Россиядә өстәмә кыйммәткә салым киметеләчәк балалар товарлары исемлеге киңәйтелде
Россия Хөкүмәте башлыгы Михаил Мишустин өстәмә кыйммәткә салым ике тапкыр (10 процентка кадәр) киметеләчәк балалар товарлары исемлеге киңәйтелүе хакында хәбәр итте.
РФ Президенты Владимир Путин күрсәтмәсе белән, исемлеккә автомобиль утыргычлары һәм бала карауда кирәкле товарлар кертелгән.
Моннан тыш, балаларга аталган өс һәм киемнәре, караватлар, коляска һәм матрацлар, шулай ук уку һәм иҗат өчен кирәк-яраклар җитештерүчеләр һәм сатучылар өчен ташламалы салым гамәлдә инде.
Мишустин әлеге документның балалар товарлары җитештерүне үстерүгә каралган финансларны арттырырга мөмкинлек бирәчәген искәртте.
«Әзерләнгән документ предприятиеләргә үсешкә өстәмә рәвештә ел саен 4 миллиард сумнан артык акча юнәлдерергә мөмкинлек бирәчәк, бу шул исәптән Россиядә балалар товарлары эшләп чыгаруны арттыру өчен тиешле шартлар тудырачак һәм балалы гаиләләргә үзләренә кирәкле товарлар сатып алырга ярдәм итәчәк», - диде РФ Премьер-министры.