Անելիք Բանկը վերավարկավորման ծրագիր է գործարկել
<strong>Անելիք Բանկը գործարկել է անշարժ գույքի գրավով վերավարկավորման ծրագիրը։</strong><br /><br />Բանկում նշել են, որ ծրագիրը հնարավորություն է ընձեռում տեղափոխել այլ բանկերում գործող անշարժ գույքի գրավով վարկային պարտավորությունները կամ միավորել այլ բանկերում գործող վարկային պարտավորությունները մեկ վարկում։<br /><br />Վարկի տեղափոխումից եւ վարկերի միավորումից բացի, բանկի հաճախորդները նաեւ վարկի գումարն ավելացնելու հնարավորություն կունենան:<br /> <br />Ծրագրի շրջանակում կտրամադրվի նաեւ կրկնակի վարկավորում այն հաճախորդներին, որոնք բանկում ունեցել եւ մարել են անշարժ գույքի գրավով վարկ եւ դիմելու պահին ֆինանսաբանկային համակարգում չունեն անշարժ գույքի գրավով գործող վարկեր։ <br /><br />Վերավարկավորումը տրամադրվում է դրամով, դոլարով, եվրոյով՝ անուիտետային, զսպանակաձեւ եւ ճկուն մարման եղանակներով։<br /><br />Վարկը տրամադրվում է 12-180 ամիս ժամկետով՝ սկսած 12,3 % տարեկան տոկոսադրույքից։<br /><br />Վարկի սպասարկման վճար եւ տրամադրման միջնորդավճար չի սահմանվում։ <br /><br />«Վերավարկավորման այս ծրագիրը եւս մեկ շահավետ հնարավորություն է ավելի հեշտ կառավարել վարկերը՝ դրանք միավորելով մեկ վարկում, որը տրամադրվում է մատչելի եւ շահավետ պայմաններով»,- նշել է Անելիք Բանկի վարչության նախագահի տեղակալ-մանրածախ բիզնեսի գծով տնօրեն Վարդան Գեւորգյանը։