Ֆրանսիայի նախագահը հոկտեմբերին կժամանի Հայաստան
Այս տարվա հոկտեմբերին Հայաստան կժամանի Ֆրանսիայի նախագահ Էմանյուել Մակրոնը։ Այդ մասին «Ազատության» հետ զրույցում ասաց Ֆրանսիայի արտգործնախարարության պետքարտուղար Ժան-Բատիստ Լեմուանը։ Նրա փոխանցմամբ, Մակրոնը Երևանում կմասնակցի Ֆրանկոֆոնիայի գագաթնաժողովին։ Նշենք, որ Հայաստանն ընտրվել է որպես 2018 թվականի հոկտեմբերի 11-12-ը կայանալիք Ֆրանկոֆոնիայի գագաթնաժողովը հյուրընկալող երկիր և երկու տարի նախագահելու է Ֆրանկոֆոնիայի այս բարձրագույն ատյանը։ Գագաթնաժողովն անցնելու է «Ապրել միասին» խորագրի ներքո։