Новости за 18.01.2023

რუსეთ-საქართველოს შორის პირდაპირი ავიარეისების აღდგენის საკითხზე ილაპარაკა „ქართული ოცნების" თავმჯდომარემ ირაკლი კობახიძემ. მან ტელეკომპანია „იმედის" ეთერში განაცხადა, რომ  ფრენების აღდგენა მნიშვნელოვანი იქნება საქართველოს მოქალაქეებისთვის.  „ჩვენი მოქალაქეები, ეთნიკურად ქართველები, აზერბაიჯანელები, სომხები, მილიონამდე ადამიანი ცხოვრობს რუსეთის ფედერაციაში და მათ ძალიან გაურთულა 2019 წელს მიღებულმა გადაწყვეტილებამ მდგომარეობა. თუ ფრენები აღდგება, რა თქმა უნდა, ეს მნიშვნელოვანია ჩვენი თანამოქალაქეებისთვის და ეს მხოლოდ მისასალმებელი იქნება. Читать дальше...

პლუს შავად შეღებილი პოეტები მოქმედებაში

საქართველოში უკრაინის ელჩის მოვალეობის შემსრულებელმა ანდრი კასიანოვმა „პალიტრანიუსის" ეთერში განაცხადა, რომ გაუგებარია, რატომ არის შეუძლებელი, საქართველომ უკრაინას ისეთი პრაქტიკული საგნები გადასცეს, რომლებიც ჰუმანიტარული მხარდაჭერის კატეგორიაში შედის. „მივმართეთ თხოვნით და ჩემთვის გაუგებარია, რატომაა შეუძლებელი უკრაინას გადმოსცეთ, სამედიცინო აფთიაქები, გადმოსცეთ ასევე თავის დამცავი საშუალებები, ინდივიდუალური თავდაცვის საშუალებები, ასევე საველე ჰოსპიტლები, რომელიც ახლა სასიცოცხლოდ მნიშვნელოვანია. Читать дальше...

"ნაციონალური მოძრაობის" პოლიტსაბჭოს თავმჯდომარემ, კობა ნაყოფიამ, რადიო თავისუფლებასთან დაადასტურა, რომ პოსტიდან მის გაშვებას დავით კეზერაშვილი ითხოვდა. ნაყოფია იზიარებს ენმ-ს თავმჯდომარის, ნიკა მელიას ბრალდებებს ყოფილი მაღალჩინოსნების - კეზერაშვილისა და მერაბიშვილის წინააღმდეგ.

უკრაინის პრეზიდენტი ვოლოდიმირ ზელენსკი დავოსის მსოფლიო ეკონომიკის ფორუმზე გამოვიდა და მოკავშირეებს მოუწოდა, ნუ აჭიანურებენ მისი ქვეყნისთვის შეიარაღების მიწოდებას. მისი მიმართვა ვიდეოკავშირით გადაიცემოდა. „ტირანია უსწრებს დემოკრატიას,“ მიმართა ზელენსკიმ ფორუმის მონაწილეებს. „მაშინ, როცა თავისუფალი სამყარო ფიქრობს, სახელმწიფო-ტერორისტი კვლას განაგრძობს.“ „2014 წელს მსოფლიო ორჭოფობდა, როცა რუსეთმა დაუფიქრებლად მოახდინა ყირიმის ოკუპაცია. მსოფლიო ორჭოფობდა 2022 წელს, როცა რუსეთმა დაეჭვების გარეშე დაიწყო სრულმასშტაბიანი ომი. Читать дальше...

უძრავი ქონების ფასი საქართველოში განუხრელად იზრდება. ექსპერტები ვარაუდობენ, რომ უახლოეს მომავალში ეს ტენდენცია დარჩება და შესაძლებელია იგი არც მაშინ შეიცვალოს, როდესაც რუსეთის მოქალაქეები საქართველოს დატოვებენ. „30 ათას დოლარად ბინები ჩამიყარეთ!“ - ასეთი განცხადებები ბინების ყიდვა-გაყიდვის ჯგუფში იშვიათი არ არის. თუ შარშან ასეთ განცხადებას რამდენიმე კარგი შეთავაზება მოსდევდა, ახლა მხოლოდ ძალიან ძველ და დასანგრევ ბინას თუ სთავაზობენ, ან შედარებით მისაღებს, მაგრამ 10 ათასი დოლარით ძვირს. ყიდვა-გაყიდვის საიტების მიხედვით... Читать дальше...

საქართველოში ცნობილი ადამიანის გარდაცვალებაზე ქრონიკულად ორადგახლეჩილ ქართულ საზოგადოებას პავლოვის ძაღლივით იოლად პროგნოზირებადი რეაქცია აქვს. ერთი ნაწილი გაიძახის - მკვდრებზე ან კარგი, ან არაფერიო (De mortuis seu bene, seu nihil), მეორე კი მკვდრებზე სიმართლეს (De mortuis - veritas!) მოითხოვს. რა გასაკვირია, რომ ბუბა კაკაბიძეზეც ასე მოხდა. გაიხსენეს ყველაფერი, რაც კი ხანგრძლივი ცხოვრების განმავლობაში გადახდენია 84 წლის მსახიობსა და მომღერალს: სად და როდის იმღერა, რა როლები შეასრულა, ვის უჭერდა... Читать дальше...

“...12 რეკომენდაცია, რომელიც განისაზღვრა ჩვენი ქვეყნისთვის, ზედმიწევნით იქნა შესრულებული პარლამენტისა და მთავრობის მიერ და ყველას ჩართულობით”, - თქვა პრემიერმა ირაკლი ღარიბაშვილმა გასული წლის მიწურულს, წლიური ანგარიშის წარდგენისას. საქართველოს მიერ გაწეულ სამუშაოს სხვანაირად ხედავს სამოქალაქო სექტორის დიდი ნაწილი. “რა გააკეთა საქართველომ ევროკომისიის 12 პრიორიტეტის შესასრულებლად და სად ვართ ახლა?“ - ორგანიზაცია GRASS-მა ეს საკითხი პუნქტებად შეაჯამა. მათი შეფასებით, 12-დან მხოლოდ ერთი პუნქტია შესრულებული... Читать дальше...

ომის პირველ თვეებში ბულგარეთი უკრაინას ფარულად აწვდიდა შეიარაღებას და საწვავს. ამის შესახებ ლაპარაკია გერმანულ გაზეთ Die Welt-ის გამოძიებაში, რომელიც 18 იანვარს გამოქვეყნდა. Welt-ის ჟურნალისტების თანახმად, 2022 წლის გაზაფხულზე უკრაინის არმიისთვის გაგზავნილი ამუნიციის 30%-მდე და დიზელის საწვავის 40%-მდე ბულგარეთიდან გაიგზავნა. ჟურნალისტების დასკვნები ეყრდნობა ინტერვიუებს, რომლებიც აიღეს უკრაინის თავდაცვის მინისტრ დმიტრო კულებასგან, ბულგარეთის ყოფილი პრემიერ-მინისტრის, კირილ პეტკოვისგან, და ასენ ვასილევისგან... Читать дальше...

შვეიცარიის ქალაქ დავოსში გამართულ ეკონომიკურ სამიტზე, ვეტერანმა ამერიკელმა დიპლომატმა, ჰენრი კისინჯერმა თქვა, რომ უკრაინის სამხედრო ნეიტრალიტეტმა აზრი დაკარგა. წლების მანძილზე, იგი საპირისპიროს ამტკიცებდა.

რუსეთის საგარეო საქმეთა მინისტრის სერგეი ლავროვის განცხადებით გამოწვეულ შეფასებებს ფრაქცია „ქართული ოცნების" თავმჯდომარე მამუკა მდინარაძე „ფეისბუკის" ოფიციალურ გვერდზე გამოეხმაურა. დეპუტატი პოლიტიკურ ოპონენტებს ადანაშაულებს, ლავროვის განცხადების „ქართული ოცნების" წინააღმდეგ გამოყენებაში.  „რა კითხვას დასვამს „ალტ-ინფო" და რას უპასუხებს რუსეთის საგარეო საქმეთა მინისტრი - ამაზე აქვთ აგებული ხელისუფლების საწინააღმდეგო, დაზეპირებული კამპანია იმ ადამიანებს, რომლებმაც: რუსეთს - გაუფორმეს საქართველოს 20%-მდე ტერიტორია! Читать дальше...

ისრაელის უზენაესმა სასამართლომ დაბლოკა ულტრამემარჯვენე პოლიტიკური პარტია „შასის“ ხელმძღვანელის, არიე დერის დანიშვნა მინისტრის პოსტზე. მიზეზი გახდა პოლიტიკოსის მიმართ 2021 წელს აღძრული სისხლის სამართლის საქმე. ამის შესახებ გაზეთი „ჰაარეცი“ იტყობინება. სასამართლო გარიგების ფარგლებში დერიმ პირობა დადო, რომ პოლიტიკას ჩამოშორდებოდა. პარტია „შასი“ მმართველ კოალიციაში შედის, უზენაესი სასამართლოს გადაწყვეტილებამ, შესაძლოა, გამოიწვიოს მისი დაშლა და ახალი, ოთხი წლის განმავლობაში მეექვსე, არჩევნების დანიშვნა. Читать дальше...

ინტერნეტში ნაპოვნი პირველივე ნომერი ავკრიფე და ვიკითხე: სამედიცინო საწოლებს თქვენ აქირავებთ? კი, მიპასუხა კაცის ხმამ, მექანიკური საწოლის ფასი თვეში 70 ლარია, ავტომატურის - 90, მოტანაც თუ გინდათ, 40 ლარი დაემატება... რამდენი ხნით გინდათ? პასუხი სწრაფად ვერ მოვიფიქრე და ცოტა ხნით გავჩერდი. რამდენი ხანი შეიძლება გაგრძელდეს ასე? კიდევ ერთ თვეს გავუძლებ? - გამიელვა თავში და ჩემივე ფიქრის შემრცხვა. საავადმყოფოდან დედაჩემის გამოყვანის და ჩემთან, სახლში მოყვანის დღიდან ჯერ სულ რამდენიმე უძილო ღამე იყო გასული. Читать дальше...

რუსეთში სულ უფრო ხშირად რაცხენ გმირად კერძო სამხედრო კომპანია (კსკ) „ვაგნერის“ შემადგენლობაში მებრძოლ დაქირავებულებს.

მოსკოვის სასამართლომ დამოუკიდებელ გაზეთ „ნოვაია გაზეტას“ 500 ათასი რუბლი (7300 დოლარი) ჯარიმა დააკისრა დეკემბერში აღებული ინტერვიუსთვის, რომელშიც რუსეთის მართლმადიდებელი ეკლესიის სასულიერო პირმა, ანდრეი კორდოჩკინმა, დაგმო უკრაინაში რუსეთის სამხედრო ინტერვენცია. კორდოჩკინი ერთ-ერთი ავტორია წერილისა სასულიერო პირების შესახებ, რომლებიც უკრაინაში სამხედრო მოქმედებებს ეწინააღმდეგებიან. სასამართლომ 18 იანვარს გამოაცხადა, რომ გაზეთი რუსეთის შეიარაღებული ძალების დისკრედიტაციაში არის დამნაშავე. სექტემბერში... Читать дальше...

რუსეთის მიერ ოკუპირებულ აფხაზეთში, წინასწარი დაკავების იზოლატორში მყოფი საქართველოს მოქალაქის, ქრისტინე თაკალანძის საქმეზე აფხაზეთის ე.წ. უზენაესი სასამართლოს პირველი სხდომა 19 იანვარს დახურულ კარს მიღმა გაიმართება.

რუსეთის პრეზიდენტ ვლადიმირ პუტინის თქმით, რუსეთმა უკრაინის წინააღმდეგ ომი იმიტომ დაიწყო, რომ შეეჩერებინა ომი დონბასში. როგორც BBC იტყობინება, ასეთი დასკვნის გამოტანა შეიძლება რუსეთის პრეზიდენტ ვლადიმირ პუტინის სიტყვიდან, რომელიც მან ოთხშაბათს პეტერბურგში წარმოთქვა მეორე მსოფლიო ომის ვეტერანებისა და ლენინგრადის ბლოკადას გადარჩენილთა წინაშე. „ყველაფერი, რასაც დღეს ვაკეთებთ, მათ შორის, სპეციალური სამხედრო ოპერაციის ფარგლებში, არის ამ ომის შეჩერების მცდელობა“, - თქვა პუტინმა. მისი სიტყვებით, უკრაინა ტრაგედიის გზას დაადგა ჯერ კიდევ 2014 წელს... Читать дальше...

საქართველოს გარემოს ეროვნული სააგენტო თბილისისა და საქართველოს სხვა მუნიციპალიტეტების მოსახლეობას ცენტრალური აზიიდან, ყარაყუმის უდაბნოდან, მტვრის მასების გავრცელების შესახებ აფრთხილებს. უწყება განმარტავს, რომ ეს შესამჩნევი იქნება დღეიდან, 18 იანვრიდან. "აღნიშნული პროცესის მიზეზი ზუსტდება გარემოს ეროვნული სააგენტოს სინოპტიკოსების მიერ, სხვადასხვა მეტეოროლოგიურ მონაცემებზე დაყრდნობით, რაც საჭიროებს გარკვეული დროს. აღსანიშნავია, რომ ტრანსსასაზღვრო დაბინძურება წლის განმავლობაში გარკვეულ დღეებში ფიქსირდება... Читать дальше...

დავოსში მსოფლიო ეკონომიკური ფორუმის ფარგლებში მყოფი საქართველოს პრემიერ-მინისტრი ირაკლი ღარიბაშვილი სერბეთის პრეზიდენტს, ალექსანდრ ვუჩიჩს, შეხვდა. მთავრობის ადმინისტრაციის ცნობით, მხარეებმა განიხილეს საქართველოსა და სერბეთის რესპუბლიკას შორის თანამშრომლობის ძირითადი მიმართულებები და თანამშრომლობის გაღრმავების პერსპექტივები. „ხაზი გაესვა ორმხრივ და მრავალმხრივ ფორმატებში ორ ქვეყანას შორის არსებულ თანამშრომლობას. საუბარი შეეხო ევროპული ინტეგრაციის საკითხებს. შეხვედრაზე ასევე განიხილეს რეგიონსა და... Читать дальше...

ერგნეთში, ინციდენტების პრევენციისა და მათზე რეაგირების მექანიზმის სამუშაო ჯგუფის შეხვედრის დასრულების შემდეგ, ოსური დელეგაციის ხელმძღვანელმა იგორ კოჩიევმა ადგილობრივი ჟურნალისტებისთვის ბრიფინგი გამართა და მანამდე გავრცელებული ინფორმაცია, ევროკავშირის სადამკვირვებლო მისიის წარმომადგენლებთან მომხდარი ინციდენტის შესახებ საერთოდ უარყო. მან განაცხადა, რომ შეხვედრაზე ეს საკითხი საერთოდ არ განხილულა. „ეს ინფორმაცია სიმართლეს არ შეესაბამება. ეს რომ მართლაც ასე ყოფილიყო, ეს საკითხი განიხილებოდა, გარწმუნებთ. Читать дальше...

მსოფლიოს ლიდერები და უკრაინელი პოლიტიკოსები სამძიმარს გამოხატავენ კიევის ოლქში, ბროვარიში, ვერტმფრენის დაღუპვასთან დაკავშირებით, რასაც 18 ადამიანის, მათ შორის სამი ბავშვის, სიცოცხლე ემსხვერპლა. „ნამდვილი ტრაგედია. ავიაკატასტროფაში დაიღუპნენ შსს-ს ხელმძღვანელი დენის მონასტირსკი, შსს-ს ხელმძღვანელობა, ბავშვები. დენის ანატოლის ძე და მისი კოლეგები მნიშვნელოვან როლს თამაშობდნენ უკრაინის თავდაცვის უზრუნველყოფაში. დაიწყო გამოძიება. ყველა ვერსია შემოწმდება. გულითადი სამძიმარი დაღუპულთა ოჯახებს“, დაწერა... Читать дальше...

რონდელის ფონდის უფროსი მკვლევარი ბუკა პეტრიაშვილი ლაპარაკობს უკრაინისთვის სამხედრო დახმარების გაძლიერებაზე: "მთავარი გზავნილი არის, რომ პუტინისთვის და რუსეთისთვის არ დარჩეს კითხვის ნიშანი კოლექტიური დასავლეთის გადაწყვეტილების სიმტკიცეზე. ეს მართლაც არ არის რიტორიკა უკრაინელების გასამხნევებლად".

გუდაურის სათხილამურო კურორტზე სეზონი მწირი თოვლით და უსიამოვნო დაძაბულობით დაიწყო: ლეგალურად სამუშაოდ ჩასულ უცხოელებს ადგილობრივები კლიენტების მომსახურებას უკრძალავენ, ზოგჯერ შეურაცხყოფას აყენებენ და ემუქრებიან მათ. ვითარების განმუხტვაზე  პასუხისმგებლობას არავინ იღებს.

აშშ-ის სახელმწიფო მდივანმა ენტონი ბლინკენმა განაცხადა, რომ ვაშინგტონისთვის მიუღებელია უკრაინის მიმართ რუსეთის მოთხოვნა, გაითვალისწინოს „ახალი ტერიტორიული რეალიები“. რუსეთის პრეზიდენტმა ვლადიმირ პუტინმა სამშვიდობო მოლაპარაკებების საფუძვლად სწორედ ეს პირობები დაასახელა თურქეთის პრეზიდენტ რეჯეპ ტაიპ ერდოანთან იანვრის დამდეგს გამართულ შეხვედრაზე. ბლინკენის თქმით, ასეთი პოზიცია კონტრპროდუქტიულია. „უკრაინის მიმართ რუსეთის მოთხოვნები, აღიაროს ახალი ტერიტორიული რეალიები, მიუღებელია და არ იძლევა მოლაპარაკებების პროცესის მოგვარების საშუალებას“... Читать дальше...

ოთხი პრიმატი, მაკაკის ჯიშის ოთხი მაიმუნი, ჭიათურის მუნიციპალიტეტის მერიამ საქართველოში, სავარაუდოდ, „ჭიათურლობისთვის“, 2022 წლის შემოდგომისთვის ჩამოიყვანა. ამჟამად მაკაკები რვა თვისანი არიან და ჭიათურის ცენტრში, ე.წ. „გედების ტბასთან“ აგებულ 20 კვადრატულ მეტრ ვოლიერში ცხოვრობენ.