Россия һәм якын чит илләрнең Азиядәге товар әйләнеше 2023 елда рекордлы булды
Россия Федерациясе һәм якын чит илләр арасында товарлар әйләнеше Азиядә 2023 елда 56,2 млрд доллар тәшкил итте - бу рекордлы күрсәткеч. Ул 2022 елдагыдан 7 процентка (52,5 млрд булган) артык. Сәүдә буенча алдынгы партнерлар исемлегенә Казахстан, Үзбәкстан һәм Әрмәнстан керде, дип яза РИА Новости.
Казахстан белән товар әйләнеше үзгәрешсез калды (26 млрд доллар). Өстәвенә, Казахстан өлеше бераз (50 проценттан 46 процентка кадәр) кимегән.
Россиянең зурлыгы буенча икенче партнеры Үзбәкстанның сәүдә әйләнеше күрсәткече 9,9 млрд доллар (елына+ 5,4%). 7,3 млрд доллар белән топ–3не Әрмәнстан (бер ел эчендә бу сумма 1,4 тапкыр артты) төгәлли.
Топ-5 составына шулай ук 4,4 млрд доллар товар әйләнеше белән Азәрбайҗан (елына +18 процент) һәм 2,9 млрд доллар белән Кыргызстан (-17 процент) керде.
Үзбәкстан, Әрмәнстан һәм Азәрбайҗан белән товар әйләнеше 2023 елда тарихи максимумнарга кадәр арттырылган.
Шулай ук Грузия (2,4 млрд), Таҗикстан (1,7 млрд) Россиянең топ-7 партнерлары исемлегенә керде.