Новости за 19.09.2021

ISFED-ის შემდეგ ცესკოს სისხლიანი ბანერების შესახებ საჩივრით მოძრაობა „დროამ“ მიმართა მოძრაობა „დროამ“ ცენტრალურ საარჩევნო კომისიას სარჩელით მიმართა თბილისსა და სხვა დიდ ქალაქებში განთავსებული სისხლიანი ბანერების გამო, რომელზეც ოპოზიციის და მედიის წარმომადგენლები არიან გამოსახულები. მოძრაობის ლიდერის ელენე ხოშტარიას თქმით, მათი სარჩელი შეეხება კანონდარღვევას სააგიტაციო მასალაზე ავტორისა და ტირაჟის მითითების შესახებ. „კალაძე თან ცდილობს, რომ დისტანცირდეს ამ ბანერებისაგან და თან აბსოლუტურად ცხადია, რომ ეს არის “ქართული ოცნების” დაბეჭდილი. Читать дальше...

62 წლის ასაკში კორონავირუსით გარდაიცვალა ნეკრესის ეპარქიის მიტროპოლიტი, საქართველოს ეკლესიის წმინდა სინოდის წევრი, მეუფე სერგი (ზურაბ ჩეკურიშვილი). ინფორმაცია რადიო თავისუფლებას დაუდასტურა ალავერდელმა მიტროპოლიტმა დავითმა. "ახლახან მოკლე ტექსტური შეტყობინებით მოგვწერეს ეს სამწუხარო ამბავი. მისი გარდაცვალების შესახებ ჯერ პატრიარქმაც არ იცისო“, - ამბობს მიტროპოლიტი დავითი. არსებული ინფორმაციით მეუფემ სერგიმ ოპერაცია რამდენიმე კვირის წინ გაიკეთა, პოსტოპერაციულ პერიოდში კი კორონავირუსით დაინფიცირდა. Читать дальше...

რუსეთის საარჩევნო კომისიის განცხადებით, არჩევნების წინასწარი მონაცემებით ლიდერობს მმართველი პარტია, ერთიანი რუსეთი - მას ხმათა 38,57 პროცენტი აქვს. კომუნისტურ პარტიას 25,2 პროცენტი ერგო, ლიბერალ-დემოკრატიულ პარტიას - 9,6 პროცენტი. 19 სექტემბერი რუსეთში სამდღიანი საპარლამენტო არჩევნების ბოლო დღე იყო. კენჭისყრა გაიმართა ფართომასშტაბიანი დარღვევების შესახებ ცნობებისა და პატიმრობაში მყოფი ოპოზიციონერი პოლიტიკოსის, ალექსეი ნავალნის მოძრაობაზე ზეწოლის გაძლიერების ფონზე. ანალიტიკოსები მოელოდნენ, რომ მმართველი პარტია... Читать дальше...

ავღანელი ქალების ჯგუფმა 19 სექტემბერს ქაბულში გამართა კიდევ ერთი საპროტესტო აქცია და მოითხოვა მუშაობის და სწავლის უფლებები. ადგილობრივი მედიით გავრცელებული ვიდეოები ასახავს 25-მდე ქალს, თავშეყრილებს უწყებასთან, რომელიც ბოლო დრომდე ცნობილი იყო ქალთა საკითხების სამინისტროდ. "ქალთა უფლებები და ადამიანის უფლებები!" - სკანდირებენ აქციის მონაწილეები. ზოგიერთ მათგანს ეჭირა პლაკატები, რომლებზეც ქალთა საჯარო ცხოვრებაში ჩართვის მოთხოვნები ეწერა. "საზოგადოება, რომელშიც ქალები აქტიურები არ არიან, მკვდარი საზოგადოებაა" - ეწერა ერთ-ერთ პლაკატზე. Читать дальше...

მიუხედავად იმისა, რომ რუსეთის ხელისუფლება მოქალაქეებს აღარ აძლევს უფლებას არჩევნების დროს თვალი პირდაპირ, ვიდეოთი ადევნონ უბნებზე არსებულ სიტუაციას, საარჩევნო უბნებიდან მაინც უხვად ვრცელდება ვიდეოები, რომლებიც თითქოს აჩვენებს ყუთებში ბიულეტენების დაუფარავად  ჩაყრის პროცესს.

„ქართული ოცნება“ „ახალგაზრდა იურისტთა ასოციაციას“ უკავშირებს „რევოლუციურ სცენარს“ და ადანაშაულებს თვითმმართველობის არჩევნებისთვის პრობლემის შექმნაში. „შემაშფოთებელია, რომ ის, რაც „ნაციონალურმა მოძრაობამ“ 5 წლის წინ ღიად, თავისი სახელით განახორციელა, ახლა არასამთავრობო ორგანიზაციის სახელით კეთდება. შემაშფოთებელია, რომ არჩევნებამდე 2 კვირით ადრე, ახალი აბსურდული სარჩელით არჩევნებისთვის პრობლემის შექმნას გეგმავს ორგანიზაცია, რომელიც არასამთავრობო ორგანიზაციის სტატუსს ატარებს“, - განაცხადა პარტიის თავმჯდომარემ... Читать дальше...

"დასაწყისი" (რეჟისორი დეა კულუმბეგაშვილი) - სან-სებასტიანის კინოფესტივალის 4 მთავარი პრიზით აღნიშნული ეს სურათი გასული წლის კინემატოგრაფიული ცხოვრების ერთ-ერთი მთავარი მოვლენაა. რეჟისორი ქალები ბოლო წლებში ისედაც "ქმნიდნენ ამინდს" ქართულ კინოში, თუმცა "დასაწყისი" უკვე ღიად გამოხატავს პატრიარქალური სივრციდან ქალის განთავისუფლების პროცესს, რაც მტკივნეულია და სამწუხაროდ, უმსხვერპლოდ ვერ ჩაივლის. და მაინც, ფილმის გამარჯვება განაპირობა არა იმდენად გამოხატვის ენამ (რომელიც ნამდვილად არაა ორიგინალური)... Читать дальше...

აღმოსავლეთ ავღანეთის ქალაქ ჯალალაბადში 19 სექტემბერს აფეთქების სამიზნე გახდა თალიბანის მანქანა, - იუწყება ადგილობრივი მედია. ერთი დღით ადრე ამ არეალში მომხდარ აფეთქებებს სულ მცირე სამი ადამიანი ემსხვერპლა. 19 სექტემბერს გავრცელებული, პირველადი ცნობებით, თავდასხმას შეეწირა სულ მცირე ხუთი ადამიანი, მათ შორის ბავშვი. თვითმხილველების თქმით, აფეთქების შემდეგ საავადმყოფოში წაიყვანეს თალიბანის მეომრები, რომელთა რიცხვი უცნობია. აფეთქების შედეგად დაზიანდა ელექტროგადამცემი ხაზიც, რის გამოც არეალი ელექტროენერგიის გარეშე დარჩა... Читать дальше...

უნგრეთში 18 სექტემბერს დაიწყო და სისტემის გაუმართაობის გამო მალევე გაჩერდა რამდენიმე დღის განმავლობაში დაგეგმილი, მრავალპარტიული პრამიერი, რომელმაც პრემიერ-მინისტრ ვიქტორ ორბანის მეტოქე უნდა გამოავლინოს.  ორგანიზატორებმა ხმის მიცემის პროცესის ნაადრევი შეწყვეტა დააბრალეს სავარაუდო კიბერთავდასხმას და განაცხადეს, რომ პროცესი 20 სექტემბერს განახლდება.  პრაიმერის ეროვნული კომიტეტი განცხადებაში ამბობს, რომ ცვლილების მოსურნე ამომრჩევლის გარდა, "პრაიმერით კიდევ ვიღაც იყო დაინტერესებული", და ამის მაგალითად მოაქვს უცნობი წარმომავლობის ბევრი მესიჯი... Читать дальше...

აშშ-ის სურს დაჩქარდეს დასავლეთ ბალკანეთის ქვეყნების ევროკავშირში ინტეგრაციის პროცესი, მის ამჟამინდელ ნელ ტემპთან შედარებით და პროცესის გამოცოცხლებას ძალისხმევას მოახმარს - აცხადებს სახელმწიფო დეპარტამენტის მაღალჩინოსანი.  ამ განცხადებით გამოვიდა გაბრიელ ესკობარი, რომელიც მიმდინარე თვეში დაასახელეს სახელმწიფო მდივნის მოადგილის მოვალეობის შემსრულებლად სამხრეთ ცენტრალური ევროპის საკითხებში, და რომელიც ხელმძღვანელობს რეგიონს, რომელთან დაკავშირებულ საკითხებზეც პირველად 1998-2001 წლებში მუშაობდა. მისი თქმით... Читать дальше...

ჭყონდიდის მიტროპოლიტმა სტეფანე კალაიჯიშვილმა სამღვდლო წოდება ჩამოართვა ამავე ეპარქიის 6 სასულიერო პირს, რომლებიც მის წინამორბედს, პეტრე ცაავას უჭერდნენ მხარს. ესენია: ნასყიდა ღუდუშაური -- ბერ-დიაკონი პეტრე; მიხეილ მდივანი -- ბერ-მონაზონი ათინოგენე; ტარიელ გვილავა -- მონაზინი დანიელი; თამაზ ხულუხია -- მონაზონი ამბროსი; ბაჩუკი ხელაია -- მონაზონი დავითი; ბათა (ავთანდილ) გვილავა -- მონაზონი ბასილი; „სამონაზვნო აღთქმას ყოველდღე არღვევდნენ“, - განაცხადა მიტროპოლიტმა მარტვილში საკვირაო წირვის დასრულების შემდეგ და დაამატა... Читать дальше...

„მესამე ძალის“ მაჟორიტარ კანდიდატს სამტრედიის რაიონ ბაში-იანეთში, ნიკა საკანდელიძეს „ქართული ოცნების“ წევრებმა აიძულეს, მოეხსნა კანდიდატურა, ამტკიცებს გიორგი ვაშაძე. „ის არის 4 შვილის მამა და მას საკუთარი შვილებით ემუქრებოდნენ, ეუბნებოდნენ, შენი შვილები აქ თამაშობენ სტადიონზე და ა.შ.“, - განაცხადა ვაშაძემ 19 სექტემბერს გამართულ ბრიფინგზე და დაამატა: „ჩვენთვის სრულიად მოულოდნელად, ტელეკომპანია „იმედის“ მიერ გავრცელებული ინფორმაციიდან გახდა ცნობილი, რომ მან კანდიდატურა მოხსნა“. „მესამე ძალა“ მოითხოვს... Читать дальше...

რუსეთში 19 სექტემბერი სამდღიანი საპარლამენტო არჩევნების ბოლო დღეა, კენჭისყრა იმართება ფართომასშტაბიანი დარღვევების შესახებ ცნობებისა და პატიმრობაში მყოფი ოპოზიციონერი პოლიტიკოსის, ალექსეი ნავალნის მოძრაობაზე ზეწოლის გაძლიერების ფონზე. გავრცელებული მოლოდინით, საპარლამენტო არჩევნებში გამარჯვებას მოიპოვებს მმართველი, კრემლის მიერ მხარდაჭერილი პარტია "ერთიანი რუსეთი", მას შემდეგ, რაც ხელისუფლებამ რეპრესიები განახორციელა კრიტიკულ ხმებზე, ბიულეტენებიდან მოიხსნენ კრემლის ხმამაღალი კრიტიკოსები, ზეწოლა იყო დამოუკიდებელ მედიაზე. Читать дальше...

ოთხი არაპროფესიონალი ასტრონავტი, რომლებიც SpaceX Inspiration4-ის მისიით კოსმოსში გაემგზავრნენ, უსაფრთხოდ დაბრუნდნენ დედამიწაზე, და ფლორიდის ნაპირთან, ატლანტის ოკეანეში დაეშვნენ. SpaceX-ის კაფსულა, რომელშიც ასტრონავტები ისხდნენ, 18 სექტემბერს დაეშვა წყალში, რითაც დასრულდა პირველი სამდღიანი მოგზაურობა, რომლის ფარგლებშიც სამოქალაქო პირები დედამიწის ორბიტაზე გაუშვეს. არაპროფესიონალი ასტრონავტები კოსმოსში გაგზავნეს 15 სექტემბერს, NASA-ს კენედის ცენტრიდან. მთელი მოგზაურობა სრულად ავტომატიზებული იყო.... Читать дальше...

მიუნხენის საქვეყნოდ ცნობილი "ოქტობერფესტი", ლუდის ფესტივალი ზედიზედ მეორე წელს გაუქმნდა კორონავირუსის პანდემიის გამო, მაგრამ ქალაქის მაცხოვრებლებმა ალტერნატიული ღონისძიება მაინც ჩაატარეს.  18 სექტემბერს, როცა ტრადიციულად იწყება ხოლმე ფესტივალი, ხალხმა თავი მოიყარა Theresienwiese-ზე, სადაც ფესტივალი იმართება. მათ ტრადიციული სამოსი ეცვათ, თან ჰქონდათ ლუდი და საკვები, საიმისოდ, რომ ზეიმი მაინც გამართულიყო - თუმცა ამ, ალტერნატიულ ზეიმზე ნაკლებად სავარაუდოა მილიონობით ადამიანი ჩავიდეს, როგორც ტრადიციულად ხდება ხოლმე "ოქტობერფესტის" დროს. Читать дальше...

ნონა გაფრინდაშვილი Netflix-ის წინააღმდეგ - სასამართლო დავა, რომელიც მსოფლიოს ხუთგზის ჩემპიონმა სერიალ „ლაზიერის გამბიტში“ აღმოჩენილი შეცდომების გამო წამოიწყო, იურიდიული კუთხით კომპანია BLB-იმ მოამზადა. ლეგენდარული ქართველი მოჭადრაკის ინტერესს სწორედ BLB იცავს, ერთ ამერიკულ იურიდიულ კომპანიასთან ერთად. სარჩელი კალიფორნიის შტატის სასამართლოში 16 სექტემბერს შეიტანეს და ფილმის შემქმნელებისგან, ლეგენდარული ქართველი მოჭადრაკისთვის მორალური ზიანის ასანაზღაურებლად, ხუთ მილიონ დოლარს ითხოვენ. გაფრინდაშვილის ინტერესების დამცველები დარწმუნებულნი არიან... Читать дальше...

საქართველოში, გასული დღე-ღამის განმავლობაში გარდაიცვალა COVID-19-ით დაავადებული 43 პაციენტი.  დაავადებათა კონტროლის ეროვნული ცენტრის მონაცემებით, ბოლო 24 საათში ჩატარებული 22 920 ტესტირებიდან გამოვლენილია კორონავირუსის 1 501 შემთხვევა. ბოლო დღე-ღამეში 1 954-ით გაიზარდა კორონავირუსისგან გამოჯანმრთელებულთა რიცხვი. 19 სექტემბრის დილისთვის დადებითობის მაჩვენებელია: დღიური - 6,55%; ბოლო 7 დღის - 6,89%; ბოლო 14 დღის - 7,19%. 2020 წლის 26 თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა... Читать дальше...