Новости за 12.12.2019

(Апас, 12 декабрь, «Татар-информ», «Апастово-информ»). Апас, Кама Тамагы, Кайбыч районнарында яшәүче Үзбәкстан гражданнары үз илләрендәге парламент составы өчен тавыш бирде. Бу турыда район басмасы хәбәр итә.

(Әлмәт, 12 декабрь, «Татар-информ», «Әлмәт таңнары»). Әлмәт полиция бүлеге хезмәткәрләре күп тапкыр караклык гамәлләрен кылуда шикләнүче Краснодар краенда туып-үскән 43 яшьлек хатын-кызны тоткарлаган. Хатын-кызның җинаять кылу буенча билгеле бер схемасы булмый, ул вазгыятькә карап эш итә торган була. Бу турыда район басмасы хәбәр итә.

(Казан, 12 декабрь, «Татар-информ»). Татарстанда «Панорама» мәгълүмати-конкурс порталы эшли башлады. Мәгълүмати ресурс балалар, ата-аналар, педагоглар һәм төрле бәйгеләрне оештыручыларга адресланган. Бу хакта ТР Мәгариф һәм фән министрлыгының матбугат хезмәте хәбәр итә.

(Казан, 12 декабрь, «Татар-информ»). 19 декабрьгә Казаннан аэропортка өстәмә шәһәр яны поездлары билгеләнәчәк. Бу хакта «Содружество» компаниясе хәбәр итә.

(Казан, 12 декабрь, «Татар-информ», Полина Шевчук). Россия Президенты Владимир Путин Казанда туып үскән Айрат Әхмәтшинны Россия Тикшерү комитетының Түбән Новгород өлкәсе буенча идарәсе башлыгы итеп билгеләде. Шул хактагы мәгълүмат өлкә Тикшерү комитетының рәсми сайтында дөнья күргән.

(Казан, 12 декабрь, «Татар-информ»). Бүген Татарстан Президенты Рөстәм Миңнеханов Минскига эш сәфәре кысаларында «Великий камень» Индустриаль паркында булды. Бу хакта ТР Президентының матбугат хезмәте хәбәр итә.

(Казан, 12 декабрь, «Татар-информ», Әдилә Зыятдинова). Үзбәкстанның Казандагы Генераль консулы соңгы өч елда үз илендә барган киң колачлы үзгәрешләр, шулай ук парламент мөһим роль уйнарга керешкән җәмгыять хакында сөйләде.

(Казан, 12 декабрь, «Татар-информ», Валерия Белова). Бүген Татарстан Сәламәтлек саклау министрлыгы Иҗтимагый советының йомгаклау утырышында 2020 елга ведомство алдына максатлар һәм бурычлар куйдылар.

(Казан, 12 декабрь, «Татар-информ»). Татарстан – Белоруссиянең күптәнге хезмәттәше һәм дусты, дип белдерде бүген Беларусь Республикасы Премьер-министры Сергей Румас Татарстан Президенты Рөстәм Миңнеханов белән очрашу вакытында. Бу хакта ТР Президентының матбугат хезмәте хәбәр итә.

(Казан, 12 декабрь, «Татар-информ»). Танылган алып баручы Рөстәм Нәбиуллин 28 елдан соң телевидениегә әйләнеп кайтты. Ул «Татарстан – Яңа гасыр» телеканалында ТАССРның 100 еллыгына багышланган «Татарлар» тапшыруын алып барачак. Бу хакта «Татарстан – Яңа гасыр» телеканалының матбугат хезмәте хәбәр итә.

(Казан, 12 декабрь, «Татар-информ», Гөлнар Гарифуллина). Татар милли ашлары юнәлешендә киң колачлы эш алып бару кирәк. Бөтендөнья татар конгрессының татар эшмәкәрләре белән эш комитеты башлыгы, Татар эшмәкәрләре ассоциациясе башкаручы директоры Фәрит Уразаев шулай дип саный. Бу хакта ул бүген «Татарстанның эшлекле хезмәттәшләре» XIV форумына багышланган матбугат конференциясендә әйтте.

(Казан, 12 декабрь, «Татар-информ», Зилә Мөбәрәкшина). «Барс-Медиа» компаниясенең директорлар советы рәисе Камил Гәрәев «Татар җыры» татар эстрадасы фестиваленең «халыкара» исемен йөртүнең сәбәбен аңлатып үтте. Бу хакта ул «Татар-информ» хәбәрчесенә матбугат очрашуында сөйләде.

(Казан, 12 декабрь, «Татар-информ»). Бүген Татарстан Президенты Рөстәм Миңнеханов Минскида Бөек Ватан сугышы тарихы музеенда булды. Бу хакта ТР Президентының матбугат хезмәте хәбәр итә.

(Казан, 12 декабрь, «Татар-информ», Динара Прокопьева). Татарстанның Яшел Үзән районында төзеләчәк чүп яндыру заводы проектына бәйсез экспертиза нәтиҗәләре 2020 ел башында игълан ителер дип көтелә. Казан Кремленең рәсми вәкиле Лилия Галимова ТР Министрлар Кабинетында узган брифингта шулай дип белдерде.

(Казан, 12 декабрь, «Татар-информ», Александра Комарова). Бүген Татарстан Президенты Рөстәм Миңнеханов Беларусь Республикасына ике көнлек эш сәфәре кысаларында «БелАЗ» карьер үзбушаткычлары җитештерелә торган заводта булды. Бу хакта ТР Президентының матбугат хезмәте хәбәр итә.

(Казан, 12 декабрь, «Татар-информ», Ләйсән Рәхмәтуллина). Быелның 20 ноябреннән бүгенгә кадәр Татарстанда 5 кеше суда батып үлгән. 9 кешене коткарганнар. Бу фаҗигалар ныгымаган боз өстенә чыгу белән бәйле. Бу турыда Татарстанның кече суднолар буенча баш инспекторы Юрий Венедиктов «Татар-информ» да узган матбугат конференциясендә әйтте.

(Казан, 12 декабрь, «Татар-информ»). Бөтендөнья татар конгрессы сайты, «Татарлар» газетасы һәм Бөтендөнья татар конгрессының Казан бүлеге оештырган «Әниемнең җылы кочагы» конкурсының җиңүчеләре билгеле булды. Бу турыда конгрессның матбугат хезмәте хәбәр итте.

(Казан, 12 декабрь, «Татар-информ»). Авыл хуҗалыгы техникасы җитештерү һәм газ-мотор ягулыгы базарын үстерү өлкәсендәге хезмәттәшлек Татарстан белән Беларусь Республикасы арасындагы товар әйләнешен арттырырга сәләтле. Татарстан Президенты Рөстәм Миңнеханов Белоруссия Президенты Александр Лукашенко белән очрашып сөйләшкәннән соң журналистларга шулай дип белдерде. Бу хакта ТР Президентының матбугат хезмәте хәбәр итә.

(Казан, 12 декабрь, «Татар-информ», Гөлнар Гарифуллина). «Татарстанның эшлекле хезмәттәшләре» форумына килүчеләрне Татарстанның Фәннәр Академиясендә укуга җыячаклар. Бу хакта бүген матбугат конференциясендә Бөтендөнья татар конгрессы Башкарма комитеты рәисенең беренче урынбасары Данис Шакиров әйтте.

(Казан, 12 декабрь, «Татар-информ»). «Татар-информ» мәгълүмат агентлыгы генераль директоры Шамил Садыйков бүген җитәкче сыйфатында «Татмедиа» АҖ коллективына тәкъдим ителде. Татарстанның матбугат һәм гаммәви коммуникацияләр агентлыгы башлыгы Айдар Сәлимгәрәев, яңа җитәкчене тәкъдим итеп, Шамил Садыйковны тәҗрибәле медиаменеджер дип атады.

(Казан, 12 декабрь, «Татар-информ», Ләйсән Рәхмәтуллина). Балыкны законсыз тоту кыйммәткә төшә, чөнки хәзер штрафлар артты. Балыкчыларга рөхсәтсез балык тоту файда китерми. Бу хакта «Татар-информ»да узган матбугат конференциясендә Татарстан Биологик ресурслар буенча дәүләт комитетының су һәм биологик ресурслар бүлеге җитәкчесе Ирина Мөстәкыймова хәбәр итте.

(Казан, 12 декабрь, «Татар-информ»). Россия Дәүләт Думасы пәнҗешәмбе көнне пленар утырышта 2020 елдан хезмәткә түләүнең минималь күләмен аена 12 мең 130 сумга кадәр арттыру турында хөкүмәт законын кабул итте. Бу хакта РИА Новости хәбәр итә.

(Казан, 12 декабрь, «Татар-информ», Гөлнар Гарифуллина). «Татарстанның эшлекле хезмәттәшләре» форумында быел татар милли ашлары күргәзмәсе оештырыла. Бу быелгы яңалык. Бу хакта матбугат конференциясендә Бөтендөнья татар конгрессы Башкарма комитеты рәисенең беренче урынбасары Данис Шакиров әйтте.

(Казан, 12 декабрь, «Татар-информ»). Татарстан һәм Беларусь Республикасына хезмәттәшлек темпларын арттырырга кирәк, чөнки бу икътисад үсешен стимуллаштыра һәм яңа эш урыннары булдыра. Бу хакта Беларусь Президенты Александр Лукашенко Татарстан Президенты Рөстәм Миңнеханов белән очрашуда әйтте. Бу хакта «БелТА» агентлыгы хәбәр итә.

(Казан, 12 декабрь, «Татар-информ»). Казан Башкарма Комитеты 2020 елга шәһәр халкы һәм кунаклар үз автомобильләрен парковкаларда бушлай калдыра ала торган көннәр графигын билгеләде. Бу хакта мэрия документларының электрон җыентыгында әйтелә.