Новости за 29.06.2020

Ооганстандын түштүгүндөгү Гильменд провинциясында мал базарды бутага алган чабуулдан кеминде 23 кишинин өмүрү кыйылып, ондогон адамдар жараат алды. 29-июнда урулган артиллериялык соккудан мерт болгондордун арасында өспүрүмдөр да бар экенин провинциянын басма сөз кызматы билдирди. Жергиликтүү бийлик бул чабуул үчүн "Талибан" кыймылын күнөөлөсө, талибдер өкмөттү айыптады. Ооганстандын расмий өкүлдөрү "Талибандын" өткөн айда Орозого карата убактылуу токтогон чабуулдары соңку апталарда кайра күчөгөнүн айтып жатышат. Читать дальше...

Ирандын бийлиги генерал Касем Сулейманинин өлүмүнө байланыштуу АКШ президенти Дональд Трампты жана дагы 35 адамды камакка алуу тууралуу ордер чыгарды. Бул тууралуу Тегерандын прокурору Али Алкасимехр 29-июнда билдирди. Анын айтымында, Иранда америкалык саясатчыларга жана аскердик жетекчилерге "Киши өлтүрүү" жана "Террордук акт" беренелери боюнча сыртынан айыптар тагылды. Прокурор Алкасимехр Ирандын бийлиги "Интерпол" уюмуна тизмедеги адамдарды камакка алуу өтүнүчүн жөнөткөнүн да кошумчалады. ... Читать дальше...

Мурдагы бажы кызматкери Эмилбек Кимсановдун абакта сабалганы боюнча сотко чейинки тергөө жүрүп жатат. Жабык жайлардагы мыйзамдуулукту көзөмөлдөгөн прокуратура бул маалыматты иликтөөнү Жаза аткаруу боюнча мамлекеттик кызматка тапшырган.

Биринчи вице-премьер-министр Алмазбек Баатырбеков дары-дармек жана медициналык каражаттарга баанын өсүшү боюнча кеңешме өткөрдү. Бул тууралуу өкмөттүн басма сөз кызматы маалымдады. Жыйында Саламаттык сактоо министрлигине караштуу Дары-дармек менен камсыздоо жана медициналык техника департаментине тийиштүү мамлекеттик органдар менен биргеликте дары-дармекке бааны убактылуу жөнгө салуу боюнча жумушчу топ түзүү тапшырмасы берилди. Коомчулукта айрым дарыканаларда дары жана медициналык ар кандай каражаттардын баасы өсүп жатканы айтылууда. Читать дальше...

Бишкекте «#RЕакция 3.0» нааразылык акциясы өттү. Аны жаш активисттер “Маалыматты манипуляциялоо жөнүндө” мыйзам долбооруна каршы уюштурушкан. Жүздөгөн адам катышкан, жүрүш менен коштолгон акцияда саясатчыларга сөз берилген жок.

Ошто 20 жылга жакын убакыттан бери жакырчылыкта жашаган эне-бала үчүн эл акча чогулта баштады. 115 жаштагы сузактык Алима апа тунук ою, нуска кеби менен бөлүштү. 15 жаштагы Уран ойлоп тапкан инкубатору менен акча таба баштады. 100 миң сомго жаа саткан уста Баттал Байзаковдун баалуу буюмдары. “Данистенин” бул жолку чыгарылышына ушул баяндарды топтодук.

Жарандык активисттер уюштурган «#REакция 3.0» акциясынын алдында белгисиз адамдар катышуучуларды ага барбоого үндөгөн.

29-июнда президент Сооронбай Жээнбеков Түркмөнстан мамлекет башчысы Гурбангулы Бердымухамедовду телефон аркылуу туулган күнү менен куттуктады. Бул тууралуу президенттин расмий сайты жазды. Жээнбеков куттуктоо сөзүндө Бердымухамедовдун ишине ийгилик каалап, боордош түркмөн элине тынчтык, өнүгүү каалады. “Эки мамлекете башчы кыргыз-түркмөн кызматташтыгын талкуулап, алдыдагы пландарды сүйлөшүштү”, - деп жазылат президенттин сайтында.   Түркмөнстан дүйнөдөгү эң жабык өлкөлөрдүн бири болуп саналат. Читать дальше...

Казакстандын президенти Касым-Жомарт Токаев өкмөткө карантин чараларын кайра киргизүү боюнча планды иштеп чыгууну тапшырды. Анын айтымында, өлкөдө өзгөчө абал аяктаган 11-майдан бери коронавирусту жугузуп алгандардын саны жети эсе көбөйдү. Токаев 29-июнда өткөн видео жыйында вирустун жайылып жатканына байланыштуу облус жетекчилерин, мамлекеттик мекемелердин башчыларын жана министрлерди сындады. Ошондой эле Казакстанда март айында киргизилген чектөөлөргө окшош чаралар зарыл экенин ишара кылды. Төрт... Читать дальше...

Саламаттык сактоо министрлигинин буйругу менен 118 кызматынын алгоритми өзгөртүлдү. Эми 118 кызматы ПЧР тест албайт, бирок мобилдик медициналык бригада кайрылгандардын үйүнө бейтаптардын абалын кароо үчүн келишет. Бул тууралуу Бишкек мэриясы маалымдады. Бишкек мэриясы дарыгерлердин кеңешин алуу үчүн Үй-бүлөлүк дарыгерлер борборлорунун тизмесин жарыялады. Ал тизмени окуу үчүн бул шилтемени басыңыз. Социалдык тармактарда ондогон колдонуучулар дене табы көтөрүлүп ооруп жатканын, тез жардам кызматтары... Читать дальше...

Кыргызстанда коронавируска байланыштуу абал курч болуп жатканын өкмөт өкүлдөрүнүн ишенимсиз билдирүүлөрү жана ден соолугу начарлаган жарандар «коңгуроо какканы» көрсөтүүдө.

Активисттер 29-июнда “Маалыматты манипуляциялоо жөнүндө” мыйзам долбооруна каршы «#RЕакция 3.0» деп аталган нааразылык акциясына чыгышты.

Кыргызстанда эпидемиологиялык кырдаалга байланыштуу медициналык кызматкерлердин кадрлар резерви түзүлдү. Бул тууралуу өкмөттүн басма сөз кызматы маалымдады. Жалпы жолунан тизмеде 870 адам бар. Алардын аймактар боюнча бөлүнүшү төмөнкүдөй: Бишкек шаары – 518 Ысык-Көл облусу – 76 Талас облусу – 70 Нарын облусу – 67 Баткен облусу – 48 Чүй облусу – 42 Ош облусу, Ош шаары – 41 Жалал-Абад облусу – 8 Резервдегилердин 207си медициналык билим берүү уюмдарында. Резервдеги ординаторлор -302. Читать дальше...

Президент Сооронбай Жээнбеков “Медицина кызматкеринин статусу жөнүндө” Кыргыз Республикасынын мыйзамына өзгөртүүлөрдү киргизүү тууралуу” мыйзамга кол койгонун президенттин сайтты жазды.   “Медицина кызматкеринин статусу жөнүндөгү” мыйзамга киргизилген өзгөрүүдө өзгөчө абал жана өзгөчө кырдаал режими учурунда иштеген саламаттык сактоо кызматкерлеринин кепилдиктери жана кенемтелери белгиленген. Алардын катарында өзгөчө абал режиминде ыйгарым укуктуу органга медицина кызматкерлерин жумушуна жетүү үчүн транспорт... Читать дальше...

Саламаттык сактоо министрлигинин кызматкерлерине козголгон кылмыш ишине байланыштуу иштетилбей турган 15 “Тез жардам” автомашинасы Бишкектин Чукул медицина борборуна өткөрүлүп берилди. Өкмөттүн маалыматына караганда, 2018-жылдан бери пайдаланылбай турган автоунаалар борбор калаада “Тез жардам” жетишпей жатканына байланыштуу чыгарылды. Кылмыш иши боюнча тергөө улана бермей болду. Биринчи вице-премьер-министр Алмазбек Баатырбековдун айтымында Саламаттык сактоо министрлигинин кызмат адамдарына кылмыш иши козголуп... Читать дальше...

Президент Сооронбай Жээнбековдун коронавируска кайрадан тапшырган анализи таза чыкты, ал шейшемби күнү парламенттин жалпы жыйынына катышат. Бул тууралуу 29-июнда президенттин басма сөз кызматы кабарлады: "Буга чейин президенттин Москвада жана Бишкекке кайтып келгенде тапшырган анализдери да таза чыккан. Бул күндөрү Сооронбай Жээнбеков байланыштарды азайтуу максатында «Ала-Арча» мамлекеттик резиденциясында аралыктан иштөөнү улантып жатат. 30-июнда мамлекет башчысы Жогорку Кеңештин жыйынына катышат". Читать дальше...

Франциянын президенти Эммануэль Макрон менен Германиянын канцлери Ангела Меркель 29-июнда, пандемия башталгандан бери алгач ирет жолукканы турушат. Меркель Макронду Берлиндин түндүк ыптасындагы Мезерберг сепилиндеги резиденцияда тосуп алмакчы. Өткөн айда француз президенти коронавирустан жабыркаган Европанын экономикалык кыйынчылыктан чыгуусу үчүн 500 миллиард евролук жардам фондун түзүүнү сунуштаган. 26-июндагы маегинде Меркель фондду түзүү демилгесин колдогон.   «Мисалы, Италия жана Испания үчүн коронавирус пандемиясы экономикалык... Читать дальше...

Базар-Коргон районунун Арстанбап айылынын тургуну Билал жарым жылдан бери айылдаштарын самын менен камсыздап келет. Жаш ишкер өз айылында эле сыртка чыкпай ишкердүүлүк жасаса болоорун көрсөттү. Продукцияга керектелүүчү каражаттарды ал жергиликтүү тургундардан сатып алат. Учурда ал чыгарган самын Арстанбапта брендге айлана баштады.

Бишкекте өпкөсүнөн кагынган (пневмония) бейтаптарды дарылоо үчүн кошумча жети жай даярдалды. Бул тууралуу 29-июнда Коронавируска каршы республикалык ыкчам штаб кабарлады. Жети жайда жалпысынан 761 орун бар. Алардын 270и Улуттук госпиталда, "Манас" аэропортунун жанындагы мурда "Ганси" базасы жайгашкан жерде 200, Воронцовка айылындагы Курортология институтунда 120, №1 ооруканада 80, "Темир жолу" ишканасынын ооруканасында 40, Улуттук фтизиатрия борборунда 38 жана Улуттук хирургия борборунда 13 орун. Читать дальше...

Өзү билбестен коронавирустун жайылтуучусу болуп жүргөндөр өтө көп. Бул тууралуу премьер-министр Кубатбек Боронов билдирди. 29-июнда өкмөттүн басма сөз кызматы маалымат таратып, Боронов COVID-19га каршы күрөшүүдө өлкөнүн ар бир жаранынын жардамы маанилүү деп айтканын билдирди: «Кооптуу вирус ар бирибиздин өмүрүбүзгө коркунуч жаратып, арабызда жүрөт. Оорунун белгиси билинбей, инфекцияны алып жүргөндөр өтө көбөйдү. Вирус бар экенин билбестен адам кокусунан аны жайылтуучу болуп калып жатат. Бул илдетти... Читать дальше...

Кыргызстанда быйыл март айынан бери өпкөнүн кагынуусунан (пневмония) 54 адам кайтыш болду. Бул тууралуу 29-июнда онлайн брифингде саламаттык сактоо министри Сабиржан Абдикаримов билдирди. Министрдин айтымында, алардын 48и Бишкекте, алтоо республиканын башка аймактарындагы ооруканаларда көз жумган. Абдикаримовдун белгилешинче, мындай диагноз менен ооруканага жаткырылгандардын өлүмү июнь айынан тартып каттала баштады. Маалыматка караганда, бул аралыкта ооруканаларга "пайда болуу себеби аныкталбаган... Читать дальше...

Быйыл «Алтын Тамга» сынагына катышкан 1250 талапкердин ичинен 234 бүтүрүүчү артыкчылык аттестатына татыктуу экендигин далилдеди. Быйылкы окуучулардын саны былтыркы окуу жылында артыкчылык аттестатын алгандардан 52 окуучуга көп. Билим берүү жана илим министрлигинин чечимине ылайык, "Алтын Тамга" жыйынтыктоочу мамлекеттик аттестациясы санитардык-эпидемиологиялык талаптарды так сактоо менен бардык облустук борборлордогу жана Бишкек шаарындагы тест ѳткѳрүү жайларында жүргүзүлдү. Сынак планшеттер менен, реалдуу режимде ѳткѳрүлдү. Читать дальше...

Ош шаар мэриясынын аппарат жетекчисинин милдетин Жалил Осмонов убактылуу аткарат. Тиешелүү буйрукка Ош шаарынын мэри Таалайбек Сарыбашов кол койгонун басма сөз катчысы Азамат Абсаттаров билдирди. 56 жаштагы Жалил Осмонов Алай райондук акимчилигинде иштеген. “Ага Хан” фондунун Алай райондук бөлүмүн, кийинчерээк Ош шаардык бөлүмүн жетектеп турган. Алай райондук кеңешинин мурдагы депутаты. Өкмөттүн Ош облусундагы өкүлчүлүгүндө каржы жана чарба секторунун башчысы болуп иштеген. 2018-2019-жылдары... Читать дальше...

27-июнь күнү 39 жаш курагында ИИМдин Баңгизаттарды мыйзамсыз жүгүртүүгө каршы күрөшүү кызматынын башчысы Олег Запольский мезгилсиз дүйнөдөн кайтты. Бул тууралуу ИИМдин басма сөз кызматы маалымдады. Маалыматта Запольскийдин өлүмүнө эмне себеп болгону тууралуу сөз жок. Олег Запольскийдин милициядагы ишмердиги баңгизаттарга каршы күрөшүүгө арналган. ИИМдин маалыматында маркум кызмат өтөө учурунда, өзүн дайыма оң жагынан көрсөтө алганы, жоопкерчиликтүү, ыкчам-күжүрмөн тапшырмаларды аткарууда уюштуруучулук... Читать дальше...

30-июнда түнкүсүн Кыргызстандын аймагында жаан-чачын жаабайт. Күндүз Ош, Баткен облустарынын кээ бир райондорунда, Чүй, Жалал-Абад облустарынын тоолорунда өткүн өтүп, күн күркүрөшү, бийик тоолуу аймактарда кар жаашы ыктымал, калган райондордо жаан-чачын жаабайт.  Батыш тараптан келген шамалдын ылдамдыгы секундасына 4-9 метрден  күндүз 15-20 метрге жетиши мүмкүн. Абанын температурасы: Чүй өрөөнүндө түнкүсүн 9…14, күндүз 25…30; Талас жергесинде түнкүсүн 8...13, күндүз 23…28; Ош, Баткен, Жалал-Абад дубандарында ​түнкүсүн 11…16... Читать дальше...