Новости за 28.09.2018

Оьрсийчохь набахтехь валлочу политикан тутмакхо Клых Станислава кехат дахьийтина кхечу хан токхучу украинхочуьнга Сенцов Олеге. "Украинан бакъдерг" газетано яздарехь, Сенцовга мацаллин протест сацаяр доьхуш, кехат яздина хилла Клыха. "Стаса Сенцовга яздина, - дийцина Клыхан нанас Клых Тамарас. – Ас и кехат дIакхачор ду Украинан омбудсмене Денисова Людмиле а. Ша мацалла кхайкхаяле хьалха Стаса шега кехат даийтинера боху Сенцовс. Тутмакхаша тутмакхашка кехаташ дIаса ца кхачадо, цундела соьга дIатаса аьлла цо". Читать дальше...

Нохчийчоьнан прокуратуран хаамца, Соьлжа-ГIаларчу тоннель буьххьехь шен мобилан телефонца селфи ян гIоьртинчу 13 шо долчу йоьIан, чу а йоьжна, букъдаьIахк кагйелла. "Керланаш" агенталло Iораяьккхина и информаци. Дас-нанас дарба дан дехьаяьккхина кхиазхо. ЙоIа а, цуьнан дас-нанас а ледарло яр ду аьлла хета прокуратурехь. 15 шо долу кIант велира стохка Соьлжа-ГIалахь, селфи ян дагахь бетонах йинчу корта тIера охьа а кхетта.

Могушаллина зене дааре а, шекаре а бераш ца марздалийтархьама школийн дозан тIехь чипсаш, газ йолу хиш, шоколадан батонаш йохкар низамца дехкар хьехна пачхьалкхан Думера могушалла Iалашъяран комитетан куьйгалхочун гIовса Огуль Леонида. Комитето пIераскандийнахь дIахьочу кхеташонехь дийца лерина ду ишта могушалла кхиорехь хIуьттучу проблемех а.

Цхьа могIа теракташ дан араяьлла тоба лаьцна полицино Нидерландашкахь, хаамбо Associated Press хьастано. Аргем а, Верт а гIаланашкахь дIаяьхьнера лерина операци. Лецначаьргара дIаяьхна гранаташ, АК47 автоматаш а, бомбанаш ен гIирс а. Шеконашца лецначех кхоъ хьалхо жоьпе озийнера даIишхошкахьа тIемаш бан дехьавала гIортарна. Тобан хьалханча ву аьлла бехкевинчу 34 шо долчу Иракъера схьаваьллачу вахархочунна стохка кхел йинера "Исламан пачхьалкх" шех олучу тобанах дIакхета гIортарна. Нидерландийн кхерамзаллийн ницкъийн векалша дIахьедина... Читать дальше...

Маршо Радионо хаттар дина Москохарчу бахархошка.

Нохчийчоьнан а, ГIалгIайчоьнан а дозанаш билгалдахарна тIекхиийна республикан премьер-министро Евлоев Зеламхас, яздо мехкан куьйгалхочун официалан сайтехь. Дуьйцург ду, шина махкана юкъара доза - Къилбехьара Цори-Ломана тIера Фартанга хитIехула, Къилбаседанера  - гIалгIайн Аки-Юртара. Нохчаша гIалгIашна дIаделла 2 эзар гергга гектар латта, оццул баоамашкахь латта Нохчийчоьнна а дитина ГIалгIайчоьно. Нах чохь беха цхьа юрт дIасаелла яц. Юьртабахаман министро Галаев Хизира билгалдаккхарехь... Читать дальше...

Сунжа кIоштарчу дарбан цIийне далийначу мераберашна йиттинчу дестечунна административан  гIуда тоьхна Iедало. Зудчо дийцарехь, бераша шега лацадогIарна йиттина хилла цо царна. Кхелан-медицинан талламо къастийна, берашна тIехь гематомаш, кховраш дийлина меттигаш хилар. Кхи даккхий зенаш дина цахилар тидаме а эцна, административан гIуда а тоьхна, йитина зуда бехкзуламан гIуллакх дуьхьал ца доккхуш.  2014-чу шарахь Нохчийчохь шен кхо шо долчу мерайоIна Юсупова Мархина йиттина цуьнан десте Байсултанов Марина набахтехь хан токхуш ю. Читать дальше...

Видеоблогерна Абдурахманов Тумсона тховкIело яла дуьхьало йина Полшин Iедалша. Фейсбукерчу шен пена тIехь бина и хаам блогеро. Нохчийохь лело харцонаш Iорайохуш YouTube-каналехь видеоблог ю Абдурахмановс лелош. Кадыров Рамзанан гергарчу Кадыров Исламца дов эккхар бахьана долуш вада везна иза махкара. "Сан кехаташ луьстуш хиллачу мухIажирийн гIуллакхашкахула йолчу Кхеташоно сацамбина, суна мухIажиран статус ца яла. Делахь а, сан доьзална тховкIело елла цара", - яздо Абдурахмановс. Шайн пачхьалкхан территори тIехь витахь... Читать дальше...

Социалан машанехь ГIалгIайчуьрчу 49 шо долчу вахархочо йитина комментари экстремизме лерина талламчаша. Церан версица, цхьана сайтан агIоне яьккхинчу видеона бухахь цо дитина йоза къаьмнашлахь цабезам, мостагIалла гIаттош, динан башхаллаш къестош хилла. Бехкзуламан гIуллакх долийна лаьцначунна дуьхьал, хаамбо ГIалгIайчоьнан Талламан комитетан сайт тIехь.

Iедалшца дага а ца буьйлуш митинг хIотторна гIуданаш диттина жигархошна Хаутиев Багаудина а, Нальгиев Исрапилна а, Султыгов Сараждина а, Албогачиев Мусана а. Маршо Радионо хааме ма даккхара, Евкуров Юнус-Бека а, Кадыров Рамзана а кхааридийнахь барт хилла дозанаш дIасадоькъуш. Дуьхьалонан акцеш дIахьочу юкъанна хилира шина мехкан куьйгалхойн куьйгашяздар. Шинаридийнахь Сунженскан кIоштан администрацина хьалха дIаяьхьира цхьа акци, шолгIачу дийнахь Магасе чувуллучохь. Митинг дIайоьхначул тIаьхьа... Читать дальше...