Новости за 12.08.2023

ჰავაის კუნძულზე ტყის ხანძრების შედეგად დაღუპულთა რიცხვი 12 აგვისტოს 80-მდე გაიზარდა მაშინ, როცა მოსახლეობა სტიქიის შეჩერებას ცდილობს. ამავე დროს იზრდება კრიტიკა სამაშველო სამუშაოების თაობაზე. ხანძრის შედეგად 2200-ზე მეტი ნაგებობა დაზიანდა ან განადგურდა, განაცხადა საგანგებო სიტუაციების მართვის ფედერალურმა სააგენტომ (FEMA), რომლის შეფასებით, დანაკარგის აღდგენა დაახლოებით 5,5 მილიარდი დოლარი დაჯდება. ჰავაის ხელისუფლებამ განაცხადა, რომ იწყებს გამოძიებას იმაზე, თუ როგორ წარიმართა ხანძრების წინააღმდეგ ბრძოლა. Читать дальше...

სანქტ-პეტერბურგის სასამართლომ უზბეკეთის მოქალაქე დავრონბეკ იულდოშევი 9 ოქტომბრამდე დააკავა ორგანიზებული ჯგუფის მიერ ტერორისტული თავდასხმის მცდელობის ფაქტზე სისხლის სამართლის საქმეზე. ის სამხედრო კომისარიატთან დააკავეს ბენზინის ბოთლით.   გამომძიებლების თქმით, იულდოშევს სურდა 10 აგვისტოს ღამით ცეცხლი წაეკიდებინა ბოლშაია მონეტნაიას ქუჩაზე მდებარე სამხედრო კომისარიატისთვის, მაგრამ დააკავეს. იულდოშევმა ვერ ახსნა, რას აკეთებდა სამხედრო კომისარიატის მახლობლად. უზბეკეთის მოქალაქეს შეუდგინეს ოქმი მიგრაციის კანონმდებლობის დარღვევის შესახებ. Читать дальше...

უკრაინის შავი ზღვის საპორტო ქალაქ ოდესის ხელისუფლებამ გამოაცხადა, რომ 2022 წლის თებერვალში რუსეთის სრულმასშტაბიანი შეჭრის დაწყების შემდეგ პირველად ხსნის ექვს პლაჟს ბანაობისთვის.საჰაერო განგაშის დროს ბანაობა აიკრძალება, დასძინეს ადგილობრივმა ოფიციალურმა პირებმა 12 აგვისტოს. ოდესა რუსეთის რაკეტებისა და უპილოტო თვითმფრინავების სამიზნე გახდა. რუსეთის მიერ დანაღმულია მიმდებარე ზღვაც.   „ჩვენჯარების ოპერატიული სტრატეგიული ჯგუფის, "ოდესის" მეთაურთან ერთად ხელი მოვაწერეთ ერთობლივ ბრძანებას ხალხის ზღვაზე... Читать дальше...

კალინინგრადის რაიონში ჩამოვარდა გამანადგურებელი Su-30. ეკიპაჟი დაიღუპა. ამის შესახებ რუსეთის თავდაცვის სამინისტრო იტყობინება. უწყების წინასწარი ინფორმაციით, ავიაკატასტროფის მიზეზი იყო ტექნიკური გაუმართაობა. ფრენა სასწავლო-საწვრთნელი იყო. ეკიპაჟი მას საბრძოლო კომპლექტის გარეშე ასრულებდა. ავარია უკაცრიელ მხარეში მოხდა. Su-30 არის ორადგილიანი მრავალფუნქციური გამანადგურებელი. ის არის Su-27-ის მოდერნიზებული ვერსია. მისი მთავარი მახასიათებელია ცეცხლის მართვის უფრო მძლავრი სისტემა და სარადარო სადგური. Читать дальше...

მარნეული-სადახლოს გზაზე სამარშრუტო მიკროავტობუსის მძღოლი შეუძლოდ გახდა და გარდაიცვალა. არსებული ვერსიით, მას მუშაობის დროს გულის შეტევა განუვითარდა. მიკროავტობუსი ელექტრო გადამცემ ბოძს დაეჯახა. არსებული ინფორმაციით, მგზავრები არ დაშავებულან.  ადგილზე მისულ სასწრაფო დახმარების ჯგუფს კაცი უკვე გარდაცვლილი დახვდა. შინაგან საქმეთა სამინისტროს პრესსამსახურის ინფორმაციით, საქმე აღძრულია სისხლის სამართლის კოდექსის 276-ე - ტრანსპორტის უსაფრთხოების წესების დარღვევის მუხლით.

ევროკავშირის ქვეყნებმა უკრაინას 200 ათასზე მეტი საარტილერიო ჭურვი და სხვადასხვა ტიპის ორი ათასზე მეტი რაკეტა მიაწოდეს. ამის შესახებ სააგენტო France Presse-თან საუბარში განაცხადა ევროკავშირის ოფიციალურმა წარმომადგენელმა პეტერ სტანომ.   მიმდინარე წლის დამდეგს ევროკავშირმა შეათანხმა უკრაინისთვის საბრძოლო მასალის მიწოდების გეგმა ორი მილიარდი ევროს ოდენობით. დახმარების პაკეტი ითვალისწინებს როგორც უკრაინის ჯარების უშუალო მომარაგებას ევროპის ქვეყნების ხელთ არსებული მარაგებიდან, ასევე ახალი საბრძოლო მასალის წარმოების შეკვეთებს. Читать дальше...

რუსულ ტელეგრამის არხებზე ვრცელდება ანექსირებული ყირიმისა და რუსეთის კრასნოდარის მხარის დამაკავშირებელი ხიდის რაიონში ძლიერი დაკვამლიანების ამსახველი ვიდეოჩანაწერები. ხიდზე მოძრაობა შეწყდა, შემდეგ კი კვლავ აღდგა.   მიმდებარე ქალაქ ქერჩის მოსახლეები რამდენიმე აფეთქების შესახებ იტყობინებიან.   რუსეთის მიერ დანიშნული ნახევარკუნძულის ხელმძღვანელმა განაცხადა, რომ ქერჩის სრუტის რაიონში ორი უკრაინული რაკეტა ჩამოაგდეს. ხიდი, სერგეი აქსიონოვის თქმით, არ დაზიანებულა. ყირიმის რუსული ხელისუფლება ლაპარაკობს კვამლის ფარდაზე... Читать дальше...

შოვის ისტორია დაახლოებით 100 წლის წინ იწყება. სიმონ (შანშე) ლეჟავამ ვენაში სამედიცინო ფაკულტეტის დამთავრების შემდეგ გადაწყვიტა, რაჭაში კურორტი გაეკეთებინა. შეირჩა შოვი, ადგილი მინერალური წყლებით, წიწვოვანი ტყითა და კამკამა ჰაერით.

პარასკევს ღამით 20-მა უპილოტო საფრენმა აპარატმა განახორციელა იერიში ანექსირებულ ყირიმზე. ამის შესახებ რუსეთის თავდაცვის სამინისტრომ განაცხადა. უწყების ცნობით, მათგან 14 გაანადგურა საჰაერო თავდაცვის სისტემამ, კიდევ ექვსი „რადიოელექტრონული ბრძოლის საშუალებებით აღიკვეთა“.   თვითმხილველები იტყობინებიან, რომ ქერჩის სრუტეზე გამავალ ხიდზე მოძრაობა შეჩერებულია. ადგილობრივი მოსახლეები ჰყვებიან, რომ აფეთქებების ხმები გაიგეს.   ოფიციალური მონაცემებით, მსხვერპლი და ნგრევა არ ყოფილა. რუსეთის თავდაცვის სამინისტრომ თავდასხმაში უკრაინა დაადანაშაულა. Читать дальше...

მწერალთა სახლში პარლამენტის დეპუტატის ქეთევან დუმბაძის დირექტორად დანიშვნის შემდეგ ორგანიზაციის სახელით განცხადება ვრცელდება, რომელშიც საუბარია, რომ მიმდინარე პროცესით საფრთხე ექმნება თავისუფალ და უცენზურო მართვას. ეს არის გამოხმაურება კულტურის მინისტრის, თეა წულუკიანია გადაწყვეტილებაზე, რომელმაც მოქმედ დირექტორს ნატალია ლომოურს აღარ მისცა საშუალება გაეგრძელებინა მუშაობა. "მისი ხელმძღვანელობისას, ორგანიზაციის საქმიანობა იყო მუდმივად მზარდი და განვითარებაზე ორიენტირებული. ამას მოწმობს ჩვენი ბენეფიციარების - მწერლების... Читать дальше...

საქართველოს პრემიერ-მინისტრი, ირაკლი ღარიბაშვილი ჩინეთის პრეზიდენტ სი ძინპინს სამაგალითო ლიდერ უწოდებს. ამის შესახებ მან ისაუბრა ჩინეთის ცენტრალურ ტელევიზიასთან ინტერვიუში, რომელსაც გადაცემის წამყვანმა "მაღალი დონის ინტერვიუ" უწოდა. გადაცემის ქართულად დუბლირებული ვერსია გავიდა ქართულ ტელეარხ "იმედზე", რომელიც ჟურნალისტური ეთიკის ქარტიის მონიტორინგის ანგარიშების მიხედვით, ხელისუფლების მიმართ მიკერძოებულია. "გადაჭარბების გარეშე ვიტყვი, რომ პრეზიდენტი სი ძინპინი ჭეშმარიტად სამაგალითო ლიდერია. ის მასშტაბური ხედვის მქონე... Читать дальше...

კიევის თავზე აფეთქებების გამო 11 აგვისტოს კიევის მერმა, ვიტალი კლიჩკომ მოსახლეობას მოუწოდა, დარჩნენ ბომბსაცავებში. რუსეთის საჰაერო თავდასხმების შედეგად უკრაინის დასავლეთში, სამხრეთსა და აღმოსავლეთში დაიღუპნენ და დაშავდნენ მშვიდობიანი მოქალაქეები. უკრაინის სამხედროების თანახმად, რუსეთმა კიევის ოლქზე თავდასხმისას გამოიყენა ჰიპერბგერითი, მათ შორის Х-47 -„კინდჟალის“ ტიპის რაკეტები. კლიჩკოს ცნობით, ჩამოგდებული რაკეტის ფრაგმენტები დაეცა ბავშვთა საავადმყოფოს ტერიტორიაზე. 11 აგვისტოს ივანო-ფრანკოვსკის ოლქში... Читать дальше...