Դայվերները ցուցադրել են, թե ինչպես են կերակրում հղի շնաձկանը (տեսանյութ)
Դայվերները կերակրել են հղի վագրային շնաձկանը և տեսագրել են կերակրման ընթացքը:
Ինչպես գրում է РИА Новости-ն, իրականում սուզորդները չէին նախատեսել հանդիպումը հսկա ծովային գիշատչի հետ: Նրանք ոչ մեծ չափերի կիտրոնային շնաձկներին էին կերակրում Բահամյան կղզիների ջրերում: Այդ պահին նրանց է մոտեցել հսկայական և ամենայն հավանականությամբ հղի վագրային շնաձուկը:
Այս տեսակը բավականին վախեցնող արտաքին և մեծ չափեր ունի, սակայն դայվերներին մոտեցած շնաձուկը թույլ է տվել սուզորդին շոյել մեջքը: