Новости за 28.04.2024

«Хәтер бакчасы» акциясе кысаларында Бөек Ватан сугышында һәлак булган миллионнарча совет кешесе истәлегенә агачлар утыртыла. Акциягә Зәй районы быел да актив кушылды. Бу хакта «Зәй офыклары» газетасы яза.

Кукмара районы башлыгы Сергей Димитриев «Олимп» Боз сараенда район хоккейчыларын тәбрикләде. 2023-2024 елгы хоккей сезоны нәтиҗәләре буенча республика һәм бөтенроссия ярышларындагы уңышлары өчен хоккейчыларга һәм аларның тренер-укытучыларына Рәхмәт хатлары, акчалата бүләкләр тапшырылды. Бу хакта «Хезмәт даны» газетасы яза.

18 апрельдә республикада Бөек Ватан сугышы һәйкәлләрен һәм хәрби каберлекләр урыннарын төзекләндерү буенча Бөтенроссия өмәсе старт алды. Акциядән азнакайлылар да читтә калмады. «Бердәм Россия» партиясенең Азнакай җирле бүлеге оештырган чистарту өмәсендә шәһәрнең 9 нчы мәктәп укучылары, «Яшь гвардиячеләр» активитслары, яшьләр лидерлары катнашты. Бу хакта «Азнакай-информ» яза.

Татарстанда өстәмә белем бирү программаларын гамәлгә ашыра торган дәүләт оешмалары хезмәткәрләренең хезмәт хакы шартлары турындагы нигезләмә үзгәртелде. ТР Министрлар Кабинетының тиешле карарына республика Премьер-министры Алексей Песошин кул куйды.

Бүген экологик иҗтимагый оешмалар, хәрәкәт активистлары һәм велосипедчылар Казанның «Урам» экстрим-паркында бергәләп үткәргән чарада экологик коктейльләр, хәтта вегетариан өчпочмагын авыз итеп булды.

26 апрельдә бөек татар шагыйре Габдулла Тукайның тууына 138 ел тулды. Бу көнне Татарстанның Россиядәге Тулы вәкаләтле вәкиллеге, Мәскәү татарлары автономиясе вәкилләре, башкаланың татар җәмәгатьчелеге активистлары Габдулла Тукай һәйкәленә чәчәкләр салды. Бу хакта Мәскәү татарлары автономиясе матбугат хезмәте хәбәр итә.

«ТР флоты» Казансу буйлап экскурсия рейсларын эшләтеп җибәрергә планлаштыра. Бу маршрут өчен судно әзерләнгән, әмма елгада кирәкле инфраструктура юк. Бу хакта журналистларга Казанда навигация ачылышында суднолар компаниясенең генераль директоры Роман Лизалин хәбәр итте.

27 апрель көнне Саратов шәһәрендә «Идел йолдызлары» татар балалары фестивале узды. Бирегә күп кенә регионнардан катнашучылар җыелды. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов Төрекмәнстан Халык Мәсләхәте Рәисе Гурбангулы Бердымөхәммәдов белән очрашты. Бу хакта ТР Рәисе матбугат хезмәте җитәкчесе Лилия Галимова хәбәр итте.

1 ноябрьдән хәрби исәп һәм электрон повесткаларның электрон реестрлары эшли башлаячак, дип хәбәр итә Татарстан Оператив штабы.

Татарстан Рәисе Рөстәм Миңнеханов Ашхабадта булды, анда Төрекмәнстан Президенты Сердар Бердымөхәммәдов белән очрашты. Бу хакта ТР Рәисе матбугат хезмәте җитәкчесе Лилия Галимова сөйләде.

Бүген Татарстанда Идел буйлап пассажир навигациясен ачтылар. Казанның Елга портында узган чара Россия һәм Татарстан гимннарыннан башланды. Тантанада Идел буе дәүләт су транспорты университетының Казан филиалы курсантлары марш белән үтте.

Казансу яры буенда экостанция ачылу уңаеннан «Киләсе станция - Эко!» экобәйрәме үтте. Биредә «Татар-информ» хәбәрчесе дә булды.

Хәзерге вакытта Татарстанда 48-55 мең хезмәткәр җитми, әмма киләсе җиде елда республикага 162-165 мең яңа белгеч кирәк булачак. Бу хакта «Татарстан 24» телеканалындагы «Галстуксыз интервью» программасында «ТР һөнәри компетенцияләрне үстерү үзәге» коммерцияле булмаган автоном оешмасының генераль директоры Эмиль Гобәйдуллин сөйләде.

Татарстан Рәисе каршындагы Дәүләт торак фонды 2024 елга торакны файдалануга тапшыру планын 52,6 процентка үтәгән. Республика шәһәрләрендә һәм районнарында быел гомуми мәйданы 161,7 мең квадрат метр булган 3299 фатирлы 56 йорт төзү каралган. 1542 фатирга исәпләнгән 24 йорт файдалануга тапшырылган. Бу хакта фондның матбугат хезмәте хәбәр итә.

9-12 июньдә Казанда «Киләчәкне формалаштыру» II Мәгариф министрлары форумы узачак. Бу хакта «Россия» күргәзмә-форумында төрле илләрнең илчеләренә Мәгариф министрлыгы башлыгы Сергей Кравцов сөйләде, дип хәбәр итә ведомствоның матбугат хезмәте.

Россия спортчыларына Казандагы БРИКС уеннарында җиңү яулаган өчен 358,4 мең сум күләмендә түләү бирергә планлаштыралар. РФ Спорт министрлыгы тарафыннан әзерләнгән Хөкүмәт карары проекты норматив хокукый актлар проектлары порталында пәйда булды.

Быел 1 майдан башлап россиялеләр төрле банклардагы хисаплары арасында онлайн рәвештә комиссиясез аена 30 млн сумга кадәр акча күчерә алачак. Ул счет номеры буенча мобиль кушымталар аша, банк сайтындагы шәхси кабинетта яки телефон номеры буенча тиз түләүләр системасы аша эшләнә ала. Бу хакта РФ Үзәк Банкының матбугат хезмәте искәртә.

Бәйрәм көннәрендә Татарстан медицина учреждениеләре махсус расписание буенча эшләячәк. 28 апрельдән 1 майга кадәр, шулай ук 4 майдан 5 майга һәм 9 майдан 12 майга кадәр яңартылган эш графигы түбәндәгечә билгеләнгән:

Элек армиядә хезмәт итмәгән булсагыз да, контракт буенча хезмәт итәргә мөмкин, дип хәбәр иттеләр ТР хәрби комиссариатында.

«Мәгариф» журналы укытучылар белән «Бердәм дәүләт имтиханында яңалыклар һәм аның укучы тормышына тәэсире» дигән түгәрәк өстәл оештырды. Очрашуда катнкашкан 84нче мәктәпнең тарих фәне укытучысы Гөлнара Батманова БДИга карата үз фикерләрен белдерде.

Россия Федерациясе Хөкүмәте 2024 елда Казанда узачак БРИКС илләре Уеннарында Россия җиңүчеләренә һәм призерларына бер тапкыр бирелә торган акчалата бүләкләү турында карар проекты әзерләде.

Иң өлкән катнашучыга 86 яшь.

Татарстан Рәисе Рөстәм Миңнеханов үзенең Telegram-каналында үзәк республика өмәсенә (Казанда ул Нокса урманында узды) кушылган һәркемгә рәхмәт белдерде.

Бүген, 28 апрельдә, Татарстанда тотрыксыз һава торышы саклана, шул ук вакытта салкын атмосфера фронты узу сәбәпле температура фоны төшәчәк. Бу хакта ТР Гидрометеорология үзәге хәбәр итә.