Новости за 29.06.2021

(Казан, 29 июнь, «Татар-информ»). Түбән КамадаХалык иҗаты йорты каршында 55 медицина хезмәткәре фотосурәте куелган пилоннарны Лемаев мәйданына күчерделәр. Бу турыда Түбән Кама муниципаль районы рәсми сайты нда хәбәр ителә. Исегезгә төшерик, күргәзмәдә йогышлы авырулар госпитале табиблары, шәфкать туташлары, фельдшерлары һәм санитаркалары, ашыгыч медицина ярдәме станцияләре, сырхауханәләр, лабораторияләр, нур диагностикасы бүлеге белгечләренең фоторәсемнәре куелган иде. Шулай ук Кама Аланы район... Читать дальше...

(Казан, 29 июнь, «Татар-информ»). Коронавирустан прививканы ярты елга бер тапкыр ясатырга кирәк, шул ук вакытта вакцинация антитәнчекләр күрсәткеченә бәйле булырга тиеш түгел. Бу хакта РИА Новости Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) эпидемиология фәнни-тикшеренү институтының фәнни эш буенча директор урынбасары Александр Гореловка сылтама белән хәбәр итә. «Пандемия чорында һәр ярты ел саен, антитәнчекләр дәрәҗәсенә карамастан, без вакцина ясатырга тиеш», — диде эксперт. Читать дальше...

(Казан, 29 июнь, «Татар-информ», Эльза Кузнецова). Азнакай районыннан 7нче сыйныф укучысы Айнур Алтынбаев «XXI гасыр Кулибиннары» республика олимпиадасында «Авыл хуҗалыгы өчен уйлап табу» номинациясендә җиңүче булды. Мәктәп укучысы бәрәңге корткычларына каршы көрәш җайланмасы уйлап тапкан, җайланма колорадо коңгызларын һәм аларның личинкаларын җыя ала. Проектларны яклау Казанның IT-паркында узды. Җайланманың нигезе итеп Айнур иске балалар велосипедын алган. Яшь кулибинчы аның алгы өлешен, шөреп боргыч, щеткалар һәм лоток ала. Читать дальше...

(Казан, 29 июнь, «Татар-информ», Зилә Мөбәрәкшина). Россия Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов фикеренчә, мәгариф өлкәсендәге кимчелекләрне төбәк укытучылары белән уртага салып сөйләшеп кенә хәл итеп була. «Татар теле укытучылары, татар үзәкләре җитәкчеләре белән очрашып, мәгариф өлкәсендәге кимчелекләрне бергәләп билгели алабыз. Без читтә яшәгән татарларны үзләрен генә калдырырга тиеш түгел», — диде ул журналистларга. Илдар Гыйльметдинов татар мәктәпләре... Читать дальше...

(Казан, 29 июнь, «Татар-информ», «Мәгариф» , Ландыш Нәсыйхова). — Бервакыт әтием «Сазлыктагы челәннәр»ен уеп торган җиреннән композициясен тулыландыру өчен бакалар да кирәк дигән фикергә килде. Үз тирәсендә катнашкан улым Илһам белән озак уйлап тормадылар — сазлыкка барып, бака тотып кайттылар. Шунысы кызык: камышлар арасында яшәүче бу җан иясе тыныч кына утырып торды. Өч көннән соң «модель»не үз өенә илтеп куйдылар, — дип искә ала бүгенге героебыз Мөкатдәс аганың икенче кызы Мәгъбүлә ханым. Хәер, әйдәгез, барысын да үз җае белән сөйлик. Читать дальше...

(Казан, 29 июнь, «Татар-информ»). Татарстанда соңгы тәүлек эчендә тагын ике кеше яңа коронавирус инфекциясеннән үлгән. Алар — 1940 һәм 1944 елларда туган ике ир-ат. « Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — дип хәбәр итә ТР Сәламәтлек саклау министрлыгының матбугат хезмәте. 2021 елның 29 июненә республикада коронавирустан 540 үлем очрагы теркәлгән.

(Казан, 29 июнь, «Татар-информ», Полина Шевчук). Бүген Казанның Киров районындагы Зөбәрҗәт күлдә ир бала батып үлгән. Урынга килгән икенче зона коткару отряды водолазлары 15 яшьлек малайның мәетен сигез метр тирәнлектән ярдан 20 метр ераклыкта табып алган. Һәлак булган яшүсмерне ярга чыгарганнар. Фаҗига сәбәбе ачыклана. «Вакыйга урынына Казанның Киров районы прокуроры урынбасары Марат Когай килде», — диде ТР прокурорының өлкән ярдәмчесе Руслан Галиев.

(Казан, 29 июнь, «Татар-информ»). Татарстан Премьер-министры Алексей Песошин «Челтәр компаниясе» АҖ Директорлар советы утырышында катнашты. Чарада компаниянең эш нәтиҗәләре буенча фикер алыштылар, шулай ук хезмәткәрләрне бүләкләү булды. Бу хакта ТР Президенты матбугат хезмәте хәбәр итә. Моннан тыш, Директорлар советы капиталь төзелеш мәсьәләләрен, компаниянең җитештерү һәм финанс-икътисади эшчәнлеге нәтиҗәләрен карады, кулланучыларны электр белән тәэмин итүнең ышанычлылыгын бәяләде. Шулай ук... Читать дальше...

(Казан, 29 июнь, «Татар-информ»). Россиядә Covid-19 инфекциясенең «дельта плюс» штаммы табылган. Бу хакта РИА Новости Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) җитәкчесе Анна Поповага сылтама белән хәбәр итте. Әлеге яңа SARS-CoV-2 вариантының илгә үтеп керүе турында мәгълүмат узган атнада ук барлыкка килде. Ул чакта Роспотребнадзорда мәгълүматларны тикшерүләрен әйттеләр. Covid-19 инфекциясенең Һиндстан штаммын илдә 2020 елның октябрендә ачыклаганнар. Читать дальше...

(Казан, 29 июнь, «Татар-информ», Полина Шевчук). Башкортстаннан килүче шофер руль артында йоклап китеп, Татарстанда газ ташый торган машинага барып бәрелә һәм һәлак була. Шаһитлар сүзләренә караганда, авария бүген иртән иртүк Казан — Оренбург трассасында Алексеевск торак пункты янында булган. Башкорт номерлары булган внедорожник шоферы юлда барганда руль артында йоклап киткән. Ул зур тизлектә барган килеш туктап торган машинага барып бәрелгән.Туктап тора торган машина газ ташыган. «Машина руле артында 50-55 яшьлек ир-ат иде. Читать дальше...

(Казан, 29 июнь, «Татар-информ»). РФ вице-премьеры Татьяна Голикова коронавирустан прививканы антитәнчекләргә анализ күрсәткечләрен исәпкә алмыйча ясатырга кирәк дип саный. Бу турыда «Интерфакс» хәбәр итте. «Яңа коронавирус инфекциясенә каршы вакцинацияне гумораль иммунитет мәгълүматларын өйрәнмичә һәм исәпкә алмыйча үткәрергә кирәк», — диде Голикова сишәмбе көнне Ковидка каршы көрәш буенча хөкүмәт каршындагы координацион совет президиумы утырышында. «Интерфакс» хәбәр итүенчә, Россиядә 18 гыйнварда коронавирустан күпләп вакцинация башланды.

(Казан, 29 июнь, «Татар-информ», Алинә Фәйзрахманова). Казанның Совет районы суды присяжныйлар коллегиясе Олег Ирейкин эше буенча карар чыгарды. Ир-атны 2020 елның сентябрендә хатынына ут төртүдә гаепле дип табалар. Бу хакта «Татар-информ»га суд матбугат хезмәтендә хәбәр иттеләр. Искәртеп узабыз, фаҗига узган елның сентябрендә булган иде. Тикшерү фаразы буенча, Ирейкин хатыны белән ызгыша, ә ул йоклагач, аңа спиртлы сыеклык сибә һәм ут төртә. Хатын янып китүен күргәч, ир утны үзе сүндерә. Хатынны Республика клиник хастаханәсенә озаталар. Читать дальше...

(Казан, 29 июнь, «Татар-информ»). Башкортстанда 5 июльдән йөкле хатын-кызларга коронавирустан вакцинация ясый башлау планлаштырыла. Бу хакта Башкортстан сәламәтлек саклау министры урынбасары Игорь Засядкин 29 июньдә « Башинформ »да узган түгәрәк өстәлдә хәбәр итте, дип җиткерә агентлык. Засядкин сүзләренә караганда, йөкле хатыннар коронавирусны авыр кичерә, өзлегүләр шактый була. «Балалар үле туа, сабыйлар үлеме күзәтелә. Прегравидар әзерлек вакытында, бигрәк тә ЭКО процедурасы алдыннан коронавирустан... Читать дальше...

(Казан, 29 июнь, «Татар-информ», Гадел Әхмәтҗанов). Россия Пенсия фондының Татарстан буенча идарәсе башлыгы Эдуард Вафин 1 июльдән барлык социаль пособиеләр «Мир» түләү системасы картасына күчереләчәген әйтте. «Федераль законнар нигезендә 2021 елның 1 июленнән барлык социаль пособиеләр „Мир“ картасына күчерелә. Бу — пенсияләр дә, ана капиталы да, пособиеләр дә. Яңа түләү өчен гариза биргәнче, мөрәҗәгать итүче кулында „Мир“ түләү системасының кредит учреждениесе реквизитлары булырга тиеш», — диде... Читать дальше...

(Казан, 29 июнь, «Татар-информ»). Бүген ТР Дәүләт Советында Казанның 175нче гимназиясен тәмамлаучыларга аттестатлар тапшырдылар. Тантанада 28 егет һәм кыз катнашты, дип хәбәр итә республика парламенты матбугат хезмәте. Татарстан Дәүләт Советы бинасында әлеге чараны уздыру тәкъдиме «Мәрхәмәт — Милосердие» хатын-кыз депутатлар берләшмәсеннән булды. ТР Дәүләт Советы Рәисе урынбасары, депутат берләшмәсе җитәкчесе Татьяна Ларионова чыгарылыш сыйныф укучыларына «тормышта үзеңне табарга» кирәклеген әйтте. Читать дальше...

(Казан, 29 июнь, «Татар-информ», Эльза Кузнецова). Россиядә санитар-эпидемиологик хәл начарлану сәбәпле, Татарстанның Әлмәт районында ябык биналарда массакүләм чаралар үткәрүгә чикләүләр кертелде. Бу хакта муниципалитет башлыгы Тимур Нагуманов хәбәр итте. Чараларны, санитар-эпидемиологик режимны үтәп, ачык мәйданчыкларда үткәрүне планлаштырырга кирәкю Кешеләр ябык биналарда җыелганда, аларны тигезләп бүлеп утыртырга, залның тулылыгын 30 проценттан арттырмаска тәкъдим ителде. «Районда хәл тотрыклы кала. Читать дальше...

(Казан, 29 июнь, «Татар-информ»). Саратов өлкәсе Новоузенск районының Куриловка авылында мәчет төзү һәм аның территориясен төзекләндерү эшләре тәмамланып килә. Новоузенск районы имамы Җамаледин хәзрәт Дәүләтов сөйләвенчә, узган җомга җыелышында Куриловка авылы халкы мәчетне яңа уку елына кадәр ачарга карар кылган. Чара Идел буе Болгары халыклары тарафыннан рәсми рәвештә Ислам динен кабул итүгә 1100 ел тулуга багышланган, дип хәбәр ителә Россия Мөфтиләр шурасы сайтында. Куриловка халкына ярдәм итү өчен Саратов һәм Энгельс... Читать дальше...

(Казан, 29 июнь, «Татар-информ»). Бүген кичке алтыдан кичке 30 июньнең кичке сәгать унбергә кадәр Татарстанда һава торышы начарлану көтелә. Бу хакта ТР Гидрометеорология үзәге матбугат хезмәте хәбәр итә. Урыны белән яшенле яңгырлар булачак, шулай ук боз явуы да ихтимал. Көчле җил көтелә, аның тизлеге секундына 15-20 метрга, урыны белән секундына 24 метрга кадәр җитәргә мөмкин.

(Казан, 29 июнь, «Татар-информ»). Киләсе елдан авыл пенсионерының яшәү урыны арттырылган пенсия билгеләгәндә роль уйнамаячак. Россия Премьер-министры Михаил Мишустин шул хактагы кагыйдәне беркеткән карарны имзалады. Анда авыл хуҗалыгында кимендә 30 ел эшләгән гражданнар, авыл җирендә яшәүләрен дәвам иткән очракта гына түгел, шәһәргә күчкәндә дә, пенсиягә өстәмә акча ала алачак, диелгән. 2019 елдан Россиядә авыл җирендә озак еллар эшләгән өчен иминият пенсияләренә өстәмәләр түләнә башлады. Аларны 500дән артык һөнәр вәкилләре... Читать дальше...

(Казан, 29 июнь, «Татар-информ», Гадел Әхмәтҗанов). Татарстанда 1 июльдән 8 яшьтән 17 яшькә кадәрге балалары булган гаиләләргә айлык яңа пособиеләр түләүгә гаризалар кабул ителә башлый . Пособиене баланың туу турында таныклыгында әтисе турында мәгълүмат бөтенләй булмаса яисә әни сүзләреннән язылса, яки ата-ананың берсе вафат булса алырга була. «Түләүләрне, баланың туу турында таныклыгында әтисе турында мәгълүмат бөтенләй булмаса яисә әни сүзләреннән язылса, алырга була. Шулай ук пособие ата-ананың берсе вафат булган гаиләләргә бирелә. Читать дальше...

(Казан, 29 июнь, «Татар-информ»). Татарстан Республикасының Санкт-Петербург шәһәрендә һәм Ленинград өлкәсендәге даими вәкиллеге Ленинград өлкәсенең Киров районы «Нева пятачогы»нда экспедиция үткәрүдә республика эзтабарларына һәртөрле ярдәм күрсәтә. Быел монда Казан шәһәре гимназияләре укучылары, укытучылар һәм өлкән эзтабарлардан 20 кеше китте.  Казу эшләре өч метр тирәнлектә башкарылачак. Әмма, балалар сүзләренә караганда, аларны авырлыклар куркытмый һәм алар яхшы кәеф белән эшлиләр. Татарстан Республикасының... Читать дальше...

(Казан, 29 июнь, «Татар-информ», Полина Шевчук). «Татар-информ» мәгълүмат агентлыгына билгеле булганча, фаҗига якшәмбе көнне, 27 июньдә, Киров өлкәсенең Малмыж районы Иске Бурец торак пункты янында булган. Татарстанда яшәүче 22 яшьлек кыз туганнары белән Нократ елгасына су коенырга киткән. Мәрхүмәне бер тәүлек узгач кына торак пункттан дүрт чакрым ераклыктагы елгадан табып алалар. Фаҗига сәбәпләре ачыклана.

(Казан, 29 июнь, «Татар-информ», Гадел Әхмәтҗанов). Россия Пенсия Фондының Татарстан буенча идарәсе башлыгы Эдуард Вафин яңа пособиеләр түләнмәскә мөмкин булган очракларны атады. «Гаиләдә җан башына уртача керем яшәү минимумыннан артса, гариза дөрес тутырылмаса, дөреслеккә туры килми торган мәгълүмат тапшырылса, яңа пособиеләр түләнмәячәк. Пенсия фонды мәгълүмат сораганда, аларны җиткермәү шулай ук пособие түләүдән баш тарту сәбәбе була», — диде ул Министрлар Кабинетында узган брифингта. Эдуард Вафин сүзләренчә... Читать дальше...

(Казан, 29 июнь, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 38 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «14 кеше хастаханәгә озатылган, 24 кеше өендә дәвалана», - диелә ведомство хәбәрендә. Казанда – 16, Чаллыда – тугыз, Тукай районында – дүрт, Азнакай һәм Зәй районнарында – икешәр, Баулы, Буа, Минзәлә... Читать дальше...

(Казан, 29 июнь, «Татар-информ»). Камал театры 115 театраль сезонны легендар «Зәңгәр шәл» белән япты. Бу хакта театрның матбугат хезмәте хәбәр итә. Җәйге ялга китәр алдыннан театрга Татарстанның мәдәният министры Ирада Әюпова да килде. Очрашуда 115 театраль сезонга йомгак ясалды. Спектакльләрнең уңышы билгеләп үтелде, яңалыклар әйтелде. Театр директоры Илфир Якупов сүзләренчә, иң зур уңыш — театрларның элеккеге халәтенә кайтуы һәм яраткан тамашачыларына төрле темаларны яктырткан, төрле жанрларны колачлаган спектакльләр бүләк итә алуы.