Новости за 26.08.2023

„გარდიანი“ (The Guardian) წერს, რომ უკრაინის კონტრშეტევის ახლებური სტრატეგია 15 აგვისტოს, ნატოს სამხედრო მაღალჩინოსნებთან შეხვედრაზე შეთანხმდა, უკრაინა-პოლონეთის საზღვარზე. კიევიდან 300 მილის მანძილზე, თავის გუნდთან ერთად ჩავიდა უკრაინის შეიარაღებული ძალების მთავარსარდალი, გენერალი ვალერი ზალუჟნი. ბრიტანული გამოცემის თანახმად, 5-საათიან შეხვედრაში მონაწილეობდნენ: ბრიტანეთის არმიის სარდალი, ადმირალი ენტონი რადაკინი და ნატოს უმაღლესი სარდლობის (SACEUR) ხელმძღვანელი, ამერიკელი გენერალი კრისტოფერ კავოლი. Читать дальше...

შაბათს ვაშინგტონში ათასობით ამერიკელმა მოიყარა თავი, რათა აღენიშნა მე-60-ე წლისთავი სამოქალაქო უფლებებისთვის ბრძოლის კულმინაციური მომენტისა - „ვაშინგტონზე მსვლელობის“, როცა მარტინ ლუთერ კინგმა წარმოთქვა რასობრივი თანასწორობის შესახებ ისტორიული სიტყვა - „I Have A Dream - მე მაქვს ოცნება”. 1963 წელს "ვაშინგტონზე მსვლელობაში" 250 000-ზე მეტი ადამიანი მონაწილეობდა, რაც იყო ნაწილი ბრძოლისა რასობრივ, რელიგიურ, სქესობრივ, თუ ეთნიკურ ნიადაგზე დისკრიმინაციის წინააღმდეგ. იმ დღეს ნაჩვენებ ძალას ბევრი უკავშირებს... Читать дальше...

თავდაცვის ძალების სამხედრო ავიაციის პარკმა კიდევ ერთი განახლებული სუ-25 მიიღო, რომელსაც კაპიტალური რემონტი „თბილიავიამშენის“ ბაზაზე ჩაუტარდა. თავდაცვის სამინისტროს ინფორმაციით, მარნეულში, შერეული საავიაციო ესკადრილიის ბაზაზე, სატესტო ფრენაში, წყვილში, მონაწილეობა მიიღო თავდაცვის მინისტრმა, ჯუანშერ ბურჭულაძემ. „ჩატარდა საგამოცდო ფრენა შენიშვნების გარეშე“, - აცხადებს საფრენი აპარატების ხარისხის კონტროლის ჯგუფის უფროსი, ვიცე-პოლკოვნიკი ზურაბ ხაბეიშვილი. ოფიციალური ინფორმაციით, ახლად შეკეთებული... Читать дальше...

უკრაინის ჟიტომირის რეგიონის თავზე, წვრთნის დროს, ერთმანეთს შეეჯახა უკრაინის ორი საბრძოლო თვითმფრინავი, - იუწყება გამოძიების სახელმწიფო ბიურო (DBR) 26 აგვისტოს. DBR-ის განცხადებით, L-39-ის ტიპის ორი საჰაერო ხომალდის შეჯახება 25 აგვისტოს მოხდა, კიევიდან დასავლეთით. თვითმფრინავების ნამსხვრევები ჩამოვარდა კერძო სახლების ეზოებში, ერთმანეთისგან 300-მდე მეტრის მოშორებით, - იუწყება რადიო თავისუფლების უკრაინული სამსახური. მიწაზე არავინ დაშავებულა, არ დაზიანებულა სახლები. DBR-მა დაიწყო გამოძიება, რომლითაც უნდა დადგინდეს... Читать дальше...

შოვში დაღუპული ნატო ჭელიძე, ლუკა, ანდრია და ანასტასია დუდაშვილები თბილისში დაკრძალეს.

ორ დღეში მას შემდეგ, რაც თვითმფრინავის კატასტროფას სავარაუდოდ ემსხვერპლა გასამხედროებული ჯგუფის, "ვაგნერის" ხელმძღვანელი, ევგენი პრიგოჟინი, რუსეთის პრეზიდენტმა, ვლადიმირ პუტინმა ხელი მოაწერა კანონს, რომელიც გასამხედროებული ჯგუფების მეომრებს ავალდებულებს ფიცის დადებას რუსეთის სახელმწიფო დროშის წინ. ბრძანება მიემართება "მოხალისეთა ფორმაციების" ყველა წევრს - "მოხალისეთა ფორმაციებს" ოფიციალური პირები უწოდებენ კერძო გასამხედროებულ ჯგუფებს, რომლებიც ქვეყანაში ოფიციალურად აკრძალულია. ბრძანების გამოცემამდე... Читать дальше...

ე.წ. აღიარების მე-15 წლისთავი აფხაზეთსა და ე.წ. სამხრეთ ოსეთს, 26 აგვისტოს, რუსეთის უშიშროების საბჭოს ხელმძღვანელის მოადგილემ, დმიტრი მედვედევმაც მიულოცა. ის იმეორებს კრემლის ძველ გზავნილებს, რომ 2008 წელს ომი საქართველომ დაიწყო და თბილისი დასავლელი პარტნიორების წახალისებით მოქმედებდა. „ვთვლი, თბილისისთვის მოვიდა დრო, აღიაროს ობიექტური რეალობა და შეუდგეს თანასწორუფლებიან დიალოგს სოხუმთან და ცხინვალთან, ძალის არგამოყენების გარანტიების საფუძველზე. ეს ყველა მხარის გრძელვადიან ინტერესებში შედის“, - ამბობს მედვედევი მისალოც მიმართვაში... Читать дальше...

კრემლმა უარყო ყველანაირი კავშირი მოსკოვთან მომხდარ თვითმფრინავის კატასტროფასთან, რომელსაც, სავარაუდოდ, ემსხვერპლა ევგენი პრიგოჟინი, გასამხედროებული ჯგუფის, "ვაგნერის" ლიდერი. პრიგოჟინს რუსეთის პრეზიდენტთან, ვლადიმირ პუტინთან ურთიერთობა დაეძაბა მას შემდეგ, რაც "ვაგნერმა" მოკლევადიანი ამბოხება მოაწყო რუსეთის არმიის ხელმძღვანელობის წინააღმდეგ, უკრაინაში ომის წარმოებით უკმაყოფილების გამო. კრემლის პრესმდივანმა, დმიტრი პესკოვმა 25 აგვისტოს პრესკონფერენციაზე თქვა, რომ კვლავ მიმდინარეობს 10 მსხვერპლის ამოცნობის პროცესი... Читать дальше...

შოვში სტიქიური უბედურების შედეგად გარდაცვლილთაგან დღეს კიდევ ოთხ ადამიანს კრძალავენ. ნატო ჭელიძე და მისი სამი შვილი - ლუკა, ანდრია და ანასტასია დუდაშვილები თბილისში, ქაშვეთის ეკლესიიდან გამოასვენეს. მამა - გიორგი დუდაშვილი ოჯახის წევრებს 3 აგვისტოს შემდეგ ეძებდა. დაუზუსტებელი ინფორმაციით, ერთ-ერთი შვილის ცხედარს ოჯახის სხვა წევრებზე ადრე მიაკვლიეს. სოციალურ ქსელებში გავრცელებული ფოტო- და ვიდეომასალის მიხედვით, გიორგი დუდაშვილი სამძებრო სამუშაოებს პირადად ადევნებდა თვალს. რამდენიმე ფოტოზე ის სავარაუდოდ თავისი შვილის თოჯინით ხელშია ასახული. Читать дальше...

25 აგვისტოს აშშ გამოვიდა გაფრთხილებით, რომ აფრიკაში, საჰელის რეგიონში სამხედრო გადატრიალებების სერია წინაღობას შეუქმნის ტერორიზმთან ბრძოლას. ამასთან, აშშ მოითხოვს, რომ ავღანეთში თალიბანის ხელისუფლებამ არ მისცეს უსაფრთხო თავშესაფარი ტერორისტულ ჯგუფებს, მათ შორის ალ-ყაიდას და "ისლამურ სახელმწიფოს".  გაეროს უშიშროების საბჭოს სხდომაზე აშშ-ის ელჩმა, ლინდა ტომას-გრინფილდმა თქვა, რომ აშშ ყურადღებით ადევნებს თვალს აფრიკის მასშტაბით ტერორიზმის საფრთხის ზრდას, და განაგრძობს აფრიკელი პარტნიორებისთვის "კრიტიკული მნიშვნელობის დახმარების გამოყოფას... Читать дальше...

მიმდინარე თვეში რუსეთის ჩრდილოეთის ფლოტი ბარენცის ზღვაში ატარებს წვრთნებს, რომელთა მიზანია იქ არ დაიშვას უნებართვო და უცხოეთის ხომალდები, - წერს სააგენტო Interfax-ი 26 აგვისტოს. გამანადგურებელმა ვიცე-ადმირალმა კულაკოვმა "ივარჯიშა თითქოს შემოჭრილი ხომალდის მოგერიებაში", ზღვაში, არქტიკის ოკეანეში, ნორვეგიისა და რუსეთის ჩრდილოეთის სანაპიროებიდან მოშორებით, - იუწყება Interfax-ი ჩრდილოეთის ფლოტის პრესსამსახურზე დაყრდნობით. სააგენტოს ცნობით, წვრთნები 10 აგვისტოს დაიწყო. მათი დასრულების თარიღის შესახებ სააგენტო არ იუწყება.

რუსეთის პრეზიდენტი, ვლადიმირ პუტინი არ გაემგზავრება ინდოეთში, 9-10 სექტემბერს დანიშნულ დიდი ოცეულის (G20) სამიტზე, - განაცხადა კრემლის პრესმდივანმა, დმიტრი პესკოვმა 25 აგვისტოს. პესკოვის თქმით, პუტინი კონცენტრირებულია "საგანგებო სამხედრო ოპერაციაზე" - როგორც კრემლი უწოდებს უკრაინაში თავისი ძალების შეჭრას. პუტინის სახელზე გაეროს სისხლის სამართლის სასამართლოს (ICC) მიერ დაპატიმრების ორდერია გაცემული, თუმცა ინდოეთი - ისევე, როგორც აშშ, ჩინეთი და რუსეთი - ამ ორგანიზაციის ხელმომწერი ქვეყანა არ არის. Читать дальше...

აღმოსავლეთ უკრაინიდან 26 აგვისტოს იუწყებიან ორი სამოქალაქო პირის დაღუპვის შესახებ რუსეთის თავდასხმის შედეგად. ეს მსხვერპლი მოჰყვა ჭურვის მოხვედრას კაფეს შენობაზე სოფელ პოდოლიში, აღმოსავლეთის ხარკოვის რეგიონში - იუწყება ხარკოვის რეგიონის გუბერნატორი, ოლეჰ სინეჰუბოვი.  პოდოლი მოსკოვის ძალების კონტროლის ქვეშ მოხვდა მალევე მას შემდეგ, რაც 2022 წლის თებერვალში რუსეთი უკრაინაში სრული მასშტაბით შეიჭრა, თუმცა გასული წლის სექტემბერში ის კიევის ძალებმა დაიბრუნეს.  ბოლო კვირებში რუსეთის არმია ცდილობს წინ წავიდეს ხარკოვის რეგიონის ფრონტზე. Читать дальше...

მოსკოვის მიერ ანექსირებულ ყირიმში რუსეთის მხრიდან დანიშნულმა პოლიციამ 24 აგვისტოს დააკავა ექვსი ყირიმელი თათარი, ტერორისტული ჯგუფის ორგანიზების და მის მოქმედებებში მონაწილეობის ბრალდებებით. ბრალდებულთაგან სამი - რუსლან ასანოვი, რემზი ნემეტულაევი და ამეტხან უმეროვი - დე-ფაქტო სასამართლომ 25 აგვისტოს გაგზავნა სიმფეროპოლში, სადაც ისინი სულ მცირე ორი თვის განმავლობაში წინასწარ პატიმრობაში იქნებიან. სამივე მამაკაცი თავს უდანაშაულოდ აცხადებს. კიდევ სამი - სეიდამეთ მუსტაფაევი, აბდულმეჯით სეიტუმეროვი... Читать дальше...

რუსეთი იუწყება მოსკოვზე დრონებით მიტანილი კიდევ ერთი იერიშის შესახებ 26 აგვისტოს, რის გამოც დედაქალაქის სამივე დიდ აეროპორტში დროებით შეჩერდა მუშაობა. მოსკოვის მერის, სერგეი სობიანინის თქმით, დრონი საჰაერო თავდაცვის სისტემებმა გაანადგურა ისტრინსკის არეალში, კრემლიდან დასავლეთით, 50-მდე კილომეტრის მოშორებით. მოსკოვის სამმა დიდმა აეროპორტმა - შერემეტიევომ, დომოდედოვომ და ვნუკოვომ - ფრენები რამდენიმე საათით შეწყვიტა, იუწყება სააგენტო TASS-ი. ერთი დღით ადრე დრონებით შეტევის შესახებ ცნობები ვრცელდებოდა... Читать дальше...

ამერიკული ანალიტიკური ცენტრის, ომის შემსწავლელი ინსტიტუტის (ISW) შეფასებით, ბელარუსის ლიდერი, ალიაქსანდრ ლუკაშენკა ცდილობს თავიდან აირიდოს პასუხისმგებლობა კერძო სამხედრო კომპანია „ვაგნერის“ დამფუძნებლის სიკვდილთან მიმართებით, დააბალანსოს ურთიერთობები კრემლთან და პარალელურად, ცდილობს შეინარჩუნოს კონტროლი ქვეყნის შიგნით. ISW-ს ყოველდღიურ ანგარიშში ექსპერტები აღნიშნავენ, რომ ლუკაშენკას განცხადება ეწინააღმდეგებოდა მანამდე მის მიერ დემონსტრირებულ პოზიციას კრემლსა და პრიგოჟინს შორის წარმატებული გარიგების ხელშეწყობის შესახებ. Читать дальше...

რუსეთის მიერ ოკუპირებულ საქართველოს რეგიონებში ე.წ. დამოუკიდებლობის აღიარების მე-15 წლისთავს აღნიშნავენ. ცხინვალში აცხადებენ, რომ, შაბათს, რუსეთიდან და სხვა ქვეყნებიდან 20-ზე მეტი ოფიციალური დელეგაცია უკვე ჩავიდა. ჩამონათვალში დასახელებულია რუსეთის დუმა, ფედერაციის საბჭო, ნიკარაგუა, დნესტრისპირეთი [მოლდოვის ოკუპირებული რეგიონი], აფხაზეთი, ჩრდილოეთი ოსეთი, ე.წ. დონეცკის სახალხო რესპუბლიკა [უკრაინის ოკუპირებული ტერიტორია], ყირიმი [უკრაინის ანექსირებული ნახევარკუნძული], ყაბარდო-ბალყარეთი და სხვა. ცხინვალის ადგილობრივი მედიის ინფორმაციით... Читать дальше...

25 აგვისტოს ესპანეთის ნაკრების ათობით ფეხბურთელმა უარი თქვა, რომ არ ითამაშებენ შემდგომ მატჩებს, სანამ ამ ქვეყნის ფეხბურთის ფედერაციის ხელმძღვანელი ლუის რუბიალესი არ დატოვებს თანამდებობას.   რუბიალესმა მსოფლიო ჩემპიონატის გამარჯვებული გუნდის კაპიტანს, ჯენი ერმოსოს, დაჯილდოების ოფიციალურ ცერემონიის დროს ტუჩებზე აკოცა. 25 აგვისტოს, ადრე, რუბიალესმა განაცხადა, რომ უარს ამბობს ფედერაციის ხელმძღვანელის თანამდებობიდან გადადგომაზე, რამაც გამოიწვია აღშფოთება მოთამაშეებსა და მთავრობის წარმომადგენლებში, რომლებმაც მის ქმედებას მიუღებელი უწოდეს. Читать дальше...

დანიის ხელისუფლება სისხლის სამართლის პასუხისმგებლობას შემოიღებს წმინდა წიგნების, მათ შორის ყურანის, ბიბლიის და თორას საჯარო დაწვის ან სხვაგვარი შეურაცხყოფისთვის, განაცხადა 25 აგვისტოს განაცხადა იუსტიციის მინისტრმა პიტერ ჰუმელგარდმა.   გადაწყვეტილება დანიაში ყურანის დაწვის რამდენიმე ინციდენტის შემდეგ მიიღეს, რამაც მუსლიმურ ქვეყნებში ძალადობრივი პროტესტი გამოიწვია.   მინისტრის თქმით, მსგავსი ქმედებისთვის გათვალისწინებული იქნება ორ წლამდე თავისუფლების აღკვეთა. მან წმინდა წიგნების შეურაცხყოფის აქტებს უწოდა "შეურაცხმყოფელი ქმედებები... Читать дальше...