Քրդամետ կուսակցությունը հայտարարել է Թուրքիայի խորհրդարանում իր աշխատանքի դադարեցման մասին
Թուրքիայի Ժողովրդադեմոկրատական կուսակցության գլխավոր շտաբը պաշտոնական հայտարարություն է տարածել Թուրքիայի խորհրդարանում կուսակցության աշխատանքի դադարեցման մասին:
Այս մասին հաղորդում է թուրքական «Յենիշաֆաք» թերթը:
Նշենք, որ ընդդիմադիր Ժողովրդադեմոկրատական կուսակցության անդամ է նաև հայազգի պատգամավոր Կարո Փայլանը:
Հիշեցնենք, որ նոյեմբերի 4-ի առավոտյան Դիարբեքիր քաղաքի Բաղլար թաղամասում հզոր պայթյուն է տեղի ունեցել, ահաբեկչությունն իրականացվել է պայթուցիկներով լի մեքենայի պայթեցման միջոցով:
Նշենք, որ նույն օրը Դիարբեքիրում և Անկարայում ձերբակալվել է քրդամետ Ժողովրդադեմոկրատական կուսակցության 13 անդամ, այդ թվում` կուսակցության համանախագահներ Սելահաթթին Դեմիրթաշն ու Ֆիգեն Յուքսեքդաղը:
Այժմ մի շարք պատգամավորների անձեռնմխելիության մասին օրենքը, որն ամրագրված էր Սահմանադրության 83-րդ հոդվածով և արգելում էր պատգամավորներին «կալանավորել, հարցաքննել, դատապարտել առանց խորհրդարանի թույլտվության», համարվում է անվավեր: