Projektligji iranian parasheh 10 vjet burgim për mosrespektim të kodit të veshjes

Parlamenti i Iranit e ka miratuar një projektligj kontrovers që parasheh rritjen e dënimit me burg dhe gjobë për vajzat dhe gratë që e shkelin kodin e veshjes.

Ato që vishen “në mënyrë jo të duhur” mund të përballen me deri në 10 vjet burgim.

Dokumenti duhet të miratohet nga Këshilli i Gardës për t’u kthyer në ligj.

Ky vendim është marrë një vit pas protestave që kanë shpërthyer pak ditë pas vdekjes së Mahsa Aminit, sa ka qenë në mbajtje nga Policia e “moralit”, nën dyshimet se nuk e ka vendosur si duhet mbulesën në kokë.

Gratë i kanë djegur shamitë e kokës dhe kanë protestuar kundër klerikëve në pushtet.

Në këto protesta është raportuar se mijëra persona janë vrarë, në tentim e sipër të forcave të sigurisë për t’i shtypur ato.

Një numër në rritje i grave dhe vajzave nuk janë duke e mbuluar kokën në publik, pavarësisht kthimit të Policisë së “moralit” nëpër rrugë, si dhe instalimit të kamerave të vëzhgimit.

Sipas ligjit iranian, i cili është i bazuar në interpretimin e Islamit nga shiitët, gratë dhe vajzat që janë në moshë të pubertetit, duhet ta mbulojnë kokën me të vishen me një fustan që ua fsheh formën e trupit.

Aktualisht, ato që nuk e zbatojnë rregullin, mund të ndëshkohen me 10 ditë deri në dy muaj burgim, ose me gjobë prej 10 dollarëve amerikanë.

Nëse miratohet ligji i ri, gjoba rritet deri në 7.302 dollarë amerikanë.