პოლონელმა ტურისტმა, რომელიც 5 ივლისს დაჭრეს, საავადმყოფო დატოვა
პირი, რომელმაც ტურისტზე იძალადა, დაკავებულია და პატიმრობა აქვს შეფარდებული.
„საქართველოში პირველად ჩამოვედი, მე Youtube-ზე არხი მაქვს და ბევრი რამის გადაღება მინდოდა, რომ პოლონეთში საქართველო მეჩვენებინა. შემდეგ ეს მოხდა. ვფიქრობ ის ერთი ადამიანი მთელ საქართველოს არ წარმოადგენს, ასეთ ერთ ადამიანს მსოფლიოში ყველგან იპოვი.
ბევრი ადამიანი მიკავშირდებოდა, ეკითხებოდნენ ექიმს ჩემს მდგომარეობას და თანადგომას მიცხადებდნენ და ვფიქრობ სწორედ ეს ხალხია საქართველო. დღეს უკვე კარგად ვარ“-თქვა იაცეკ კოლანკიევიჩმა კლინიკის დატოვებისას.
პოლონელი ტურისტის დაჭრის და ძალადობრივი ჯგუფების მიერ თბილისში განხორციელებული არაერთი ძალადობრივი ფაქტის გამო, ტურიზმის სექტორში დასაქმებული და მომუშავე ადამიანები საუბრობენ იმ ზარალზე, რასაც არსებული დაძაბულობა მათ უქმნის. უქმდება სასტუმროს ჯავშნები, დაგეგმილი ტურები, შემოსავლის გარეშე რჩებიან სააგენტოები, გიდები, უძრავი ქონების და სასტუმროს მეპატრონეები.
შინაგან საქმეთა სამინისტრო აკავებს 5-6 ივლისს ძალადობრივ ინცინდენტებში მონაწილე პირებს, რომლებიც მედიას ესხმოდნენ თავს არბევდნენ "თბილისი პრაიდის" და "სირცხვილიას" ოფისებს, - ძალადობრივი აქციების არც ერთი ორგანიზატორი ამ დრომდე დაკავებული არ არის.