ՀԷՑ-ը 2016-ը փակել է 23,3 մլրդ շահույթով
<strong>«Հայաստանի էլեկտրական ցանցեր» ընկերությունը 2016-ին 23,3 մլրդ շահույթ է գրանցել:</strong><br /><br />Այս մասին այսօր հայտարարել է ընկերության գլխավոր տնօրեն Կարեն Հարությունյանը՝ նշելով, որ 2016թ. օգոստոսից ՀԷՑ-ը ձերբազատվել է ժամկետանց բոլոր պարտավորություններից:<br /><br />Անցնող տարում ընկերությունը գրանցել է էլեկտրաէներգիայի կորստի 3-տոկոսանոց նվազում: Նոր ներդրումային ծրագրերի դեպքում ընկերությունը նախատեսում է կորստի կրճատումը հասցնել 9%-ի:<br /><br />Կարեն Հարությունյանն ընդգծել է, որ կորստի կրճատման ազդեցությունը զգալի կլինի 2020-ից հետո:<br /><br />Մինչ այդ ՀԷՑ-ում մշակվում է երկու նոր՝ $200 եւ $500 մլն արժողությամբ վարկային- ներդրումային ծրագիր, որոնց թիրախում բաշխիչ ցանցերի վերանորոգումն ու ժամանակակից տեխնոլոգիաների ներդրումն է:<br /><br />ՀԷՑ ղեկավարությունը, սակայն, նկատում է՝ ցանկացած դեպքում խուսափելու են սակագնի բարձրացման վրա ազդեցություն թողնող ներդրումային ծրագիր ներկայացնելուց: Սակագնի բարձրացման վրա, ըստ ՀԷՑ ղեկավարության, էական ազդեցություն չի գործի նաեւ ատոմակայանի՝ վերանորոգման անհրաժեշտությամբ փակվելու հարցը:<br /><br />Խոսելով տեխնիկական վերազինման ծրագրերի մասին՝ ՀԷՑ տնօրենների խորհրդի նախագահ Կարեն Դարբինյանը նշել է, որ առաջիկա երկու տարում անցնելու են ժամանակակից տեխնոլոգիաների կիրառման. 2020-ից հետո ընկերությունն այլեւս չի սպասարկելու ինդուկցիոն հաշվիչներ: Փոխարենը գործելու է <a href="http://www.banks.am/am/news/newsfeed/13538" target="_blank">АСКУЭ համակարգն</a> ու նոր մեթոդ, որը հաշվիչի ծախսը կփոխանցի բաժանորդի սմարթֆոնին: <br /><br />Խոսելով ոլորտի ազատականացմաննն ուղղված շշուկների մասին՝ Կարեն Հարությունյանը նշել է, որ ներկայում քննարկում է էլեկտրաէներգիայի վաճառքն այլ ընկերություններին փոխանցելու տարբերակը, ինչը դրական կարող է ազդել շուկայի վրա:<br /><br />«Այդ դեպքում ՀԷՑ-ը կշարունակի մնալ որպես էլեկտրաէներգիա բաշխող՝ վաճառքը փոխանցելով այլ կազմակերպությունների»,- տեղեկացրել է ընկերության տնօրինությունը: <br /><br />Հիշեցնենք, որ ՀԷՑ-ը 2015-ից ընդգրկվել է «Տաշիր գրուպ» ընկերության կազմում: