Новости за 15.09.2023

აშშ-ის პრეზიდენტი ჯო ბაიდენი მომავალ კვირას თეთრ სახლში უკრაინის პრეზიდენტ, ვოლოდიმირ ზელენსკის მიიღებს. შეხვედრა ხუთშაბათს, 21 სექტემბერს არის დაგეგმილი. ამის შესახებ ვაშინგტონში გამართულ ბრიფინგზე აშშ-ის პრეზიდენტის ეროვნული უსაფრთხოების მრჩეველმა ჯეიკ სალივანმა განაცხადა. "ბაიდენი მოელის, რომ პრეზიდენტ ზელენსკისგან მოისმენს თვალსაზრისს რიგ საკითხებზე და ასევე მთელი მსოფლიოსა და ამერიკელი ხალხის წინაშე დაადასტურებს თავის ერთგულებას უკრაინის მხარდაჭერისადმი", - განაცხადა სალივანმა. ბოლოს... Читать дальше...

აშშ-მა სანქციები დაუწესა ოთარ ფარცხალაძეს, საქართველოს ყოფილ მთავარ პროკურორს. წლების წინ მას ბიძინა ივანიშვილი უწოდებდა „კაცურ, ვაჟკაცურ კაცს“. ვაშინგტონი დღეს მას უწოდებს „ქართველ-რუს ოლიგარქს“, რომელსაც რუსეთის ФСБ ქართულ საზოგადოებასა და პოლიტიკაზე გავლენის მოსახდენად იყენებდა.

ევროკომისიამ არ გაახანგრძლივა უკრაინიდან მის მოსაზღვრე ქვეყნებში მარცვლეულის იმპორტზე დაწესებული ემბარგო. აკრძალვა 15 სექტემბერს იწურება. ამასთან, პოლონეთის ხელისუფლებამ უკვე გამოაცხადა, რომ ის, თავის მხრივ, არ გააუქმებს უკრაინული სასოფლო-სამეურნეო პროდუქციის იმპორტის აკრძალვას. მანამდე უნგრეთმა, რუმინეთმა და სლოვაკეთმა განაცხადეს, რომ იმავეს გააკეთებდნენ ევროკომისიის გადაწყვეტილების საწინააღმდეგოდ. უკრაინის მოსაზღვრე ყველა ქვეყნიდან მხოლოდ ბულგარეთი ეთანხმება ევროპული გადაწყვეტილების განხორციელებას. Читать дальше...

ისრაელის გაზეთმა The Jerusalem Post-მა, რომელიც ყოველწლიურად ადგენს მსოფლიოს 50 ყველაზე გავლენიანი ებრაელის სიას, 2023 წლის რეიტინგში კერძო სამხედრო კომპანია „ვაგნერის“ დამფუძნებელი ევგენი პრიგოჟინიც შეიყვანა. რუს ბიზნესმენს ბოლო ადგილი ერგო ძირითადი სიის გარეთ, "პოსტსკრიპტუმში". ბიოგრაფიულ ინფორმაციაში კი აღნიშნულია, რომ პრიგოჟინმა მსოფლიო პოპულარობა მოიპოვა, პირველ რიგში კერძო უსაფრთხოების კომპანიაა „ვაგნერის“ საქმიანობის გამო. გაზეთი ირწმუნება, რომ 62 წლის პრიგოჟინი, რომელიც 23 აგვისტოს ტვერის მახლობლად ავიაკატასტროფაში დაიღუპა... Читать дальше...

საქართველოს ყოფილმა მთავარმა პროკურორმა ოთარ ფარცხალაძემ, რომელსაც აშშ-მ სანქციები დაუწესა, საკუთარი პოზიცია სამაუწყებლო კომპანია „რუსთავი 2"-ს წერილობით მიაწოდა. როგორც ტელეარხი აღნიშნავს, მან ინტერვიუზე უარი განაცხადა.  ფარცხალაძე მის წინააღმდეგ აგორებულ „ბინძურ კამპანიაზე" წერს და აღნიშნავს, რომ 10 წელია, რაც თანამდებობას აღარ იკავებს.  „ქართულმა საზოგადოებამ კარგად იცის, რომ უკვე 10 წელია, არათუ საჯარო სამსახურში თანამდებობას არ ვიკავებ, არამედ სახელმწიფო ინსტიტუტებთან არანაირი კავშირი არ მაქვს! Читать дальше...

ერთი თვით ადრე, ვიდრე ევროკავშირი საქართველოს პროგრესს შეაფასებს და კანდიდატის სტატუსის ბედს გადაწყვეტს, „ქართული ოცნების“ ხელისუფლება აცხადებს, რომ საქართველოს სტატუსი ეკუთვნის და უარს არ შეეგუება.

რუსეთის პრეზიდენტის თანახმად, ნაცვლად 270 ათასისა, ბოლო მონაცემებით შეიარაღებულ ძალებთან კონტრაქტები გააფორმა რუსეთის 300 000-მა მოქალაქემ, რომლებიც „მზად არიან სიცოცხლე გაწირონ თავიანთი სამშობლოს, რუსეთის ინტერესების დასაცავად.“ ასე უპასუხა რუსეთის პრეზიდენტმა 15 სექტემბერს, ბელარუსის პრეზიდენტ ალიაქსანდრ ლუკაშენკასთან შეხვედრის დასრულების შემდეგ გამართულ მოკლე პრესკონფერენციაზე, რუსეთის შეიარაღებული ძალების რიგებში ჩრდილოეთ კორეელი მოხალისეების შესაძლო მოწვევის შესახებ დასმულ შეკითხვას. „ჩვენ არ გვაქვს ასეთი საჭიროება... Читать дальше...

15 სექტემბერს, სწავლა უკრაინიდან დევნილი მოსწავლეებისთვის წუთიერი დუმილით დაიწყო. მოსწავლეებმა, მშობლებმა და მასწავლებლებმა უკრაინაში დაღუპული მებრძოლების ხსოვნას წუთიერი დუმილით მიაგეს პატივი. თბილისისა და ბათუმის ოთხ საჯარო სკოლაში, უკრაინულ სექტორზე, უკრაინიდან დევნილი 2000-ზე მეტი ბავშვი სწავლობს. განათლების სამინისტროში მათ ზუსტ რაოდენობას ვერ გვისახელებენ და გვეუბნებიან, რომ ზუსტი მონაცემის მისაღებად, ინფორმაცია ოფიციალურად უნდა გამოვითხოვოთ. უკვე მეორე წელია, უკრაინიდან დევნილი მოსწავლეები საქართველოში აგრძელებენ სწავლას. Читать дальше...

ომის მომხრე რუსეთის ტელეგრამის არხებმა გაავრცელეს სავარაუდოდ ალჟირში გადაღებული, უკრაინაში რუსეთის ჯარების დაჯგუფების ყოფილი სარდლის, სერგეი სუროვკინის ფოტოები. იტყობიენბიან, რომ რუსი სარდალი იქ ადგილობრივი თავდაცვის სამინისტროს ხელმძღვანელობას შეხვდა. არმიის გენერალი სერგეი სუროვიკინი საჯაროდ აღარ გამოჩენილა კერძო სამხედრო კომპანია „ვაგნერის" ხელმძღვანელის, ევგენი პრიგოჟინის მიერ რუსეთის თავდაცვის სამინისტროსა და გენერალური შტაბის წინააღმდეგ 2023 წლის 23-24 ივნისს ორგანიზებული „ამბოხების" შემდეგ. Читать дальше...

"ჯორჯიან ეარვეისი" პარლამენტის დეპუტატსაც კი არ აძლევს ინფორმაციას, ვინ გამოიყენა სამთავრობო თვითმფრინავი პირადი, კერძო ვიზიტებისთვის. ავიაკომპანიამ, რომლის ერთ-ერთი მთავარი დამკვეთი სახელმწიფოა, ოპოზიციონერ დეპუტატს მისწერა, რომ მის მიერ მოთხოვნილი ინფორმაცია "სახელმწიფო და კომერციული საიდუმლოა". ოპოზიციონერმა დეპუტატმა თეონა აქუბარდიან "ჯორჯიან ეარვეისს" 12 სექტემბერს მისწერა, მას შემდეგ, რაც ცნობილი გახდა, რომ სამთავრობო ბორტი პირადი მიზნებისთვის გამოიყენა საქართველოს პრემიერ-მინისტრმა ირაკლი ღარიბაშვილმა და შვილი... Читать дальше...

ეროვნული ბანკის საბჭოს წევრის ორ ვაკანტურ თანამდებობაზე ასარჩევად საქართველოს პრეზიდენტმა პარლამენტს წარუდგინა ნანა ყეინიშვილისა და თეიმურაზ ხომერიკის კანდიდატურები. ნანა ყეინიშვილი 2012-2016 საქართველოს პარლამენტის წევრი იყო „ქართული ოცნებიდან". ის საქმიანობდა საქართველოს პარლამენტის საფინანსო-საბიუჯეტო კომიტეტის თავმჯდომარის მოადგილის და და დიასპორისა და კავკასიის საკითხთა კომიტეტის თავმჯდომარის მოადგილის თანამდებობებზე. მან მმართველი პარტია 2016 წლის აგვისტოში დატოვა. 2001-2012 წლებში ნანა... Читать дальше...

მშობლების ერთი ნაწილის საპროტესტო აქციით დაიწყო სასწავლო წელი თბილისის ერთ-ერთ უბანში, დადიანის ქუჩაზე, სადაც ახალი სკოლის აშენების სანაცვლოდ რამდენიმე წლის წინ დაანგრიეს მეოთხე საჯარო სკოლა და მას მერე იქ ისევ მინდორია. მშობლებს კი ბავშვების ტარება სახლიდან შორს, სხვა უბნის სკოლებში უწევთ. „ძალიან დაღლილები ვართ, აღარ შეგვიძლია, დაგვიბრუნონ ჩვენი სკოლა“, - ამბობს ერთ-ერთი მათგანი, ანა შარაბიძე. ამ სკოლის მოსწავლეების მშობლებს იმედი ჰქონდათ, რომ ჯერ კიდევ პანდემიამდე დანგრეულ სკოლას პანდემიის... Читать дальше...

ლიეტუვის პრეზიდენტმა გიტანას ნაუსედამ ხელი მოაწერა მოციგურავე მარგარიტა დრობიაზკოსთვის მოქალაქეობის ჩამორთმევის განკარგულებას. სპორტსმენი ქვეყნის სახელით ხუთჯერ მონაწილეობდა ოლიმპიურ თამაშებში, მაგრამ ლიეტუვის მოქალაქეობის საკითხების კომისია მისთვის მოქალაქეობის ჩამორთმევის რეკომენდაციით გამოვიდა, რადგან დრობიაზკომ რუსეთში გამართულ ფიგურული ციგურაობის შოუებში იასპარეზა. ლიეტუვის მაუწყებლის, LRT-ის თანახმად, კომისიაში მიიჩნევენ, რომ იგი საჯაროდ უჭერს მხარს კრემლის რეჟიმს, რომელიც უკრაინის წინააღმდეგ ომს აწარმოებს. Читать дальше...

თბილისის მერი, მმართველი პარტია "ქართული ოცნების" გენერალური მდივანი კახა კალაძე ამბობს, რომ სამთავრობო ბორტით პირადი მიზნებისთვის მასაც უსარგებლია. ამის შესახებ მან "TV პირველთან" კომენტარში თქვა. "არ მახსოვს ზუსტად, თუმცა ძალიან ხშირად მისარგებლია, არა მხოლოდ სამთავრობო... ძალიან ბევრჯერ ყოფილა, თუმცა არა სახელმწიფო [ხარჯებით]... დეკლარაციაში არის ყველა ხარჯი. ეს იყო პირადი მოგზაურობა და პირადი ხარჯი. ყველაფერი არის დეკლარაციაში ჩემს ხარჯებთან დაკავშირებით. ხშირად გამომიყენებია სამთავრობო თვითმფრინავი... Читать дальше...

კრემლში არ ფიქრობენ, რომ „ნელა“ მიმდინარეობს იმ ავიაკატასტროფის გამოძიება, რომელშიც კერძო სამხედრო კომპანია „ვაგნერის“ დამფუძნებელი, ბიზნესმენი ევგენი პრიგოჟინი დაიღუპა. "ეს არ არის იოლად გამოსაძიებელი ინციდენტი", - განუცხადა ჟურნალისტებს რუსეთის პრეზიდენტის პრესმდივანმა დიმიტრი პესკოვმა. "გამოძიება მიმდინარეობს", ამიტომ ნაადრევია რაიმე კომენტარის გაკეთება, დასძინა მან. მანამდე პესკოვმა პრიგოჟინის ავიაკატასტროფის ერთ-ერთ მთავარ ვერსიას "მიზანმიმართული ბოროტება" უწოდა. ბრაზილიური წარმოების კერძო თვითმფრინავი Embraer-135... Читать дальше...

საზოგადოებრივი აზრის გამოკვლევა, რომელიც ევროკავშირის აღმოსავლეთ სამეზობლოს პროგრამამ ჩაატარა, ასახავს ევროკავშირის შესახებ განწყობებს აღმოსავლეთ სამეზობლოს ექვს ქვეყანაში. (სომხეთი, აზერბაიჯანი, ბელარუსი, საქართველო, მოლდოვა და უკრაინა). საზოგადოებრივი აზრის ყოველწლიური, 2023 წლის გამოკვლევით, საქართველოს მოსახლეობის უდიდესი უმრავლესობა მიიჩნევს, რომ ქვეყანას ევროკავშირთან კარგი ურთიერთობა აქვს. ეს მაჩვენებელი ცხრა პუნქტით არის გაზრდილი 2016 წელთან შედარებით, როდესაც გამოკითხვა პირველად ჩატარდა. Читать дальше...

ესტონეთისა და ლატვიის შემდეგ, ფინეთის ხელისუფლებამ აკრძალა ქვეყნის ტერიტორიაზე რუსულნომრიანი მსუბუქი ავტომობილების გადაადგილება. ფინეთის ნაციონალური ტელერადიოკომპანია Yle-ს ცნობით, შეზღუდვა ძალაში შევა 16 სექტემბრიდან. ხოლო იმ მანქანებმა, რომლებიც უკვე იმყოფებიან ფინეთის ტერიტორიაზე, ქვეყნის ტერიტორია ნახევარი წლის განმავლობაში უნდა დატოვონ. ფინეთის საგარეო საქმეთა მინისტრმა ელინა ვალტონენმა განაცხადა, რომ ეს მოხდა მას შემდეგ, რაც ფინეთმა გადახედა ევროკავშირის რეკომენდაციების ინტერპრეტაციას რუსეთის... Читать дальше...

15 სექტემბერს უკრაინის უშიშროების სამსახურის (SBU) თანამშრომლებმა გაჩხრიკეს აკრძალული პარტიის („ოპოზიციური პლატფორმა-სიცოცხლისათვის“) წევრის, სახალხო დეპუტატ ნესტორ შუფრიჩის სახლი, სადაც, გამოცემა „უკრაინსკა პრავდის“ ცნობით, მოწმეების თანდასწრებით ნაპოვნი იქნა რუსული სიმბოლიკა და ჯილდოები. მათ შორის - აკრძალული "წმინდა გიორგის ლენტები" და რუსი ოფიცრის სამხედრო კიტელები. SBU-ს წყაროების თანახმად, შუფრიჩი ეჭვმიტანილია სახელმწიფო ღალატში, მაგრამ ჯერ არ არის დაკავებული, როგორც ადრე არაერთი საინფორმაციო საშუალება წერდა. Читать дальше...

მერაბ მამარდაშვილს ერთ რომელიმე ფილოსოფიურ სკოლას ვერ მიაკუთვნებ. ამიტომაცაა რომ კოლეგები ზოგჯერ უსისტემობას  უწუნებდნენ -  მეტისმეტად უყვარს იმპროვიზაცია და „ხმამაღლა“ ფილოსოფოსობსო. 80-იანი წლების ბოლოს, როცა უნივერსიტეტის მეექვსე კორპუსში ლექციების ციკლი დაიწყო, აუდიტორიაში იყვნენ მსმენელები, რომლებიც მის საუბარს იწერდნენ. მომისმენია ეს ჩანაწერები, მაგრამ მამარდაშვილის სიტყვას უფრო მეტად მაშინ აქვს ფასი, როცა უყურებ, როცა მის პაუზებს აკვირდები, რიტმის მუდმივ ცვლას... და, რაც მთავარია, ითვალისწინებ სად ლაპარაკობს და როდის ლაპარაკობს. Читать дальше...

საქართველოს სახელმწიფო უსაფრთხოების სამსახური განცხადებას ავრცელებს საქართველოს ყოფილი მთავარი პროკურორის, ოთარ ფარცხალაძის სანქცირებასთან დაკავშირებით აშშ-ის სახელმწიფო დეპარტამენტის მიერ გაკეთებულ განმარტებაზე. „საზოგადოების მაღალი დაინტერესებიდან გამომდინარე, გაცნობებთ, რომ აშშ-ის სახელმწიფო დეპარტამენტის მიერ ოთარ ფარცხალაძესთან დაკავშირებით გაკეთებული განცხადების ირგვლივ საქართველოს სახელმწიფო უსაფრთხოების სამსახურში მიმდინარეობს საკითხის შესწავლა“, - ნათქვამია სუსის მიერ გავრცელებულ მოკლე განცხადებაში. Читать дальше...

ჩრდილოეთ კორეის ლიდერი კიმ ჩენ ინი ეწვია სამხედრო და სამოქალაქო ავიაციის ქარხნებს კომსომოლსკ-ნა-ამურეში და დაასრულა ვიზიტი რუსეთში. ამის შესახებ ხაბაროვსკის მხარის გუბერნატორმა მიხაილ დეგტიარევმა განაცხადა. მისი თქმით, კიმ ჩენ ინი ეწვია გაგარინის სახელობის საავიაციო ქარხანას კომსომოლსკ-ნა-ამურეში, სადაც იწარმოება Su-35 და Su-57 გამანადგურებლები. გარდა ამისა, კორეის სახალხო-დემოკრატიული რესპუბლიკის ლიდერი გაეცნო SJ-100 სამოქალაქო თვითმფრინავების წარმოებას საწარმო „იაკოვლევში“. კომსომოლსკ-ნა-ამურედან... Читать дальше...

სახელმწიფო უსაფრთხოების სამსახური ინფორმაციას ავრცელებს დღეს, 15 სექტემბერს, რუსეთის საოკუპაციო ძალების წარმომადგენლების მიერ საქართველოს მოქალაქის დაკავებაზე დუშეთის მუნიციპალიტეტის სოფელ ოძისთან.  "ინციდენტის შესახებ ინფორმაციის მიღებისთანავე, სახელმწიფო უსაფრთხოების სამსახურის მიერ გააქტიურდა ევროკავშირის სადამკვირვებლო მისიის მიერ ოპერირებული „ცხელი ხაზი“. ინციდენტის შესახებ დაუყოვნებლივ ეცნობა საერთაშორისო პარტნიორებსა და ჟენევის საერთაშორისო დისკუსიების თანათავმჯდომარეებს", - ნათქვამია სუსის მიერ გავრცელებულ ცნობაში. Читать дальше...

ავტოსაგზაო შემთხვევა მოხდა საგარეჯოში, მესამე საჯარო სკოლის მიმდებარე ტერიტორიაზე. თვითმხილველებმა რადიო თავისუფლებას უთხრეს, რომ მაღალი სიჩქარით მოძრავი ავტომობილი, რომელშიც არასრულწლოვნები ისხდნენ 1 ადამიანს დაეჯახა. მიღებული დაზიანებებით ქალი ადგილზე გარდაიცვალა. დაშავდა ავტომობილში მსხდომი 6 არასრულწლოვანიც, რომლებიც ადგილობრივ კლინიკაში გადაიყვანეს. მათი ასაკი 16 წლამდეა. საგარეჯოს კლინიკა ჯეოჰოსპიტალში რადიო თავისუფლებას უთხრეს, რომ ამ წუთებში ყველა დაშავებულს გამოკვლევა უტარდება, თუმცა... Читать дальше...

უკრაინის პრეზიდენტი ვოლოდიმირ ზელენსკი მომავალ კვირაში ვაშინგტონში ჩასვლას და აშშ-ის პრეზიდენტ ჯო ბაიდენთან შეხვედრას გეგმავს, იტყობინება ამერიკული მედია თეთრ სახლში წყაროებზე დაყრდნობით. ოთხშაბათს ზელენსკი გაეროს გენერალური ასამბლეის სხდომაზე გამოვა. ბაიდენთან შეხვედრა გამოსვლის შემდეგ იგეგმება. ეს ვიზიტი ჩატარდება ბაიდენის ადმინისტრაციის მცდელობის ფონზე, მიაღწიოს კონგრესის თანხმობას კიევისთვის კიდევ ოც მილიარდ დოლარზე მეტი დახმარების პაკეტის გამოყოფაზე, რომელიც უზრუნველყოფს მიმდინარე წლის ბოლომდე უკრაინისთვის შეიარაღების... Читать дальше...

რუსეთის მიერ ოკუპირებული აფხაზეთის დე ფაქტო საგარეო საქმეთა მინისტრი ინალ არძინბა ირწმუნება, რომ ბელარუსის ავტორიტარმა მმართველმა ლუკაშენკამ გადაწყვიტა „აფხაზეთის რესპუბლიკასთან“ საბაჟო გადასახადისგან თავისუფალი ვაჭრობა უზრუნველყოს. ბელარუსის მხრიდან ეს ინფორმაცია ჯერჯერობით დადასტურებული არ არის. როგორც აფხაზური სააგენტო „აფსნიპრესი“ წერს, არძინბამ ლუკაშენკას „გადაწყვეტილება“ 14 სექტემბერს გააცნო ახალი ათონის, გუდაუთის, გაგრისა და ბიჭვინთის „ადმინისტრაციების აქტივს“. „დე ფაქტოდ ჩვენთვის ეს ეკონომიკურ აღიარებას ნიშნავს“... Читать дальше...