Новости за 15.01.2023

მოფარიკავე სანდრო ბაზაძე ტუნისში გამართულ პრესტიჟულ საერთაშორისო ტურნირზე - გრან პრიზე ოქროს მედალს დაეუფლა. 29 წლის სპორტსმენმა, ხმლით ფარიკაობაში, ფინალის გზაზე ხუთი შეხვედრა ჩაატარა და რუმინელი, იაპონელი, ორი გერმანელი და უნგრელი მეტოქეები დაამარცხა. გადამწყვეტ ბრძოლაში კი ტოკიოს ოლიმპიური თამაშების ფინალისტს - იტალიელ ლუიჯი სამელუს აჯობა, ანგარიშით 15:8. სანდრო ბაზაძემ გრან პრის ჩემპიონის ტიტული პირველად მოიპოვა. აქამდე მის ანგარიშზე ვერცხლის და ბრინჯაოს მედლები იყო. 2022 წლის ზაფხულიდან მოყოლებული... Читать дальше...

14 იანვარს რუსმა სამხედრომ ყუმბარა ააფეთქა და ხანძარი გააჩინა სამხედრო ობიექტზე ბელგოროდის რეგიონში, უკრაინის საზღვართან ახლოს, რასაც სულ მცირე სამი სამხედრო ემსხვერპლა - ამ ცნობას სახელმწიფო მედია და სხვა სააგენტოები ავრცელებენ. დაიჭრა 16 ჯარისკაცი, რვა სამხედრო დაკარგულია.  ონლაინ გამოცემა Baza წერს, რომ აფეთქება მოხდა კულტურის სახლში, რომელშიც, გავრცელებული ინფორმაციით, მობილიზაციის ფარგლებში გამოძახებული სამხედროები იყვნენ. გამოცემის თანახმად, ერთმა სამხედრომ, ჯერჯერობით დაუდგენელი მიზეზით... Читать дальше...

უკრაინას დასავლეთის ქვეყნებისგან ახლო მომავალში კიდევ გადაეცემა მძიმე შეიარაღება - უთხრა ნატოს გენერალურმა მდივანმა, იენს სტოლტენბერგმა გერმანიის ყოველდღიურ გამოცემა Handelsblatt-ს 15 იანვარს. უფრო მძიმე იარაღის მიწოდებას - ტანკების ჩათვლით - კიევი ითხოვს, თუმცა დასავლეთის ქვეყნები ამას ყოყმანით ეკიდებოდნენ და მიანიშნებდნენ რუსეთის პროვოცირების შიშზე. "მძიმე საბრძოლო აღჭურვილობის შესახებ ბოლო ხანებში გამოთქმული დაპირებები მნიშვნელოვანია - და ახლო მომავალში მე ამას კიდევ ველოდები" - ამბობს სტოლნტენბერგი... Читать дальше...

დაპატიმრებული ექსპრეზიდენტი, მიხეილ სააკაშვილი, რომელიც ახლა კლინიკა "ვივამედშია", მსახიობ ბუბა კიკაბიძის გარდაცვალებას გამოეხმაურა.  "ვგლოვობ ჩემს საუკეთესო მეგობარს", - ეს პოსტი მის ფეისბუქ გვერდზე გავრცელდა.  ქართველი კინომსახიობისა და მომღერლის, 84 წლის ბუბა კიკაბიძის გარდაცვალებაზე ინფორმაცია დღეს, 15 იანვარს გავრცელდა. ბუბა კიკაბიძეს მონაწილეობა აქვს მიღებული არაერთ ცნობილ ქართულ საბჭოთა ფილმში, მათ შორისაა "მიმინო“ (1977), "არ დაიდარდო" (1969), "ვერის უბნის მელოდიები" (1973) და სხვა. Читать дальше...

უკრაინის პრეზიდენტი, ვოლოდიმირ ზელენსკი ქართველი მსახიობისა და მომღერლის, ვახტანგ კიკაბიძის გარდაცვალებას გამოეხმაურა და სამძიმარი გამოუცხადა მის ახლობლებს. "ვახტანგ კიკაბიძე. მეგობარი, რომელიც ყოველთვის ჩვენს გვერდით იყო. დიადი ხალხის დიადი ადამიანი. ლეგენდა, რომელსაც ყველა დიდ პატივს ვცემდით. ნათელი ხსოვნა ხელოვანს და სამძიმარი მის ახლობლებს", - წერს ზელენსკი და ბუბა კიკაბიძესთან ერთად გადაღებულ ფოტოს აქვეყნებს. ქართველი კინომსახიობისა და მომღერლის, 84 წლის ბუბა კიკაბიძის გარდაცვალებაზე ინფორმაცია დღეს, 15 იანვარს გავრცელდა. Читать дальше...

სულ მცირე 522 ადამიანი დაიღუპა ირანში ოთხი თვის განმავლობაში მიმდინარე ანტისამთავრობო აქციებზე - წერს 15 იანვარს გამოქვეყნებულ ანგარიშში აშშ-ში განთავსებული ადამიანის უფლებების აქტივისტთა საინფორმაციო სააგენტო (HRANA). დაღუპულებს შორის 70 არასრულწლოვანი და უსაფრთხოების ძალების 68 წევრია - იუწყება სააგენტო. დააპატიმრეს 20,000-მდე ადამიანი, 110 პირს წაყენებული აქვს ბრალდება, რომელსაც, შესაძლოა, სიკვდილით დასჯა მოჰყვეს. სიკვდილით უკვე დასაჯეს ოთხი პირი. ირანში საპროტესტო აქციებს ბიძგი მისცა მორალის... Читать дальше...

გერმანიაში 70-მდე პოლიციელი დაშავდა გარემოს დამცველთა აქციაზე, რომელიც აპროტესტებდა სოფელ ლიუტცერატის დანგრევას ქვანახშირის მაღაროს გაფართოების მიზნით - აცხადებს პოლიცია 15 იანვარს. პოლიცია ცდილობდა დასახლებიდან გაეყვანა აქტივისტები. 14 იანვარს ადგილზე ათასობით დემონსტრანტი ჩავიდა, მათ შორის ცნობილი შვედი გარემოსდამცველი, გრეტა თუნბერგი. ლიუტცერატში დიდი ხანია აღარ ცხოვრობენ მოსახლეები, სოფელს ანგრევენ საიმისოდ, რომ გაფართოვდეს ქვანახშირის ღია მაღარო. გაფართოების პროცესი მიმდინარეობს მიუხედავად... Читать дальше...

ყვარლის "ევროკლუბში", სადაც, ასევე "ამერიკული კუთხე" ფუნქციონირებს, ლევან ბერძენიშვილს 15 იანვარს ლექციის ჩატარების საშუალება არ მისცეს. ამის შესახებ ინფორმაცია "ევროკლუბის" ხელმძღვანელმა, ნიკა გურინმა გაავრცელა. მან რადიო თავისუფლებას უთხრა, რომ ღონისძიების დაწყებამდე, დაახლოებით, 15 წუთით ადრე ორგანიზებულად შეიკრიბნენ მისთვის უცნობი ადამიანები და ლევან ბერძენიშვილს შენობაში შესვლის საშუალება არ მისცეს. "ადგილობრივები არ ჩანდნენ. კახეთის სხვადასხვა რაიონიდან ჩამოყვანილებმა პიკეტირება მოგვიწყვეს. Читать дальше...

რუსული გასამხედროებული ჯგუფის, "ვაგნერის" ყოფილმა მეთაურმა, ანდრეი მედვედევმა პოლიტიკური თავშესაფარი ითხოვა ნორვეგიისგან - იუწყება უფლებადამცველი ფონდის, Gulagu.net-ის დამაარსებელი, ვლადიმირ ოსეჩკინი. მისი თქმით, მედვედევმა რუსეთ-ნორვეგიის საზღვარი გადალახა მურმანსკის ოლქის სოფელ ნიკელის რაიონში - ორ ღობეზე გადაძვრა და შემდეგ, ძაღლების ყეფის და მესაზღვრეების მხრიდან სროლის ფონზე, ტბის გაყინული ზედაპირით გაიქცა. მედვედევმა მიაღწია საზღვართან მდებარე ერთ-ერთ დასახლებაში, პირველივე სახლის კარზე დააკაკუნა და მოსახლეებს პოლიციის გამოძახება სთხოვა.

ნეპალში ჩამოვარდა კომპანია Yeti Airlines-ის სამგზავრო თვითმფრინავი. მის ბორტზე იმყოფებოდა 68 მგზავრი და ეკიპაჟის ოთხი წევრი. თავიდან გავრცელდა ცნობა, რომ ყველა დაიღუპა, თუმცა შემდეგ სააგენტოებმა "ასოშიეიტედ პრესი" და "ფრანს პრესი" ადგილობრივ ხელისუფლებაზე დაყრდნობით დაწერეს, რომ მაშველებმა რამდენიმე გადარჩენილს მიაგნეს. ნეპალის სამოქალაქო ავიაციის სააგენტომ შემდეგ გამოაცხადა, რომ დაიღუპა 68 ადამიანი. თვითმფრინავი დედაქალაქ კატმანდუდან მიფრინავდა პოხარუში, და დაფრენის დროს განიცადა კატასტროფა, რომლის მიზეზებიც ჯერჯერობით უცნობია. Читать дальше...

უკრაინის საელჩო საქართველოში ქართველი მსახიობი და მომღერლის, ბუბა კიკაბიძის გარდაცვალებას ეხმაურება და უსამძიმრებს მის მეგობრებსა და ნათესავებს. "ძნელია ისეთი სიტყვების პოვნა, რომელიც შეამსუბუქებს საყვარელი ადამიანის დაკარგვის ემოციურ ტკივილს. ლეგენდარული კაცი, უკრაინისა და მთელი უკრაინელი ხალხის დიდი მეგობარი ვახტანგ (ბუბა) კიკაბიძე გარდაიცვალა. გარდაიცვალა გულწრფელი, მგრძნობიარე და კეთილგანწყობილი ადამიანი, რომელიც ყოველთვის მხარს უჭერდა უკრაინას აგრესორ რუსეთის წინააღმდეგ ბრძოლაში. მისი კეთილი... Читать дальше...

ლაგოდეხის მუნიციპალიტეტის ეთნიკური აზერბაიჯანელებით დასახლებულ სოფელ კაბალში 50-მდე მესაქონლე ფერმერმა საპროტესტო აქცია გამართა. როგორც აქციის მონაწილეები ამბობენ, ადგილობრივი ხელისუფლება, ამჟამად სახელმწიფოს საკუთრებაში არსებულ 12 ჰექტრამდე მიწის ნაკვეთის გასხვისებას ფარულად გეგმავს, იმ ტერიტორიის, რომელსაც სოფელი 70 წელია საძოვრად იყენებს. აქციის მონაწილე ჯავათ ალიევის თქმით, მათი ინფორმაციით, გასხვისებამდე მომზადდა მიწის ნახაზები და ჩატარდა სხვა პროცედურები. ალიევი ამბობს, რომ რამდენიმე დღის წინ... Читать дальше...

პოლონეთის ქალაქ შჩეცინიდან 13 იანვარს გაუჩინარებული 21 წლის მიშო ხარაშვილი იპოვეს. ამის შესახებ რადიო თავისუფლებას მიშოს დედამ ეკა ასაშვილმა აცნობა. მისი ინფორმაციით, მიშო იპოვეს შჩეცინიდან დაახლოებით, 700 კილომეტრით მოშორებულ ქალაქში და ამჟამად, პოლიციის ადგილობრივ სამმართველოში ჰყავთ გადაყვანილი. "იქ მყოფმა ჩვენმა ნათესავებმა დაგვირეკეს და გვითხრეს რომ ცოცხალია და კარგად არის. პოლიციაში გადაჰყავთ ახლა. რა მოხდა არ ვიცი, მაგრამ ბედნიერი ვარ რომ ცოცხალია", - თქვა ეკა ასაშვილმა. პოლონეთში სამუშაოდ წასულ... Читать дальше...

პრემიერ-მინისტრი ირაკლი ღარიბაშვილი მსახიობისა და მომღერლის ბუბა კიკაბიძის გარდაცვალებას ეხმაურება და მწუხარებას გამოთქვამს.  "მწუხარებას გამოვთქვამ გამოჩენილი ქართველი ხელოვანის - მსახიობისა და მომღერლის ბუბა კიკაბიძის გარდაცვალების გამო. ჩვენი ქვეყნის მრავალი თაობისათვის მისი, როგორც მსახიობის, სახელი დაკავშირებულია არაერთ საყვარელ პერსონაჟთან, რომლებმაც დროს გაუძლო და კიდევ დიდხანს გაახარებს მაყურებელს. თანავუგრძნობ მის ოჯახს, ახლობლებსა და მეგობრებს", - წერია ირაკლი ღარიბაშვილის განცხადებაში, რომელსაც მთავრობის ადმინისტრაცია ავრცელებს. Читать дальше...

ავღანეთის დედაქალაქ ქაბულში, თავის სახლში მოკლეს ავღანეთის პარლამენტის ამჟამად დაშლილი ქვედა პალატის ყოფილი დეპუტატი ქალი - ამ ინფორმაციას თალიბანის წარმომადგენლები ადასტურებენ. მურსალ ნაბიზადეს და მის მცველს სასიკვდილოდ ესროლეს მაშინ, როცა 15 იანვარს მის სახლში შეიარაღებული პირები შეიჭრნენ - ამბობს ქაბულის პოლიციის პრესმდივანი, თალიბანის წევრი ხალიდ ზადრანი. მისი თქმით, თავდასხმისას დაიჭრა ნაბიზადეს ძმა. სხვა დეტალები ჯერჯერობით ცნობილი არ არის, თავდასხმაზე პასუხისმგებლობა არავის უკისრია.  ყოფილი... Читать дальше...

დნეპრში მრავალსართულიან კორპუსზე რუსეთის სარაკეტო თავდასხმის შედეგად დაღუპულთა რიცხვი 21-მდე გაიზარდა. მათ შორის, 1 ბავშვია. ადგილობრივი დროით 11:30 საათის [თბილისის დროით 13:30 საათი] მონაცემებს დნეპროპეტროვსკის რეგიონის გუბერნატორი, ვალენტინ რეზნიჩენკო ტელეგრამ არხზე ავრცელებს. მისივე ცნობით, გრძელდება სამაშველო და სამძებრო სამუშაოები, ასევე ხანძრის ქრობის პროცესი. ნანგრევებიდან 39 დაზიანებული მანქანა ამოიღეს.  რეგიონული საბჭოს ხელმძღვანელის მიკოლა ლუკაშუკის ცნობით, სულ მცირე 35 ადამიანი კვლავ უგზო-უკვლოდ დაკარგულად ითვლება... Читать дальше...

ქართველი კინომსახიობი, მომღერალი ბუბა კიკაბიძე 84 წლის ასაკში გარდაიცვალა. რადიო თავისუფლებას ეს ინფორმაცია პარტია "ნაციონალურ მოძრაობაში" დაუდასტურეს. ბუბა კიკაბიძე ენმ-ს სიის პირველი ნომერი და მე-10 მომწვევის პარლამენტის დეპუტატი იყო. იგი საარჩევნო ბლოკმა ენმ - „ძალა ერთობაშია"-მ 2020 წლის ოქტომბერში წარადგინა სიის სათავეში. იმ დროისთვის უკრაინაში მყოფმა მიხეილ სააკაშვილმა ცნობილ მომღერალს "პოლიტიკოსი და დიდი ქართველი პატრიოტი" უწოდა. ის ამბობდა, რომ "ბუბა კიკაბიძე მთელს მსოფლიოში საქართველოს სავიზიტო ბარათია... Читать дальше...

“ნაციონალური მოძრაობის” ქუთასის საკრებულოს წევრებმა და პარტიის ქუთაისის ორგანიზაციის წარმომადგენლებმა შიდაპარტიულ არჩევნებში თავმჯდომარის თანამდებობაზე მხარდაჭერა ნიკა მელიას გამოუცხადეს. განცხადება 15 იანვარს პარტიის ოფისში გამართულ ბრიფინგზე საკრებულოში ფრაქცია “ნაციონალური მოძრაობის” თავმჯდომარემ გიორგი კილაძემ გააკეთა და დასძინა, რომ ქუთაისში იფუნქციონირებს ნიკა მელიას მხარდამჭერი შტაბი. "ნაციონალური მოძრაობის” ქუთაისის ორგანიზაციის სახელით, სრულ მხარდაჭრას ვუცხადებთ პარტიის მოქმედ თავმჯდომარეს... Читать дальше...

ოჯახის წევრების ინფორმაციით, მესამე დღეა, ვერ უკავშირდებიან კახეთიდან 6 თვის წინ პოლონეთის ქალაქ შჩეცინიში სამუშაოდ წასულ, წარმოშობით ლაგოდეხელ 21 წლის მიშო ხარაშვილს. მიშოს მამამ, სერგო ხარაშვილმა რადიო თავისუფლებას უთხრა, რომ ბოლოს შვილს 12 იანვარს ელაპარაკა, მეორე დღეს კი დაუკავშირდნენ და უთხრეს, რომ მიშო სახლში არ დაბრუნებულა. "ხუთშაბათს მოსაკითხად ორჯერ დავურეკე და ველაპარაკე, მეორე დღეს მასთან ერთად ნაქირავებ ბინაში მცხოვრებმა ბიჭებმა შემატყობინეს, რომ მიშო სახლში არ დაბრუნებულა. ოთხნი ცხოვრობდნენ ერთად. Читать дальше...

კულტურის მინისტრი, თეა წულუკიანი პატიმრობაში მყოფ ექსპრეზიდენტს, მიხეილ სააკაშვილს მიმართავს, რომ "კეთილი ინებოს და მოიხადოს სასჯელი". "აი, ახლა თუ მიხეილ სააკაშვილი მისმენს, ვეტყვი, რომ ვერაფერსაც დაგვაკლებ. შენ ხარ კრიმინალი, ზიხარ იქ, სადაც უნდა იჯდე და კეთილი ინებე, მოიხადე ის სასჯელი, რომელიც მოგისაჯა საქართველოს დამოუკიდებელმა, მიუკერძოებელმა და რეფორმირებულმა სასამართლომ", - თქვა თეა წულუკიანმა ჟურნალისტებთან საუბრისას. იგი, ასევე გამოეხმაურა მაგნიტსკის სიის ანალოგიით ე.წ. "სააკაშვილის სიის" შედგენის ინიციატივას და თქვა... Читать дальше...

საქართველოს პრეზიდენტი, სალომე ზურაბიშვილი ეხმაურება 14 იანვარს, უკრაინაში, დნეპრში ცხრასართულიან სახლზე რუსეთის სარაკეტო თავდასხმას და გმობს მშვიდობიან მოსახლეობაზე ძალადობას.  "კატეგორიულად ვგმობ სასტიკ თავდასხმას საცხოვრებელ კორპუსზე დნეპრში, უკრაინაში. მშვიდობიანი მოსახლეობის წინააღმდეგ ძალადობა საერთაშორისო სამართლის ყველა ნორმას არღვევს.  ჩვენ მათ გვერდით ვდგავართ, ვინც საყვარელი ადამიანები დაკარგა დნეპრში და მის მიღმა", - წერს პრეზიდენტი სალომე ზურაბიშვილი ტვიტერის გვერდზე.    ბოლო ცნობებით... Читать дальше...

14 იანვარს უკრაინის ქალაქ დნეპრში ცხრასართულიან კორპუსზე რუსეთის სარაკეტო თავდასხმის შედეგად დაღუპულთა რიცხვი 18-მდე გაიზარდა. ამის შესახებ ინფორმაციას Reuters ავრცელებს. დნეპროპეტროვსკის რეგიონის გუბერნატორმა ვალენტინ რეზნიჩენკომ ადგილობრივი დროით 7:25 საათზე [თბილისის დროით 9:25 საათი] ტელეგრამ არხზე დაწერა, რომ სარაკეტო თავდასხმის შედეგად 73 ადამიანი დაშავდა, მათგან 40 საავადმყოფოში, 4 კი რეანიმაციულ განყოფილებაშია.   რეზნიჩენკოს ცნობით, სამაშველო ოპერაცია გრძელდება, 40-ზე მეტი ადამიანის ბედი უცნობია. Читать дальше...

დღეიდან, 15 იანვრიდან ჯანდაცვის სამინისტრო მედიკამენტებზე რეფერენტულ ფასს განსაზღვრავს, რაც ნიშნავს, რომ სახელმწიფო დაადგენს მედიკამენტის გასაყიდი ან საექსპორტო ფასის ზედა ზღვარს. ჯანდაცვის მინისტრის, ზურაბ აზარაშვილის განცხადებით, 15 თებერვლიდან ეს ცვლილება სრულად შევა ძალაში - ყველა კომპანია, იმპორტიორი, დისტრიბუტორი თუ საცალო მოვაჭრე ვალდებული იქნება, წამლის ფასის მაქსიმალური ზედა ზღვარი ამ ფასების მიხედვით დაადგინოს.  მინისტრის თქმითვე, ფარმაცევტულ სექტორს, ფასების გადახედვისთვის ვადა 31 იანვრამდე ექნებათ... Читать дальше...

აღმოსავლეთ უკრაინის ქალაქ დნეპრში 14 იანვარს რუსეთის იერიშის შედეგად დაინგრა მრავალსართულიანი საცხოვრებელი სახლი - იუწყება დნეპროპეტროვსკის ოლქის გუბერნატორი, ვალენტინ რეზნიჩენკო. მისი მონაცემებით, დაიღუპა ათი ადამიანი, მათ შორის 15 წლის გოგო. დაჭრილია 64 პირი, რომელთა შორის 12 ბავშვია, მათგან ყველაზე პატარა სამი წლისაა. ნანგრევებიდან ამოიყვანეს 40-მდე ადამიანი, სამაშველო სამუშაოები გრძელდება. მანამდე, 14 იანვარს რუსეთმა შეტევები განახორციელა კიევის ინფრასტრუქტურულ ობიექტებზე.