Казан марафонында 45 мең кеше катнашачак
Быел Казан марафонында Россиянең 78 төбәгеннән һәм 39 илдән 45 мең кеше катнашачак. Ярышларның приз фонды 10 млн сумнан артык тәшкил итәчәк.
Моннан тыш, Казан Марафоны кысаларында бишенче мәртәбә марафон буенча Россия чемпионаты узачак, анда Россиянең әйдәп баручы спортчылары ярышачак. Алар арасында җиңел атлетика буенча 32 тапкыр Россия чемпионы Владимир Никитин да бар. 2026 елда ул карьерасында икенче тапкыр Казан марафонында катнашачак.
Узган еллар белән чагыштырганда, чит илләрдән катнашучылар саны да рекордлы булачак – 876 кеше. Аларның кайберләре Казанга марафонда катнашу өчен Белоруссиядән, Казахстаннан, Үзбәкстаннан, Кыргызстаннан, Германиядән һәм Кениядән махсус килгән.
Казан марафоны 1 майдан 3 майга кадәр узачак. Ярышларның йомгаклау көнендә марафон буенча Россия чемпионаты узачак. Марафон трансляциясен «Матч ТВ» федераль телеканалы эфирында күрсәтәчәкләр.