Новости за 13.11.2020

I gjendur mes protestave masive në Bjellorusi që kërkojnë dorëheqjen e tij, Alyaksandr Lukashenka nuk tregon shenja zmbrapsjeje. Ai është zotuar sërish se nuk do t’ia dorëzojë pushtetin askujt. Duke folur para gazetarëve bjellorusë, kazakë, rusë dhe ukrainas, të premten, Lukashenka kritikoi ashpër kundërshtarët e tij politikë dhe ata që po protestojnë kundër rizgjedhjes së tij si president. Ai tha se vendi i tij duhet të integrohet në organizatat e drejtuara nga Moska për të shmangur atë që ai e quajti "Revolucion me ngjyra"... Читать дальше...

Maqedonia e Veriut të premten ka regjistruar 25 persona të vdekur nga COVID-19, ndërsa 1.064 të infektuar dhe 507 të shëruar, bazuar në raportin e Institutit të Shëndetit Publik që i referohet 3.096 testeve të bëra në 24 orët e fundit. Viktimat janë: pesë në Kumanovë, katër në Veles, nga tre në Shkup dhe Tetovë, dy në Prilep dhe nga një në tetë qytete tjera. Numri i përgjithshëm i të vdekurve ka arritur 1.263 persona, shumica prej të cilëve janë nga Shkupi. Në mesin e të vdekurve është edhe Shukri Fazliu... Читать дальше...

Presidenti i zgjedhur amerikan, Joe Biden do të ketë raportim zyrtar nga ekspertët e Këshillit të Sigurisë Kombëtare javën tjetër, ka njoftuar Jen Psaki, zyrtari i ekipit tranzicional të Joe Biden. Psaki po ashtu ka thënë se Biden ka diskutuar më këshilltarët e tij këtë javë, për përzgjedhjen e kabinetit e tij, dhe se do të vazhdojë të angazhohet me ligjvënësit në Kongres për një pako stimuluese për përballje me pasojat e COVID-19. Këtu përfshihet edhe komunikimi me liderin republikan të Senatit, Mitch McConnell, raporton Reuters. Читать дальше...

Mësimi online në Maqedoninë e Veriut, mbetet sfidë për familjet, të cilat kanë më shumë fëmijë, veçanërisht gjatë kohës së dimrit, kur krahas sfidës për të siguruar për të gjithë pajisje teknologjike, duhet ngrohur më shumë hapësira.  Ana Stojmanova, nënë e tre fëmijëve, të cilët në të njëjtën kohë ndjekin mësimin online në shkollën fillore “Vëllezërit Milladinoci” në Shkup, për Radion Evropa e Lirë thotë se përballen me shumë vështirësi, pasi banesa prej rreth 50 metrash katrorë, nuk mundëson që secili të ketë zonën e tij të komforit. Читать дальше...

Kompania amerikane Pfizer dhe ajo gjermane BioNtech thonë se vaksina që po zhvillojnë kundër koronavirusit, ofron mbrojtje 90 për qind mbrotje nga virusi. Ajo është testuar në 43,500 njerëz nga gjashtë shtete të botës. Por, si funksionon kjo vaksinë?

Kreu i Organizatës Botërore të Shëndetësisë ka përshëndetur progresin e shpejtë drejt zbulimit të vaksinës për luftimin e COVID-19, por të premten ai insistoi se çdo vend duhet të përfitojë. “Vaksina do të jetë mjet kryesor për kontrollimin e pandemisë dhe ne jemi të inkurajuar nga rezultatet paraprake të testeve klinike që u publikuan këtë javë", tha Tedros Adhanom Ghebreyesus, në mbyllje të punimeve të Asamblesë vjetore të OBSH-së. Gjiganti farmaceutik amerikan Pfizer dhe partneri i tyre gjerman... Читать дальше...

Vendet e G20-ës u pajtuan të premten për një kornizë përmes të cilës, do të ristrukturohet borxhi i shumë vendeve në zhvillim që janë rrënuar ekonomikisht nga koronavirusi. Por, ata që bënë fushatë në favor të këtij veprimi thonë se nuk është i mjaftueshëm për të lehtësuar ‘valën e krizës së borxheve’. Ky grup i shteteve më të fuqishme financiare në botë, muajin e kaluar u pajtua për një zgjatje prej gjashtë muajsh të iniciativës për ‘suspendim të borxhit’ deri në qershorin e vitit të ardhshëm... Читать дальше...

Avokatë të njohur ndërkombëtarë po mbrojnë ish-pjesëtarët e Ushtrisë Çlirimtare të Kosovës – (UÇK), të cilëve tashmë u janë konfirmuar aktakuzat për krime lufte dhe krime kundër njerëzimit nga Dhomat e Specializuara të Kosovës, me seli në Hagë. Hashim Thaçi, Kadri Veseli, Jakup Krasniqi, Rexhep Selimi e Salih Mustafa, në proceset e tyre gjyqësore do të mbrohen nga juristë që kanë shërbyer edhe si prokurorë dhe që kanë fituar raste të njohura që lidhen me krimet e luftës duke përfshirë gjenocidin në Ruandë... Читать дальше...

Italia vazhdon të mbajë komandën e forcës paqeruajtëse të NATO-s në Kosovë. Komandanti i deritashëm i kësaj force, gjeneralmajori Michele Risi, ia dorëzoi detyrën homologut të tij ushtarak, Franco Federici. Gjeneralmajor Risi që ka shërbyer në Kosovë që nga 19 nëntori i 2019-s, në ceremoninë e ndërrimit të komandës, tha se ndihet krenar me përkushtimin e KFOR-it për të ruajtur stabilitetin në Kosovë . “Misioni ynë afatgjatë dhe i qëndrueshëm ishte të ishim rezistent ndaj çdo goditjeje për stabilitetin dhe sigurinë e Kosovës”... Читать дальше...

Disa gra në Kazakistan kanë postuar video duke rruar kokën në shenjë proteste kundër shtypjes së aktivistëve të opozitës. Shumë prej tyre po kërkojnë liri dhe reforma demokratike. Njëra prej tyre tha: "Unë jetoj në një burg që quhet Kazakistan". (Përgatiti: Lendi Susuri)

Kosova ka shënuar 963 raste të reja me COVID-19, numër ky rekord që nga shpërthimi i pandemisë në mars të këtij viti. Instituti Kombëtar i Shëndetit Publik ka njoftuar se ky numër i personave të infektuar ka rezultuar pas 2,056 testimeve të kryera. Brenda 24 orëve të fundit janë raportuar edhe 13 raste të vdekjes, ndërkaq 177 pacientë e kanë fituar betejën me koronavirus. Prishtina edhe më tej prin me numrin më të madh të rasteve, 347 sosh. Në 8 muajt e fundit në Kosovë janë testuar gjithsejt 115.794 persona... Читать дальше...

Rusia nuk synon të ketë ndikim te kosovarët ose qeveria e tyre për të përvetësuar ndjenja ose politika pro-ruse, por ndikimi saj bëhet në disa forma të tjera, thuhet në një raport të Qendrës Kosovare për Studime të Sigurisë (QKSS). Sipas këtij raporti, operacionet ruse të ndikimit janë kryesisht të kufizuara te serbët e Kosovës, me lejen e Serbisë, kryesisht për të parandaluar zgjerimin e sovranitetit të Prishtinës në zonat me shumicë serbe dhe lufta më e madhe e Rusisë ndaj Kosovës është pengimi... Читать дальше...

Teksa një armëpushim i ndërmjetësuar nga Rusia, ndërmjet Armenisë dhe Azerbajxhanit po respektohet, presidenti francez, Emmanuel Macron ka thënë se është i gatshëm të ndihmojë në arritjen e një zgjidhjeje të qëndrueshme dhe të balancuar për të gjitha palët e përfshira në konflikt. “Presidenti Macron shpreh gëzimin e tij lidhur me ndalimin e luftimeve, rithekson miqësinë e tij për Armeninë dhe popullin e saj, por po ashtu shpreh gatishmërinë e tij për të arritur një zgjidhje politike të drejtë,... Читать дальше...

Presidenti i Serbisë, Aleksandar Vuçiq, ka thënë se deklarata e tij për Nagorno Karabakun, ndaj së cilës kanë reaguar ashpër një pjesë e zyrtarëve politikë të Kosovës, ka qenë “mjaft e saktë dhe precize”. “Kam folur për nevojën që të shmangim politikën e konfliktit të ngrirë”, ka thënë Vuçiq. “Unë thashë që konflikti në Nagorno Karabak ka qenë i ngrirë dhe më pas është shkrirë dhe se kushdo në të ardhmen mund të na çojë drejt një katastrofe dhe deri te një konflikt, gjë që nuk na nevojitet”, u ka thënë Vuçiq gazetarëve në Batajnicë... Читать дальше...

Qeveria e Kosovës ka ndarë mbi një milion euro për kombinatin metalurgjik “Trepça”, si zgjidhje për tejkaluar problemet financiare në të cilat ndodhet aktualisht kjo kompani. Kështu tha kryeministri i Kosovës, Avdullah Hoti, pas një takimi që ka zhvilluar me ministrin e Ekonomisë dhe Ambientit, Blerim Kuçi dhe anëtarët e bordit të përkohshëm të “Trepçës”. Kombinatit “Trepça” gjatë javës së kaluar i janë bllokuar llogaritë për shkak të borxheve të akumulura. Kryeministri Hoti tha se vlera e... Читать дальше...

Bashkimi Evropian nuk ka pranuar të komentojë  deklaratën e presidentit të Serbisë, Aleksandar Vuçiq, i cili të enjten tha se në Kosovë mund të ndodhë një konflikt i llojit të Nagorno Karabakut nëse përpjekjet për kompromis dështojnë. “Si parim i përgjithshëm, ne gjithmonë i bëjmë thirrje të gjithë aktorëve politikë në Kosovë dhe Serbi, dhe pjesën tjetër të rajonit, që të promovojnë atmosferë e cila do të ndihmonte stabilitetin rajonal dhe bashkëpunimin”, tha për Radion Evropa e Lirë, zëdhënësi për Çështje të Jashtme i BE-së, Peter Stano. Читать дальше...

Ish-kryeministri i Kroacisë, Ivo Sanader është dënuar me tetë vjet burgim, pasi është gjetur fajtor për krijimin e fondeve për partinë e tij konservatore HDZ, duke marrë para nga kompanitë publike përmes një agjencie të marketingut. Sanader ka hedhur poshtë të gjitha akuzat për korrupsion dhe pritet që ta apelojë këtë vendim të gjykatës. Ky ishte një rigjykim i një rasti të mëhershëm, ku Sanader ishte dënuar me nëntë vjet burgim më 2013, por vendimi ishte anuluar nga Gjykata Supreme, për shkak se ishin gjetur shkelje procedurale. Читать дальше...

Një program i Organizatës Botërore të Shëndetësisë dhe grupi për vaksina GAVI, kanë mbledhur mbi 2 miliardë dollarë, të cilat do të përdoren për të blerë dhe shpërndarë në vendet e varfra vaksinën kundër koronavirusit. Megjithatë, ata thonë se kjo shumë nuk është e mjaftueshme që të gjitha vendet e varfra të furnizohen me vaksinën potenciale kundër sëmundjes COVID-19, që e shkakton koronavirusi. Aleanca GAVI tha se këto mjete do t’i lejojnë COVAX-it –programit  të OBSH-së që ka për qëllim mbledhjen... Читать дальше...

Presidenti amerikan, Donald Trump ka nënshkruar një urdhër ekzekutiv që u ndalon amerikanëve të investojnë në kompanitë kineze, të cilat ofrojnë shërbime për ushtrinë e Pekinit dhe aparatin e sigurisë, reagim që është qortuar ashpër nga Kina. Urdhri ka renditur 31 kompani, të cilat besohet se Kina i ka përdorur për “shfrytëzim në rritje” të kapitalit investues të Shteteve të Bashkuara për të financuar shërbimet ushtarake dhe ato të inteligjencës, duke përfshirë zhvillimin e armëve për shkatërrim masiv. Читать дальше...

Disa shtete të Shteteve të Bashkuara janë duke shqyrtuar mundësinë që të ashpërsojnë kufizimet, pasi është rritur numri i rasteve të reja me koronavirus, si dhe i të hospitalizuarve. Më 12 nëntor, në SHBA u regjistruan mbi 150,000 infektime të reja, ndërkaq numri i personave që janë hospitalizuar për shkak të sëmundjes COVID-19 – që shkakton koronavirusi i ri – ka arritur në 66,000. Një në 378 banorët në SHBA kanë dalë pozitivë për koronavirus gjatë kësaj jave, thuhet në të dhënat e një projekti që merret me gjurmimin e COVID-19... Читать дальше...

Kina ka uruar presidentin e zgjedhur të Shteteve të Bashkuara, Joe Biden, një javë pasi Biden u shpall fitues i zgjedhjeve presidenciale amerikane. “Ne respektojmë zgjedhjen e popullit amerikan. I shprehim fitore zotit Biden dhe zonjës (Kamala) Harris”, tha zëdhënësi i Ministrisë së Jashtme kineze, Wang Wenbin gjatë një konference për media më 13 nëntor. “Ne e kuptojmë që rezultati i zgjedhjeve amerikane do të përcaktohet sipas ligjeve dhe rregullave të SHBA-së”, shtoi ai. Kina ishte në mesin e disa vendeve të mëdha ... Читать дальше...

Amnesty International thotë se dhjetëra persona janë “masakruar” në rajonin Tigray të Etiopisë dhe dëshmitarët kanë fajësuar për këto vrasje, forcat që mbështeten nga një parti lokale që është në pushtet, që po luftojnë me qeverinë federale. Ky është incidenti i parë i raportuar për vrasjen e civilëve, në konfliktin njëjavor ndërmjet partisë së Frontit Çlirimtar të Popullit të Tigray dhe qeverisë së kryeministrit Abiy Amed, që vitin e kaluar fitoi Çmimin Nobel të Paqes. Raporti i Amnesty më 12 nëntor... Читать дальше...

Joe Biden ka fituar zgjedhjet presidenciale në shtetin e Arizonës, raportuan mediat amerikane më 12 nëntor. NBC, CBS, ABC, dhe CNN e shpallën fitues Bidenin në këtë shtet, i cili ka 11 vota elektorale, pas pothuajse një javë që kur u mbajtën zgjedhjet presidenciale më 3 nëntor. Me fitoren në Arizona, Biden ka 290 vota elektorale, ndërkaq presidenti amerikan, Donald Trump 217. Sipas rregullave në SHBA, që një kandidat të zgjidhet president, i duhen 270 vota elektorale. Fox News dhe The Associated... Читать дальше...

Zyrtarët e lartë federalë dhe shtetërorë amerikanë, që janë përgjegjës për sigurinë e zgjedhjeve, kanë thënë se nuk ka “asnjë dëshmi” se votimet në zgjedhjet e 3 nëntorit ishin ndryshuar apo kompromentuar. Përmes një deklarate, zyrtarët e sigurisë kibernetike dhe zyrtarët zgjedhorë, hodhën poshtë pretendimet e pabazuara të presidentit Donald Trump dhe të disa republikanëve se ka pasur mashtrime zgjedhore, që çuan në fitoren e demokratit Joe Biden.   “Nuk ka asnjë dëshmi se ndonjë sistem i votimit fshiu apo humbi votat... Читать дальше...

Mbi 9 mijë e 400 raste aktive me koronavirus janë aktualisht në Kosovë dhe klinikat e Qendrës Klinike Universitare të Kosovës (QKUK), janë mbushur me pacientë. Një spital i veçantë për këta pacientë, është i domosdoshëm në këtë kohë kur numrat e të infektuarve po rriten çdo ditë, thonë në Klinikën Infektive në QKUK. Për të gjetur një zgjidhje për këtë, më 20 shtator, ministri i Shëndetësisë në Qeverinë e Kosovës, Armend Zemaj, tha se ‘Spitali COVID-19’ me 500 shtretër, do të jetë gati shumë shpejt. Читать дальше...