Новости за 12.09.2023

საქართველოს საფეხბურთო ნაკრებმა ევროპის 2024 წლის ჩემპიონატის შესარჩევ ციკლში მორიგი წარუმატებელი თამაში ჩაატარა. ვილი სანიოლის გაწვრთნილი გუნდი ნორვეგიის ნაკრებთან დამარცხდა, ოსლოში გამართულ შეხვედრაში, ანგარიშით 1:2. ქართველთაგან გოლი ბუდუ ზივზივაძემ გაიტანა, ოთხმოცდამეთერთმეტე წუთზე. ხუთი ტურის შემდეგ, საქართველოს ნაკრებს სამი წაგება, თითო მოგება და ფრე აქვს, და ოთხი ქულით მეოთხე ადგილზეა ხუთგუნდიან ჯგუფში. ჯგუფის ლიდერი შოტლანდიაა, ასპროცენტიანი მაჩვენებლით - თხუთმეტი ქულით. მეორე და მესამე... Читать дальше...

12 სექტემბერს ბოსნიის პოლიციამ დააკავა ხუთი პირი, რომლებიც ეჭვმიტანილნი არიან 1995 წლის ივლისში ქალაქ სრებრენიცაში მოწყობილ გენოციდში მონაწილეობაში. ამ ქალაქში მაშინ ბოსნიელი სერბების სამხედროებმა 8000-მდე კაცი და ბიჭი დახოცეს, ქვეყანაში მიმდინარე შიდაეთნიკური ომის ფონზე.  ოპერაციის ფარგლებში, პოლიციამ ჩაატარა ჩხრეკა, მოახდინა ქონების კონფისკაცია რეპუბლიკა სრპსკას ქალაქებში - სერბთა მიერ მართული ერთეულის, რომელიც მოიცავს ბოსნიის ტერიტორიის დაახლოებით ნახევარს.  საპოლიციო ოპერაციის შესახებ ცნობას... Читать дальше...

უკრაინასთან მიმდინარე ომის ფონზე რუსეთში კვლავ საუბრობენ მობილიზაციის ახალი ტალღის გამოცხადების შესახებ.

მთავრობამ მოსახლეობას უთხრა, რომ ჩინელი ტურისტები „საქართველოში უვიზოდ შემოსვლასა და ქვეყნის ტერიტორიაზე 30 დღის მანძილზე ყოფნას შეძლებენ“. 30 დღე რა პერიოდის განმავლობაში? - ეს ოფიციალური განცხადებებიდან არ ჩანდა.

აფხაზური ენა იმ მცირე ენების რიცხვს მიეკუთვნება, რომელიც გაქრობის საფრთხის წინაშე დგას. აფხაზეთში საქმისწარმოება რუსულად მიმდინარეობს, ახალგაზრდების მნიშვნელოვანმა ნაწილმა ეს ენა არ იცის. არასამთავრო ორგანიზაცია Logos Caucasicus-ის დამფუძნებელი ლევან მეტონიძე მიიჩნევს, რომ აფხაზური ენის შესასწავლად უკეთესი იქნება, თუ აფხაზური დამწერლობა ქართულ გრაფიკას დაუბრუნდება. ქართული ანბანი აფხაზური ენისთვის მე-20 საუკუნის დასაწყისში შეიქმნა. თუმცა, რუსიფიკაციის შედეგად, დღეს აფხაზები კირილიცაზე აწყობილ ანბანს იყენებენ. Читать дальше...

ქუთაისის N2 და ბათუმის N3 პენიტენციურ დაწესებულებებში შესაძლო ბუნტის შესახებ გავრცელებულ ინფორმაციას საქართველოს სახალხო დამცველი ეხმიანება. ის არეულობის შესახებ ცნობას არ ადასტურებს.  „აღნიშნულ დაწესებულებებში იმყოფებოდა სახალხო დამცველი წარმომადგენელი და ამ დროისთვის რამე არეულობის შესახებ ინფორმაცია არ დასტურდება. სახალხო დამცველის აპარატი აგრძელებს სიტუაციაზე დაკვირვებას და მზად არის, მომართვის შემთხვევაში გადაამოწმოს ყველა ინდივიდუალური შემთხვევა", - აცხადებს ომბუდსმენი.  12 სექტემბერს რამდენიმე ადვოკატმა თქვა... Читать дальше...

11 სექტემბერს ირანის უშიშროების უწყებებმა დაიბარეს ამჯად ამინი - ჰიჯაბის ტარების წესის დარღვევის გამო დაპატიმრებული და პოლიციის განყოფილებაში გარდაცვლილი ქალის, მაჰსა ამინის მამა - და მას ერთი საათის განმავლობაში უტარებდნენ დაკითხვას, იუწყება რადიო თავისუფლების ირანული სამსახური.  ამინის ერთ-ერთი ნათესავის თქმით, ხელისუფლება მამაზე ზეწოლას ახორციელებს, რათა მან 16 სექტემბერს არ აღნიშნოს მისი შვილის დაღუპვის წლისთავი და უარყოს უფრო ადრე გავრცელებული განცხადება, რომ ის და ამინის დედა აპირებენ აღნიშნონ შვილის გარდაცვალების დღე. Читать дальше...

მთიანი ყარაბაღის სეპარატისტული რეგიონის წარმომადგენელების თქმით, რეგიონში აზერბაიჯანის მიერ კონტროლირებული ტერიტორიის გავლით ჩავიდა რუსეთის ჰუმანიტარული დახმარების სატვირთო მანქანა.  სომხეთი აზერბაიჯანს ადანაშაულებს ჰუმანიტარული კრიზისის გამოწვევაში მთიან ყარაბაღში, იმ ერთადერთი გზის ჩაკეტვით, რომელიც ამ მთიან ტერიტორიას სომხეთთან აკავშირებს.  ეს გზა, ლაჩინის დერეფანი, რუსეთის სამშვიდობო ძალების კონტროლის ქვეშაა, 2020 წელს მოსკოვის შუამავლობით მიღწეული სამშვიდობო შეთანხმების თანახმად.  "რუსული... Читать дальше...

სომხეთის ხელმძღვანელობამ არსებითად აღიარა, რომ მთიანი ყარაბაღი აზერბაიჯანის კუთვნილებაა, ასე რომ, ეს საკითხი უკვე გადაწყვეტილია, - განაცხადა რუსეთის პრეზიდენტმა ვლადიმირ პუტინმა 12 სექტემბერს, აღმოსავლეთის ეკონომიკურ ფორუმზე სიტყვით გამოსვლის დროს.

პატიმრობაში მყოფი 68 წლის დავით მიქელაძე, ქუთაისში #2 -ე პენიტენციურ დაწესებულებაში  11 სექტემბრის დილით გარდაიცვალა.  გარდაცვლილის ოჯახის ახლობლის განმარტებით დავით მიქელაძეს გული და მაღალი არტერიული წნევა აწუხებდა. ხშირად გადაჰყავდათ სამედიცინო დაწესებულებაში. მორიგი შეტევის დროს კი პატიმარი პენიტენიციურ დაწესებულებაში გარდაიცვალა. „ბუნებრივია ძალიან ნერვიულობდა თავის მდგომარეობას, ციხეში ყოფნას და ამანაც თავისი გავლენა იქონია“ - ოჯახის ახლობლის თქმითვე, პატიმარს სასჯელის მოხდა რუსთავში, მე-15 დაწესებულებაში  სურდა. Читать дальше...

საქართველოს პრემიერ-მინისტრის ირაკლი ღარიბაშვილის მამის, ტარიელ ღარიბაშვილის კომპანიის, შპს „ქართული ფესვების" შესახებ „გირჩი - მეტი თავისუფლების" ლიდერის, ზურაბ ჯაფარიძის მიერ გავრცელებულ ინფორმაციას განცხადებით გამოეხმაურა ღვინის ეროვნული სააგენტო.  საქართველოს გარემოს დაცვისა და სოფლის მეურნეობის სამინისტროს მმართველობის სფეროში შემავალი საჯარო სამართლის იურიდიული პირი, ღვინის ეროვნული სააგენტო აცხადებს, რომ სახელმწიფო საწარმომ, შპს „მოსავლის მართვის კომპანიამ" იმ ყურძნის შეძენის მიზნით, რომელზეც... Читать дальше...

რაჭაში, კურორტ შოვში, 3 აგვისტოს, ღვარცოფის შედეგად დაკარგულ ბოლო ადამიანს, არასრულწლოვან ბიჭს, ჯერ კიდევ ეძებენ. 12 სექტემბრის მონაცემებით, სტიქიიდან 41-ე დღეს, კატასტროფის ზონაში ნაპოვნია 32 ცხედარი. საქმეზე გამოძიება სისხლის სამართლის კოდექსის ორი, 116-ე და 240-ე მუხლებით მიმდინარეობს, რაც გულისხმობს სიცოცხლის მოსპობას გაუფრთხილებლობით და სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას. საქმეს შინაგან საქმეთა სამინისტრო იძიებს, გამოძიების პროცესს პროკურატურა მეთვალყურეობს. Читать дальше...

გავრცელებული ცნობებით, აშშ-ის სახელმწიფო მდივანმა, ენტონი ბლინკენმა ხელი მოაწერა სანქციების მოხსნას, რათა გათავისუფლდეს ირანის 6 მილიარდი დოლარის ოდენობის ქონება - რომელიც სამხრეთ კორეიდან კატარში გადაირიცხება, როგორც ნაწილი პატიმართა გაცვლის ოპერაციისა აშშ-სა და ირანს შორის. სააგენტო "ასოშიეიტედ პრესის" (AP) ცნობით, კონგრესს ამის შესახებ 11 სექტემბერს შეატყობინეს.   11 სექტემბერს უფრო ადრე თეირანი იუწყებოდა მოლოდინზე, რომ პატიმართა გაცვლის შეთანხმება მალე გაფორმდებოდა. ირანის და აშშ-ის წარმომადგენლებმა გასულ თვეში გამოაცხადეს... Читать дальше...

ერგნეთში  ინციდენტების პრევენციისა და მათზე რეაგირების მექანიზმის (IPRM) ფარგლებში გამართული 114-ე შეხვედრის დასრულების შემდეგ მედიასთან კომენტარში სახელმწიფო უსაფრთხოების სამსახურის ანალიტიკური სამსახურის უფროსის მოადგილემ ირაკლი ანთაძემ განაცხადა, რომ უახლოეს მომავალში ცხონვალის ციხეში უკანონო პატიმრობაში მყოფი საქართველოს 4 მოქალაქესთან  დაკავშირებით პოზიტიურ სიახლეს მოელიდან.    „არ ვისაუბრებ დეტალებზე ახლა, მაგრამ შემიძლია ვთქვა, რომ ახლო მომავალში გვექნება საშუალება ოჯახებს ვამცნოთ გარკვეული პოზიტიური ამბავი მათ ბედთან დაკავშირებით“... Читать дальше...

ორბელიანების სასახლეში მეორე დღეა, საქართველოს პრეზიდენტი სალომე ზურაბიშვილი ოპოზიციის წარმომადგენლებს ხვდება.  პრეზიდენტთან შეხვედრის შემდეგ პარტია „მოქალაქეების" ლიდერმა, დეპუტატმა ალეკო ელისაშვილმა განაცხადა, რომ ზურაბიშვილი მის მიმართ იმპიჩმენტს არ გამორიცხავს.  „რა თქმა უნდა, ვისაუბრეთ, პრეზიდენტის მოსალოდნელ იმპიჩმენტთან დაკავშირებით. მინდა გითხრათ, რომ თავად პრეზიდენტი ამას არ გამორიცხავს და აბსოლუტურად რეალურად მიიჩნევს, რომ ეს მოხდეს. შემდეგ რა უნდა გააკეთოს, ამაზეც ნაფიქრი აქვს აშკარად და სასიამოვნო მოსასმენი იყო. Читать дальше...

ჩრდილოეთ კორეის ლიდერი კიმ ჩენ ინი ჩავიდა რუსეთში, სადაც შეხვდება რუსეთის პრეზიდენტს, ვლადიმირ პუტინს. აშშ-ის წარმომადგენელთა თქმით, პუტინს შესაძლოა, სურდეს იარაღის და საბრძოლო მასალების მიღება, უკრაინაში შეჭრილი თავისი ძალების გაძლიერების მიზნით. რუსეთის საინფორმაციო სააგენტო RIA Novosti ავრცელებს კიმ ჩენ ინის ჩასვლის კადრებს - სააგენტოს თანახმად, ვლადივოსტოკის რკინიგზის სადგურიდან. მანამდე ჩრდილოეთი კორეა იტყობინებოდა, რომ ქვეყნის მეთაური რუსეთში გაემგზავრა პერსონალური, დაჯავშნილი მატარებლით და მის დელეგაციაში შედიან მმართველი პარტიის... Читать дальше...

ევროსაბჭოს საპარლამენტო ასამბლეის(PACE) იურიდიული საკითხებისა და ადამიანის უფლებების კომისიამ რუსეთს უწოდა დიქტატურა და გამოხატა შეშფოთება ქვეყნის 2020 წლის კონსტიტუციაში შეტანილი შესწორებების თაობაზე. ეს შესწორებები რუსეთის ამჟამინდელ პრეზიდენტს, ვლადიმირ პუტინს, საშუალებას აძლევს, ძალაუფლება 2036 წლამდე შეინარჩუნოს. "რუსეთის პრეზიდენტის გადამწყვეტმა ძალაუფლებამ, რომელიც ეფუძნება თანამდებობაზე ყოფნის უაღრესად ხანგრძლივ ვადას, შემაკავებელი და დამაბალანსებელი მექანიზმების - ძლიერი პარლამენტის, დამოუკიდებელი სასამართლო სისტემის... Читать дальше...

სპეციალურმა საგამოძიებო სამსახურმა ტელეკომპანია "ფორმულის" ერთ-ერთ დამფუძნებელ მიშა მშვილდაძეზე თავდასხმის საქმეზე მხოლოდ ერთი ადამიანის ბრალეულობა გამოკვეთა. დღეს, 12 სექტემბერს, ცნობილი გახდა, რომ უწყებამ საქმე განსახილველად გადაუგზავნა სასამართლოს. სპეციალური საგამოძიებო სამსახურის პრესსამსახურში არ უპასუხეს რადიო თავისუფლების კითხვას, ნიშნავს თუ არა ეს გამოძიების დასრულებას მიშა მშვილდაძეზე თავდასხმის საქმეზე. ამ შინაარსის შეკითხვას, რამდენჯერმე დასმის მიუხედავად, პრესსამსახურში ასე უპასუხეს... Читать дальше...

საქართველოს პროკურატურის ცნობით, ხორავას ქუჩაზე დავით სარალიძის მკვლელობის საქმეზე მსჯავრდადებულის, გიორგი მენაბდის მიმართ გამოტანილი გამამტყუნებელი განაჩენი თბილისის სააპელაციო სასამართლომ ძალაში დატოვა. განცხადებაში ვკითხულობთ, რომ სააპელაციო სასამართლომ გაიზიარა პროკურატურის მიერ წარდგენილი მტკიცებულებები და არ დააკმაყოფილა მსჯავრდადებულ გიორგი მენაბდის სააპელაციო საჩივარი. „სასამართლო პროცესზე წარდგენილი მტკიცებულებებით დადასტურდა, რომ 2017 წლის 1 დეკემბერს, ხორავას ქუჩაზე მდებარე საცხოვრებელი კორპუსის ეზოში... Читать дальше...

რუსეთის პრეზიდენტმა ვლადიმირ პუტინმა საბჭოთა კავშირის მხრიდან 1950-იან და 1960-იან წლებში ბუდაპეშტსა და პრაღაში შეჭრას უწოდა შეცდომა. ამით მან გაიმეორა წარსულში გაკეთებული სინანულის განცხადებები ცივი ომის ამ ორი მნიშვნელოვანი მოვლენის მიმართ. პუტინმა ეს 12 სექტემბერს თქვა, ვლადივოსტოკის ეკონომიკურ ფორუმზე. მოდერატორმა მას კითხვა დაუსვა უნგრეთის და ჩეხეთის ოფიციალური პირების განცხადებებზე, რომ "საბჭოთა კავშირი კოლონიზატორივით მოიქცა, როცა თავისი ტანკები გაგზავნა პრაღასა და ბუდაპეშტში". "ჩვენ დიდი ხანია ვაღიარეთ... Читать дальше...

ევროკავშირმა რუსეთი გააფრთხილა "შედეგებზე", რომლებიც შეეხება რუსეთის მიერ ოკუპირებულ უკრაინის ტერიტორიებზე შაბათ-კვირას ჩატარებული "უკანონო" არჩევნების ორგანიზებაში ჩართულ პირებს, ხოლო გერმანია აცხადებს, რომ შესაძლებელია ევროკავშირმა ახალი სანქციები დააწესოს. მოსკოვმა 11 სექტემბერს გამოაცხადა, რომ ოკუპირებულ არეალებში ჩატარებულ არჩევნებში გამარჯვება მოიპოვა რუსეთის მმართველმა პარტიამ, "ერთიანმა რუსეთმა." ბრიუსელმა დაგმო არჩევნები და განაცხადა, რომ ის არის "საერთაშორისო სამართლის დარღვევის კიდევ ერთი გამოვლინება". Читать дальше...

საქართველოს პრეზიდენტის მიერ შეწყალებული 9 მსჯავრდადებულიდან, 5 სრულად გათავისუფლდა სასჯელის მოხდისგან და პენიტენციურ დაწესებულებას დღესვე დატოვებს. "4 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა. გათავისუფლებულ მსჯავრდებულთაგან 2 ქალი მსჯავრდებულია“, - ნათქვამია საქართველოს პრეზიდენტის ვებსაიტზე გამოქვეყნებულ ინფორმაციაში. შეწყალებული მსჯავრდადებულების ვინაობის შესახებ ინფორმაცია, როგორც წესი, არ ვრცელდება.

სულ მცირე 3 ათასი ადამიანის სიცოცხლე იმსხვერპლა წყალდიდობამ ლიბიაში, რომელიც სამოქალაქო დაპირისპირების შედეგად, ათ წელზე მეტია, ორ ნაწილადაა გაყოფილი. საერთაშორისო თანამეგობრობის მიერ აღიარებული ხელისუფლება ლიბიის დედაქალაქ ტრიპოლის და მის შემოგარენს აკონტროლებს, ალტერნატიული მთავრობა კი ქვეყნის მთელ აღმოსავლეთს. სწორედ ამ ტერიტორიაზეა სტიქიური უბედურების ეპიცენტრი. ადგილობრივი ადმინისტრაციის წარმომადგენელმა სააგენტო Reuters-ს განუცხადა, რომ მხოლოდ ქალაქ დერნაში ნაპოვნია სულ მცირე 1000 ადამიანის გვამი. Читать дальше...

უკრაინის პრეზიდენტმა, ვოლოდიმირ ზელენსკიმ ვეტო დაადო კანონპროექტს, რომელიც ოფიციალურ პირებს საშუალებას აძლევდა გარკვეული პერიოდით ისევ  არ მოეხდინათ თავიანთი ქონების დეკლარაცია.  ზელენსკის მიერ 12 სექტემბერს გამოყენებული ვეტოს ფონია უკრაინის ხელისუფლების ძალისხმევა ებრძოლოს კორუფციას და მოკავშირეები დაარწმუნოს, რომ ამ ძალისხმევის ერთგულია.  გასულ კვირაში პარლამენტმა მხარი დაუჭირა აღდგენას წესისა, რომელიც მთავრობის წარმომადგენლებს ავალდებულებს საჯაროდ განაცხადონ თავიანთ ქონებაზე - ამ წესის მოქმედება... Читать дальше...

რუსი ოპოზიციონერი პოლიტიკოსი, ალექსეი ნავალნი - რომელსაც, ექსტრემიზმის და სხვა ბრალდებებით, საერთო ჯამში 19 წლით აქვს მისჯილი პატიმრობა - 2022 წლის აგვისტოს შემდეგ მეცხრამეტედ მოათავსეს სამარტოო, სადამსჯელო საკანში. ეს ინფორმაცია ნავალნიმ ინსტაგრამით გამოაქვეყნა.  გამოქვეყნებულ ცნობაში ნათქვამი არ არის მიზეზი, რატომ გაგზავნეს ნავალნი 13 დღით სამარტოო საკანში, თუმცა ცნობილია, რომ მანამდე მას კონფლიქტი ჰქონდა პენიტენციური დაწესებულების ადმინისტრაციასთან, მასთან ნათესავების ვიზიტების გაუქმების გამო. Читать дальше...