Новости за 06.06.2019

Гезгмашин-беттан 25-чу дийне кхаччалц лаьцна латторан хан яхйина ГIалгIайчуьрчу оппозицин лидершна Барахоев Ахьмадна а, Мальсагов Мусана а. Цу хьокъехь сацам бина Нальчикан гIалан кхело Мангал-беттан 5-чу дийнахь, хаам бо "Кавказ.Реалиино", адвокатана Точиев Баширна тIе а тевжаш. "Фортанга.ORG" телеграмм-канало дийцарехь, Барахоевн а, Мальсаговн а гергарнаш чу ца битина кхелан кхеташоне, цара "къепедацарш лело а, низамца богIуш боцу чулацам болу акцеш ян а мега" аьлла. Кхушара Зазадоккху-беттан... Читать дальше...

Нохчийчоьнан коьртачу гIалахь цхьаъ долахо хIоьттина 28 361 йиъкIов метр (2,8 гектар) лаьттан декъан. Иза ду Соьлж-ГIалин юккъехь, Соьлжа хица а, республикан куьйгалхочун Кадыров Рамзанан резиденцин дозанца а, яздо "Кавказ.Реалиино". Росреестро далочу терахьашца, кадастран мах бу цу лаьттан 12,7 миллион сом.    Зорбанан гIирсаша яздо, цу лаьттан декъан долахо Кадыров бу бохуш. Baza телеграм-канало билгалдаккхарехь, 5 шарахь Нохчийчоьнан куьйгалхочо тоам бора 0,37 гектар лаьттанах, царах 0,23 гектар латта дIалаьцна ду цуьнан хIусамаша. Читать дальше...

Оьрсийчохь 2018-чу шарахь уггар дукха компанеш тIекхетта ГIалгIайчохь а, Нохчийчохь а, хаам бо РБК-но, FinExpertiza аудитан-консалтинган агенталлана тIе а тевжаш. Цо бинчу талламца, стохка Оьрсийчохь схьайиллина 290 эзар керла компани, ткъа болх бечура сецна - 600 эзар сов, яздо "Кавказ.Реалиино". ДIакъевлинчу компанин терахь 2,14-зза алсам ду, керла кхоьллиначарал а. Оьрсийчохь 4 регионехь а бен ца нисделла дIакъевлинчарал а алсам компанеш кхоллар. Уггар дукха компанийн терахь тIекхетта ГIалгIайчохь... Читать дальше...

Кхаарийдийнахь даьстина Марханаш ГIиргIазойчохь. Цигарчу нохчаша массарел а хьалха декъалбо шайн цомгушнаш, беза-бевзарш – уьш ган боьлху юьхьанца. Ткъа бераш-м ду массанхьа а дерраш – бен-башха дац шаьш марханаш къобалдеш хьенан хIусаме хьалха-тIаьхьа доьлху, бухарчара кара мерза хIуманаш елчхьана! Кхин цхьа башхалла а гира Маршо Радиона ГIиргIазойчуьрчу нохчашца: алссам кхайкхамаш бора цара шайн къоман нахе вовшашца бертахь хилар доьхуш.

Карарчу хенахь Иракъехь болчу ГIиргIазойчоьнан бахархойн идентификаци йина бевлла шина а агIонан Iедалхой. Ишта уьш даймахка берзо дийцарш ду долийна. Оцу гIуллакхна гунахь йолчу Иракъерчу хьукматашца болх бу дIахьош ГIиргIазойчоьно. Каде хьийза гIиргIазойн бахархойн хьокъехь Шемахь а, хаамбо ГIиргIазойчоьнан арахьарчу гIуллакхийн министралло. Оцу юкъанна, Шемахь а, Иракъехь болчийн гергарчара Iедалшка дехар до, шайн ка ма йоллу, шайн доьзалш цIаберзабахьара бохуш. Хьалхо оцу дехарца мехкан президенте Жээнбеков Сооронбайга а бевлелера уьш. Читать дальше...

Нохчийчоьнан прокуратуро таллам болийна зорбанан гIирсашкахь баьржина хаам бахьана долуш. Кху деношкахь цхьамогIа зорбанан гIирсаша хаам бинера, Стиагкъекъа-беттан 25-чохь некъахьовзамехь, тIе машен а тоьхна, зуда ер хьулдеш зуламхоша цуьнан дакъа тIекIелдинчу цIийнан корехула аракхоьссина аьлла. Кавказ.Реалиино дийцарехь, Нохчийчохь хьулдан гIерташ бу Хакимова Байсет тIе машен а тоьхна йийна хилар, Нохчийчоьнан куьйгалхочуьнан администрацин белхахочун гергарчу зудчо.  "Нохчийчоь тахана" агенталло яздарехь... Читать дальше...

Загидова Марьям  Оьрсийчохь уггаре кIезиг таронаш йолуш а, хIусамехь чIана латто йиш йоцуш а болчу нехан мехкашлахь ю Кхарачой-Чергазийчоь. Стенна ду цигахь ваха хала? Муха хета эксперташна? "ТIедогIу рицкъ, ен харж, хIусам лелор" цIе а йолуш, 2018-чу шеран тIаьххьарчу кхаа баттах ша дина зераш довзийтина Оьрсийчоьнан статистикан урхалло (Росстат). 3,2% бен бац шайга тоъал рицкъ даккхало аьлла нах. 48,2% Оьрсийчоьнан бахархой беха юурггий, бедаррий бен эца таро йоцуш, ахча ца тоьу царна машен, йийбар, чохь оьшу кхидолу хIума эца. Читать дальше...

Тверан Заволжски кIоштан кхелехь листина Къилбаседа Кавказера схьаваьллачу шина стеган административан гIуллакхаш. Цу шиннах цхьаъ нохчо ву, ткъа важа ву Дагестенера вахархо. Царна бехке дуьллуш ду АЗС станцешкахь бензин лачкъор, яздо Тверерчу зорбанан гIирсаша. Вовше вевзаш воцу цу шина стага цхьа кеп лелийна кочаягориг лачкъош. Машен чу бензин а доьттина, ахча дIа а ца луш, дIавахана ишиъ. Цхьана зуламхочо цу кепара 39.5 литр безин лачкъийна, ткъа шолгIачо лачкъийна – 30 гергга литр. Кхело цу шиммо лелийнарг кегийра къола дар лаьрра... Читать дальше...

Истанбулера Соьлж-ГIала кхаьчначу кеманца цIабаьхкинчу некъахошна таллам беш таможнин белхахоша зударийн кучамаш а, кIархаш а дIабаьхна цхьана зудчуьнгара. Цунна бехке дуьллуш ду хIинца, деклараци а ца еш, махка товар дар, хаам бо "Нохчийчоь тахана" агенталло. Зударий кучамаш а, кIархаш а бохьуш лаьцначу зудчо дийцарехь, цо уьш базарахь бохка беана хилла, Туркойчу садаIа йоьдуш шен яьлла харж меттахIотто дагахь. Цуьнгара дIаяьккхина 13 коч а, 38 кIарх а дIахьажийна Минеральные Воды аэропортан таможнин цIарх схьаяьхна хIуманаш латточу меттиге.

Политике бахкале дуккха а хьалха даьхна ду хIара пачхьалкхийн куьйгалхойн суьрташ. Бевзар буй шуна уьш берийн а, кхиазхойн а хенахь?

15 керла школа йир ю Нохчийохь 2019-чу шарахь. Цу хьокъехь омра дина республикан куьйгалхочо Кадыров Рамзана, хаам бо 5portal сайто. И школаш оьшуш ю Нохчийчохь бераша кхаа рожехь дешар дIадаккха. Верриг а керла йийр йолчу дешаран меттигашкахь тIеоьцур ву лаххара а 7 эзар дешархо. Цул сов, Кадыровн сацамца, республикехь кхушара дан лерина ду 5 дарбанан цIа. Царна юкъахь ю Дарбанхи а, СемаIашка а эвланашкахь йийр йолу синӀаткъаман дарбанан ши хIусам а, Соьлж-ГIалара 1-ра а, 4-гIа а дарбанан цIенош а, Куршлойн эвлахь йийр йолу цхьа лазартне а.

Массо а араволий, Далла Iамалш еш, вовшашна велавелла, векхавелла хуьлу Марха Достучу Дийнахь Урдунехь. Нохчийн гIалахь Заркъехь шатайпа гIиллакх лела Дезчу Дийнахь. ГIеметта хIиттина божарий цхьаьнагулло юьхьанца, чекхбовлу вовшашка саламаш луш, тIаккха дIасабоьлху доьзалш декъалбан. Марха Дастар цигахь а тергадира Маршо Радионо.