Nuorra dievddut eai jienastan
Dušše bealli dievdoolbmuin vuollel 35 jagi, geain lea vuođđoskuvlaoahppu, jienastedje Stuoradiggeválggain. Sii leatge dat joavku, mat unnimusat atnet jienastanvuoigatvuođaset, čájehit SSB logut. 54% dan joavkkus serve válggaide. Ja golmma maŋemuš Stuoradiggeválggas dán joavkkus lei oassálastin 25% unnit go sis geain lea alitoahppu. Nissonolbmuin, vuollel 35 jagi, main lea vuođđoskuvlaoahppu, serve bealli sis ovddit stuorradiggeválggaide, ja sin oassálastin lea gorgŋon 64 prosentii dán jagi.