Новости за 10.03.2023

თბილისის სახელმწიფო უნივერსიტეტის იურიდიული ფაკულტეტის სტუდენტებმა მიიღეს შეტყობინება, რომ პროფესორ ირაკლი კობახიძის ლექცია საგანში „საქართველოს საკონსტიტუციო (სახელმწიფო მოწყობის) სამართალში", რომელიც შაბათს, 11 მარტს, 10:00 საათზე იყო დანიშნული, გადაიდო. თსუ-ს საზოგადოებასთან ურთიერთობის სამსახურში რადიო თავისუფლებას უთხრეს, რომ ლექციის გადადება ლექტორმა [ირაკლი კობახიძემ] მოითხოვა, იურიდიულმა ფაკულტეტმა კი სტუდენტებს შესაბამისი მოკლე ტექსტური შეტყობინება გაუგზავნა. პრესსამსახურისთვის უცნობია ლექციის გადადების მიზეზი. Читать дальше...

შეერთებული შტატები მიიჩნევს, რომ რუსეთის დაზვერვასთან დაკავშირებული პირები მოლდოვაში საპროტესტო აქციების მოწყობას გეგმავენ, რათა ხელისუფლება დაამხონ და პრორუსულ ძალებს დაეხმარონ მთავრობის ჩამოყალიბებაში. ამის შესახებ ტელეკომპანია CNN იუწყება თეთრი სახლის ანონიმურ წარმომადგენლებზე დაყრდნობით. მათი სიტყვებიდან გამომდინარე, შეერთებული შტატები მიიჩნევს, რომ რუსეთი დასუსტებას ცდილობს დაასუსტოს მოლდოვის მთავრობა რომელიც ევროკავშირთან უფრო მჭიდრო კავშირებს ეძებს. ვაშინგტონი ასევე ხედავს იმის ნიშნებს... Читать дальше...

უკრაინის მმართველი პარტია „ხალხის მსახურის“ საპარლამენტო ფრაქციის თავმჯდომარემ, დავით არახამიამ გადაწყვიტა, ჩაერთოს ქართულ პოლიტიკაში, - ამის შესახებ ყოველდღიური ნიდერლანდური გამოცემა Nederlands Dagblad-ი წერს. გამოცემა არახამიას გადაწყვეტილებას უკავშირებს „უცხოეთის აგენტის“ სახელით ცნობილი სადავო კანონპროექტის პირველი წაკითხვით მიღების შედეგად საქართველოში დაწყებულ ანტისამთავრობო აქციებს. „დადგა დრო ღიად ჩავება ქართულ პოლიტიკაში და შევიტანო წვლილი რუსი ოლიგარქის, ბიძინა ივანიშვილის ხელმძღვანელობით... Читать дальше...

საქართველოს უახლესი ისტორიის ბოლო 30-წლიანი მონაკვეთი მდიდარია როგორც საპროტესტო გამოსვლებით, ასევე პროტესტის გამოხატვის ფორმებით. საყოველთაო გაფიცვა, დემონსტრაცია, შიმშილობა, გზების გადაკეტვა, სახელმწიფო უწყებების ბლოკირება, სახელმწიფო უწყებებში შეჭრა...

რუსეთს აბრაზებს და აფორიაქებს ის ამბავი, რომ მომიტინგეთა მძლავრმა პროტესტმა „ქართულ ოცნებასა“ და მის მოკავშირეებს „აგენტების“ კანონპროექტებზე უარი ათქმევინა.

აშშ-ში სამუშაო ვიზიტის ფარგლებში საქართველოს პრეზიდენტი სალომე ზურაბიშვილი შეხვდა პრეზიდენტ ჯო ბაიდენის მრჩეველს ეროვნული უსაფრთხოების საკითხებში, ჯეიკ სალივანს. „საქართველო მადლიერია ამერიკის შეერთებული შტატების ქართველი ხალხის მხარდაჭერისათვის, და მისი ერთგულებისათვის დემოკრატიული ღირებულებებისა და ევროინტეგრაციის მიმართულებით", - დაწერა შეხვედრის შემდეგ სალომე ზურაბიშვილმა „ტვიტერის" ანგარიშზე. ვაშინგტონში ჩასვლამდე სალომე ზურაბიშვილმა მონაწილეობა მიიღო ნიუ-იორკში, გაეროს ეკონომიკური და... Читать дальше...

“რას გამოეთრიეთ, ვერაფერს მიაღწევთ, რა ევროპა მოგინდათ, რად გინდათ ევროპა, თქვე საყურიანებო, თქვე შეღებილთმიანებო, მეუბნებოდნენ სპეცრაზმელები და მცემდნენ”, - უყვება რადიო თავისუფლებას ირაკლი ნონიაშვილი.

10 მარტს ჩეხეთში საქართველოს საელჩოს წინ საქართველოს ევროპული არჩევანის მხარდამჭერი აქცია გაიმართა. ღონისძიება ჩეხეთში მცხოვრები ქართველი სტუდენტების მიერ იყო ორგანიზებული და მასში ქართული დიასპორის წარმომადგენელი და საქართველოს გულშემატკივარი, დაახლოებით 50 ადამიანი მონაწილეობდა. „ჩვენი მოთხოვნაა ის, რომ საქართველომ უნდა იაროს ურყევად ევროკავშირისკენ. რუსული კანონის გაწვევა უნდა დასრულდეს პრორუსული მთავრობისა და პარლამენტის ცვლილებით“, - უთხრა რადიო თავისუფლებას აქციის ერთ-ერთმა მონაწილემ, ეკონომიკის დოქტორმა, ნიკოლოზ კუდაშვილმა. Читать дальше...

საქართველოს პრეზიდენტი სალომე ზურაბიშვილი „ტვიტერის" ანგარიშზე წერს, რომ ვაშინგტონში ყოფნისას სატელეფონო საუბარი ჰქონდა გერმანიის პრეზიდენტ ფრანკ-ვალტერ შტაინმაიერთან.  „საქართველო აფასებს ჩემი გერმანელი კოლეგის მიერ დღეს საქართველოს ევროინტეგრაციის გზისა და ქართველი ხალხის თავდადებისადმი გამოხატულ მხარდაჭერას", - წერს ზურაბიშვილი.

7-9 მარტს თბილისის ცენტრში მიმდინარე საპროტესტო აქციებს თვალს ადევნებდნენ სოხუმსა და ცხინვალშიც. პარლამენტის წინ "უცხოური გავლენის გამჭვირვალობის შესახებ" კანონპროექტის საწინააღმდეგო აქციაზე გამოსული ერთ-ერთი დემონსტრანტის ფრაზა სოხუმში ომის მუქარადაც კი აღიქვეს.

ღია მმართველობის მუდმივმოქმედი საპარლამენტო საბჭოს საკონსულტაციო ჯგუფში შემავალი არასამთავრობო ორგანიზაციები აცხადებენ, რომ ვეღარ ხედავენ საპარლამენტო უმრავლესობასთან ამ ფორმატში თანამშრომლობის პერსპექტივას და აჩერებენ წევრობას საკონსულტაციო ჯგუფში. განცხადებაში ნათქვამია, რომ სამოქალაქო საზოგადოების ორგანიზაციები 2015 წლიდან აქტიურად თანამშრომლობენ საქართველოს პარლამენტთან ღია მმართველობის პარტნიორობის (OGP) მიმართულებით. „2015 წლიდან საქართველოს პარლამენტი იყო ერთ-ერთი ლიდერი OGP-ში. ამ პერიოდში... Читать дальше...

ლიეტუვის ციხიდან გაათავისუფლეს ყოფილი საბჭოთა სამხედრო მოსამსახურე, იური მელი, რომელიც 1991 წლის იანვარში ვილნიუსში მომხდარი შეტაკებების საქმეზე იყო მსჯავრდებული და სასჯელს 2014 წლიდან იხდიდა. მელი უკვე დაბრუნდა რუსეთში. "გათავისუფლების დღეს რუსმა დიპლომატებმა მელი საზღვრამდე გააცილეს. გულწრფელად მოხარული ვართ, რომ იური ნიკოლაევიჩი სამშობლოში დაბრუნდა", - განაცხადა რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ. 2019 წელს ვილნიუსის რაიონულმა სასამართლომ მელს... Читать дальше...

10 მარტს ზუგდიდის რაიონულმა სასამართლომ „საქართველოს ბანკის" ფილიალზე თავდასხმის ბრალდებით დაკავებული ბადრი ესებუას საქმის განხილვა განაგრძო. სასამართლოში 6 მოწმე გამოიკითხა, მათ შორის იყვნენ თავდასხმისას ბანკში მყოფი დაზარალებული მომხმარებლები, „საქართველოს ბანკის“, პოლიციის და სასწრაფო დახმარების თანამშრომლები. მოწმეების გამოკითხვამდე მხარეებმა იკამათეს პროკურორების შუამდგომლობაზე სასამართლოს მიეღო ახლადმოპოვებული მტკიცებულებები.  საუბარია ოდოროლოგიური (სუნის) კვლევის შედეგზე, რომელიც ბრალდებულ ბადრი ესებუას დაკავების შემდეგ აუღეს. Читать дальше...

55 წლამდე კაცის წინააღმდეგ პროკურატურამ გამოძიება დაიწყო ორი მუხლით -14 წელს მიუღწეველი პირის გაუპატიურებისა და გარყვნილი ქმედების მუხლებით. პროკურატურამ დაზარალებულად ცნო დები, რომლებიც ბიძას ათეული წლის წინ მომხდარი მრავალჯერადი სექსუალური ძალადობისთვის უჩივიან. „ბიძაჩემს სასულიერო აკადემია ჰქონდა დამთავრებული. სანამ ჩემს ფეხებთან მასტურბირებას დაიწყებდა, ან მას შემდეგ, რაც თავის სურვილს დაიკმაყოფილებდა, აიღებდა ხოლმე ხელში ბიბლიას და ხმამაღლა მიკითხავდა. ჩემს მეხსიერებაში ეს კაცი და ბიბლია ყოველთვის ერთად ფიგურირებს. Читать дальше...

„ერთი ნაბიჯი უკან, ორი ნაბიჯი წინ“ - ასე ახასიათებენ პოლიტიკის კომენტატორები „ქართული ოცნების“ სტრატეგიას, დაიხიოს უკან, როდესაც საზოგადოებრივი პროტესტი მწვავეა, მოგვიანებით კი, ხელსაყრელ დროს, „შეტევაზე გადავიდეს“.

მახაჩყალას რაიონულმა სასამართლომ მობილიზაციის წინააღმდეგ საპროტესტო აქციის მონაწილე, ადამ ჰაჯიევს, სასჯელაღსრულების კოლონიაში წელიწადნახევრით პატიმრობა მიუსაჯა. ჰაჯიევი დამნაშავედ ცნეს ხელისუფლების წარმომადგენლის მიმართ არა საშიში ძალადობის გამოყენების მუხლით. ბრალდებულის დაცვის მხარე, როგორც გამოცემა განმარტავს, განაჩენის გასაჩივრებას ცდილობს. ამ დროისთვის საქმის დეტალები უცნობია. გასული წლის ოქტომბერში ადამ ჰაჯიევი, ჟურნალისტ ვლადიმერ სევრინოვსკისთან და მობილიზაციის წინააღმდეგ საპროტესტო აქციების სხვა მონაწილეებთან ერთად... Читать дальше...

ორწლიანი მზადების, საბუთების შეგროვების, ენის სწავლის, აპლიკაციის შევსებისა და გასაუბრებების შემდეგ, ნინო მაღრაძე კანადაში გადავიდა საცხოვრებლად. ახლა მისი სახლი ალბერტას შტატის ქალაქ ედმონტონშია, იქვე მუშაობს და გვიყვება ქვეყანაზე, სადაც „ცოტა ხალხი და ბევრი გაყინული ტბაა, ძალიან ცივა, ქუჩაში კი, შეიძლება, კოიოტიც შეგხვდეს“. ევროკავშირის ქვეყნებისა და აშშ-ს შემდეგ, კანადა გახდა ის ქვეყანა, რომელსაც საქართველოდან ემიგრირებული მოქალაქეები ყველაზე ხშირად ირჩევენ საცხოვრებლად. ამ სტატიაში მოგიყვებით... Читать дальше...

7, 8 და 9 მარტს რუსთაველის გამზირზე დრამა დატრიალდა. ის ათასობით ახალგაზრდა დემონსტრანტის გამარჯვებით დასრულდა.

დღეს, გუშინ, გუშინ წინ და იმის წინ, რუსთაველის გამზირზე, პარლამენტის გარშემო, ვერ წაიკითხავდი პლაკატს, მაგალითად, ასეთს, ბანალურს: „საქართველო ევროპისკენ“, „გაუმარჯოს ევროპულ საქართველოს“, „წინ ევროპისკენ“ და ა.შ.

პატიმარი ვლადიმირ სპირიდონოვი გაუჩინარდა მე-12 სასჯელაღსრულების კოლონიიდან, სადაც ანგარსკში მდებარე კოლონიიდან გადაიყვანეს მას შემდეგ, რაც იქ მომხდარ წამებაზე საჩივარი დაწერა. სპირიდონოვმა რამდენიმე სასამართლო სხდომა გამოტოვა, რაზეც როსტოვის ოლქის ფედერალური პენიტენციური სამსახურის დეპარტამენტში განაცხადეს, რომ მის შესახებ ინფორმაცია სახელმწიფო საიდუმლოს წარმოადგენს. უფლებადამცველები მიიჩნევენ, რომ ამ საქციელის გამო პატიმარი უკრაინაში მიმდინარე ომში გაგზავნეს. სასჯელაღსრულების ფედერალური სამსახურიდან... Читать дальше...

"პუბლიკის" ინფორმაციით, "უცხოეთის აგენტების" შესახებ კანონპროექტის საწინააღმდეგო აქციაზე დაშავებულმა ზაზა ბირიაშვილმა მარჯვენა თვალში მხედველობა დაკარგა. „ძალიან მძიმე მდგომარეობაშია, მარჯვენა თვალში მხედველობა სრულად დაკარგა, თვალი შეუნარჩუნეს, მაგრამ მხედველობა - ვეღარ. აქვს ტვინის შერყევა, წარბი აქვს გადაგლეჯილი, სავარაუდოდ, მოწამვლაც არის, ძალიან ცუდად არის. ახლა კი გაგვწერეს და სახლში მივდივართ, მაგრამ ჯანმრთელი ადამიანი გავიდა სახლიდან და დაბრმავებული მიმყავს სახლში“, – უთხრა გამოცემას ზაზა ბირიაშვილის მეუღლემ, მაია გორგოშიძემ. Читать дальше...

შინაგან საქმეთა სამინისტრო აცხადებს, რომ საზოგადოებრივი უსაფრთხოების მართვის ცენტრ 112-ში ტექნიკური ხარვეზი აღმოფხვრილია. შსს-ს ცნობით, ცენტრი შეუფერხებლად იღებს გადაუდებელი დახმარების შესახებ შეტყობინებებს. საზოგადოებრივი უსაფრთხოების მართვის ცენტრი რამდენიმე საათის წინ აცხადებდა, რომ ტექნიკური ხარვეზის გამო, ზარები შეფერხებით შესდიოდა.

უკრაინამ აშშ-ისა და გერმანიისგან დაპირებული ორიდან ერთი Patriot-ის კლასის საზენიტო-სარაკეტო კომპლექსი უკვე მიიღო. ამის შესახებ გამოცემა Financial Times-ი იუწყება. გამოცემის ინფორმაციით, სისტემა ჯერ ექსპლუატაციაში არ შესულა. ნიდერლანდი, სავარაუდოდ, უკრაინას კიდევ რამდენიმე გამშვებ დანადგარს მიაწვდის. აშშ-ის პრეზიდენტი ჯო ბაიდენი და გერმანიის კანცლერი ოლაფ შოლცი ადრე შეთანხმდნენ უკრაინის შეიარაღებული ძალებისთვის სარაკეტო-საჰაერო თავდაცვის სისტემების შემდგომ მიწოდებაზე. კერძოდ, გერმანია უკრაინას დაჰპირდა... Читать дальше...

„უცხოეთის აგენტების“ კანონპროექტთან დაკავშირებით სიტუაცია მხოლოდ საბაბი იყო მთავრობის ძალისმიერი შეცვლის დასაწყებად, ამის შესახებ რუსეთის საგარეო საქმეთა მინისტრმა სერგეი ლავროვმა რუსეთის პირველი არხის გადაცემა „Большая игра-სთან" ინტერვიუში განაცხადა. „ძალიან ჰგავს კიევის „მაიდანს“. უდავოა, რომ კანონი იმ არასამთავრობო ორგანიზაციების რეგისტრაციის შესახებ, რომლებიც უცხოურ დაფინანსებას იღებენ მათი ბიუჯეტის მხოლოდ 20%-ის ოდენობით, მხოლოდ საბაბი იყო, რომ დაწყებულიყო მთავრობის ძალისმიერი შეცვლის მცდელობა“, - თქვა მან. Читать дальше...

"გირჩი-მეტი თავისუფლების" ლიდერს, ზურაბ ჯაფარიძეს, კორონავირუსი დაუდასტურდა. ინფორმაცია მის ოფიციალურ ფეისბუკგვერდზე გამოქვეყნდა. ზურაბ გირჩი ჯაფარიძე თბილისში 7 მარტს გამართულ აქციაზე პოლიციამ დააკავა. მისი სასამართლო სხდომა გუშინ, 9 მარტს, უნდა გამართულიყო. თუმცა იმის გამო, რომ ვერც ის და ვერც მასთან ერთად დაკავებული თავს კარგად ვერ გრძნობდნენ, სხდომა გადაიდო. მათ მოსამართლემ კვლევების ჩასატარებლად დრო მისცა. ჯაფარიძეს სხდომათა დარბაზიდან გათავისუფლების შემდეგ კომუნიკაცია ჰქონდა არაერთ ადამიანთან, მათ შორის ჟურნალისტებთან. Читать дальше...