Մյունխենում փախստականների ապաստարանը տարանջատող պատ կկառուցվի
Գերմանական Մյունխեն քաղաքի Նոյպերլախ թաղամասում չորս մետր բարձրությամբ պատ կկառուցվի, որը բնակելի շենքերը կբաժանի փախստականների համար կառուցվող ապաստարանից:
Die Welt-ը գրում է, որ տեղացիների բողոքներից հետո իշխանությունը տվել է պատի կառուցման համաձայնություն: Մոտակա բնակելի շենքերը գտնվում են 25 մետր հեռավորության վրա և ապաստարանից բաժանված են կանաչ գծով ու ճանապարհով, սակայն թաղամասի բնակիչներն ուժեղացված ձայնային պաշտպանություն են պահանջել:
Նշվում է, որ ապաստարանը նախատեսված է 160 երիտասարդ, այդ թվում` անչափահաս փախստականների համար, ովքեր Գերմանիա են ժամանել առանց մեծահասակների ուղեկցության: Կառուցվող պատը չի շրջապատի ապաստարանն ամբողջ պարագծով: