Новости за 14.08.2022

Shpërthimi i një zjarri në një kishë të mbushur me njerëz, afër kryeqytetit të Egjiptit, Kajro, la të vdekur të paktën 41 persona dhe plagosi 14 të tjerë. Kisha u mbush shpejt me tym të dendur të zi dhe dëshmitarët thanë se disa u hodhën nga katet e sipërme për të shpëtuar. "Ngulfatje, mbytje, të gjithë të vdekur", tha një dëshmitar i shqetësuar, i cili dha vetëm një emër të pjesshëm, Abu Bishoy. Shkaku i zjarrit në kishën Abu Sefein në lagjen e klasës punëtore, Imbaba, nuk dihet. Pamjet... Читать дальше...

Shoqatat që mbledhin rreth vetes personat me nevoja të veçanta kërkojnë rritjen e ndihmës financiare nga shteti pasi edhe kjo kategori, sipas tyre, po ndjen pasojat e krizës ekonomike që ka përfshirë edhe Maqedoninë e Veriut. Në këtë shtet janë të regjistruar rreth 15 mijë persona me nevoja të veçanta, që marrin ndihmë financiare nga shteti në vlerë mes 6.000 dhe 11.000 denarësh (100 deri 180 euro). Monika Tomçevska është nënë e një fëmije me autizëm. Ajo merr një ndihmë prej 6.200 denarësh nga shteti. Читать дальше...

Bashkimi Evropian  ka akuzuar talibanët se "kanë dështuar të krijojnë një sistem politik gjithëpërfshirës", në prag të përvjetorit të parë të sundimit të lëvizjes islamike. "Popullsia, duke përfshirë grupet etnike dhe fetare, në veçanti popullatën Shiite, po përjetojnë abuzim të institucionalizuar dhe sistematik të të drejtave të tyre ekonomike, sociale, kulturore, civile dhe politike", tha më 14 gusht, Nabila Massrali, zëdhënëse e BE-së për çështjet e Jashtme. “Më konkretisht, ata kanë shkelur... Читать дальше...

Një qytet i përgjumur po shndërrohet në një galeri gjigante arti në natyrë në përpjekje për të përmirësuar jetën rurale.

Salman Rushdie është hequr nga oksigjeni dhe është në gjendje të flas, pasi pësoi lëndime të rënda nga një sulm me thikë. Agjenti i tij, Andrew Wylie, e konfirmoi informacionin më 13 gusht për mediat amerikane, por nuk dha detaje tjera. Rushdie, një shkrimtar me origjinë indiane, i cili para disa viteve u urdhërua të vritej nga Irani për shkak të shkrimeve të tij, u sulmua më 12 gusht derisa ishte në skenë, gjatë një seminari në Nju Jork. Sulmuesi, Hadi Matar, 24-vjeçar nga Nju Xhersi u deklarua i pafajshëm. Читать дальше...

Komuniteti boshnjak në Kosovë, që ka rreth 30 mijë banorë, prej vitesh kërkon themelimin e tri komunave të reja në lokalitetet ku është shumicë. Premtime për këtë iu dhanë shumë politikanë shqiptarë, por gjasat për bërjen realitet të këtyre kërkesave, aktualisht janë të vogla. Derisa banorët lokalë thonë se formimi i një komune të re do të nxiste punësimin dhe zhvillimin ekomomik të zonës, ekspertët e qeverisjes lokale thonë se këto komuna nuk do të kishin qëndrueshmëri financiare.

Bashkimi Evropian ka ftuar liderët politikë në Kosovë dhe Serbi që menjëherë t’i japin fund retorikës nxitëse dhe të veprojnë me përgjegjësi. BE-ja ka shprehur shqetësim për deklaratat në të cilat përmenden lufta dhe konflikti, dhe ka shtuar se “do t’i mbaj përgjegjës liderët politikë për çfarëdo përshkallëzimi të situatës në rajon”. Kështu thuhet në deklaratën e 14 gushtit të BE-së, dërguar nga zëdhënësi, Peter Stano. “Rritja e retorikës nxitëse kohëve të fundit nga ana e zyrtarëve të Kosovës dhe Serbisë... Читать дальше...

Artistja izraelite, Sigalit Landau, futet në ujin e ngrohtë dhe të shëllirtë të Detit të Vdekur, për të inspektuar krijimet e saj më të reja – objekte të përditshmërisë, të veshura me kristale kripe, të cilat shkëlqejnë në diellin e ndritshëm mëngjesor. Pika më e ulët në Tokë është po ashtu studioja e Landaut, ku ajo i zhyt objektet nën ujë dhe i mban aty me javë, derisa ato të jenë transformuar në mënyrë magjike nga shtresat e kripës që duken sikur akull. (Përgatitën: Trim Haliti dhe Arben Hoti)

Shpallja e fituesve dhe ndarja e çmimeve në Prizren mbylli perden e edicionit të 21-të Dokufest-it, festivalit ndërkombëtar të filmit dokumentar dhe atij të shkurtër. Filmi më i mirë ballkanik është shpallur “Fabrika e punëtorëve” e Sërxhan Kovaçeviq, regjisor dhe kinematograf nga Zagrebi. Ky film flet për punëtorët që në vitin 2005 morën fabrikën ITAS në Ivanac, një qytet jo shumë larg Varazhdinit në Kroacinë veriore, të cilët u bënë shembulli i vetëm i suksesshëm i vetë-menaxhimit të punëtorëve në Evropën post-socialiste. Читать дальше...