Интерпелацијата на Џафери пред пратениците
Пратениците во македонското Собрание денеска на дневен ред ја имаат расправата за интерпелација за работата на претседателот на Парламентот Талат Џафери. Интерпелацијата е поднесена од опозициската ВМРО-ДПМНЕ.
Претресот по интерпелацијата трае еден работен ден, до исцрпувањето на листата на пријавените пратеници за збор, а се одлучува најдоцна до полноќ.
Пратениците од ВМРО-ДПМНЕ и коалицијата го обвинуваат Џафери за нестручно и несовесно работење и претседавање со македонското Собрание. Дополнително, опозицијата обвинува и дека во изминатиов период имало повеќе прекршувања на Уставот и Деловникот на Собранието на Република Македонија од страна на претседателот.
Пратениците в четврток ќе расправаат за интерпелацијата на Џафери
Претседателот на Собранието Талат Џафери пак вели дека интерпелација „содржи низа невистини и претставува груб обид за манипулација“.