Ломаченко – Кэмпбелл ўртасида WBO, WBA Super, WBC вакант камарлари учун ўтказиладиган жангнинг санаси маълум бўлди
Профессионал бокснинг енгил вазн тоифасида WBA Super ҳамда WBO камарлари соҳиби украиналик Василий Ломаченко (13-1, 10 КО) ҳамда британиялик Люк Кемпбелл (20-2, 16 КО) ўртасида бўлиб ўтадиган WBC вакант титули учун жангнинг санаси эълон қилинди.
Бўлажак, тўқнашув 31 август куни Буюк Британияда ўтиши режалаштирилган. Жангнинг қайси аренада бўлиши эса ҳозирча маълум эмас. Промоутер Эдди Хирннинг таъкидлашича, баҳс ёки Лондондаги «О2 Арена»да ёки «Ҳалл Сити» футбол клубининг стадионида бўлиб ўтади.
Қайд этиш жоизки, бўлажак жанг Ломаченко учун WBA камарининг учинчи ҳамда WBO титулининг иккинчи ҳимояси бўлади.