Новости за 26.06.2021

(Казан, 26 июнь, «Татар-информ», Эвелина Киселева). Татарстанда әлегә коронавируска каршы өстәмә чикләүләр кертергә җыенмыйлар. Бу хакта «Татар-информ»да узган матбугат конференциясендә Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе җитәкчесе урынбасары Любовь Авдонина әйтте. «Бүген бездә вируска бик күп „мишеньнәр“ бар — әле авырырга өлгермәгән, инде авырып иммунитетлары беткән кешеләр. Шуңа күрә бездә куркыныч саклана. Без бу чикләүләрне бетермәдек... Читать дальше...

(Казан, 26 июнь, «Татар-информ», Рузилә Мөхәммәтова). Кемерово халыкара шахтерлар сабантуе кысаларында ат чабышлары башланып китте. Ат чабышы Губернатор призына үткәрелә. Сабантуй кунакларын Кемерово өлкәсе губернаторы урынбасары Вячеслав Телегин һәм Татарстан Ресмубликасы Премьер-министр урынбасары Васил Шәйхразиев сәламләде. «Безнең өчен Кузбасс җирендә бу сабантуйны үткәрү зур дәрәҗә. Ат чабышларын үткәрү сабантуйның матур бер бизәге булачак. Жиңүчене традицион бүләкләрдән тыш Губернаторның махсус призы да булачак»... Читать дальше...

(Казан, 26 июнь, «Татар-информ», Зилә Мөбәрәкшина). «Яна Гасыр» телерадиокомпаниясе заказы буенча «Бер-бер хәл» дигән утыз серияле мелодрамада күтәрелгән милләтара мәсьәләләр һәркемне уйландырырга этәрәчәк. Бу хакта «Татар-информ» хәбәрчесенә сериалның режиссеры һәм сценарий авторы Алмаз Әкбәров әйтте. «Чагыштыру өчен, „Рәхәт яшибез“ сериалы — ситком форматында төшерелгән иде, ул күбрәк кешенең күңелен күтәрүгә юнәлдерелгән, анда көлкеле мизгелләр бар. Ә „Бер-бер хәл“ сериалы һәр кешене уйландырырга мәҗбүр итәчәк», — диде ул. Читать дальше...

(Казан, 26 июнь, «Татар-информ», Полина Шевчук). Кичә Апас районының Әҗем авылында су сибү өчен ясалган буада бер ир-ат батып үлгән. Урынга килгән коткаручылар һәлак булган ир-атның мәетен ярдан 4 метр ераклыкта таба. 33 яшьлек ир-атны судан чыгарып, полиция хезмәткәрләренә тапшырганнар. Әлеге урын су коену өчен җиһазландырылмаган, су коенуны тыю турында билгеләр бар.

(Казан, 26 июнь, «Татар-информ», Полина Шевчук). Бүген иртән Казанның Горький шоссесындагы боҗрада Renault фурасы юлга ауган. Йөк машинасы хәрәкәтнең бер полосасын каплаган. Бу хакта шаһитлар хәбәр итте. Авария аркасында Фрунзе урамында җитди бөке барлыкка килгән. Хәзер авария урынында ЮХИДИ инспекторлары эшли, алар хәрәкәтне җайга салып тора. Фура кузовындагы товарны хәзер икенче йөк машинасына төйиләр. Авариянең сәбәпләре ачыклана.

(Казан, 25 июнь, «Татар-информ», Рузилә Мөхәммәтова). Кемеровога Халыкара шахтерлар сабантуена Россиянең төрле төбәкләреннән һәм чит илләрдән, шулай ук, Кемерово өлкәсеннән дә 200ләп шахтер катнаша. «Донбастан, Казахстаннан, Кыргызстаннан, шулай ук, Россиянең ун төбәгеннән кунакларыбыз бар. Кызганыч, кайберләре килеп җитә алмады. Авырып чиктән үтә алмаучылар, яше олы булып балалары җибәрмәүчеләр дә булды», — ди Бөтендөнья татар конгрессы рәисе урынбасары Марс Тукаев. Кунаклар — Томск, Красноярск... Читать дальше...

(Апас, 26 июнь, «Татар-информ», « Апастово-информ »). Балалар бакчасы моннан 30 ел элек төзелгән. Әлегә кадәр булган шартларны бүгенгесе белән чагыштырып та булмый. Бакча җылытылып, матур итеп тышланган, түбәсе яңадан ябылган, тәрәзәләр алмашкан. «Яңа, төсле, заманча күлмәк кигән» дисәң дә дөрес булыр. Эчке ягы да зур үзгәрешләр кичергән. Бүлмәләрне танып та булмый. Бина яңа җиһазлар белән дә тулыланган. Бер читтә исә фельдшерлык бүлмәсе урын алган. Бинаның бакчасы да чәчәкләргә күмелгән. «Әлли-бәү»... Читать дальше...

(Казан, 26 июнь, «Татар-информ»). Федераль янгынга каршы хезмәтнең Татарстан Республикасы буенча Түбән Кама филиалының янгын сүндерү һәм коткару бүлекләре «Татнефть-Нефтехим» идарәче компаниясенең административ-инженер корпусында янгын-тактик өйрәнүләр үткәрде. Бирем буенча, өченче катның бер кабинетында кыска ялганыш нәтиҗәсендә электр розеткасы яна, ут җиһазлар буенча тарала. Автомат янгын сүндерү системасы эшләми. Яну билгеләрен күргән АИК-24 хезмәткәре 37нче янгын-коткару частенә хәбәр итә. Бу... Читать дальше...

(Әгерҗе, 26 июнь, «Татар-информ», « Әгерҗе хәбәрләре »). Әгерҗе районы башкарма комитеты җитәкчесе Артур Акбашев коронавируска каршы прививка ясады. Бу хакта районның Инстаграмдагы рәсми аккаунты хәбәр итә. Артур Эльфатович прививканың беренче этабын узды. Препаратның икенче компоненты 21 көннән соң куелачак. «Мин үземне, үз гаиләмне, якыннарымны, шул исәптән коллективны саклау өчен вакцинацияләнергә булдым. Дөнья тәҗрибәсе күрсәткәнчә, кешелекне күп кенә үлем авыруларыннан вакцина коткарган», — дип уртаклашты җитәкче. Читать дальше...

(Аксубай, 26 июнь, «Татар-информ», «Авыл таңнары» ). Якшәмбе, 27 июньдә, Россиядә Яшьләр көне билгеләп үтелә. Бу илебезнең яшь гражданнары бәйрәме. Яшьләр категориясенә 14 тән 35 яшькәчә гражданнар керә. Бәйрәм алдыннан Аксубай үзәк китапханәсе барлык теләүчеләрне дә «Китап укучылар ярышы» әдәби уенына җыелды. Очрашу кичә, 25 июньдә, 19:00 сәгатьтә китапханә каршында узалы.

(Казан, 26 июнь, «Татар-информ»). Татарстан Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров Питрәч районында булды. Аны район башлыгы Илһам Кашапов һәм авыл хуҗалыгы идарәсе башлыгы Илнар Хафизов озатып йөрде. Питрәчкә килүгә үк министр «Шәле-Агро» хуҗалыгында төзелеш эшләренең барышы һәм яңа авыл хуҗалыгы техникасы паркы белән танышты. Предприятиенең 8900 гектар чәчүлек җире бар, 1280 баш мөгезле эре терлек исәпләнә, шуларның 504е — сыерлар. Читать дальше...