Тројца загинати во уривање на зграда во Мумбаи во Индија
Најмалку тројца луѓе загинаа, а 11 се повредени во уривање на трошна станбена зграда во финансискиот центар на Индија, Мумбаи, соопштија денеска локални претставници.
Четирикатницата се урнала доцна синоќа.
Десетици спасувачи го расчистуваат теренот во потрага по најмалку четворица станари кои се заробени под урнатините, пренесоа тамошните медиуми.
На телевизиските снимки се гледа како граѓани им помагаат на полицијата и пожарникарите во спасувањето на луѓето и превозот на повредените во болница.
Најмалку шест мртви во пожар во зграда во Индија
Министерот за екологија на индиската држава Махараштра изјави дека на станарите неодамна им било кажано да ја напуштат трошната зграда, но тие продолжиле да живеат во неа.
Уривањето на згради често се случува во Индија за време на сезоната на монсуни од јуни до септември, кога поради силните дождови доаѓа до слабеење на и онака лошо направените темели на објектите.