Новости за 24.08.2019

Украина йозуш йоцу пачхьалкх хиллачу денна хьажийна мероприятеш хилла Киевехь. ГIалин юккъехь Крещатик урамехь "Сийнан марш" дIаяьхьна, тIеман техника дакъалоуш а йоцуш. Ткъа Донбассехь тIемаш бинчу наха дIаяьхьна альтернативан "Мохк ларбархойн марш". Шен вистхиларехь президенто Зеленский Владимира багарбира йоцуш йоцуш йолчу шерашкахь Украинехь хилла кхиамаш. Цо юьстина Украина ненаца, ткъа ГIирма а, Донбасс а цуьнан бераш ду аьлла цо, лулахочо дIадаьхна долу. Зеленскийн къамелехь дацара "агрессор" а... Читать дальше...

Бохам хилла Шелковски кIоштахь Каргалинскина гергахь де хьалха. 21 шо долу машенлерхо галваларна, некъах а яьлла, хаьрцина УАЗ-Патриот. И бахьана долуш лазийна ша и жима стаг а, цуьнца машенахь хилла 27 шо долу зуда а. И шиъ сихонца дIакхачийна Шелковски кIоштан дарбанан цIийне. Машен вон йохийна. Полици толлуш ю хилларг.

ГIалгIайчоьнан Лаккхарчу кхело низамца богIуш боцуш лерина "Тайпанийн кхеташонан" куьйгалхочунна 2018-чу шарахь ГIадужу-баттахь митингаш хиллачул тIаьхьа Ужахов Малсагана 10 эзар сом гIуда тохар хьокъехь Магасан кхело бина сацам, хаам бо "Кавказскиий узел" сайто. 2018-чу шарахь Лахьанан-беттан 6-чохь Магасерчу кхело бехке лаьррера Ужахов административан зулам дарна, 10 эзар сом г1уда а тухуш, дийцина цуьнан адвокато Куриев Джабраила.  ДIабаханчу баттахь ГIагайчоьнан Лаккхарчу кхело юхабаьккхира... Читать дальше...

Берлинехь вийначу Хангошвили Зелимханан накъосташа дийцина "Кавказ.Реалии" корреспонденте, Оьрсийчоьнан а, цхьаболчу Германин а зорбанан гIирсашкахь иза исламист а вара, немцойн пачхьалкхана кхераме а вара, бохуш яздийриг бакъ ца хиларх лаьцна. "Зелимхан цхьа а юкъаметтигаш йолуш вацара "исламисташца". Ткъа Германин Iедалшна иза хаара. Оьрсийчоь гIиртира цунна исламист ву аьлла цIетилла, немцойн Iедалшка иза шайга схьавалийта", - дийцина Хангошвилин накъосто. Хангошвили Зелимхан вевзаш волу нохчийн тIемало вара. Читать дальше...

Дагестанерчу Цумадан кIоштахь Iинах яхана жима машен, хаам бо "Кавказ.Реалиино". Цу чохь хилла меттигера вахархо а, цуьнан доьзал а. Сильди эавланан гергахь цIеххьана тIулгаш эгна хилла ламанан некъа тIе. И бахьана долуш галъяьлла машен 500 сов метр кIоргачу Iинах яхана, хаам бина меттигерчу чоьхьарчу гIуллакхийн министраллан зорбанан сервисо. Болчу хаамца, ши бер хилла 10, 15 шераш долуш. Кхин йолу транспорт зе-зулам доцуш чекхъяьлла бохам хиллачу меттигах.

Германин коьртачу гIалахь Берлинехь Маобит кIоштахь вилспетан тIехь хиллачу мила ву ца хуучу стага герз тоьхна вийна Нохчийчуьрчу мухIажарна. Цул тIаьхьа зуламхо къайлаваьлла, хаам бо Deutsche Welle. Берлинан полицино стаг верах лаьцна хаам бина шен Twitter=хь. "Цкъачунна болчу хаамашца, 12 сахьт долуш Маобит кIоштахь мила ву ца хуучу вилспетахь хиллачу стага герз тоьхна вийна цхьа стаг. Карарчу хенахь тхан накъостий бу бохам хиллачехь. Кхин болу хаамаш кхочур бу кестта", - аьлла ду полицин хаамехь. Читать дальше...

Украинин президенто Зеленский Владимира шайн пачхьалкхан махкалла делла Донбассехь мехкан ницкъийн могIаршкахь тIом бинчу 11 кхечу пачхьалкхарчу вахархочунна. Президентан омрехь билгалдоккхуш ду, украинахойн паспорташ деллачу наха "пачхьалкхан суверенитет а, мехкан цхьаалла а ларйеш Украинин малхбалехь шаьш дакъалаьцна" хилар. Украинин махкалла деллачу нахана юкъахь ву – Мунаев Тимерхан, дуьненаюкъарчу машарбаран батальонан командиран кIант. Цуьнан да – Мунаев Iийса – кхелхира 2015-чу шарахь... Читать дальше...

ГIебартойн-Балкхаройчоьнан Лаккхарчу кхело юхабаьккхина "Хабзэ" олучу юкъараллан куьйгалхо Кочесоко Мартин шен цIахь лаьцна латто бина сацам. Цунна бехке дуьллуш ду наркотикаш латтор. Мангалан-бутт чекхболуш юкъараллин жигархочун кхел йинера лаьцна шен хIусамехь латто. Кочесокос дийцарехь, полисхоша, кисина наркотикаш а тесна, ницкъ а бина, мукъарло дайтинера цуьнга ша бехке хиларна. Жигархочун дуьхьал бехктакхаман гIуллакх долийна вуно боккхачу барамехь шен хIусамехь наркотикаш латторна. Оцу... Читать дальше...

Францехь цIеххьана велла Нохчийчоьнан хьакъдолу артист Чекуев Рустам, хаам бо "Кавказ.Реалиин" корреспонденто. Гергарчара дийцарехь, хIара ду аьлла кхин гуш хилла хIума а доцуш, йишлакхархо велла набкхетта волуш. Чекуев дуьненчуваьллера 1984 шарахь ГIадужу-беттан 9-хь Нохч-ГIалгIайчохь Обарг-юьртахь. Цо чекхьяьккхинера Нохчийн пачхьалкхан хьехархойн университетан исбаьхьаллийн факультет. Йишлакхархочун карьера йолийра цо 2009-чу шарахь. Цу хеначохь араелира Чекуевн "Суна деза" а,  "Кавказан турпалохо" а цIерш йолу 2 альбом. Читать дальше...