Новости за 28.12.2021

Кыргызстандын Тышкы иштер министрлиги 2021-жылдын 29-декабрынан тартып Орусияга иштегени барган чет өлкөлүк жарандар, анын ичинде Кыргызстандын жарандары 30 күндүн ичинде медициналык текшерүүдөн, ошондой эле манжа изин каттоо жана сүрөткө тартуу жол-жобосунан өтүшү керектигин жарыялады. Мекеменин басма сөз кызматы билдиргендей, жарандар алгач фтизиатрдын, дерматовенерологдун, инфекционисттин, терапевттин, психиатр-наркологдун кароосунан өтүшү керек. Андан соң манжа изин каттатып, сүрөткө түшөт. Читать дальше...

Израилдин премьер-министри Нафтали Беннет Иран менен дүйнөлүк державалардын “жакшы” өзөктүк келишимине каршы эместигин билдирди. Бирок ушул жумада соңуна чыгуучу сүйлөшүүлөр жемиштүү аяктарына ишенбей турганын кошумчалады. Сүйлөшүүлөргө катышпаган Израил 2015-жылкы келишимди чабал деп сындап келген. Жөөт бийлиги Иранды өзөктүк куралды чыгарууга жакындаш үчүн “опузалоого” барууда деп айыптаган. Венада 27-декабрда сөз болгон келишимди жандандырууну көздөгөн сүйлөшүүлөрдүн кезектеги айлампасы башталган. Читать дальше...

Бишкектин Биринчи май райондук соту Чүй облусуна караштуу Ысык-Ата районунун Киргшелк айылында 2016-жылы болгон окуяга шектелип кармалган алты адамды актады. Үч аялдын өлүмүнө байланыштуу иш сотто бүгүн, 28-декабрда каралды.  Райондук соттун маалыматына караганда, кылмышка шектелген алты жарандын ар биринин аракетин иликтөөдө кылмыштын белгилери табылган эмес. 2016-жылы 24-мартта эртең менен Киргшелк айылынын Верхняя көчөсүндөгү үйдө жашаган үч аялдын сөөгү табылып, алардын өзгөчө мыкаачылык менен өлтүрүлгөнү аныкталган. Читать дальше...

Борбордук шайлоо комиссиясы (БШК) 28-декабрдагы жыйынында Жогорку Кеңешке шайлоонун жыйынтыгын расмий бекитип, партиялык тизме менен утуп келген депутаттарды каттады. Маалыматты "Азаттыкка" БШКнын мүчөсү Абдыжапар Бекматов ырастады. Жогорку соттун чечимдерине байланыштуу Чүй-Кемин шайлоо округунан Медербек Саккараев менен "Альянс" партиясынын тизмеси боюнча талапкер Жанарбек Акаев мандат алары белгилүү болду. Буга чейин Боршайком Кыргызстандагы бир мандаттуу 33 шайлоо округу боюнча добуш берүүнүн жыйынтыгын бекиткен. Читать дальше...

Бакуда эркин жана оппозициялык маалымат каражаттарынын журналисттери «Медиа» тууралуу мыйзам долбооруна каршы акцияга чыгышты. Алар “Басма сөзгө эркиндик!”, “Репрессиялык мыйзамга жол жок!” деп ураандарды чакырып жатышты. Жаңы долбоор парламент тарабынан экинчи окууда кабыл алынган. Белгилүү иликтөөчү-журналист Хадижа Исмаилова көз карандысыз маалымат каражаттарынын ишин чектеген нормалар алынмайынча, талкууну токтотууну талап кылды. Нааразылык акциясына чыккандар сөз болуп жаткан мыйзам куугунтукту күчөтөрүн... Читать дальше...

Бишкек шаарындагы таштандыларды жер астында сактоо жана чогултууга багытталган пилоттук долбоор боюнча сынактын жыйынтыгында украиналык "Диасон" жоопкерчилиги чектелген коому жеңип чыкты. Бул тууралуу Бишкек мэриясынын басма сөз кызматы кабарлады. Маалыматка караганда, жеңүүчү компания  жер астындагы таштандыларды сактап, чогулткан үч система  орнотот. Ар бир система төрт таштанды челеги менен жабдылат. "Атайын белги катуу таштандыларды өз убагында алып чыгууга мүмкүндүк берет, ошондой эле таштанды... Читать дальше...

Камактагы оппозициялык саясатчы Бактыбек Калматов адвокаты аркылуу кат жолдоду. Анда абакта мыйзамсыз отурганын жана ага карата каралоо жүрүп жатканын билдирген. Калмаматовдун абактан кайрылуусу Оппозиционер Бактыбек Калмаматов кайрылуусунда өзүнө коюлуп жаткан айыптарды “акылга сыйбайт жана адилетсиз” деп сыпаттаган. “Мага коюлуп жаткан айып акылга сыйбайт жана адилетсиз. Бирок, сөз башкада. Тилекке каршы, душмандарым менин абакта отурганымдан пайдаланып менин үстүмдөн ар кандай каралоолорду уюштуруп жатышат. Читать дальше...

Жогорку сот “Альянс” партиясы менен Борбордук шайлоо комиссиясынын (БШК) гендердик квотага байланыштуу чырына чекит койду. Соттун чечими менен эми Жанар Акаев Жогорку Кеңештин депутаты болот. Улуттук банк өлкөнүн валюта рыногуна 70 миллион долларга чукул каражат сатты. Ушуну менен өлкөнүн негизги банкы доллардын курсун кармап туруш үчүн жыл башынан бери 700 миллион долларга жакын акчаны интервенцияга жумшады. Кабулда аялдардын укуктарын чектөөгө каршы акцияда ок атылды. Талибдердин аскерлери аялдарды күч менен таркатып... Читать дальше...

Чүй облусуна караштуу Сокулук районунун Шопоков шаарындагы коллежде мугалимдер диний китептерди мажбурлап окутуп жатканы тууралуу маалыматты милиция териштирет. Мындай маалыматты облустук ички иштер башкармалыгынын басма сөз кызматы 28-декабрда билдирди. Мунун алдында өздөрүн Шопоков шаарындагы билим берүү коллежинин студенттери деп тааныштырган жаштардын тобу аларга айрым мугалимдер диний китептерди мажбурлап окутуп жатканын билдирип чыгышкан. Интернетте тараган видео кайрылууда алар бул көрүнүштү токтотууну өтүнүшкөн. Читать дальше...

Беларуста Конституциянын жаңы долбоору жарыяланды. Баш мыйзамдын долбоору Александр Лукашенконун чексиз авторитардык башкаруусун дагы чыңдап, анын 2035-жылга чейин бийликте калуусуна өбөлгө түзөт. Ошондой эле, президентке өзгөчө кол тийбестикти камсыздайт. Балатыда айтылган ой 67 жаштагы Александр Лукашенко 27-декабрда президенттин сайтына жана БелТА мамлекеттик агенттигине жарыяланган Баш мыйзамдын жаңы долбоору алдыдагы февралда референдумга коюларын билдирди. Бул өзгөртүүлөргө ылайык, Лукашенко... Читать дальше...

Борбордук шайлоо комиссиясы (БШК) 27-февралга белгиленген парламенттик шайлоого бир мандаттуу Свердлов жана Биринчи май округдарынан катышуу ниетин билдиргендердин арызын кабыл ала баштады. БШКнын 28-декабрдагы маалыматына караганда,  Жогорку Кеңештин мурдагы депутаты Элвира Сурабалдиева Биринчи май округунан талапкер болуу үчүн документтерин тапшырды. Ушул эле күнү Бишкек мэринин мурдагы кеңешчиси Гуля Алмамбетова Свердлов шайлоо округунан өз талапкерлигин көрсөтүү ниетин БШКга билдирди. Экөө тең өзүн-өзү көрсөтүшкөн. Читать дальше...

Бишкекте көрүүсү жана угуусу начар адамдар арасында волейбол жана шахматтан жаңы жылдык мелдеш өттү. Волейболдон мелдеште кыз-келиндер жана эркектерден түзүлгөн сегиз команда күч сынашты.

29-декабрда Жогорку Кеңештин VII чакырылышына шайланып келген депутаттардын ант берүү аземи өтөт. Бул тууралуу парламенттин басма сөз кызматы билдирди. Жогорку сот "Альянс" партиясынын арызын карап, аны партиянын пайдасына чечти. Соттун бул чечими Жанарбек Акаевдин мандат алуусуна жол ачат. Жогорку сот Борбордук шайлоо комиссиясынын бир мандаттуу Чүй - Кемин округунан эң көп добуш алган Медербек Саккараевдин каттоосун жокко чыгарган чечимин колдогон жок. Парламентке бир мандаттуу 36 округдан 34 депутат... Читать дальше...

Орусиянын Жогорку соту адам укуктарын коргогон “Мемориал” уюмун жабуу тууралуу чечим чыгарды. Мындай маалымат уюмдун "Твиттердеги" баракчасында жарыяланды. 28-декабрда Башкы прокуратуранын “чет өлкөлүк агенттер” тизмесине киргизилген уюмду жоюу арызы каралган. Мамлекеттик айыптоо “Мемориал” агенттер тууралуу мыйзамды бир нече жолу бузган, атап айтканда материалдарына тиешелүү маркирлөө койгон эмес, өлкө Конституциясына көлөкө түшүргөн деп эсептейт. Укук коргоочулар саясий репрессияларды изилдөө... Читать дальше...

Ички иштер министрлигинин маалымат кызматы кабарлагандай, быйыл 11 ай ичинде Кыргызстанда үч жарым тоннадан ашыгараак баңгизаттар, психотроптук заттар  алынган. Анын  6 килограммы героин, 217 килограммы гашиш, 290,5 килограммы марихуана, 327 килограмдайы кара куурай, калганы башка психотроптук заттар. Баңгизатты мыйзамсыз жүгүртүү үчүн 13 чет өлкөлүк жаран кармалган. Маңзаттарына байланыштуу жалпы 1200 кылмыш иши катталган. Эл аралык уюмдардын билдирүүсүндө, Борбор Азиядагы Тажикстан, Кыргызстан... Читать дальше...

"Талибан" кыймылынын (Кыргызстанда тыюу салынган) согушкерлери Кабулда аялдардын укуктарын чектөөгө каршы чыккандарга ок атканы кабарланды. Акцияга катышкандардын бири Тамна Сиддики "Азаттыктын" ооган редакциясына айтып бергендей, талибдердин аскерлери аялдарды күч менен таркатып, ок ачканда бир нече киши жарадар болду. Аялдар "Жумуш, нан, эркиндик" деп ураан чакырышкан. Жергиликтүү "Асвака" кабар агенттиги окуя шейшембиде Италиянын кайрымдуулук уюмунун ооруканасынын жанында болгонун билдирди, бирок канча киши жараат алганын... Читать дальше...

Германиянын федералдык полициясы билдиргендей, быйыл Польша жана Беларус аркылуу өлкөгө 11 миңден ашык мыйзамсыз мигрант кирген. Европа биримдиги беларус жетекчиси Александр Лукашенконун режими Жакынкы Чыгыштан мигранттарды Польшанын жана шаркеттин башка мүчөлөрү – Литва менен Латвиянын чек арасына атайлап алып келүүдө деп айыптап жатат. Бул көрүнүш Батыштан санкциялар үчүн өч алууну көздөгөн “гибриддик чабуул” катары сыпатталууда. Мыйзамсыз мигранттардын көбү Германияга өтүүнү максат кылышат. Акыркы... Читать дальше...

АКШ менен Орусиянын куралды көзөмөлдөө боюнча сүйлөшүүлөрү 10-январда өтөт. 12-январга Орусия-НАТО кеңешинин жыйыны пландалууда. Эртеси Москва менен Европадагы коопсуздук жана кызматташтык уюмунун өкүлдөрү жолугушмакчы. Ак үйдүн билдиргенине караганда, кездешүүлөрдө Украина менен Орусиянын чек арасындагы абал талкууланат. Ошол эле маалда орус тышкы иштер министрининин орун басары Сергей Рябков даталар боюнча соңку макулдашууга жетише электигин 28-декабарда "РИА Новости" агенттигине маалымдады. Читать дальше...

Жогорку сот Борбордук шайлоо комиссиясынын парламенттик шайлоодо №31 Чүй - Кемин округунан жеңүүчү болгон Медербек Саккараевдин каттоосун жокко чыгарган чечимин жокко чыгарды. Бул тууралуу анын тарапташы Кайрат Чокеев билдирди. Жогорку сот Саккараев боюнча кабыл алынган чечим тууралуу маалымат бере элек. 18-декабрда Борбордук шайлоо комиссиясы Медербек Саккараевдин Казакстандын жарандыгы бар экени такталган деген негизде аны талапкер кылып каттоодон баш тарткан. Саккараев БШКнын чечимин сотко берип... Читать дальше...

Жаңы жылды майрамдоого байланыштуу кыргыз-кытай чек арасы убактылуу жабылат. Бул тууралуу Чек ара кызматы билдирди. Демилге Кытай тараптан болгон. Кыргыз-кытай чек арасындагы Торугарт жана Эркечтам бекеттери 2022-жылдын 1-3-январь күндөрү жабык болот. Аталган бекеттер 4-январдан тарта атайын алгоритм боюнча Кытайдан Кыргызстанга транспорт каражаттары менен жүктөрдү гана алып өтүү менен ишин улантат. Кыргыз-кытай чек арасы адатта Курман айт, Жаңы жыл майрамдарында жабылып турат. Бажы кызматынын... Читать дальше...

28-декабарда Нур-Султанда жарандык активисттер Асия Бакаева жана Аскар Сембай Жогорку соттун имаратынын жанына пикетке чыгышты. Алар Алматы шаардык соту апелляциялык арыздарын карап жаткан 13 активистти актоону талап кылышты. Бакаева менен Сембай саясий туткундарды азат кылууга, куугунтукту токтотууга чакырган жана “Желтоксон-Жаңы-Өзөн! Унутпайбыз, кечирбейбиз!” деген плакаттарды көтөрүп турушту. Алардын айтымында, акцияга он чакты киши катышмак, бирок коопсуздук кызматынын адамдары айрымдарын... Читать дальше...

Бийликтеги “Грузин кыялы” партиясы жарандардын жеке маалыматтарын коргоону жана кызматтан кыянат пайдалануу учурларын көзөмөлдөгөн көз карандысыз агенттикти таркатып жиберүүнү пландап жатат. Оппозиция, жарандык коом, АКШ, БУУ парламентке сунуш кылынган жобону сындашууда. Мамлекеттик инспектордун кеңсеси деп аталган агенттик ушу тапта Грузиянын мурдагы президенти Михаил Саакашвили абакта кыйноого туш болгон деген маалыматты текшерип жаткан. АКШнын Тбилисидеги элчиси Келли Дегнэн парламентти... Читать дальше...

“Салык төлөбөгөндөр Кыргызстандан чыгып кетсин”, - деди Министрлер кабинетинин төрагасы Акылбек Жапаров. Казынага киреше толук түшүп турушу үчүн сунушталган кассалык аппаратты жактырбай, чоң базарлардын соодагерлери “Салык кодексинин” жаңы редакциясына каршы Өкмөт үйүнүн алдында митингге чыгышты. Буга байланыштуу мамлекет менен жарандардын мамилеси кандай болушу керек деп чогуу ойлонуп көрөлү. Салык төлөөчүлөр – жарандар Ырас, салык төлөбөгөн, төлөөгө мүмкүнчүлүгү жок адамдар, мисалы, пенсионерлер... Читать дальше...

АКШ COVID-19 оорусуна чалдыгып, бирок симптомдору байкалбаган бейтаптар үчүн карантинди 10 күндөн 5 күнгө чейин кыскартты. Илдеттерди алдын алуу жана көзөмөлдөө борбору 27-декабрда билдиргендей, беш күндүк изоляциядан кийин инфекцияланган киши дагы 5 күн беткап тагынып жүрүүгө милдеттүү. Мындай өзгөртүү өлкөдө коронавирустун "омикрон" варианты тарап жатканына байланыштуу кабыл алынды. COVID-19ду жугузуп алгандар көбөйгөндүктөн, айрым жерлерде кызматкерлер менен жумушчулар жетишпей жатат. Жаңы эреже... Читать дальше...

Лейлектин эң четки айылы Сада - жазында кыргыз тажик чек арасындагы куралдуу жаңжалдан жабыркаган айылдардын бири. Бул айылда онго жакын үй күйүп, тургундар мал-мүлксүз калган. "Азаттыктын" кабарчысы айылдыктардын азыркы турмуш-тиричилиги менен жеринен таанышып келди.