Новости за 25.03.2018

Կեմերովոյում "Зимняя вишня" առևտրի և զվարճանքի կենտրոնում բռնկված խոշոր հրդեհի հետևանքով, պաշտոնական տվյալներով, 37 մարդ զոհվել է, 43-ը՝ վիրավորվել։  Մոտ 70 մարդ, այդ թվում՝ մոտ 40 երեխա,  համարվում է անհետ կորած։ Հրդեհը, ենթադրաբար, սկսվել է երեխաների ակտիվ խաղերի համար կենտրոնում գործող սրահում։ Ստույգ պատճառը հայտնի չէ։  Կեմերովոյի նահանգապետ Աման Տուլեևը Ռուսաստանի նախագահ Վլադիմիր Պուտինին զեկուցել է ողբերգության մասին՝ հայտնելով, որ փրկարարները և հրշեջները հրդեհված համալիրից դուրս են... Читать дальше...

Մարտի 24-ին ուժեղ քամին վնաս է հասցրել  Շիրակի մարզի 16 համայանքի 24 բնակավայրի: Քամուց հիմնականում տուժել է Գյումրին։ Արթիկի ու Արտենի համայնքներում դպրոցների տանիքներն են վնասվել: Շիրակի մարզպետ Արթուր Խաչատրայանն այսօր արտակարգ խորհրադակցություն է  հրավիրել՝  ճշտելու վնասի չափը։ Ըստ Արտակարգ իրավիճակների վարչության պետի տեղակալ Կարեն Եղշատյանի, երեկ ժամը 14:54-ից մինչև ժամը 22:23-ն ընկած ժամանակահատվածում ԱԻՎ մարզային վարչության ճգնաժամային կենտրոնը մոտ 30  ահազանգ է ստացել։ Նրա խոսքով՝ ահազանգերը հիմնականում եղել են քշված տանիքների... Читать дальше...

Երեկ Միացյալ Նահանգների ավելի քան 800 քաղաքներում և ավաններում տեղի են ունեցել ցույցեր հրազենի առավել խիստ հսկողության պահանջով: Մայրաքաղաք Վաշինգտոնում ցույցին մասնակցել է մոտ 800 հազար մարդ: Ցույցերը տեղի են ունեցել «Երթ՝ հանուն մեր կյանքի» կարգախոսի ներքո: Ակցիաներն անցկացվել են ի հիշատակ փետրվարի 14-ին Ֆլորիդայի նահանգի Փարքլենդ ավանում 19-ամյա զինյալի կողմից սպանված 17 աշակերտների: Վաշինգտոնում ցուցարարները պարզել են պաստառներ «Դասագրքեր փամփուշտների փոխարեն» գրությամբ:

Բելառուսի մայրաքաղաք Մինսկում ձերբակալել են ընդդիմության տասնյակ ակտիվիստների, ովքեր փորձել են բողոքի ակցիա կազմակերպել: Ակտիվիստները մտադիր էին կազմակերպել երթ՝  նվիրված Բելառուսի առաջին հանրապետության 100-ամյակին: 1918 թվականի մարտի 25-ին Բելառուսը հայտարարել է անկախություն Ռուսաստանից: Բելառուսի ժողովրդական հանրապետությունը գոյատևէլ է մինչև 1919 թվականը: Մարտի 25-ը Բելառուսում անվանում են «Ազատության օր», որին մեծ նշանակություն են տալիս նախագահ Ալեքսանդր Լուկաշենկայի ընդդիմախոսները: Այդ օրը երկրում տեղի են ունենում բողոքի ակցիաներ... Читать дальше...

Ռուսաստանի նախագահի խոսնակ Դմիտրի Մեդվեդևն այսօր հայտարարել է, որ Վլադիմիր Պուտինն ունի երկրի հետագա զարգացման հստակ տեսլական: Ռուսաստանում անցած կիրակի օրը տեղի ունեցած ընտրությունների արդյունքների համաձայն, Պուտինի օգտին քվեարկել է ձայնի իրավունք ունեցող քաղաքացիների 76.69 տոկոսը: Մասնակցելով НТВ հեռուստատեսության «Շաբաթվա արդյունքները» ծրագրին՝ Պեսկովն ասել է, որ «նոր Պուտինը դա մեր իմացած Պուտինի սիմբիոզն է, Պուտինի, որին գիտենք, որի շուրջ միավորվել ենք, դրան գումարած Պուտին, ով գիտի, թե ինչ է մեզ պետք ապագայում»... Читать дальше...

ՏԱՍՍ լրատվական գործակալության փոխանցմամբ, այսօր Քիշնևում միասնության ցույց են կազմակերպել Մոլդովայի և Ռումինիայի վերամիավորման հազարավոր աջակիցներ: 1918 թվականի մարտի 25-ին՝ ռուսաստանյան հեղափոխության հետևանքով առաջացած քաոսի պայմաններում, Ռումինիան զորք է մտցրել ներկայիս Մոլդովայի տարածք, և Քիշնևում ստեղծված Երկրամասի խորհուրդը քվեարկել է հօգուտ Ռումինիային միանալուն: «Յունիոնիստները» մարտի 25-ը համարում են Մոլդովայի և Ռումինիայի վերամիավորման օր: Մինչդեռ, ՏԱՍՍ-ի պնդմամբ, Մոլդովայում այսօրվա... Читать дальше...

Գերմանիայում ոստիկանները ձերբակալել են Կատալոնիայի անկախականների առաջնորդ Կարլես Պուջդեմոնին, ով փորձել է Գերմանիա մուտք գործել Դանիայի տարածքից: Այս պահին Պուջդեմոնը գտնվում է գերմանական ոստիկանության բաժանմունքում: Նրա փաստաբան Ժաումե Ալոնսո-Կուվիլասի փոխանցմամբ, Պուջդեմոնը մտադիր էր մեկնել Բելգիա, որտեղ ապաստանել է անցյալ տարվա հոկտեմբերից՝ այն բանից հետո, երբ Կատալոնիայի երկրամասում տեղի է ունեցել Իսպանիայի կողմից ապօրինի ճանաչված անկախության հանրաքվե, և Մադրիդը սպառնացել է կալանավորել Կատալոնիայի անջատականներին... Читать дальше...

Աֆղանստանում՝ Հերաթ ավանում շիա մահմեդականների մզկիթի մոտ ռումբի պայթյունի հետևանքով զոհվել է առնվազն մեկ մարդ, ևս 7 բնակիչ վիրավորվել է: Ռումբը Նաբի Աքրամ մզկիթի մոտ պայթեցվել է այսօր՝ աղոթքի պահին: Առայժմ  որևէ խմբավորում պատասխանատվություն չի ստանձնել ահաբեկչական գործողության համար: Մարտի 21-ին Քաբուլում՝ Նովրուզի (մահմեդականների ամանորի) օրը շիաների մզկիթի մոտ ռումբի պայթյունից 33 մարդ է սպանվել: Այդ գրոհի համար պատասխանատվությունը ստանձնել է «իսլամական պետություն» ահաբեկչական շարժումը:

Հայաստանյայց Առաքելական Սուրբ Եկեղեցին այսօր մեծ շուքով տոնում է Ծաղկազարդը, որը խորհրդանշում է Հիսուս Քրիստոսի հաղթկան մուտքը Երուսաղեմ: Մայր Աթոռ Ս. Էջմիածնի տեղեկատվական  համակարգի փոխանցմամբ, Մայր Տաճարում, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հյաոց Կաթողիկոսի, մատուցվել է Սուրբ և Անմահ Պատարագ: Պատարագիչն էր Մայր Աթոռ Ս. Էջմիածնի Վարչա-տնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը: «…Այսօր, շուրջ երկու հազար տարիներ հետո մենք հավաքվել ենք... Читать дальше...

Արտակարգ իրավիճակների նախարարությունը տեղեկացնում է, որ մարտի 24-ին, ժամը 12:31-ին ահազանգ է ստացվել, որ Սյունիքի մարզի Վաղատուր գյուղում այրվում է կուտակված անասնակեր: Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 16:43-ին, մարվել՝ 02:22-ին: Այրվել է Ս. Հ.-ին պատկանող ԳԱԶ-53 մակնիշի բեռնատարը և մոտ 400 հակ անասնակեր:

Հայաստանի նախկին վարչապետ, պետական, քաղաքական գործիչ Անդրանիկ Մարգարյանի մահվան տարելիցի կապակցությամբ նախագահ Սերժ Սարգսյանն այսօր երկրի բարձրագույն ղեկավարության ուղեկցությամբ այցելել է Կոմիտասի անվան պանթեոն, հարգանքի տուրք մատուցել նրա հիշատակին:  Այդ մասին տեղեկացնում է նախագահի պաշտոնական կայքէջը։ Անդրանիկ Մարգարյանը վախճանվել է 2007 թվականին՝ սրտի կաթվածից։

Հիսուս Քրիստոսի` Երուսաղեմ հաղթական մուտքի տոնը` Ծաղկազարդը, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի կողմից տարիներ առաջ հռչակվել է իբրև մանուկների օրհնության օր: Մայր Աթոռ Սուրբ Էջմիածնի տեղեկատվական համակարգի փոխանցմամբ, այսօր ավոտյան ժամերգությունից հետո, հանդիսապետությամբ Ամենայն Հայոց Կաթողիկոսի, Միածնաէջ Ս. Տաճարի առջև տեղի է ունեցել Անդաստանի արարողություն, որի ընթացքում հոգևոր դասն օրհնել է աշխարհի չորս կողմերը: Վերջում Նորին Սրբությունը տոնի առիթով իր օրհնությունն է բաշխել ներկա մանուկներին... Читать дальше...

Մարտի 24-ին՝ ժամը 16:55-ի սահմաններում, Պաշտպանության բանակի (ՊԲ) հյուսիսային ուղղությամբ տեղակայված զորամասերից մեկի պահպանության տեղամասում, ուժեղ քամու հետևանքով ծառի տապալման արդյունքում, մահացել է Պաշտպանության բանակի  զինծառայող, 1999 թվականին ծնված Արմեն Համայակի Հարությունյանը,տեղեկացնում է Լեռնային Ղարաբաղի պաշտպանության նախարարությունը։ Դեպքի մանրամասները պարզելու համար կատարվում է քննություն: «Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը... Читать дальше...

Արտակարգ իրավիճակների նախարարությունը տեղեկացնում է, որ այսօր ժամը 10:00-ի դրությամբ Հայաստանի Հանրապետության տարածքում ավտոճանապարհները հիմնականում անցանելի են: Ըստ հաղորդագրության, մարտի 25-ին, 28-ի երեկոյան, 29-ին շրջանների զգալի մասում սպասվում է կարճատև անձրև և ամպրոպ: 26-ից 27-ը, 28-ի գիշերը սպասվում է առանց տեղումների եղանակ: Սոթք-Քարվաճառ ավտոճանապարհին տեղ-տեղ առկա է մերկասառույց: «Բոլոր վարորդներին հորդորում ենք մարզեր երթևեկել բացառապես ձմեռային անվադողերով», - ասված է հաղորդագրությունում։... Читать дальше...