Новости за 27.10.2021

"როლების გაცვლა" 2012-2021 წლების სარკეში 27 ოქტომბრის აქციაზე „ქართულმა ოცნებამ“ თბილისში რეგიონებიდან ათიათასობით ადამიანი ჩამოიყვანა. პარტიის ლიდერებმა თავიანთ გამოსვლებში ძირითადი დრო წინა ხელისუფლებაზე ლაპარაკს დაუთმეს. ეს არავისთვის იყო მოულოდნელი. „ოცნებამ“ თავისუფლების მოედნის ხალხით შევსება 2012 წელსაც შეძლო. პოლიტიკაში ახლად მოსულმა ბიძინა ივანიშვილმა დაახლოებით 100 ათასი ადამიანი გამოიყვანა დედაქალაქის მთავარ მოედანზე. დღეს ხალხს აცნობა, რომ „დგება ახალი ხელისუფლების დაბადების დღე“ და სააკაშვილის რეჟიმის დასრულებასაც დაჰპირდა. Читать дальше...

"ლელოს" ლიდერი და თბილისის ვიცე-მერობის კანდიდატი მამუკა ხაზარაძე ამბობს, რომ 30 ოქტომბერს თვითმმართველობის არჩევნების მეორე ტურში მხოლოდ მერებს არ ირჩევენ და ეს გადამწყვეტი არჩევანი. მან "ფორმულას" ეთერში "ქართული ოცნების" 27 ოქტომბრის აქციაზეც ისაუბრა. "ეს არ არის მხოლოდ მერის არჩევნები, ეს არის ახალ და ძველ მენტალიტეტს შორის არჩევნები. ადამიანები, რომლებიც დღეს მოიყვანეს "ქართული ოცნების" იმ შეკრებაზე, ისინი რას უკრავდნენ ტაშს? - უმუშევრობას; სიღატაკეს; ვიღაცის ბრძანებას - "თუ არ წამოხვალ, მოგხსნი"... მოიყვანეს იმისთვის... Читать дальше...

გადავსებულ რუსთაველზე ქართული ოცნება ოპონენტებს ძალას აჩვენებს. ოცამდე ადამიანს სულ რამდენიმე საათი აქვს იმისთვის, რომ ოჯახისთვის ფული იშოვოს.

რუსეთის პრეზიდენტმა ვლადიმირ პუტინმა სახელმწიფოს დაქვემდებარებაში მყოფ ენერგოკომპანია „გაზპრომს“ განკარგულება გასცა, დაიწყოს ბუნებრივი აირის მიწოდება ევროპის გაზის საცავებისთვის მას შემდეგ, რაც რუსეთი დაასრულებს საკუთარი მარაგის შევსებას, რაც 8 ნოემბრამდე შეიძლება მოხდეს. მსოფლიოში გაზის ფასები სარეკორდოდ გაიზარდა უკანასკნელი კვირების განმავლობაში. ამას ხელი შეუწყო მარაგების სიმცირემ და მოთხოვნილების სწრაფმა ზრდამ მას შემდეგ, რა ეკონომიკები გამოდის კორონავირუსით გამოწვეული კრიზისიდან. ზოგიერთი... Читать дальше...

"ქართული ოცნების" გენერალური მდივანი და თბილისის მერობის კანდიდატი კახა კალაძე მადლობას უხდის დღეს, 27 ოქტომბერს მათ მხარდამჭერ აქციაზე მისულ მოსახლეობას. "იმედის" ეთერში მან აქციაზე ისაუბრა და გააკრიტიკა ოპონენტები. "მადლიერება მინდა გამოვხატო ყველა იმ ადამიანის მიმართ, ვინც გამოსული იყო იქ, სადაც სჭირდებოდა ჩვენს ქვეყანას, იდგა იქ, სადაც სჭირდებოდა დედაქალაქს... ძალიან მნიშვნელოვანი იყო ის მუხტი, რაც იყო აქციაზე ამ ადამიანების მხრიდან. ბევრ აქციაში მაქვს მონაწილეობა მიღებული, 2019 წელსაც გვქონდა... Читать дальше...

"მთავარი არხის" დაკვეთით ჩატარებული კვლევის მიხედვით, ხუთ ქალაქიდან ერთში - "ქართული ოცნების" მერობის კანდიდატი ლიდერობს, ოთხში კი "ნაციონალური მოძრაობის". კვლევის მიხედვით, კანდიდატებს შორის სხვაობა რიგ შემთხვევაში იმდენად მცირეა, რომ ცდომილების ზღვრების გათვალისწინებით, შესაძლოა საპირისპირო შედეგი დადგეს. ცდომილების ზღვარი 3 პროცენტია. შერჩეული ქალაქებიდან ოთხი თვითმმართველი ქალაქია - თბილისი, რუსთავი, ბათუმი და ქუთაისი; ერთი - ზუგდიდი კი არა. გამოკითხვის დროს მკვლევარებმა დასვეს კითხვა, "მომდევნო შაბათს რომ არჩევნები ტარდებოდეს... Читать дальше...

ავღანეთში, ძალაუფლების კვლავ ხელში ჩაგდების შემდეგ, თალიბანი ცდილობს აჩვენოს, თითქოს გამჭვირვალობის მომხრეა, მაგრამ მოქმედი შინაგან საქმეთა მინისტრის, სირაჯუდინ ჰაყანის გამოსახულების, მისი სახის, მისი ფოტოების დამალვა, საპირისპიროზე მეტყველებს.

დღეს, 27 ოქტომბერს, საქართველოში არ შემოუშვეს უკრაინელი ჟურნალისტები ჯგუფი, მათ შორის ცნობილი წამყვანი დმიტრი გორდონი. დიმიტრი გორდონმა დეპორტაციის შემდეგ ვიდეომიმართვა ჩაწერა და თბილისის აეროპორტში მომხდარს საერთაშორისო სკანდალი უწოდა.

მართლმსაჯულების ევროპულმა სასამართლომ პოლონეთს დღეში მილიონი დოლარის გადახდა დააკისრა. ამ ჯარიმის გადახდა მას დაევალა იმის გამო, რომ ვარშავამ არ შეასრულა ამავე სასამართლოს მიერ ადრე მიღებული გადაწყვეტილება, რომ საჭიროა პოლონეთის უზენაესი სასამართლოს დისციპლინარული პალატის გაუქმება. საქმე ეხება მორიგ ფაზას პოლონეთსა და ევროკავშირის ხელმძღვანელობას შორის კონფლიქტისა პოლონეთის სასამართლო სისტემის დამოუკიდებლობის თაობაზე. ის უკვე რამდენიმე წელი გრძელდება. ევროკომისიამ მწვავედ გააკრიტიკა 2018 წელს დისციპლინარული პალატის შექმნა. Читать дальше...

27 ოქტომბრის აქციაზე „ქართულმა ოცნებამ“ თბილისში რეგიონებიდან ათობით ათასი ადამიანი ჩამოიყვანა. პარტიის ლიდერებმა თავიანთ გამოსვლებში ძირითადი დრო წინა ხელისუფლებაზე ლაპარაკს დაუთმეს. ეს არავისთვის იყო მოულოდნელი.

საქართველოს მესამე პრეზიდენტი და უკრაინის რეფორმების ეროვნული საბჭოს აღმასრულებელი კომიტეტის თავმჯდომარე მიხეილ სააკაშვილი 1 ოქტომბრიდან რუსთავის საპატიმრო დაწესებულებაში შიმშილობს. 27 ოქტომბერს სააკაშვილი უკრაინის ომბუდსმენმა, ლიუდმილა დენისოვამ მოინახულა.

"ნაციონალური მოძრაობა" პატიმრობაში მყოფი საქართველოს მესამე პრეზიდენტის მიხეილ სააკაშვილის გათავისუფლების მოთხოვნით ზუგდიდში აქციას "ბრძოლა გამარჯვებისთვის, ბრძოლა მიშას თავისუფლებისთვის" მართავს. მოქალაქეები მერიასთან არიან შეკრებილი, სადაც საგანგებოდ არის სცენა მოწყობილი სიტყვით გამომსვლელებისთვის. აქციის მონაწილეები საქართველოს დროშებით არიან მისული და პერიოდულად სკანდირებენ "მიშა, მიშა!" აქციის დაწყებამდე, სცენაზე დამონტაჟებულ ეკრანზე ჩართეს მიხეილ სააკაშვილის ერთ-ერთი ვიდეო, რომელიც რამდენიმე... Читать дальше...

"ყველაზე საშიშია ეს დაყოფა ბანაკებად და პოლარიზაცია, რომელიც უფრო და უფრო მძაფრდება და ასეთი ხარისხის პოლარიზაცია ძნელია შეინარჩუნო დიდხანს ისე, რომ ამან არ იფეთქოს. ადამიანების ნერვებს აქვს საზღვარი და საზოგადოების დაძაბვასაც", - ამბობს ლაშა ტუღუში, "ლიბერალური აკადემია თბილისის" დირექტორი.

საქართველოს პრეზიდენტი სალომე ზურაბიშვილი აცხადებს, რომ რუსეთისგან აფხაზეთის ოკუპაცია საფრთხეს უქმნის არა მხოლოდ ქართული, არამედ აფხაზური ენაც. ასე გამოეხმაურა პრეზიდენტი აფხაზური ენის დღეს, რომელიც დღეს, 27 ოქტომბერს აღინიშნება. "დღეს აფხაზეთში ერთნაირად დასაცავია ქართული და აფხაზური ენები! ოფიციალურად ანტიქართულმა და შინაარსით ანტიაფხაზურმა პოლიტიკამ აფხაზური ენა გაქრობის საფრთხის წინაშე დააყენა, რასაც აღიარებს იუნესკო და მსოფლიო სამეცნიერო საზოგადოება", - ამბობს პრეზიდენტი. მისივე თქმით... Читать дальше...

ბარსელონის ქალაქის საბჭომ ვეტო დაადო რუსეთის მუზეუმ „ერმიტაჟის“ ფილიალის პროექტს. მუზეუმის წარმომადგენლები არ დათანხმდნენ ქალაქის მიერ შეთავაზებულ ფართობზე. ამის შესახებ იტყობინება კატალონიური გამოცემა ToT-ი. მერიაში მიაჩნიათ, რომ პროექტი წმინდად კომერციული ხასიათისაა და უსარგებლოა ქალაქისა და კულტურის განვითარებისთვის. "ერმიტაჟის" ფილიალის გახსნის თაობაზე კატალონიის ხელისუფლებასთან შეთანხმება ჯერ კიდევ 2012 წელს იქნა მიღწეული. მაგრამ ბარსელონის მერიამ 9 წლის განმავლობაში არ გასცა მშენებლობის უფლება. Читать дальше...

საქართველოს მესამე პრეზიდენტის, მიხეილ სააკაშვილის ადვოკატი და "მთავარი არხის" დირექტორი, ნიკა გვარამია იმ გარემოებებზე დეტალურად საუბრობს, რის გამოც მისი დაცვის ქვეშ მყოფის გლდანის ციხის საავადმყოფოში გადაყვანაზე უარს ამბობს. მან საგანგებო ბრიფინგზე თქვა, რომ დღეს ამ საავადმყოფოს შესაბამისი ლიცენზია არ აქვს და "გამოშიგნულია". მისი ინფორმაციით, ეს კლინიკა 2019 წლიდან გადავიდა ე.წ. მილევად რეჟიმზე და გაუქმდა ქირურგიის, ანესთეზია-რეანიმაციის და ხანგრძლივი მოვლის განყოფილება, რეორგანიზაციის დასრულების... Читать дальше...

საქართველოში ამერიკის შეერთებული შტატების ელჩი კელი დეგნანი, მედიასთან საუბარში გამოეხმაურა პატიმრობაში მყოფი საქართველოს მესამე პრეზიდენტის ჯანმრთელობის მდგომარეობის საკითხს, ელჩის სიტყვებით, ყურადღებით აკვირდებიან მის მდგომარეობას. „რასაკვირველია, ყველას გვაშფოთებს ბატონი მიხეილ სააკაშვილის ჯანმრთელობის მდგომარეობა. როდესაც საკითხი ეხება ადამიანის ჯანმრთელობას, ძალიან მნიშვნელოვანია კვალიფიციური სპეციალისტების მეთვალყურეობა და მოხარულები ვართ, რომ არსებობს მულტიდისციპლინური ჯგუფი, რომელიც თვალყურს ადევნებს მის მდგომარეობას... Читать дальше...

საქართველოს სახალხო დამცველი შეშფოთებას გამოთქვამს უკრაინის სახალხო დამცველისთვის საქართველოს საზღვარზე შექმნილი დაბრკოლებების გამო. ომბუდსმენი მიიჩნევს, რომ მსგავსი ფაქტები კატეგორიულად მიუღებელია დემოკრატიულ სახელმწიფოში და ლახავს ქვეყნის რეპუტაციას. "ლუდმილა დენისოვას განცხადებით, საქართველოს სახელმწიფო საზღვრის კვეთის მიზნით საქართველოს შინაგან საქმეთა სამინისტროს წარმომადგენელს მიაწოდა დეტალურად ინფორმაცია მისი ვინაობისა და მგზავრობის მიზნის შესახებ, აგრეთვე წარდგენილ იქნა დიპლომატიური სამგზავრო დოკუმენტი. Читать дальше...

"ლიბერალური აკადემია - თბილისის" დირექტორმა ლაშა ტუღუშმა რადიო თავისუფლების „საღამოს საუბრებში“ ქვეყანაში არსებულ პოლიტიკურ დაძაბულობასა და მისი განმუხტვის შესაძლო ფაქტორებზე საუბრისას თქვა, რომ პირველ რიგში აუცილებელია, საქართველოს მესამე პრეზიდენტს, ციხეში მყოფ მიხეილ სააკაშვილს ნორმალური მკურნალობის საშუალება მიეცეს. ლაშა ტუღუშმა გადაცემაში აღნიშნა, რომ მისთვის გაუგებარია, რატომ ეუბნებიან მიხეილ სააკაშვილს მულტიფუნქციურ სამედიცინო დაწესებულებაში მკურნალობაზე უარს. „შემიძლია რაღაცეები ვივარაუდო... Читать дальше...

ტაჯიკეთმა დაამტკიცა ტაჯიკეთ-ავღანეთის საზღვრის მახლობლად ჩინეთის სამხედრო ბაზის მშენებლობა, რაც რეგიონში პეკინის მზარდი გავლენის ნიშნად აღიქმება. ტაჯიკეთის პარლამენტის ქვედა პალატამ 27 ოქტომბერს მოიწონა ბაზის მშენებლობა, რაც არის ტაჯიკეთის შინაგან საქმეთა სამინისტროსა და ჩინეთის სახალხო უსაფრთხოების სამინისტროს შორის მიღწეული შეთანხმების ნაწილი. ტაჯიკეთის შინაგან საქმეთა მინისტრის პირველმა მოადგილემ, აბდურაჰმონ ალამშოზოდამ განაცხადა, რომ ობიექტი განლაგებული იქნება სოფელ ვახონში, მთიანი ბადახშანის... Читать дальше...

თბილისში, თავისუფლების მოედანზე "ქართული ოცნების" აქცია დასრულდა. აქციის მონაწილეებს პარტიის ლიდერები ზუსტად ერთი საათის განმავლობაში მიმართავდნენ. აქციაზე რამდენიმე ათეული ათასი ადამიანი იყო მისული, ხალხი სიმრავლის გამო თავისუფლების მოედნის გარდა, რუსთაველის გამზირის ნაწილსაც ფარავდა, მათ შორის, პარლამენტის მიმდებარე ტერიტორიას. პირველად სიტყვით ამომრჩეველს ზუგდიდის მაჟორიტარმა დეპუტატმა ირაკლი ჩიქოვანმა მიმართა. "ძალიან მნიშვნელოვანია დღევანდელი შეხვედრა, ადამიანები, რომლებიც 2012 წლიდან მოყოლებული... Читать дальше...

თბილისის მერი და "ქართული ოცნების" მერობის კანდიდატი, კახა კალაძე ამბობს, რომ თბილისის მერად არჩევის დროს მიეცა შესაძლებლობა ემსახურა ქალაქისთვის და ამით ბედნიერი იყო. თბილისის მოსახლეობას მან არჩევნებამდე რამდენიმე დღით ადრე გამართულ აქციაზე, თბილისიდან, თავისუფლების მოედნიდან მიმართა. "თბილისთან განსაკუთრებული დამოკიდებულება მაქვს. ამ ქალაქმა მომცა ყველაფერი, რისი მოცემაც შეეძლო - ურთიერთობები, სიყვარული, მეგობრები და შესაძლებლობა, მეზრუნა თბილისზე და თბილისელებზე. ამიტომ, მეც არასდროს ვზოგავდი თავს... Читать дальше...

მიხეილ სააკაშვილის დედა, გიული ალასანია რუსთავის მე-12 პენიტენციურ დაწესებულებაში შვილის მონახულების შემდეგ მედიასთან ამბობს, რომ ყოფილი პრეზიდენტი უარს ამბობს რეანიმობილსა და სამედიცინო დახმარების მიღებაზე. როგორც ექსპრეზიდენტის დედა ამბობს, გადაწყვეტილება სააკაშვილმა მას შემდეგ მიიღო, რაც ადვოკატებთან კომუნიკაცია შეეზღუდა. "ახლა მქონდა კომუნიკაცია, მაგრამ შუაში ფანჯარა გვყოფს და უშუალო ურთიერთობა არ გვაქვს. როგორც მივხვდი, ადვოკატებსაც ასეთი ურთიერთობა უნდა ჰქონდეთ. ეს არ შეიძლება, რადგან ადვოკატთან ურთიერთობა უნდა იყოს კონფიდენციალური. Читать дальше...

თბილისის მერი და "ქართული ოცნების" მერობის კანდიდატი, კახა კალაძე ამომრჩეველს მადლობას უხდის 2 ოქტომბერს, თვითმმართველობის არჩევნებზე ხმის მიცემისთვის. მან არჩევნებამდე რამდენიმე დღით ადრე გამართულ აქციაზე თქვა, რომ "ქართველმა ხალხმა კიდევ ერთხელ აირჩია თავისუფლება, სიმართლე, სამართლიანობა, მშვიდობა და განვითარება". "თითოეულ თქვენგანს გადაგიხდით უდიდეს მადლობას 2 ოქტომბრის გამარჯვებაში შეტანილი წვლილისთვის. ეს არჩევნები იყო ბევრად მეტი, ვიდრე ადგილობრივი თვითმმართველობის არჩევნები. ეს იყო არჩევნები... Читать дальше...

საქართველოს კულტურის მინისტრი და "ქართული ოცნების" ლიდერი თეა წულუკიანი ამბობს, რომ ბრძოლა საქართველოს მესამე პრეზიდენტის მიხეილ სააკაშვილის დაპატიმრებით არ დამთავრებულა. მან აქციაზე ტრიბუნა ციხეში მყოფი სააკაშვილისადმი მიმართვისთვისაც გამოიყენა. "მე მინდა შევახსენო ყველას, როგორც ჩემი თაობის წარმომადგენელმა, დღეს ჩვენ, "ქართულ ოცნებას", ხელისუფლება დემოკრატიული წესით გვაქვს მოპოვებული. სააკაშვილო, გამოიხედე ციხის საკნიდან, ნახე, რამდენი თავისუფალი ქართველია აქ, რომელსაც ახსოვს შენი მოძალადეობრივი რეჟიმი, რომელსაც არ უნდიხარ. Читать дальше...