ლევან მექვაბიშივლის ინტერესების დამცველი, გამოძიების მხრიდან, ბრალდებულის მიმართ ზეწოლაზე საუბრობს
ალექსი პეტირაშვილის თავდასხმის საქმესთან დაკავშირებით, მიმდინარე დღევანდელ სასამართლო პროცესზე, ცნობილი გახდა, რომ 2 დღის წინ, სამართალდამცველებმა დააკავეს ალექსი პეტრიაშვილზე თავდასხმისთვის ბრალდებულ ლევან მექვაბიშვილის ბიძა და ასევე მისი მეგობარი.
დღევანდელ სხდომაზე, ბრალდებულის ადვოკატმა მოსამართლეს მიმართა და განაცხადა, რომ გამოძიება ცდილობს მისი დაცვის ქვეშ მყოფზე ზეწოლის მოხდენას.
„დაკავებულია ლევანის ბიძა, დაკავებულია ლევანის მეგობარი. ეს არ არის ზეწოლა?“ - განაცხადა ადვოკატმა მარინა ფილაურმა.
პროკურატურამ დღეს აღნიშნული ბრალდებულმა უარყო და განაცხადა, რომ ორივე მათგანი, როგორც ბრალდებულის ბიძის, ასევე მისი მეგობრის დაკავებას, გამოძიების მიხედვით, ალექსი პეტრიაშვილზე თავდასხმის საქმესთან კავშირი არ აქვს.
„რაც შეეხება ბრალდებულის ბიძას და მისი მეგობრის დაკავებას საკითხს, დღესდღეობით, გამოძიების მიხედვით, ამ ორ პიროვნებასა და ბრალდებულ ლევან მექვაბიშვილს შორის, დანაშაულებრივი კავშირი, ბატონ ალექსი პეტრიაშვილის თავდასხმასთან დაკავშირებით, არ იკვეთება,“ - განაცხადა პროკურორმა ზვიად ფხაკაძემ.