Новости за 22.12.2021

Бишкектин Биринчи май райондук соту Жогорку Кеңештин депутаты Бакыт Жетигеновду 22-декабрда абактан бошотуу тууралуу чечим чыгарды. Бул тууралуу адвокат Бактыбек Жумашев “Азаттыкка” билдирди. Анын айтымында, депутат сот залынан бошотулган. Чечим түнкү саат 23:00дөн өтүп чыкканы айтылды. Райондук соттун басма сөз кызматы расмий маалымат бере элек. Жогорку Кеңеш 22-декабрда убактылуу депутаттык комиссиянын корутундусунун негизинде Жетигеновду жоопко тартууга макулдук берген эмес. Буга чейин... Читать дальше...

Мындай чечим Борбордук шайлоо комиссиясынын бүгүн, 22-декабрдагы жыйынында кабыл алынды. “Сотто бир нече арыздар каралып жатат. Бирдиктүү округ боюнча дагы биз кабыл алган чечимге каршы үч арыз бар. Ошондуктан Жогорку Кеңештин депутаттарын каттоону убактылуу токтотуп турабыз”, - деди БШКнын төрайымы Нуржан Шайлдабекова. Буга чейин Боршайком ушул күнү шайлоодон утуп келген талапкерлерди каттоону пландап жаткан. 23-декабрда аларга депутаттык мандат тапшырылып, 7-чакырылыштагы парламент алгачкы сессиясын өткөрөрү кабарланган. Читать дальше...

Парламент бүгүн, 22-декабрдагы жыйынында Жогорку соттун судьясы Дильфуза Боронбаеваны убактылуу кызматтан четтетүү тууралуу президенттин сунушуна макул болду. Бул маселе добуш берүүгө бир нече жолу коюлуп, төртүнчү жолкусунда 63 депутат “макул”, тогузу каршы добуш берген. Быйыл жыл башында Улуттук коопсуздук боюнча мамлекеттик комитети (УКМК) Жогорку соттун дагы бир судьясына карата мыйзамсыз баюу боюнча иликтөө башталганын билдирген. 11-январда таратылган расмий кабарга ылайык, соттор коллегиясынын... Читать дальше...

22-декабрда Баткен облусунун Тажикстан менен чектеш аймагында, Арка - Максат жолунда бараткан автоунаага "ок атылды" делген тасма интернетке тарады. Кыргызстандын Чек ара кызматы​ окуя тууралуу "тажик аскерлери кыргызстандык айдоочуну алып кетүүгө аракет кылды" деген маалымат берди. Тажикстан тараптан азырынча расмий комментарий боло элек. 22-декабрда кыргыз-тажик чек арасындагы ок атылган окуядан кийин  чектеш аймактагы карапайым калк коопсуздуктан улам түнү менен айылда күзөт уюштурушту. “Абал тынч. Читать дальше...

Улуттук коопсуздук комитети "Кумтөр" боюнча иш тергелип жатканын, анын ичинде мурдагы президент Аскар Акаевге карата жаңы айыптар коюлганын жарыялады. Мунун алдында Кыргызстанга экинчи ирет келип кеткен мурдагы президент ага карата бардык иштер жабылганын билдирсе, камактагы мурдагы бир нече жетекчи эркиндикке чыккан. Кумтөр маселесинин айланасындагы соңку кырдаал коомчулуктун көңүл чордонунда турат. Учурдагы бийлик убада кылган коррупцияга каршы күрөш канчалык өтөсүнө чыгууда? Бул суроого «Эксперттер талдайт берүүсүндө жооп издейбиз.

Оппозициялык саясатчы Бактыбек Калмаматов Улуттук коопсуздук комитетинин тергөө абагына камалды. Жогорку Кеңештин алтынчы чакырылышы 22-декабрда акыркы жыйынын өткөрдү. Украинанын экс-президенти Петро Порошенко мамлекетке чыккынчылык кылган деп шек саналууда.

Улуттук коопсуздук боюнча мамлекеттик комитети (УКМК) аймактар аралык кастыкты козутууга шектүү катары кармаган Жогорку Кеңештин мурдагы депутаты Бакытбек Калмаматовдун үйүндө тинтүү жүргүзүлүп жатканын “Азаттыкка” анын адвокаты Айым Камчыбекова билдирди. Ал учурда экс-депутаттын кеңсеси тинтилип жатканын кошумчалады. Мурдараак УКМК Калмаматов аймактар аралык кастыкты козутууга шектелип кармалганын маалымдаган. Мекеменин басма сөз кызматы тараткан билдирүүдө Калмаматовдун социалдык тармактар аркылуу... Читать дальше...

Улуттук коопсуздук боюнча мамлекеттик комитет (УКМК) Жогорку Кеңештин мурдагы депутаты Бактыбек Калмаматов аймактар аралык кастыкты козуткандыгы үчүн кармалганын билдирди. УКМКнын басма сөз кызматы тараткан маалыматка караганда, атайын кызмат өлкөнүн жарандарынын ортосунда кастыкты козуткан, тынчтыкты жана ынтымакты бузган адамдарды аныктоо  максатында интернетке мониторинг жүргүзгөн. “Аткарылган иш-чаранын жүрүшүндө Жогорку Кеңештин мурдагы депутаты Бактыбек Калмаматовдун социалдык тармактар аркылуу... Читать дальше...

"Кумтөр иши" боюнча экинчи жолу Бишкекте сурак берип кеткен Кыргызстандын биринчи президенти Аскар Акаев "бардык айыптоолордон кутулганы" тууралуу орусиялык басылмага маек курду. Улуттук коопсуздук комитети Акаевге жаңы айыптоолор коюлганын билдирди. Ал тапта 2010-жылкы Июнь окуясы боюнча Убактылуу өкмөттүн мүчөлөрү суракка чакырыла баштады. Кыргызстандын Малайзиядагы элчиси, 2005-жылы Март ыңкылабынан кийин Башкы прокуратураны башкарган, 2010-жылы Апрель ыңкылабынан кийин Убактылуу өкмөттүн мүчөсү... Читать дальше...

Пандемиядан улам экономикалык кризисти баштан кечирип жаткан ишкерлер кийинки кезде экономикалык реформаларга байланыштуу абал оорлошуп баратканын айтууда. Бүгүнкү кырдаал тууралуу эл аралык ишкер кеңешинин жетекчиси Аскар Сыдыков менен маектештик. Аскар Сыдыков: - Өзүңүздөр жакшы билесиздер, пандемия башталгандан бери элдин акчасы азайып, чөнтөгү жукарды. Чек аралар жабылып, рейддер жокко чыгарылгандан кийин көптөгөн ишкерлер чыгым тартты. Андан кийин былтыр октябрдагы саясий окуялар башталып кетти, бир нече шайлоо болуп өттү. Читать дальше...

УКМКнын Чек ара кызматы 22-декабрда кыргыз-тажик чек арасындагы курал колдонуу менен коштолгон окуя боюнча түшүндүрмө берди. “Алдын ала маалыматтар боюнча, кыргыз жараны Лейлек районунун Максат — Жаштык жолунда КамАЗ үлгүсүндөгү унаа менен кетип бара жаткан. Жол кыргыз-тажик чек арасын бойлой жайгашкан. Айдоочу арыктан суу алуу үчүн токтогон маалда анын жанына Тажикстандын үч чек арачысы келип, унаага отуруп, андан Тажикстандын аймагына өткөрүүнү талап кылышкан. Айдоочу жолун үчөө менен улантып бара жатып башка автоунаанын жолун тосуп... Читать дальше...

“Кыргызнефтегаз” ишканасынын төрагасы болуп Нургазы Нишанов дайындалды. Бул тууралуу Мамлекеттик мүлктү башкаруу фондунан билдиришти. Нургазы Нишанов Жогорку Кеңештин мурдагы депутаты. Ал 2017-жылы мандатын тапшырып, "Кыргызжылуулукэнерго" мамлекеттик ишканасына жетекчи болуп дайындалган. 2020-жылдагы парламенттик шайлоого "Биримдик" партиясынын тизмеси менен катышкан. "Кыргызнефтегаз" ишканасынын 85% акциясы Мамлекетттик мүлк фондуна, калганы элге тиешелүү.  Ишкана быйыл президент менчикке... Читать дальше...

Президент Садыр Жапаров Кыргызстандын Азербайжандагы элчиси Кайрат Осмоналиевге катуу сөгүш жарыялады. Бул тууралуу президенттин басма сөз кызматы билдирди. Маалыматта "Sputnik Азербайжан" агенттигинин пресс-борборундагы басма сөз жыйынына шилтеме кылуу менен Кайрат Осмоналиев “Кыргызстан Орто Азия жана Кавказ өлкөлөрүнө Орусиядан өзүнчө жолугушууну сунуштады” деп жарыяланган маалымат чындыкка дал келбей турганы жана чагымчыл мүнөзгө ээ экени айтылат. Элчинин маегинде бул тууралуу сөз да болбогону белгиленген. Читать дальше...

Москвалык укук коргоо кызматкерлери Казанда Татарстандын мамлекеттик кеңешинин депутаты, Казан федералдык университетинин ректору Илшат Гафуровду кармашты. Бул тууралуу «Бизнес онлайн», «Татар-информ» жана «Реалное время» басылмаларынын булактары билдирди. Бул медиа булактарынын айтымында, окумуштуу уюшкан кылмыштуулук менен байланышы бар деп шек саналышы мүмкүн. Гафуров университетти 2010-жылдан бери жетектеп келет. Ага чейин ал 12 жыл Елабуга шаарынын мэри болуп,  Елабуга облусун жетектеп турган. Читать дальше...

Түрк лирасынын кунсузданышы 22-декабрда президент Режеп Тайып Эрдоган улуттук валютаны олку-солкулуктан коргоо үчүн жарыялаган жаңы чаралардан кийин кайра күчөдү. 21-декабрь күнү бир АКШ доллары 12,4 лирага бааланса, 22-декабрда эртең мененки акча алмаштыруу курсунда анын наркы кайра 12,25 лирага чыкты. Эрдоган мурунку күнү чаралар пакетин жарыялагандан кийин АКШ долларынын наркы 6% өстү. 20-декабрда лиранын долларга карата курсу 18,36 болуп,  эң төмөнкү чекке жеткенден кийин түрк валютасы... Читать дальше...

Жаштарды ишкердикке тартуу жана алардын ишкер демилгелерин колдоо максатында Өзбекстандын Улуттук банкына президенттин жарлыгы менен 100 миллион доллар бөлүндү. Өзбекстандын Юстиция министрлигинин маалыматы боюнча, 21-декабрдагы өкмөттүн №765-токтомуна ылайык, бул каражаттар 2022-2024-жылдары жаш ишкерлердин жаңы бизнес долбоорлорун каржылоо үчүн насыя катары бөлүнөт. Миңден 2000ге чейинки (540 миллион сумга же 49,8 миң АКШ долларына чейинки) базалык эсептеги кредиттер Борбордук банктын курсу боюнча 7 жылга чейин... Читать дальше...

Өз убагында Ницше, Шопенгауэр сыяктуу эле атак-даңкка ээ болуп, дүйнөлүк коомчулуктун кудум олуя сыяктуу сый-ургалына татыган Лев Толстойдун жазуучу катары адабият, маданиятка кошкон салымын сөз менен айтып бүтүрүү дегеле мүмкүн эместей. Анын бүгүнкү доордо эске алгыдай сабактары тууралуу ой жүгүртөлү. Айтматов аздектеген залкар Ошол заманда (XIX кылымдын аягы, XX кылымдын башы) жүз миңдеген кишилер Толстойго кадимки пайгамбардай эле катуу ишенип, аны пир тутуп, ээрчип, азыркы тил менен айтканда... Читать дальше...

Шейшемби күнү кечинде Тбилисиде парламент имаратынын алдына оппозициянын миңдеген тарапкерлери чогулуп, камактагы экс-президент Михаил Саакашвилини бошотууну талап кылышты. Оппозиция лидерлеринин бири Хатия Деканоидзе "Грузияда адамдардын эркиндиги менен соодалашууну токтотуу керек" деп чогулгандарга кайрылды. Оппозициянын дагы бир өкүлү Заал Удумашвили талаптар аткарылмайынча мөөнөтсүз нааразылык акцияларын өткөрүүгө убада берди. "Үчүнчү президент (Саакашвилини айтып жатат) бошотулмайынча... Читать дальше...

Биринчи май райондук соту "Кой-Таш окуясы" боюнча айыпталып абакта жаткан саясатчы Равшан Жээнбековду тергөө абагында кармоо тууралуу бөгөт чарасын узарткан жок. Бул тууралуу адвокат Замир Жоошев билдирди. Адвокаттын айтуусунда, жаңы Жазык-процессуалдык кодекске ылайык, соттук териштирүү учурунда айыпталуучуну бир жылдан ашык тергөө абагында же үй камагында кармаса болбойт. Эми 28-декабрда №1 тергөө абагында отурган Равшан Жээнбеков бошотулушу керек. Замир Жоошев "Кой-Таш" окуясы боюнча үй камагындагы... Читать дальше...

Баткен облусунун Тажикстан менен чек аралаш аймагындагы Максат айылына жакын жерде - Арка-Максат жолунда бараткан автоунаага "ок атылды" делген тасма 22-декбарда түштөн кийин соцтармактарда тарады. Бул окуя боюнча Баткен облустук чек ара башкармалыгынын жетекчиси тажикстандык кесиптештери менен жолугушуп жатканы маалым болду. Ок атуу окуясын “Азаттык” радиосуна аймактык чек ара башкармалыгынан тастыкташты. Бирок, ок атуунун себеби жана ким тарабынан атылганы боюнча такталгандан кийин гана толук маалымат берилерин билдиришти. Читать дальше...

Орусиянын президенти Владимир Путин федерациянын курамындагы республикалардын жетекчилерин президент деп атоого тыюу салып, бирок губернаторлордун шайлануу мөөнөтүнүн чегин алып салган “Мамлекеттик бийлик жөнүндө” мыйзамга кол койду. Бул тууралуу укуктук маалыматтардын расмий интернет-порталында айтылат. Бул документ башында жалпыга маалымдоо каражаттарында аймактык лидерлерди президент деп атоого тыюу салган мыйзам катары белгилүү болгон. Эми алар жөн гана аймактардын башчылары деп атала турганы мыйзамда көрсөтүлдү. Читать дальше...

Жогорку сот "Батукаев иши" боюнча мурдагы президент Алмазбек Атамбаевдин бөгөт чарасын өзгөртүү тууралуу адвокаттардын арызын кароону 17-январга жылдырды. Бул тууралуу мекеменин басма сөз кызматы билдирди. Буга чейин Атамбаевдин жактоочулары Жогорку сот "Батукаев ишин" 22-декабрда кайра карай турганын билдиришкен. Былтыр октябрь окуяларынан кийин мурдагы президенттин адвокаттары "Сот жараянында Атамбаевдин жарыш сөзгө чыгуу жана акыркы сөз алуу укугу бузулган" деп, Жогорку сотко арызданышкан. Читать дальше...

Жаш сүрөтчүлөрдүн эл аралык пленэри "Ала-Арча" улуттук паркынан башталды. КМШ, Прибалтика жана Грузия өлкөлөрүнөн келген ондогон жаш сүрөтчүлөр 10 күн бою Кыргызстандын кооз жерлерин сүрөткө тартып, өз ара тажрыйба алмашышат. Мындай иш-чара 10-ирет өткөрүлүп жатат.

23-декабрда түнкүсүн Ош, Жалал-Абад, Баткен, Нарын облустарынын кээ бир райондорунда кар жаашы күтүлөт. Бул тууралуу Кыргызгидромет борбору маалымдады. Күндүзү Чүй, Ош, Жалал-Абад, Баткен, Нарын облустарынын кээ бир райондорунда жамгыр, кар жаашы күтүлөт Абанын температурасы: Чүй облусунда түнкүсүн -2...+3, күндүз 7…12; Талас жергесинде түнкүсүн -3...+2, күндүз 7…12; Баткен, Ош, Жалал-Абад дубандарында ​түнкүсүн -2…+3, күндүз 10…15; Ысык-Көл облусунда түнкүсүн 0…-5, күндүз 3…8; Нарын облусунда түнкүсүн -14…-19... Читать дальше...

Саясатчы, парламенттин мурдагы депутаты Бактыбек Калмаматов УКМКнын тергөө абагына 48 саатка камакка алынганын анын адвокаты Айым Камчыбекова айтып чыкты. Улуттук коопсуздук комитети Калмаматовго "Расалык, этностук, улуттук, диний же региондор ортосундагы кастыкты (араздашууну) козутуу" беренеси менен айып таккан. "Бул ойдон чыгарылган айып. Элдин баары анын видеолорун көргөн. Эч кандай араздашууну козутуу жок. Жалгыз оппозициялык саясатчыга карата куугунтук", - деди адвокаты. УКМК азырынча расмий маалымат бере элек. Читать дальше...