვა გორის მაჟორიტარმა დეპუტატმა იოსებ მაკრახიძემ.

16 აგვისტოს ოკუპირებული აფხაზეთის თვითგამოცხადებული რესპუბლიკის დე ფაქტო პრეზიდენტმა განაცხადა, რომ სოხუმის აეროპორტის ამოქმედებას წელიწადნახევარი დასჭირდება, საზღვაო მიმოსვლისას კი - ერთი წელი.

ჩვენ პულსზე გვიჭირავს ხელი იმისთვის, რომ აქ არსებული სიტუაცია არ გამოვიდეს კონტროლიდან, - განუცხადა მედიის წარმომადგენლებს საქართველოს საგარეო საქმეთა მინისტრმა დავით ზალკალიანმა გუგუტიანთკარში. მისი თქმით, საგარეო საქმეთა სამინისტრო და მთლიანად დიპლომატიური მისიები საზღვარგარეთ მუშაობის 24 საათიან რეჟიმზე არიან გადასულები და საერთაშორისო თანამეგობრობის კონსოლიდაციის თვალსაზრისით მაქსიმუმი კეთდება: „საგარეო საქმეთა სამინისტრომ, დიპლომატიურმა კორპუსმა ყველაფერი გააკეთა, რაც კი რესურსი არსებობდა... Читать дальше...

გიბრალტარში დაკავებული ირანის სანავთობო ტანკერის წარმომადგენელმა განაცხადა, რომ გემი მზადაა, „24-დან 48 საათამდე“ დროში დატოვოს ნავსადგური, მიუხედავად აშშ-ის მიერ უკანასკნელ წუთში განხორციელებული მცდელობისა, დააკავოს ის. რიჩარდ დე ლა როსამ, Astralship-ის მმართველმა დირექტორმა, 17 აგვისტოს განაცხადა, რომ მიმდინარეობს ლოგისტიკური მზადება და უკრაინისა და ინდოეთის მოქალაქეებისგან შემდგარი ახალი ეკიპაჟი გადაიბარებს გემს, რომელზეც 2,1 მილიონი ბარელი ირანული ნავთობი იმყოფება. სუპერტანკერი Grace 1 ერთ თვეზე მეტი ხნის წინ დააკავეს გიბრალტარში... Читать дальше...

საქართველოს პრემიერ-მინისტრმა მამუკა ბახტაძემ დღეს წეროვანში დაათვალიერა სარეაბილიტაციო კომპლექსის მშენებლობა. კომპლექსი განკუთვნილია სამხედრო პირებისთვის და მათ საშუალებას მისცემს მკურნალობა უმაღლესი საერთაშორისო სტანდარტების შესაბამისად გაიარონ. როგორც საქართველოს პრემიერ-მინისტრმა წეროვანში განაცხადა, ცენტრში გრძელვადიანი რეაბილიტაციის საშუალება ექნებათ საქართველოს ტერიტორიული მთლიანობისთვის ბრძოლებსა და საერთაშორისო მისიებში დაჭრილ და დაშავებულ სამხედრო მოსამსახურეებს: „ეს იქნება მსგავსი... Читать дальше...

საქართველოს პარლამენტის თავმჯდომარე არჩილ თალაკვაძე დეპუტატებთან ერთად განაგრძობს მოსახლეობასთან შეხვედრებს. დღეს, 17 აგვისტოს, იგი ფოთში ჩავიდა და შეხვდა მეთევზეებს, რომლებთანაც თევზჭერისა და თევზის რეწვის სფეროში არსებულ პრობლემებზე და შესაბამის საკანონმდებლო რეგულაციებზე ისაუბრა. „ვაგრძელებთ შეხვედრებს საზოგადოებასთან მთელი ქვეყნის მასშტაბით. ვხვდებით ჩვენს თანამოქალაქეებს, რომლებიც სოფლებში, ქალაქებში ყოველდღიური საზრუნავის გამო ვერ ახერხებენ პარლამენტში, მთავრობის ოფისებში მოვიდნენ ჩვენთან. Читать дальше...

17 აგვისტოს უკრაინის ქალაქ ოდესის სასტუმროში მომხდარი ხანძრის შედეგად რვა ადამიანი დაიღუპა და ათი დაშავდა, იტყობინება უკრაინის საგანგებო ვითარებათა სამსახური. უკრაინის პრეზიდენტმა ვოლოდიმირ ზელენსკიმ ფეისბუკში თავის გვერდზე დაწერა, რომ დაშავებულთაგან ოთხი კრიტიკულ მდგომარეობაშია. საგანგებო ვითარებათა სამსახურის თანახმად, ხანძარი ნაშუაღამევს გაჩნდა. განცხადებაში არაა ლაპარაკი ხანძრის მიზეზებზე და იმაზე, თუ რამდენი ადამიანი იმყოფებოდა ხანძრის დროს სასტუმროში. სასტუმრო Tokyo Star-ში 273 ოთახია. Читать дальше...

79 წლის ასაკში გარდაიცვალა საკულტო ფილმის, Easy Rider-ის მთავარი გმირი პიტერ ფონდა. როგორც როიტერსი იტყობინება მსახიობის ოჯახზე დაყრდნობით, სიკვდილის მიზეზი გახდა სუნთქვის უკმარისობა ფილტვის კიბოს ფონზე. პიტერ ფონდა არის მსახიობთა დინასტიის დამაარსებლის, გამოჩენილი კინომსახიობის, ჰენრი ფონდას ვაჟი. სამსახიობო კარიერის მანძილზე უმცროსმა ფონდამ ორი „ოქროს გლობუსი“ მიიღო და ორჯერ იყო ნომინირებული „ოსკარზე“.

ახლად შექმნილი აპოლიტიკური მოძრაობის „20 ივნისის მოძრაობა - პოლიტპატიმრები“ დამფუძნებლები და მხარდამჭერები გორის მუნიციპალიტეტში, გამყოფ ხაზთან მდებარე სოფელ გუგუტიანთკარში ადგილზე ეცნობიან ვითარებას. მოძრაობის შექმნის ინიციატორის, პარტია „გამარჯვებული საქართველოს“ ერთ-ერთი ლიდერის, კოტე კემულარიას განცხადებით, გუგუტიანთკარი დღეს ყველაზე ცხელი და ყველაზე მტკივნეული წერტილია საქართველოში და საჭიროა იმ ხალხის გამხნევება, ვინც არ უშინდება ოკუპანტების თარეშს და დაუსჯელობას: „უკვე შეღობილის აღების შანსი მთავრობას არ აქვს... Читать дальше...

ძალოსნობის საერთაშორისო ფედერაციამ (IWF) რუსეთის შვიდი სპორტსმენი დროებით ჩამოაშორა შეჯიბრებებს ანტისადოპინგო წესების დარღვევისთვის. მათ შორის არიან მსოფლიო ჩემპიონატის ვერცხლის მედალოსანი დმიტრი ლაპიკოვი, ევროპის ჩემპიონატების პრიზიორები ადამ მალიგოვი და მაქსიმ შეიკო, ევროპის ორგზის ჩემპიონი ნადეჟდა ევსტიუხინა. გადაწყვეტილება მიღებულია იმ მონაცემების საფუძველზე, რომლებიც მსოფლიო ანტისადოპინგო სააგენტომ (WADA) მიიღო მოსკოვის ანტისადოპინგო ლაბორატორიიდან. როგორც ივლისში გახდა ცნობილი, WADA-ს ეჭვი აქვს... Читать дальше...

ორი დღის წინ მტკვარში დაკარგული 37 წლის მამაკაცის სამძებრო სამუშაოები დაიწყო 17 აგვისტოს რუსთავის ცენტრალური ხიდის აღმოსავლეთით. შს სამინისტროს საგანგებო სამსახურის წარმომადგენელმა რადიო თავისუფლებას უთხრა, რომ სამძებრო სამუშაოები დილის 7 საათიდან მიმდინარეობს. "მუშაობენ როგორც ცალკეული მყვინთავები, ასევე ვეძებთ გასაბერი ნავით", თქვა საგანგებო სოტუაციების მართვის სამსახურის წარმომადგენელმა. მტკვრის გაყოლებაზე მობილიზებულია ადგილობრივი პოლიციის ჯგუფებიც. პოლიციის თანამშრომლებმა რადიო თავისუფლებასთან საუბარში განაცხადეს... Читать дальше...

„ჩვენი ქვეყნის ერთ-ერთი გამოწვევა ფეიკ ნიუსები, ეგრეთ წოდებული ტროლებ - ბოტებია“, - წერს „ფეისბუკის“ საკუთარ გვერდზე „თიბისი ბანკის“ დამფუძნებელი მამუკა ხაზარაძე. ფეისბუკ-პოსტში იგი ამბობს, რომ ვრცელდება  ვითომდა მის მიერ გაკეთებული განცხადებები და იქმნება  გვერდები, რომელთანაც მას საერთო არ აქვს. „იმისათვის, რომ თავიდან იქნას აცილებული გაუგებრობა და ადამიანების შეცდომაში შეყვანა, გთხოვთ, დაეყრდნოთ მხოლოდ ჩემს გვერდზე დადებულ განცხადებებს“, - აღნიშნავს მამუკა ხაზარაძე. მისი შეფასებით, ტროლ -... Читать дальше...

„მოვუწოდებთ „ანაკლიის განვითარების კონსორციუმს", უმოკლეს ვადებში წარუდგინოს მთავრობას დროში გაწერილი გეგმა კონსორციუმის 42%-იანი წილის მქონე ამერიკული კომპანია „კონტი ჯგუფის" ტენდერის მოთხოვნებთან შესაბამისი გამოცდილების და ფინანსური მდგომარეობის მქონე დასავლური სტრატეგიული ინვესტორით იგივე მოცულობით ჩანაცვლების თაობაზე“, - აღნიშნულია  რეგიონული განვითარებისა და ინფრასტრუქტურის სამინისტროს მიერ გავრცელებულ განცხადებაში. განცხადება უწყების გამოხმაურებაა ინფორმაციაზე  „ანაკლიის განვითარების კონსორციუმის“... Читать дальше...

მოსკოვის ცენტრში, სახაროვის გამზირზე, დაიწყო რუსეთის ფედერაციის კომუნისტური პარტიის მიტინგი პატიოსანი არჩევნებისთვის. აქციისთვის შეტანილია განაცხადი 60 მონაწილისთვის, იმდენივესთვის, რამდენიც მოგროვდა ერთი კვირის წინ იმავე ადგილზე გამართულ მიტინგზე, რომელიც დაურეგისტრირებელმა ლიბერტარიანულმა პარტიამ მოაწყო. პარალელურად ბულვარის წრეზე დღეს დაიწყება ერთკაციანი პიკეტების სერია მოსკოვის ქალაქის საბჭოს არჩევნებში დამოუკიდებელი კანდიდატებისა და 27 ივლისის არეულობებში მონაწილეობაში ეჭვმიტანილთა მხარდასაჭერად. Читать дальше...

„სანამ ხელისუფლება დაკავებულია ქვეყნის შიგნით დამნაშავეების ძებნით და რუსეთის მხარდამჭერი ფილმების გადაღებით, ხედავთ, რომ რუსეთი მორიგ სოფელს გვიღობავს და მიაქვს უფრო მეტი ქართული მიწა",- განაცხადა სოფელ გუგუტიანთკარში "ევროპული საქართველოს" ლიდერმა დავით ბაქრაძემ. მისი აზრით, ააუცილებელია, შეწყდეს დამაზიანებელი შიდა დისკუსია და მთელი  რესურსი ოკუპაციის შეჩერებისკენ იქნას მიმართული. "დღეს გუგუტიანთკარში უნდა იდგეს ყველა - ხელისუფლებაც და ოპოზიციაც იმიტომ, რომ ჩვენი ქვეყნის უზენაესი ინტერესია... Читать дальше...

ანალიტიკოსი ირაკლი ლატარია ნიკა გვარამიას სიცრუეში ამხელს: “ნიკა გვარამიამ ერთი რამ თქვა და ორი ტყუილით, ახალი ტელევიზია დავარეგისტრირეთო?  ჯერ ერთიც, ტელევიზია არა – შპს ზეა საუბარი, რომელიც შეუძლია ყველას, ვინც მივა საჯარო რეესტრში და გადაიდის 180 ლარს და მეორე და მთავარი, გუშინ (16 აგვისტოს) კი არა, პირველ მარტსაა კომპანია დარეგისტრირებული (რომელიც კარგად ჩანს საჯარო რეესტრის […]

Source