Новости за 15.06.2019

Къола дарна Шеларчу чоьхьарчу гIуллакхийн декъан белхахоша лаьцнарг ву 44 шо долу меттигера вахархо. ВАЗ машенахь ша цIавуьгучу стеган 4500 сом даьхьна цо Жимачу АтагIа кхочуш. Эшам хиллачу стеган дехарца, сихонца арабевлла каде хьаьвзинчу полицин белхахошна карийна курхалча. Иза къера хилла ша зулам дарна.   Таллам дIабирзинчул тIаьхьа кхел ян мегаш ю цунна, къайлаха нехан  бахам лачкъорна, хаам бо чоьхьарчу гIуллакхийн министраллан Нохчийчуьрчу урхаллан зорбан сервисо.

Журналисташ ларбарахула комитето кхайкхам бина сихонца дIахеца аьлла, "Черновик" газетан динан декъан редактор Гаджиев Iабдулмумин дIахеца аьлла. Иза лаьцна де хьалха ХIинжа-гIалахь, цо терроризмана ахча делла аьлла а, терроран организацин юкъахь хилла а аьлла шеко йолуш. Журналисташ ларбарахула комитето дIахьедар дина, террорца йоьзначу артиклашкахула журналисташ хьийзор шуьйра даьржаш хIума ду Къилбаседа Кавказехь аьлла. "Кхин а цхьана журналистана дуьхьал цхьа а доцург долу бехкаш бохкучул,... Читать дальше...

Пензан кIоштарчу Чемодановка эвлахь М5 олу федералан некъ лаьцна меттигерчу бахархоша, кху беттан 13-хь хилла вовшахлатар талла бохуш. Хьалхо цу эвларчу културан хIусаман хьалха гулам хилира, бIеннаш наха дакъалоцуш. Зорбанан гIирсаша дийцарехь а, социалан машанашкахь баьржачу хаамашца а эвларчу бахархоша бехке йина меттигерчу цигонийн юкъаралла девне леларна. Мангалан-беттан 13-хь хиллачу вовшахлатарехь лазийна 5 стаг, царах цхьаъ тIаьхьо велла, кхин цхьаъ ву реанимацехь. Меттигерчу зорбанан Iирсаша а... Читать дальше...

Нохчийчуьра цхьа эскархо вийна, республикера Оьрсийчоьнан армин батальонаш цига хьежо йолийнчхьана. Цунах лаьцна дIахьедар дина Нохчийчоьнан куьйгалхочо Кадыров Рамзана, "Интерфаксана" ша еллачу интервьюхь. Кадыровс дийцарехь, вийнарг ву "эзарнийн шемахойн дахарш лардеш, шен дахар дIаделла жима стаг". Цо иштта билгалдаьккхиyа муха операцеш дIахьош бу цу пачхалкхехь эскарехь гIуллакх деш болу нохчий. "Оьрсийчоьнан тIеман министраллан машарбаран батальонаш, шайна юкъахь Нохчийчуьрчу бахархойх кхоьллинарш а йолуш... Читать дальше...

Оьрсийчоьнан Iаламан министралло шозза шордина хIусамашкахь а, керташкахь а латто а, кхаба а мегар доцчу акхаройн тептар. Царна юкъатоьхна, масала, берзалой а, цхьогалш а, крокодилаш а, гIоркхмаш (акула) а. Низамо бохург кхочуш дойтур ду аьлла, шен хIусамехь цIоькъа лоьмаца цхьаьна сурташ дохуьйтуш куьйгалхо волчу Нохчийчохь а цхьаьна, яздо "Коммерсант" газето.

Полисхойн духар а доьхна, жимачу зудчо тапча куьйсуш яьккхина видеролик социалан машанашкахь гучуялар хьокъехь таллам болийна чоьхьарчу гIуллакхийн министраллан Нохчийчуьрчу урхалло. Гарехь, и видео яьккхина Нохчийчохь. РИА Новости агенталло Нохчийчуьрчу полицин векалшна тIетоьвжаш билгалдаккхарехь, полисхойн барзакъ а доьхна, герз кхуьйсург ю Къилбаседа ХIирийчуьра яхархо Джикаева Малика. Чоьхьарчу гIуллакхийн министраллан Нохчийчуьрчу урхаллан куьйгалхочо Алханов Руслана дIахьедар дина, таллам дIабирзинчул тIаьхьа... Читать дальше...

Оьрийчуьрчу суьдхошна кхушарахь тIетухуш ду алапа. Цу хьокъехь указ арахецна президенто Путин Владимира, хаам бо низамашца боьзна хаамаш бовзуьйтучу портало. Указан текстца а догIуш, Оьрсийчуьрчу суьдхойн алапа хьаладоккхур ду 1,4-зза. Иза деш ду кхелахошна социалан агIор гIо дан а, цхьаннех бозуш боцуш цаьрга болх байта а.