У Нацыянальным мастацкім музеі адбыліся масавыя звальненні
З музея было звольнена васемнаццаць чалавек. Рашэнне аб звальненні гэтых людзей было прынята ў адзін дзень — 23 снежня 2022 года.
Artykuł У Нацыянальным мастацкім музеі адбыліся масавыя звальненні pochodzi z serwisu БЕЛАРУСКАЕ РАДЫЁ РАЦЫЯ.
З музея было звольнена васемнаццаць чалавек. Пра гэта рэдакцыі «Зеркало» паведамілі чытачы. Інфармацыя была пацверджана знаёмымі звольненых.
Рашэнне аб звальненні гэтых людзей было прынята ў адзін дзень — 23 снежня 2022 года. За тыдзень да гэтага, 17 снежня, на адным з прапагандысцкіх рэсурсаў з’явілася абразлівае паведамленне аб намесніцы дырэктара Нацыянальнага мастацкага музея па навуковай і асветніцкай працы Святлане Анейка і аб кіраўніцы аддзела беларускага мастацтва ХХ — ХХI стагоддзяў Кацярыне Ізафатавай.
У выніку абедзве супрацоўніцы былі звольненыя. Таксама пазбавіўся сваёй пасады намеснік дырэктара па агульных пытаннях і рэстаўрацыі Сяргей Вечар. У выніку ў гендырэктара Уладзіміра Пракапцова, які падпісаў загады аб звальненні, не засталося ніводнага намесніка.
Гэта не першае звальненне з Мастацкага музея. У пачатку снежня 2022 года адтуль была вымушана сысці Ірына Моніч, маці мастацтвазнаўцы Мікіты Моніча. Апошні быў звольнены з музея яшчэ ў 2020 годзе.
Artykuł У Нацыянальным мастацкім музеі адбыліся масавыя звальненні pochodzi z serwisu БЕЛАРУСКАЕ РАДЫЁ РАЦЫЯ.