„ეს არის სუფთა პოლიტიკური თამაშები" - მიხეილ მაჭავარიანი კონსტიტუციაში ოჯახის შესახებ განმარტების ჩაწერის თემაზე
ქართული ოცნების წევრების მხრიდან კონსტიტუციაში ოჯახის შესახებ განმარტების ჩაწერის თემას ეხმაურება ოპოზიცია.
საპარალამენტო უმცირესობას ეჭვი არ ეპარება, რომ ეს საკითხი წინასაარჩევნოდ პოლიტიკური ქულების დაწერას და კონკრეტული ჯგუფებისგანა კეთილგანწყობის მიღებას ემსახურება
„ეს არის სუფთა პოლიტიკური თამაშები და ამით არიან დაკავებული. წერონ და იკითხონ,“ - აცხადებს ნაციონალური მოძრაობის წევრი მიხეილ მაჭავარიანი.
თანაპარტიელის აზრს იზიარებს უმცირესობის დეპუტატი, რომელიც ამ ინიციატივას ხელოვნურს უწოდებს.
„ხელისუფლება ვერ გამოდის ამ სახიფათო წრიდან, როდესაც რადიკალური ჯგუფების გრძნობებზე თამაშით და სიძულვილის გაღვივებით ცდილობს თავისი წარუმატებლობების დაბალანსებას,“ - აღნიშნავს გივი თარგამაძე.
ქართულ ოცნებაში აცხადებენ, რომ ოჯახის, როგორც ქალისა და მამაკაცის ერთობის განმარტება დაფიქსირებული უნდა იყოს ქვეყნის მთავარ კანონში.
თავისუფალი დემოკრატები არ გამორიცხავენ, რომ ეს თემა წინასაარჩევნოდ არის წამოწეული, თუმცა გიორგი ცაგარეიშვილს მიაჩნია, რომ ამგვარი ჩანაწერი საქართველოს კონსტიტუციაში უნდა არსებობდეს.
„თუ იქნება კონსენსუსი პოლიტიკურ ძალთა შორის, ერთი რესპუბლიკელების უარი ნამდვილად ვერ შეგვაფერხებს იმ ადამიანებს, ვისაც გვინდა, რომ ეს მიზანი იყოს მიღწეული კონსტიტუციაში,“ - განმარტა ცაგარეიშვილმა.