Новости за 17.03.2023

ისრაელის არმიამ იორდანეს დასავლეთ ნაპირზე პალესტინელი მოკლა. არმია შემთხვევაზე იტყობინება, რომ მოხდა „დანით თავდასხმის“ მცდელობა. პალესტინის ჯანდაცვის სამინისტროს თანახმად, მოკლეს 23 წლის იაზან ომარ ჯამილ ხასიბი, როცა ისრაელის საოკუპაციო ჯარმა მას ცეცხლი გაუხსნა ქალაქ ალ-ბირეხთან, რამალის მახლობლად. ისრაელის არმიამ განაცხადა, რომ „ჯარისკაცებმა საეჭვო პირი შენიშნეს და მას საბუთების წარდგენა მოსთხოვეს. ეჭვმიტანილმა დანა ამოიღო და ჯარისკაცებს მიუახლოვდა, რომლებმაც საპასუხოდ ცეცხლი გახსნეს“ და „თავდამსხმელის ნეიტრალიზება მოხდა“. Читать дальше...

აშშ-ის ყოფილმა პრეზიდენტმა, დონალ ტრამპმა თავისი პირველი შეტყობინება გამოაქვეყნა Facebook-თა და YouTube-ით მას მერე, რაც აკრძალვა მოეხსნა და აღუდგინეს ანგარიშები სოციალურ ქსელებში. აშშ-ის ყოფილ პრეზიდენტს ანგარიშები გაუყინეს ორი წლის წინ, არჩევნების შემდგომი ამბოხების გამო, როცა მისმა მომხრეებმა კაპიტოლიუმის შენობაზე მიიტანეს იერიში. „დავბრუნდი“ - ამბობს ტრამპი 12- წამიან ვიდეოკლიპში, რომელშიც ის ჩანს 2016 წელს, არჩევნებში გამარჯვების შემდგომ თავის სიტყვის წარმოთქმისას და ხალხს მიმართავს: „მაპატიეთ, რომ გალოდინეთ, რთული საქმეები“ მქონდა.

სისხლის სამართლის საერთაშორისო სასამართლომ (ICC) რუსეთის პრეზიდენტ ვლადიმირ პუტინსა და რუსეთის პრეზიდენტის ოფისში ბავშვთა უფლებების კომისარ მარია ლვოვა-ბელოვაზე დაპატიმრების ორდერების გაცემის შესახებ გამოაცხადა. ლონდონის სამეფო კოლეჯში საერთაშორისო პოლიტიკის ლექტორი, ჯონათან ლიდერ მეინარდი პუტინისთვის ბრალდების წაყენებას მოელოდა. მან ბი-ბი-სის უთხრა, რომ 2022 წლის მარტიდან იძიებს სასამართლო შესაძლო ომის დანაშაულებს და არსებული სამხილების გამო - ძნელი წარმოსადგენი იქნებოდა, საბოლოო ჯამში, როგორ... Читать дальше...

უკრაინის პრეზიდენტმა, ვოლოდიმირ ზელენსკიმ 17 მარტს სოციალურ ქსელში გაავრცელა თავისი კომენტარი, რომელიც ეხება სისხლის სამართლის საერთაშორისო სასამართლოს (ICC) განცხადებას რუსეთის პრეზიდენტ ვლადიმირ პუტინისა და რუსეთის პრეზიდენტის ოფისში ბავშვთა უფლებების კომისარ მარია ლვოვა-ბელოვას მიმართ დაპატიმრების ორდერების გაცემას. ზელენსკიმ შეაქო სასამართლოს გადაწყვეტილება და დაწერა, რომ ეს არის „ისტორიული გადაწყვეტილება“. მანამდე პუტინის მიმართ დაპატიმრების ორდერის გაცემას გამოეხმაურნენ უკრაინის სხვა ოფიციალური წარმომადგენლებიც. Читать дальше...

სისხლის სამართლის საერთაშორისო სასამართლომ (ICC) რუსეთის პრეზიდენტ ვლადიმირ პუტინსა და რუსეთის პრეზიდენტის ოფისში ბავშვთა უფლებების კომისარ მარია ლვოვა-ბელოვაზე დაპატიმრების ორდერების გაცემის შესახებ გამოაცხადა. რუსეთი დაუყოვნებლივ გამოეხმაურა სასამართლოს განცხადებას. „რუსეთი სისხლის სამართლის საერთაშორისო სასამართლოს რომის სტატუტის მონაწილე არ არის და არ ეკისრება ვალდებულებები. რუსეთი არ თანამშრომლობს ამ ორგანოსთან და საერთაშორისო სასამართლოსგან მომდინარე დაკავების შესაძლო „რეცეპტები“, ჩვენთვის იურიდიულად ბათილი იქნება“... Читать дальше...

რადიო თავისუფლებამ საერთაშორისო სამართლის სპეციალისტს, გურამ ღვინჯილიას სთხოვა განემარტა, რას ნიშნავს ჰააგის სასამართლოს 17 მარტის გადაწყვეტილება - რუსეთის პრეზიდენტისა და პრეზიდენტის ოფისში ბავშვთა უფლებების კომისრის დაკავების ორდერების გაცემა.

სისხლის სამართლის საერთაშორისო სასამართლოს (ICC) პროკურორი კარიმ ხანი განმარტავს, რომ ვლადიმირ პუტინისა და მატია ლვოვა-ბელოვას დაპატიმრების ორდერების გაცემაზე წინასასამართლო პალატას 2023 წლის 22 თებერვალს მიმართა. პროკურორის განცხადებით, მისი ოფისის მიერ ჩატარებული გამოძიებით გამოვლინდა შემთხვევები, რომლებიც მოიცავს მზრუნველობამოკლებულ ბავშვთა სახლებიდან და ბავშვზე ზრუნვის სახლებიდან მინიმუმ ასობით ბავშვის დეპორტაციას. ხანი აგრეთვე აღნიშნავს, რომ რუსეთის ფედერაციაში პრეზიდენტ პუტინის განკარგულებით კანონიც კი შეიცვალა... Читать дальше...

მეტროსადგურ „გოცირიძის“ სრული რეაბილიტაცია-განახლების შესახებ იუწყება თბილისის მერია. როგორც განცხადებაშია ნათქვამი, მეტროსადგური 18 მარტიდან მგზავრებს ჩვეულ რეჟიმში მოემსახურება. თბილისის მერმა კახა კალაძემ მეტროსადგურის დათვალიერების შემდეგ საზოგადოებას ბოდიში მოუხადა იმის გამო, რომ „გოცირიძე" დიდი ხნის განმავლობაში დახურული იყო. „მეტროსადგურ „გოცირიძის“ სარეაბილიტაციო სამუშაოები დასრულებულია. როგორც იცით, მთელი ამ ხნის განმავლობაში ექსპლუატაციაში მიღების პროცედურები მიმდინარეობდა. იყო გარკვეული ხარვეზები... Читать дальше...

უკრაინის საგარეო საქმთა მინისტრი დმიტრო კულება ტვიტერზე გამოეხმაურა ჰააგის სისხლის სამართლის საერთაშორიოს სასამართლოს გადაწვეტილებას ვლადიმირ პუტინისა და მარია ლვოვა-ბელოვას დაკავების ორდერების გამოცემაზე. "მართლმსაჯულება აღესრულება იწყება: მივესალმები ICC-ის გადაწყვეტილებას ვლადიმირ პუტინისა და მარია ლვოვა-ბელოვას დაპატიმრების ორდერის გაცემის შესახებ უკრაინელი ბავშვების ძალადობრივი გაყვანის გამო. საერთაშორისო დამნაშავეები პასუხს აგებენ ბავშვების მოპარვისა და სხვა საერთაშორისო დანაშაულებისთვის",- ნათქვამია დმიტრო კულებას პოსტში. Читать дальше...

რუსეთის საგარეო საქმეთა სამინისტროს ოფიციალური წარმომადგენლის მარია ხაზაროვას განცხადებით ჰააგის სისხლის სამართლის საერთაშორისო სასამართლოს გადაწვეტილებას რუსეთისთვის არავითარი მნიშვნელობა არ აქვს, მათ შორის არც სამართლებრივი თვალსაზრისით. ამის შესახებ ზახაროვამ რუსეთის საგარეო საქმეთა სამინისტროში გამართულ ბრიფინგზე განაცხადა, რითიც გამოეხმაურა „სისხლის სამართლის საერთაშორისო სასამართლოს (ICC) მეორე წინასასამართლო პალატის გადაწყვეტილებას ვლადიმირ პუტინისა და მარია ლვოვა-ბელოვას დაკავების ორდერების გამოცემაზე. Читать дальше...

სისხლის სამართლის საერთაშორისო სასამართლომ (ICC) გაავრცელა ცნობა რუსეთის პრეზიდენტ ვლადიმირ პუტინსა და რუსეთის პრეზიდენტის ოფისში ბავშვთა უფლებების კომისარ მარია ლვოვა-ბელოვაზე დაპატიმრების ორდერების გაცემის შესახებ. კერძოდ, ჰააგის ტრიბუნალის ოფიციალურ საიტზე ვკითხულობთ: „სისხლის სამართლის საერთაშორისო სასამართლოს (ICC) მეორე წინასასამართლო პალატამ უკრაინის სიტუაციის კონტექსტში გამოსცა დაპატიმრების ორდერები ორ პირზე: ბატონ ვლადიმირ ვლადიმირის ძე პუტინსა და ქალბატონ მარია ალექსეის ასულ ლვოვა-ბელოვაზე. Читать дальше...

უკრაინის დახმარებისთვის რუსეთმა სანქციები დაუწესა 23 მოქალაქეს გაერთიანებული სამეფოში, რომელიც შარშან თებერვალში რუსეთის არმიის შეჭრის შემდეგ, უკრაინის ერთ-ერთი ყველაზე ძლიერი მხარდამჭერია. რუსეთის საგარეო საქმეთა სამინისტროს განცხადებაში, რომელიც 17 მარტს გავრცელა, ნათქვამია, რომ ეს ნაბიჯი გადაიდგა ლონდონის მხრიდან „უკრაინის სამხედრო და ტექნიკური მხარდაჭერის“ საპასუხოდ. იმ პირებს შორის, ვისაც რუსეთმა სანქციები დაუწესა, არიან ბრიტანელი სამხედროები, პოლიტოლოგები, მოსამართლეები და ბრიტანეთის პენიტენციარული სისტემის თანამშრომლები.

თბილისის საქალაქო სასამართლომ 6-წლიანი პატიმრობა მიუსაჯა ნატალია ზარდიაშვილს, რომელიც მანამდე ნარკომანიის პრევენციის ცენტრიდან ხელმძღვანელისა და ექიმების ჩართულობით წამლის დანაშაულებრივი გზით გატანაზე საუბრობდა. გადაწყვეტილება მოსამართლე ლაშა ჩხარტიშვილმა დღეს, 17 მარტს გამოაცხადა. მოსამართლის გადაწყვეტილებით ქალი სხდომათა დარბაზში დააკავეს. "თეორიული დაშვების პირობებში, რომ ეს სამოქალაქო ვალდებულებაც არის, როდესაც დანაშაულის შემსწრე ხართ, აღნიშნულის გამოვლენას ხელი უნდა შეუწყოთ. მაგრამ ეს მოცემულობ... Читать дальше...

ლეილა ქავთაროვას, რომელიც მეოთხე დღეა მცირეწლოვან  შვილთან  ერთად ქუთაისის აეროპორტში ჰყავთ შეყოვნებული და ქვეყანაში არ  უშვებენ ოჯახის წევრები ვერ უკავშირდებიან. როგორც ქალის მეუღლემ ბექა ტოხოსაშვილმა უთხრა რადიო თავისუფლებას, სავარაუდოდ, დღეს დილით მესაზღვრეებმა ლეილას მობილური ტელეფონი ჩამოართვეს. „ლეილამ დილის ოთხ საათზე ხმოვანი შეტყობინება გამომიგზავნა და მითხრა, რომ პოლიციელები ტელეფონის ჩამორთმევას აპირებენო. მას შემდეგ ნომერი საერთოდ გამორთულია.  მესაზღვრეებს უთქვამთ, აქედან ჟურნალისტებს ინტერვიუებს... Читать дальше...

თავდამსხმელის მოთხოვნილი 500 ათასი დოლარი „საქართველოს ბანკმა” გასცა - ესებუას საქმეზე მოწმეები იკითხებიან   ზუგდიდის რაიონულ სასამართლოში „საქართველოს ბანკის" ზუგდიდის ფილიალზე თავდასხმაში ბრალდებულ ბადრი ესებუას საქმის განხილვა გრძელდება. დღეს, 17 მარტს გამართულ სხდომაზე 13 მოწმე დაკითხეს, მათ შორის 2020 წლის თავდასხმის მძევლები, გამომძიებლები და ექსპერტები. დღევანდელ სხდომაზე მოხდა წერილობითი მტკიცებულებების ნაწილის შესწავლაც. მოწმის სახით გამოკითხულ „საქართველოს ბანკის” შიდა კონტროლის სამსახურის თანამშრომელს... Читать дальше...

რუსეთმა გამოაცხადა, რომ შავი ზღვის გავლით უკრაინის მარცვლეულის ექსპორტის შეთანხმებას კიდევ 60 დღით აგრძელებს. კრემლის წარმომადგენელმა, დმიტრი პესკოვმა განცხადება ამის შესახებ გააკეთა შეთანხმების ვადის ამოწურვამდე ერთი დღით ადრე, 17 მარტს. ვადის გაგრძელება მხოლოდ რუსეთის თანხმობით ხდება ხოლმე. მოსკოვმა ადრე გამოაცხადა, რომ უკმაყოფილოა შეთანხმების გარკვეული პირობებით და მინიშნება გააკეთა, რომ შეიძლება არ დაეთანხმოს ვადის გაგრძელებას. არ არის ცხადი, როდის მოაწერენ ხელს ფაქტობრივ შეთანხმებას. გაეროს წარმომადგენლობამ ჟენევაში განაცხადა... Читать дальше...

რუსეთის პრეზიდენტის პრესმდივანმა დმიტრი პესკოვმა დღეს, 17 მარტს გამართულ პრესკონფერენციაზე მედიასთან საუბარში ძველი ტექნიკის უტილიზაციის მცდელობად შეაფასა სლოვაკეთისა და პოლონეთის გადაწყვეტილება უკრაინისთვის ავიაგამანადგურებლების МиГ-29-ების გადაცემის შესახებ. „ისეთი შეგრძნებაა, რომ ეს ქვეყნები ამგავრად დაკავებული არიან ძველი, გამოუსადეგარი ტექნიკის უტილიზაციით“,- განაცხადა პესკოვმა მედიის შესაბამისი კითხვის პასუხად. მისი თქმით, უკრაინისთვის ავიაგამანადგურებლების გადაცემა პოლინეთისა და სლოვაკეთის... Читать дальше...

თბილისის მერის, კახა კალაძის განცხადებით, მეტროსადგური "გოცირიძე", რომელიც გასული კვირის ბოლოს უნდა გახსნილიყო, 2-3 დღეში გაიხსნება. მისივე ცნობით, მიმდინარეობს ექსპლუატაციაში მიღების პროცედურა. "მომდევნო დღეებში გაიხსნება, მომდევნო დღეებში. მიმდინარეობს ექსპლუატაციაში მიღების პროცედურა და აი, ორ დღეში, სამ დღეში, უკვე იქნება", - უთხრა კახა კალაძემ ჟურნალისტებს. 2 მარტს თბილისის მერმა თქვა, რომ სადგურს ექსპერტიზა ჩაუტარდა, დადგენილი იყო კონკრეტული ხარვეზები, რომელიც "ფაქტობრივად გამოსწორებულია". Читать дальше...

უკრაინაში რუსეთის შეჭრის შემდეგ რუსული გაზის ევროპის ქვეყნებისთვის მიწოდების შეკვეცის მიუხედავად ბუნებრივი აირის ფასი დაეცა მას მერე, რაც ევროპის კავშირმა და მისმა მოკავშირეებმა ერთობლივად მოქმედებით შეძლეს ვითარების გაკონტროლება, განაცხადა ევროპის კომისიის თავმჯდომარემ, ურზულა ფონ დერ ლაიენმა 17 მარტს, იტყობინება სააგენტო Reuters-ი.  „როცა ერთად ვიმოქმედეთ, რათა რუსეთიდან გაზის მოწოდების შემცვლელი მოგვენახა, ფასები შემცირდა“ - თქვა ევროკომისიის თავმჯდომარემ ჩრდილოეთის ზღვაში გაზის პლატფორმაზე სტუმრობის დროს. Читать дальше...

ოპოზიციონერებს, უფლებადამცველებსა და ჟურნალისტებს რუსეთში უცხოეთის აგენტებად აცხადებენ და დევნიან. ნაწილი საქართველოში გამორბის, თუმცა მესაზღვრეები მათ უკან აბრუნებენ. არც შემოშვებულებს აქვთ გარანტია, რომ საქართველოდან გასვლის შემთხვევაში, დაბრუნებას შეძლებენ.

საქართველოს პენცენტრი დეპუტატ ელისო ბოლქვაძესთან დაკავშირებით წერილით მიმართავს იუნესკოს გენერალურ დირექტორ ოდრი აზულაის. წერილში, რომელსაც 128 ადამიანი აწერს ხელს, ნათქვამია, რომ ელისო ბოლქვაძე არ იმსახურებს მშვიდობის ელჩის სტატუსს, რომელსაც იუნესკოს სახელით ატარებს 2015 წლიდან. წერილის ფონია საქართველოს პარლამენტში 7 მარტს პირველი მოსმენით მიღებული კანონპროექტი "უცხოეთის აგენტების შესახებ", რომელსაც ხალხმრავალი დემონტრაციები და საბოლოოდ კანონის უკან გაწვევა მოჰყვა. ელისო ბოლქვაძემ ამ კანონის სასარგებლოდ მისცა ხმა პირველი მოსმენისას... Читать дальше...

ექსპრეზიდენტ მიხეილ სააკაშვილის ოჯახი პოლონელი ექიმების გუნდის ჩამოსვლას ელოდება. ამისათვის უკვე მზადაა პოლონეთი და არსებობს საქართველოს მთავრობის თანხმობა წინაპირობით.

"TV პირველის" ჟურნალისტზე, ნატო გოგელიაზე ძალადობის ბრალდებით საგამოძიებო სამსახურმა ერთი ადამიანი დააკავა. რადიო თავისუფლების ინფორმაციით, ეს სწორედ ის კაცია, რომელიც გოგელიას მიერ გადაღებულ კადრებში ჩანს, რომ ჟურნალისტის მიმართ აგრესიულია. "რეპორტაჟზე მუშაობის დროს, ბრალდებულმა მ.ა.-მ, პროფესიულ საქმიანობაში ხელის შეშლის მიზნით, ჟურნალისტს მიაყენა ფიზიკური შეურაცხყოფა, წაართვა მობილური ტელეფონი და დაუზიანა. აღნიშნული ქმედებით, ჟურნალისტს პროფესიული საქმიანობის განხორციელებაში ხელი შეეშალა, კერძოდ ვერ განახორციელა სიუჟეტის ჩაწერა... Читать дальше...

რადიო თავისუფლების პროგრამა კრიმ.რეალიი  წერს რომ ამერიკული უპილოტო საფრენი აპარატი RQ-4 Global Hawk სახმისით FORTE10 შავი ზღვის აკვატორიაში შევიდა. გამოცემა Flightradar24-ს მონაცემებს ეყრდნობა. მანამდე რამდენიმე საათის განმავლობაში ამერიკული უპილოტი საფრენი აპარატი რუმინეთის საჰაერო სივრცეში დაფრინავდა. RQ-4 იტალიის ქალაქ კატანიას სიახლოვეს არსებული სიგონელის ავიაბაზიდან აფრინდა, მის  გადაადგილებას 20 ათასზე მეტი ადამიანი ადევნებდა თვალს. მანამდე CNN  წერდა, რომ ამერიკელმა სამხედროემა ახალი... Читать дальше...

უგონოდ მყოფი 12 წლის ანა იანუშაიტიტე მეზობლებმა და ახლობლებმა 17 მარტის ღამეს, დაახლოებით ორი საათისკენ, დიდ დიღომში, იოანე პეტრიწის 12 ნომერთან მდებარე ნაგავსაყრელად ქცეულ ტერიტორიაზე იპოვეს. მოზარდს ოჯახი და მეზობლები რამდენიმე საათის განმავლობაში ეძებდნენ. ადგილზე მისულმა სასწრაფო სამედიცინო დახმარების ბრიგადამ მისი გადარჩენა ვერ შეძლო. შინაგან საქმეთა სამინისტრომ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს. ბავშვს ყელთან მცირე დაზიანება ჰქონდა... Читать дальше...