Новости за 11.11.2021

(Казан, 11 ноябрь, «Татар-информ», Наталья Рыбакова). Татарстанда яшәүчеләрнең 97 проценты Бөтенроссия халык санын алу кампаниясендә катнашкан. Татарстанстат җитәкчесе Наталья Гатауллина «Татар-информ» агентлыгына биргән интервьюсында шулай дип белдерде. «14 ноябрь — җанисәпнең соңгы көне. Бүгенге көндә республикабызда яшәүчеләрнең 97 проценттан артыгы әлеге акциядә катнашты инде», - дип хәбәр итте ул. Бу – Россия буенча уртача күрсәткечкә караганда югарырак. Бүгенге көндә илдә яшәүче 133,5 миллион кеше җанисәптә катнашкан... Читать дальше...

Татарстанда узган тәүлектә коронавирусның 249 яңа очрагы теркәлгән. 3се — читтән кертелгән, 246сы кешедән йоккан очраклар. ТР Сәламәтлек саклау министрлыгының матбугат хезмәте шул хакта хәбәр иткәнчә, 72 кешене хастаханәгә салганнар, 177 кеше өйдә дәвалана. Татарстанда коронавирусның 33 мең 147 очрагы билгеле. 26 мең 429 кеше тернәкләнгән. Барлыгы 1 млн 758 мең 303 кешегә вакцинация үткәрелгән, шуларның 1 млн 165 мең 897се икенче прививкасын ясаткан.

(Казан, 11 ноябрь, «Татар-информ», Гадел Әхмәтҗанов). «Тәртип» радиосының халыкара Әниләр көне уңаеннан игълан ителгән «Әниләр марафоны»нда меңгә якын кеше катнашкан. «Бүгенге көндә „Әниләр марафоны“ның Инстаграм аккаунтына 890 кеше язылган. Марафонның төп шарты — 21 көн буе постлар урнаштырып бару. Бүген — унберенче көн. Шушы вакыт эчендә төшеп калмыйча, көн саен яңа темаларга язма чыгаручылар 750дән артык», — диде Марафонның идея авторы Динара Әхмәт «Татар-информ» хәбәрчесенә. Әйтергә кирәк, #әниләрмарафоны2021... Читать дальше...

(Казан, 11 ноябрь, «Татар-информ», Гөлнар Гарифуллина). ТР Фәннәр Академиясенең Г.Ибраһимов исемендәге Тел, әдәбият һәм сәнгать институты директоры, филология фәннәре докторы Ким Миңнуллин диалектларны тиешле дәрәҗәдә өйрәнү ни өчен кирәк булуын аңлатты. Ул «Татар-информ» мәгълүмат агентлыгында узган матбугат очрашуында төрле җирлекләрдә халык иҗатын, сәнгатьне, киемнәрен, яшәү рәвешен, торак пунктларны, тел үзенчәлекләрен, кабер ташларын өйрәнгәндә, галимнәр телгә бәйле материал белән очрашканын искәртте. Читать дальше...

(Казан, 11 ноябрь, «Татар-информ»). ТНВ каналы Бөтенроссия халык санын алуда катнашучылар арасында бүләк уйната ТНВ каналы хәбәр итүенчә, халык санын алуда катнашучылар арасында очраклы рәвештә робот-пылесос уйнатылачак. 5 ноябрьдә башланган бәйгедә 3600дән артык кеше катнашырга өлгергән. Катнашу шартлары: - ТНВның @tvtnv һәм @newstnv аккаунтларына язылган булу; - Бәйге турындагы постны сториска кую; - Пост астында "катнаштым" дип комментарий калдыру. Җиңүче 15 ноябрь билгеләнәчәк.

(Казан, 11 ноябрь, «Татар-информ», Наталья Рыбакова). Татарстанда Бөтенроссия халык санын алу кампаниясендә катнашучылар арасында iPhone 13 смартфоннарын уйнату дәвам итә. Бүгенге көндә 20 смартфон уйнатылган инде, калган дүрт көндә тагын 8 гаджетның ияләре билгеле булачак. «Бәйге 1-14 ноябрьдә уза. Ун көн эчендә 20 смартфон уйнатылды. Җиңүчеләр арасында Татарстанның төрле районнарыннан вәкилләр бар. Бүләкләрнең яртысын тапшырдык инде. Халык санын алу кампаниясенең калган көннәрендә республикада... Читать дальше...

(Казан, 11 ноябрь, «Татар-информ», Зилә Мөбәрәкшина). Мәскәү татарлары штабы җитәкчесе Рөстәм Ямалиев татар халкын дөнья буйлап сибелгән бриллиант белән чагыштырды һәм дөньяны татарлардан башка күз алдына китереп булмавын әйтте. «Татарны бары тик түбәтәй, чәкчәк һәм Сабантуй сүзләре аша гына күрергә гадәтләнгәннәр. Чынлыкта, татар халкы галимнәре, генераллары һ.б. күренекле шәхесләре белән данлыклы. Татарлар — тырыш, эшчән халык. Йөз елдан халкыбыз, туган телебез белән ни булыр? Әйдәгез, барыбыз да җанисәптә татар булып язылыйк. Читать дальше...

(Казан, 11 ноябрь, «Татар-информ», Егор Никитин). Татарстан Президенты Рөстәм Миңнеханов киләсе атнада Аргентинаның Россиядәге илчесе Эдуардо Антонио Зуайн белән очрашырга ниятли. Ике республика арасындагы икътисади хезмәттәшлекне киңәйтү әңгәмәнең төп темасы булачак. ТР Президентының матбугат хезмәте җитәкчесе Лилия Галимова журналистлар катнашында узган брифингта шулай дип белдерде. «Киләсе атнада республика Президентының Аргентина Республикасының Россия Федерациясендәге гадәттән тыш һәм тулы... Читать дальше...

(Казан, 11 ноябрь, «Татар-информ»). 7 ноябрьдә сенатор Андрей Кислов Самара өлкәсенең Кинель-Черкасс районында яшәүче 12 яшьлек Әнсәр Нурушевка «Күрсәткән батырлыгы өчен» медален тапшырган. «Самар татарлары» сайты хәбәр иткәнчә, мәктәп укучысы әлеге бүләккә күрсәткән кыюлыгы һәм чит кешенең кайгысына битараф калмаганы өчен лаек булган. Үз гомерен куркыныч астына куеп, Әнсәр боз астына төшеп киткән баланы коткарган. Сенатор Әнсәр Нурушевка медаль белән бергә истәлекле бүләк тә тапшырган. Совет Федерациясе... Читать дальше...

(Казан, 11 ноябрь, «Татар-информ»). Татар әдәби әсәрләрен сәнгатьле укучыларның «ТАТАR СҮЗЕ — 2022» халыкара бәйгесенә гаризалар кабул итү вакыты озайтылган — видеоязмаларны 15 декабрьгә кадәр җибәрергә була. Габдулла Тукай исемендәге Татар дәүләт филармониясе матбугат хезмәте хәбәр итүенчә, бәйгедә катнашучылар шигырьләр, мәсәл һәм проза укуда көч сынашачак. Бәйгене филармония Татарстан Республикасы Президенты каршындагы татар телен саклау һәм үстерү комиссиясе ярдәме белән оештыра. «ТАТАR СҮЗЕ» халыкара бәйгесе икенче тапкыр үткәрелә. Читать дальше...

(Казан, 11 ноябрь, «Татар-информ», Егор Никитин). Татарстанда җәмәгать транспортында QR-кодлар системасының эш тәртибе турында бүген көннең икенче яртысында хәбәр итәчәкләр. ТР Президентының матбугат хезмәте җитәкчесе Лилия Галимова журналистлар катнашында узган брифингта шулай дип белдерде. Ул билгеләп үткәнчә, элегрәк ТР Президенты йөкләмәсе буенча QR-кодлар системасына бәйле мәсьәләләрне тикшерү белән шөгыльләнүче махсус эшче төркем булдырылган. «Әлеге эшче төркем шул исәптән автотранспорт... Читать дальше...

(Казан, 11 ноябрь, «Татар-информ»). 7 ноябрьдә Ташкент өлкәсе Хокимияте инициативасы белән Үзбәкстанның Пскент районындагы ипподромда «Улак» дип аталган ат чабышлары үткәрелгән. Чара кысаларында Ташкент өлкәсендәге милли-мәдәни үзәкләр тәкъдим ителгән. Татарстанның Үзбәкстандагы Вәкиллеге матбугат хезмәте хәбәр иткәнчә, Ташкент өлкәсенең Яңыюл районы Татар иҗтимагый мәдәни үзәге идарәсе рәисе Әнисә Гатауллина, шулай ук «Алтын Мирас» яшьләр бүлеге активистлары Яңыюл шәһәрендә яшәүче татарлар белән таныштырган. Читать дальше...

(Казан, 11 ноябрь, «Татар-информ»). 2021 елгы Бөтенроссия халык санын алу кампаниясендә катнашу буенча Татарстан Республикасы алдынгы төбәкләр арасына керде. Росстат башлыгы Павел Малков Россия Президенты Хөкүмәт әгъзалары белән үткәргән киңәшмәдә шулай дип белдерде. «Бүгенге көндә җанисәптә Россиядә яшәүче 133,5 миллион кеше катнашкан, бу ил халкының 91,6 проценты дигән сүз», — дип искәртте спикер. Мәскәү шәһәре һәм өлкәсендә, Санкт-Петербургта, Төньяк Кавказда эш тәмамланган диярлек, Чечен Республикасында... Читать дальше...

(Казан, 11 ноябрь, «Татар-информ»). 29 октябрьдә Россия мөселманнары Үзәк Диния нәзарәте составындагы Ерак Көнчыгыш мөселманнары Диния нәзарәтенең Сахалин өлкәсе имам-мөхтәсибе Мөхәммәдякуп хәзрәт Мәдәминов 35390нчы гаскәри частьтә хезмәт итүче мөселман хәрбиләре белән очрашу үткәрде. Рабигыль-әүвәл ае уңаеннан, дин эшлеклесе Мөхәммәд пәйгамбәрнең (с.г.в.с.) тормышы һәм кылган гамәлләре хакында сөйләде. Бу хакта Россия мөселманнары Үзәк Диния нәзарәте составындагы Ерак Көнчыгыш мөселманнары Диния нәзарәтенең матбугат хезмәте хәбәр итә. Читать дальше...

(Казан, 11 ноябрь, «Татар-информ»). 2022 елда Россиядә интернет, телевидение һәм башка чыбыклы элемтә хезмәтләре уртача алганда 10 процентка артырга мөмкин. TelecomDaily агентлыгы зур элемтә компанияләре топ-менеджерлары арасында үткәргән сораштыру нәтиҗәләре шуны раслый. Бу хакта «Известия» газетасы яза. Тикшеренүдән күренгәнчә, сораштыруда катнашучыларның 78 проценты 2022 елда тарифларны күтәрергә әзер булуы хакында хәбәр иткән. Шул ук вакытта, респондентларның 48 проценты бәяләрнең 10 һәм аннан да күбрәк процентка артачагын белдергән. Читать дальше...

(Казан, 11 ноябрь, Татар-информ», Рузилә Мөхәммәтова). 15 ноябрьдә ТР Дәүләт җыр һәм бию ансамбле Казанда «Мирас. Алтын фонд» концерт программасын күрсәтәчәк. Концерт Камал исемендәге Татар дәүләт академия театры сәхнәсендә була. «Программа узып баручы елның иҗади эшчәнлек нәтиҗәсе булачак», дип хәбәр итә ансамбльнең матбугат үзәге. Беренче бүлектә тамашачыларга ансамбль коллекциясе шедеврлары — тирән фольклор тамырлары булган чыгышлар, шулай ук яңа вокаль-хореографик композицияләр тәкъдим ителәчәк, дип хәбәр итә оештыручылар. Читать дальше...

(Казан, 11 ноябрь, «Татар-информ»). Бер яшькә кадәрге, җиде яшьтән олырак балалар һәм үсмерләр коронавирус инфекциясе белән ешрак авырый. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) эпидемиология Үзәк фәнни-тикшеренү институты директоры урынбасары Александр Горелов «Россия-24» телеканалы эфирында шулай дип белдерде. Белгеч хәбәр иткәнчә, Россиядә коронавирус йоктыру очракларының 11 проценты шулар өлешенә туры килә. «Ковид белән күбесенчә бер яшькә кадәрге... Читать дальше...

(Казан, 11 ноябрь, «Татар-информ»). Төмәннең «Яңарыш» сайтында Гөлнур Вәлиева хәбәр иткәнчә, Төмән районының, Индрәй урта мәктәбендә укучылар хәләл ризык ашауга күчтеләр. Пәйгамбәребез (сәлаллаһү галәйһи вәссәләм): «Кешенең карынына хәрам керсә, 40 көн буе кылган догасы, укылган намазы кабул булмас», — дип әйтә. Һәм дә инде хәрам ит ризыклары кеше организмына зыян сала. Чөнки хәзерге заман галимнәре дуңгыз итенең һәм мөселманча чалынмаган итләрнең составында зыянлы матдәләр барлыгын фәнни яктан да ачыкладылар. Читать дальше...

(Казан, 11 ноябрь, «Татар-информ»). «Язлар моңы» шигырьләр җыентыгы авторы, Иске Ярмәк авылында яшәп иҗат итүче хезмәт ветераны — шагыйрә Гөлсем Хөббәтованың «Якты хыял бүләге» китабы дөнья күрде. « Самара татарлары » сайты хәбәр иткәнчә, китап Әлмәт шәһәрендә бастырылган, зәвыклы итеп бизәлгән, гаилә фотосүрәтләре белән баетылган. Аның иҗаты туган туфракка карата олы мәхәббәт, тереклек дөньясын хөрмәтләү, хезмәт кешесен данлауга багышланган. Китапны авыл китапхәнәсеннән алып укырга, социаль реабилитация бүлегендә танышырга була. Читать дальше...

(Казан, 11 ноябрь, «Татар-информ»). Кичә Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров Татарстанның агросәнәгать комплексы ветераны Илдус Рахмановны 70 яшьлек юбилее белән котлады һәм аңа «ТАССР төзелүгә 100 ел» медален тапшырды. «ТАССР төзелүгә 100 ел» медале белән Татарстан дәүләтчелеген үстерүгә, аның социаль-икътисади куәтен ныгытуга зур өлеш керткән, һөнәри һәм иҗтимагый эшчәнлектә казанышлары булган гражданнарны бүләклиләр. Читать дальше...

(Казан, 11 ноябрь, «Татар-информ»). Бөтендөнья татар конгрессы «Татарлар» газетасы белән берлектә оештырган «Авылым чишмәләре» конкурсының җиңүчеләрен бүләкләү 17 ноябрьдә 12.00 сәгатьтә үтәчәк. Җиңүчеләрне һәм Бөтендөнья татар конгрессының Рәхмәт хатына лаек булучыларны Казан шәһәре, Карл Маркс урамы, 38/5 йортына чакыралар. Бу турыда конгрессның матбугат хезмәте хәбәр итте. Гран-прига  Рәвия Фәрхитова (Башкортстан, Туймазы районы, Туктагол авылы, 59 яшь) лаек булды. «Авылым чишмәләре» конкурсының  «Инстаграм» номинациясендә  җиңүчеләр... Читать дальше...

(Алабуга, 11 ноябрь, «Татар-информ», «Алабуга нуры» ). Алабуга шәһәренең коммуналь тармак хезмәткәрләре Алабуга шәһәрлегендәге территориядә яңа ял итү зоналары урнаштыра башлады. Биредә түбәсе булган ял урыннары, утыргычлар һәм чүп савытлары куела.  Бу ял урыннары чирәмдә пикник оештырырга теләүчеләр өчен каралган. Әлегә шундый ике зона урнаштыру планлаштырыла.

(Актаныш, 11 ноябрь, «Татар-информ», « Актаныш-информ », Ләйсән Газизова). Актаныш районының Мәсәде авылында югары таләпләргә җавап бирә торган мәйданчык әзер. Төнлә яктырту өчен баганалар утыртылган, электр уты җир астыннан сузылган. Корылманы әйләндереп аласы калган. Бүген район башлыгы Энгель Фәттахов һәм авыл җирлеге башлыклары да әлеге объект белән танышты.  Актаныш районы Мәсәде авылында яшьләр азаеп барса да, җирлек башлыгы Флүрә Минһаҗетдинова кул кушырып утыра торганнардан түгел. Ул федераль... Читать дальше...

(Чүпрәле, 11 ноябрь, «Татар-информ», « Туган як », Гөлия Фәизова). Чүпрәленең Татар Төкесе авылында яшәүчеләр өчен модульле кибет ачылды. Заманча сәүдә павильоны республика программасы буенча кыска вакыт эчендә төзелде. Татар Төкесе авылында ачылган кибет Чүпрәле районында  дүртенчесе. Моңа кадәр объектлар Иске Ишле, Татар Шатрашаны, Яңа Чокалы авылларында барлыкка килде. Тантаналы ачылышта мөхтәрәм кунаклар арасында район башлыгы Марат Гафаров һәм «Татпотребсоюз» идарәсе рәисе урынбасары Руслан Шәймәрданов та бар иде. Читать дальше...

(Яшел Үзән, 11 ноябрь, «Татар-информ», «Яшел Үзән» ). Яшел Үзән районының Васильево бистәсе кызы София Нәбиева джиу-джитсу буенча дөнья беренчелегендә көмеш медальгә ия булды. Ул үзенең тренеры Наил Исламкулов белән бу көннәрдә Гарәп Әмирлегендә Абу-Даби шәһәрендә ярышларда булып кайтты.