ԼՂՀ-ում զբաղվածների միջին ամսական աշխատավարձը վերջին 10 տարիներին աճել է՝ 134 դոլարից հասնելով 316-ի
Ըստ ԼՂՀ Կառավարության տրամադրած տվյալների՝ ԼՂՀ բնակչության թիվը 2016 թվականի հունվարի 1-ի դրությամբ կազմել է 148,1 հազար մարդ, 01.01.2007թ.-ի դրությամբ արձանագրված 137.7 հազարի փոխարեն:
Զբաղվածների (վարձու աշխատողների) թիվը 2015 թ-ին կազմել է 43 669 մարդ, նախորդ տարվա համեմատությամբ ավելացել է 605 նոր աշխատատեղ:
Ըստ ԼՂՀ Կառավարության՝ վերջին տաս տարիներին բնակչության դրամական եկամուտները տարեկան կտրվածքով միջինում աճել են մոտ 12 %-ով, իսկ ծախսերը` 12.2 %-ով:
Տնտեսության մեջ զբաղվածների միջին ամսական անվանական աշխատավարձը վերջին 10 տարիներին աճել է 134 ԱՄՆ դոլարից (2006թ.) մինչև 316 ԱՄՆ դոլար (2015թ.), ընդ որում՝ 2014 թ-ի համեմատ անվանական աճը կազմել է 7.0 տոկոս: