საქართველოში დადასტურდა კორონავირუსის 1501 ახალი შემთხვევა, გარდაიცვალა - 43
დაავადებათა კონტროლის ეროვნული ცენტრის მონაცემებით, ბოლო 24 საათში ჩატარებული 22 920 ტესტირებიდან გამოვლენილია კორონავირუსის 1 501 შემთხვევა.
ბოლო დღე-ღამეში 1 954-ით გაიზარდა კორონავირუსისგან გამოჯანმრთელებულთა რიცხვი.
19 სექტემბრის დილისთვის დადებითობის მაჩვენებელია:
დღიური - 6,55%; ბოლო 7 დღის - 6,89%; ბოლო 14 დღის - 7,19%.
2020 წლის 26 თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა, სულ აღრიცხულია 595 264 შემთხვევა. COVID-19-ით გარდაცვლილია 8 541 ადამიანი.