Новости за 21.10.2021

პატიმრობაში მყოფი საქართველოს მესამე პრეზიდენტი მოინახულა პირადმა ექიმმა ნიკოლოზ ყიფშიძემ. მისი მონაცემებით, მიხეილ სააკაშვილის ჯანმრთელობის მდგომარეობა დაახლოებით ისეთივეა, როგორც წინა დღეს. ამჟამად ყველაზე აქტუალური საკითხი სააკაშვილის შესაძლო ჰოსპიტალიზაციას ეხება. „სააკაშვილი ჰოსპიტალიზაციაზე არის თანახმა, მაგრამ პრობლემა არის სად? როგორ? და როდის? ალბათ შეიძლება ხვალ ვიფიქროთ მის ჰოსპიტალიზაციაზე, მაგრამ სად, ეს კიდევ კითხვაა.  გლდანში გადაყვანის საკითხი უკავშირება მთელ რიგ პრობლემებს. პირველ რიგში, ეს არის უსაფრთხოება. Читать дальше...

ნატოს წევრი ქვეყნების საგარეო საქმეთა მინისტრებმა ხუთშაბათს ბრიუსელში შეათანხმეს რუსეთის მხრიდან სხვადასხვა ფრონტზე ნებისმიერი პოტენციური თავდასხმისგან თავის დაცვის გეგმა. დოკუმენტში ხაზგასმულია, რომ ჩრდილოატლანტიკური ალიანსის მთავარი მიზანი კვლავაც არის მოსკოვის შეკავება, მიუხედავად იმისა, რომ სულ უფრო და უფრო მეტი ყურადღება ექცევა ჩინეთის მოქმედებებს. ნატოს სტრატეგია, რომელსაც კონფრონტაციული ხასიათი აქვს, მიმართულია ნებისმიერი სინქრონული თავდასხმისთვის მზადყოფნისთვის ბალტიისა და შავი ზღვების რეგიონებში... Читать дальше...

ათი წლის წინ, 2011 წლის 20 ოქტომბერს, ლიბიაში, მის მშობლიურ ქალაქ სირტთან გზაზე, მეამბოხეებმა მოკლეს მსოფლიოს ერთ-ერთი ყველაზე ცნობილი და კოლორიტული დიქტატორი, მუამარ კადაფი.

"ამომრჩეველი იმაზე მეტს ფიქრობს და იმაზე მეტ ანალიზს აკეთებს, ვიდრე ეს პოლიტიკური პარტიების ლიდერებს წარმოუდგენიათ", - აცხადებს ვასილ ურუშაძე, ნიკა მელიას მიერ დასახელებული კოალიციური კაბინეტის წევრობის (ტრანსპორტისა და ურბანული განვითარების სააგენტოს უფროსის პოსტზე) კანდიდატი.

19 ოქტომბერს თეოლოგი გოჩა ბარნოვი და ფილოლოგიის დოქტორი თამარ მესხი კონსტანტინოპოლის და მსოფლიო პატრიარქს, ბართლომე I-ს სტამბოლში შეხვდნენ. შეხვედრა, როგორც გოჩა ბარნოვი ამბობს,  სულ რამდენიმე წუთს გაგრძელდა.

რუსეთის ოპოზიციონერმა პოლიტიკოსმა, პატიმრობაში მყოფმა ალექსეი ნავალნიმ მისთვის სახაროვის სახელობის პრემიის მინიჭება მიუძღვნა მსოფლიოს ყველა მებრძოლს კორუფციის წინააღმდეგ. ამის თაობაზე კომენტარი ხუთშაბათს გამოჩნდა ოპოზიციონერი პოლიტიკოსის სოცქსელებში. ტექსტში ლაპარაკია მებრძოლებზე - „ჟურნალისტებიდან ადვოკატებამდე, მოხელეებიდან და დეპუტატებიდან იმ ადამიანებამდე, ვინც ქუჩაში გადის, რათა მხარი დაუჭიროს ამ ბრძოლას“. „მინდა მათ ვუსურვო ენერგიულობა და სიმამაცე იმ მომენტებში, როცა ცოტა საშიშია ხოლმე,“ წერს ოპოზიციონერი. Читать дальше...

არჩევნების მეორე ტურის წინ, დედაქალაქში კოალიციური მთავრობის შეთავაზებით, ნიკა მელიამ თბილისელებს უთხრა, რომ - 30 ოქტომბერს, საარჩევნო ბიულეტენში 5-იანის შემოხაზვით, ისინი ხმას აძლევენ არა მხოლოდ „ნაციონალურ მოძრაობას“, არამედ - ერთბაშად 6 პარტიის კოალიციურ მმართველობას.

ნიკოლოზ სააკაშვილი, პატიმრობაში მყოფი საქართველოს მესამე პრეზიდენტის მამა „ჩაფიძის გულის ცენტრში“ გადაიყვანეს. როგორც ექიმი ამბობს, მისი მდგომარეობა საშუალო სიმძიმისაა. „ინფორმაციას გაწვდით პაციენტთან შეთანხმებით და ნებართვით. ბატონ ნიკოლოზს აქვს გულის ქრონიკული დაავადება, ამჟამად არის ამ დიაგნოზის გამწვავება, უტარდება სტაციონარული მკურნალობა, გამოკვლევები. დიდი ალბათობით ხვალ დატოვებს კლინიკას. მდგომარეობა საშუალო სიმძიმისაა. მის სიცოცხლეს საფრთხე არ ემუქრება“, - უთხრა „მთავარ არხს“ ექიმმა ნიკა ქურიძემ. Читать дальше...

ნატოს გენერალური მდივნის, იენს სტოლტენბერგის თქმით, რუსეთთან ურთიერთობის დონემ კიდევ უფრო დაბლა დაიწია მორიგი დაპირისპირების შემდეგ, რის შედეგადაც ნატოში კრემლის წარგზავნილებს აკრედიტაცია ჩამოერთვათ, მოსკოვში კი დაიხურა ჩრდილოატლანტიკური კავშირის ოფისი. „ცივი ომის დასრულების შემდეგ არ ყოფილა უფრო რთული ვითარება,“ თქვა სტოლტენბერგმა ნატოს წევრი ქვეყნების თავდაცვის მინისტრების ორდღიანი სამიტის წინ, რომელიც 21 ოქტომბერს დაიწყო ბრიუსელში. რამდენიმე კვირის წინ ნატომ რუსეთის ექვსი აკრედიტებული წარმომადგენელი გააძევა და განაცხადა... Читать дальше...

რუსთავის #12 პენიტენციური დაწესებულებიდან პატიმრობაში მყოფი საქართველოს მესამე პრეზიდენტის მიხეილ სააკაშვილის პირველი ფოტოს გავრცელების შესახებ ინფორმაციას აქვეყნებს სპეციალური პენიტენციური სამსახური. მისი მტკიცებით, მსჯავრდებულ მიხეილ სააკაშვილს საკანი არ შეუცვლია და იმყოფება იმ საკანში, სადაც თავდაპირველად მოთავსდა. ცნობაში აღწერილია, როგორ მოახერხა სააკაშვილმა მოქალაქეებთან მისალმება. „დაწესებულების დებულების თანახმად, მიხეილ სააკაშვილს დღეს შხაპის მიღება უწევდა და შესაბამისი მოთხოვნის შემდეგ... Читать дальше...

ბრიუსელში ხუთშაბათს დაიწყო ნატოს თავდაცვის მინისტრების ორდღიანი შეხვედრა, რომელზეც ალიანსის წევრ სახელმწიფოთა მინისტრებს, სხვა საკითხებთან ერთად, განზრახული აქვთ რუსეთისგან მომდინარე ნებისმიერი პოტენციური საფრთხისგან მოკავშირეების თავდაცვის ე.წ. „მთავარი გეგმის“ განხილვა.

31 ოქტომბერს საქართველოში AstraZeneca-თი ბოლო მოქალაქეებს აცრიან. ამ ვაქცინით კორონავირუსისგან თავის დასაცავად აუცილებელია ორი აცრა 8-12 კვირის შუალედით.  "ასტრაზენეკა" მსოფლიოში ერთ-ერთი ყველაზე საუკეთესო ვაქცინაა. ამ ვაქცინით აიცრა საქართველოს პრეზიდენტი, სალომე ზურაბიშვილიც. "მოთხოვნა არ არის, სამწუხაროდ, ასტრაზენეკაზე. ვადა უთავდება რაც გვაქვს. ახალი არ შემოგვაქვს და მოხდება მეორე აცრებზე ჩანაცვლება "ფაიზერით" ან სხვა ვაქცინით, როგორც მიღებულია, ვისაც სურვილი ექნება, ძალიან ცოტაა ასეთი დარჩენილი"... Читать дальше...

რუსეთში აღმოაჩინეს COVID-19-ით დაავადების ახალი შემთხვევები კორონავირუსის ახალი ვარიანტით, რომელიც, როგორც ფიქრობენ, უფრო გადამდებია, ვიდრე Delta შტამი. შესაძლებელია, AY.4.2 ვარიანტი ფართოდ გავრცელდეს, განაცხადა 21 ოქტომბერს რუსეთის ჯანდაცვის მარეგულირებლის, „როსპოტრებნადზორის“ წამყვანმა მკვლევარმა კამილ ხაფიზოვმა. მისი თქმით, ახალმა ვარიანტმა შესაძლოა გამოიწვიოს COVID-19-ით დაავადების შემთხვევათა ნახტომისებრი ზრდა და საბოლოოდ ჩაანაცვლოს კიდეც Delta, თუმცა ეს პროცესი სავარაუდოდ ნელი იქნება. დღესვე მთავრობამ განაცხადა... Читать дальше...

საქართველოს პრეზიდენტი სალომე ზურაბიშვილი ეხმაურება ადამიანის უფლებათა ევროპული სასამართლოს მიერ გავრცელებულ ცნობას, რომლის თანახმად, დაუშვებლად ცნეს 2008 წლის აგვისტოს ომის შემდეგ საქართველოს წინააღმდეგ შეტანილი საჩივრები.  „ბეკოევა და სხვები საქართველოს წინააღმდეგ“ და „შავლოხოვა და სხვები საქართველოს წინააღმდეგ“ საქმეებში, ადამიანის უფლებათა ევროპულმა სასამართლომ კიდევ ერთხელ აჩვენა, რომ საქართველო ისტორიის სწორ მხარესაა. სტრასბურგი სასამართლოს გადაწყვეტილება საჩივრების დაუშვებლობის შესახებ კიდევ... Читать дальше...

„ნაციონალური მოძრაობის“ თავმჯდომარემ, თბილისის მერობის კანდიდატმა, არჩევნების მეორე ტურში გადასულმა ნიკა მელიამ დედაქალაქის კოალიციური მთავრობის ერთ-ერთ წევრად „ჰაბ ჯორჯიასა“ და „სამოქალაქო მოძრაობა 20|20“-ის წარმომადგენელი ვასილ ურუშაძე დაასახელა. ნიკა მელიას გამარჯვების შემთხვევაში, ვასილ ურუშაძე თბილისის ტრანსპორტისა და ურბანული განვითარების სააგენტოს უფროსის თანამდებობას დაიკავებს. რადიო თავისუფლების „საღამოს საუბრებში“ სტუმრობისას ვასილ ურუშაძემ თქვა, რომ ჯგუფის დაკომპლექტებისთვის წარმოებული... Читать дальше...

პატიმრობაში მყოფი საქართველოს მესამე პრეზიდენტის ადვოკატმა მასთან შეხვედრის შემდეგ დაასახელა ადგილი, საიდანაც სააკაშვილი მიესალმა ციხესთან მყოფ მოქალაქეებს. „მიხეილ სააკაშვილი აღმოჩნდა ტექნიკური პროცედურებისთვის გზის ნაპირას მდებარე ოთახში, სადაც მან გაიგო, რომ გარეთ მიმდინარეობდა აქცია და, შესაბამისად, ვერაფერმა დააბრკოლა მისი სურვილი, რომ დაემყარებინა კომუნიკაცია ამ ხალხთან, ვიზუალური კომუნიკაცია ამ შემთხვევაში“, - თქვა დიმიტრი საძაგლიშვილმა. მიხეილ სააკაშვილი კი მადლობას უხდის მოქალაქეებს. Читать дальше...

სამხრეთმა კორეამ სამიზნე ორბიტაზე ვერ გაიყვანა მასიური გაბარიტის კოსმოსური თანამგზავრის მაკეტი ისტორიაში საკუთარი წარმოების პირველი მზიდი რაკეტით. რაკეტის მესამე საფეხურის ძრავამ დაგეგმილზე 46 წამით ნაკლებ ხანს იმუშავა. ამის შესახებ საინფორმაციო სააგენტო Yonhap-ი იტყობინება. სამხრეთმა კორეამ 21 ოქტომბერს გაუშვა პირველი მზიდი რაკეტა, რომელიც მთლიანად ქვეყნის შიგნით არის დამზადებული. რაკეტა „ნურის“ სტარტი ადგილობრივი დროით 17 საათზე შედგა პროვინცია ჩოლა-ნამდოს კოსმოდრომ ნაროდან, რომელიც დედაქალაქ სეულიდან 470 კილომეტრზე მდებარეობს. Читать дальше...

ახალციხელი ექთნის მეგი ბაქრაძის გარდაცვალების მიზეზების გამოძიება ფაქტობრივად გაჩერებულია. 6 თვეა ვერ ახერხებს საგამოძიებო ორგანო სამხარაულის სახელობის ექსპერტიზის ბიუროდან ექსპერტიზის დასკვნის მიღებას, რაც იმას ნიშნავს, რომ თუ ექთანი ვინმეს დაუდევრობით გარდაიცვალა, არათუ ბრალი არ აქვს წაყენებული, დადგენილიც კი არ არის. ახალციხელი ექთანი 18 მარტს, საქართველოში კორონავირუსის საწინააღმდეგო ვაქცინაციის მესამე დღეს კლინიკა "იმედში", კოლეგამ აცრა. აცრიდან რამდენიმე წუთში იგი ცუდად გახდა, გონება დაკარგა, მეორე დღეს კი გარდაიცვალა. Читать дальше...

დიმიტრი საძაგლიშვილი, საქართველოს მესამე პრეზიდენტის მიხეილ სააკაშვილის ადვოკატი, მასთან ციხეში შეხვედრის შემდეგ ეხმაურება ჰოსპიტალიზაციის საკითხზე იუსტიციის მინისტრის რატი ბრეგაძის განცხადებას. ადვოკატის შეფასებით, მინისტრის განცხადება ნიშნავს, რომ ხელისუფლებას უბრალოდ არ სურს მიხეილ სააკაშვილის ჰოსპიტალიზება. „ჯანმრთელობის მდგომარეობას და ჰოსპიტალიზაციას რაც შეეხება, ჩვენ მოვისმინეთ იუსტიციის მინისტრის განცხადება. პირველ რიგში უნდა ითქვას, რომ ჩვენ მანამდე მოვისმინეთ ასევე იუსტიციის მინისტრის განცხადება... Читать дальше...

რუსეთში, როსტოვის რეგიონში მდებარე ბირთვული ელექტროსადგური ქსელიდან გამორთეს მას შემდეგ, რაც ორთქლის გაჟონვა აღმოაჩინეს. მაგრამ, როგორც ელექტროსადგურის ოპერატორი იტყობინება, რადიაციის დონე ნორმალურია. „მეორე ენერგობლოკი ქსელიდან გათიშეს თბომექანიკური მოწყობილობის რემონტისთვის“, განაცხადა 21 ოქტომბერს „როსენერგოატომმა“, სახელმწიფო ბირთვული სააგენტოს, „როსატომის“ შვილობილმა კომპანიამ. მანამდე როსტოვის ატომურ ელექტროსადგურში მუშებმა 18-მილიმეტრიანი ნაპრალი იპოვეს შედუღებულ მილში, რომელიც ტენიანობისა და ორთქლის დონის კონტროლისთვის გამოიყენება. Читать дальше...

კორონავირუსის საწინააღმდეგო ვაქცინა „სინოვაკის“ პირველი დოზით აიცრა დღეს საგარეჯოს მუნიციპალიტეტის სოფელ მანავში მცხოვრები 96 წლის ნინო ფეიქრიშვილი. როგორც ის ამბობს, თავს კარგად გრძნობს და იმუნიზაციის პროცესში აქტიურობისკენ მოუწოდებს თანასოფლელებსაც. „ვაქცინაციის მარათონის“ ფარგლებში აიცრა მანავის საჯარო სკოლის პედაგოგი მაია დიდებულიძეც. „ჯერ იმიტომ ავიცერი, რომ მოქალაქეობრივი ვალი მოვიხადე, და მეორეც, იმიტომ, რომ მასწავლებლობა ბევრ პასუხისმგებლობას გვაკისრებს. გარდა ამისა, მინდა ძველი ცხოვრება დაბრუნდეს... Читать дальше...

იუსტიციის მინისტრი რატი ბრეგაძე მედიასთან საუბარში გამოეხმაურა პატიმრობაში მყოფი საქართველოს მესამე პრეზიდენტის მიხეილ სააკაშვილის ადვოკატების განცხადებას. მისი სიტყვებით, თუ ისინი საჭიროების შემთხვევაში სააკაშვილის სპეციალური პენიტენციური სამსახურის №18 სამკურნალო დაწესებულებაში გადაყვანას „შურისძიებად“ აფასებენ, ამაზე სერიოზულ კომენტარს ვერ გააკეთებს. „მრავალგზის განვაცხადეთ, რომ ჩვენი მთავარი პრიორიტეტი და მიზანია, დაცული იყოს პატიმრის უფლებები და მისი ჯანმრთელობის მდგომარეობა იყოს სტაბილური. Читать дальше...

მოლდოვამ საერთაშორისო სავალუტო ფონდთან (IMF) 564 მილიონი დოლარის დროებითი სესხის შესახებ შეთანხმებას მიაღწია 40-თვიანი პერიოდისთვის. პრემიერ-მინისტრმა ნატალია გავრილიტამ 21 ოქტომბერს განაცხადა, რომ სესხის პირველი, 81-მილიონიანი ტრანშის მიღება მიმდინარე წლის ბოლოსთვის არის შესაძლებელი მას შემდეგ, რაც დეკემბერში გაიმართება IMF-ის ხელმძღვანელთა და მისი დირექტორთა საბჭოს შეხვედრა. ევროპის ყველაზე ღარიბი ქვეყანა კორონავირუსის პანდემიით გამოწვეული ეკონომიკური კრიზისიდან გამოდის. IMF-ის თანახმად, 2021 წლისთვის მოლდოვის ეკონომიკის ზრდის პროგნოზი 4... Читать дальше...

ზუგდიდში, საქართველოს პრემიერ-მინისტრ ირაკლი ღარიბაშვილს პარტია „დროას” ადგილობრივი ორგანიზაციის წარმომადგენელი მარიამ სიჭინავა საპროტესტო პლაკატით დახვდა და მასთან გასაუბრება სცადა, რისი შესაძლებლობაც არ მიეცა. ის სამართალდამცავებმა და ადგილზე შეკრებილმა მოქალაქეებმა ტერიტორიას განარიდეს. ამის შესახებ, რადიო თავისუფლების კორესპონდენტი ადგილიდან იუწყება. პლაკატზე იყო წარწერა: „ჟურნალისტობა დანაშაული არაა, ლექSOS თვის!!! გვახსოვს”. მარიამ სიჭინავას თქმით, პრემიერისთვის კითხვის დასმა სურდა, რატომ... Читать дальше...

შინაგან საქმეთა სამინისტრომ სისხლის სამართლის კოდექსის 180-ე, თაღლითობის მუხლით დაიწყო გამოძიება 20 ოქტომბერს, „გოგელიას კლინიკაში“ მომხდარი ფაქტის გამო. მოქალაქეები, რომლებსაც სეზონური გრიპის საწინააღმდეგო ვაქცინა „ვაქსიგრიპი“ უნდა გაეკეთებინათ, აცხადებენ, რომ ვაქცინის მაგივრად, ექიმმა ისინი C ვიტამინით აცრა. როგორც შს სამინისტროში უთხრეს რადიო თავისუფლებას, ამ ეტაპზე, უწყება ახორციელებს ყველა შესაბამის საგამოძიებო ღონისძიებას. იდენტიფიცირებული და დაკავებულია თუ არა პირი, რომელმაც 35-მდე მოქალაქე გრიპის ვაქცინის ნაცვლად C ვიტამინით აცრა... Читать дальше...